bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Luganda
/
Luganda (BIBU1) (BIBULIYA ENTUKUVU)
/
Ezekiel 1
Ezekiel 1
Luganda (BIBU1) (BIBULIYA ENTUKUVU)
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 2 →
1
Mu mwaka ogw'amakumi asatu, mu mwezi ogwokuna, ku lunaku olwookutaano olw'omwezi, bwe nali mu bawaŋŋangusibwa okumpi n'omugga Kebari, eggulu ne libikkuka, ne ndaba okulabikirwa kwa Katonda.
2
Ku lunaku olwookutaano olw'omwezi, gwe gwali omwaka ogwokutaano ogw'okuwaŋŋangusibwa kwa kabaka Yoyakini,
3
ekigambo ky'Omukama kyajja eri Ezekyeli kabona, mutabani wa Buzi, mu nsi y'Abakaludeya, okumpi n'omugga Kebari; omukono gw'Omukama gwamuliko eyo.
4
Bwe natunula, ne ndaba kikuŋŋunta ng'afulumye emambuka, n'ekire ekinene ekyetooloddwa ekitangaala eky'amaanyi nga kivaamu ebimyanso by'omuliro; mu muliro wakati mwali mwaka ng'ekyuma ekyengeredde.
5
Ate mu makkati gaagwo nga mulimu ebifaanana ng'ebiramu ebina. Byali bifaanana bwe biti: Byalina endabika ng'ey'omuntu.
6
Buli kimu nga kirina ebyenyi bina n'ebiwaawaatiro bina.
7
Amagulu gaabyo nga matereevu; ebigere byabyo nga biri ng'eby'akayana, nga bimyamyansa ng'ekikomo ekizigule.
8
Wansi mu biwaawaatiro byabyo ku njuyi zaabyo ennya ng'eriyo emikono gy'omuntu. Byonna ebina byalina ebyenyi n'ebiwaawaatiro;
9
ebiwaawaatiro byabyo nga buli kimu kikoona ku kinne waakyo. Buli kiramu kyatambulanga butereevu, tebyakyukanga nga bitambula.
10
Amaaso gaabyo nga gafaanana bwe gati: buli kimu kyalina ekyenyi ng'eky'omuntu, n'ekyenyi ng'eky'empologoma ku luuyi olwa ddyo, n'ekyenyi ng'eky'ente ennume ku luuyi olwa kkono; ebina era byalina ekyenyi ng'eky'empungu.
11
Amaaso gaabyo bwe gatyo bwe gaali. Ebiwaawaatiro byabyo nga byegololedde waggulu; buli kiramu kyalina ebiwaawaatiro bibiri, ng'ekimu kikoma ku kiwaawaatiro ky'ekirala ku njuyi zombi, ate ebibiri nga bibikka omubiri gwakyo.
12
Buli kimu kyatambulanga butereevu, omwoyo gye gwagendanga nga gye biraga, tebyakyukanga nga bitambula.
13
Mu ndabika ebiramu bino nga bifaanana ng'amanda g'omuliro agengeredde oba ng'ebitawuliro ebyatawukanga nga biva eno bidda eri mu biramu. Omuliro nga guvaamu ekitangaala eky'amaanyi n'ebimyanso nga biva mu muliro.
14
Ebisolo byagendanga ne bidda okufaanana ebimyanso by'eraddu.
15
Mba ntunuulira ebiramu, ne ndaba nnamuziga emu ng'ekutte ku ttaka okumpi na buli kiramu eky'ebyenyi ebina.
16
Enfaanana yaazo n'enkola byali bwe biti: nga zitemagana ng'ejjinja erya kirusolito, ate nga zonna ennya zifaanagana; ate mu nkola yaazo nga ziri nga namuziga omukiikiddwa nnamuziga ginnaayo.
17
Bwe zaatambulanga, nga zigenda ku njuyi ennya ebiramu gye byabanga bitunudde; nnamuziga tezaawetanga ebiramu bwe byatambulanga.
18
Emigo gyazo gyali miwanvu nga gyewuunyisa; emigo gyonna ena nga gijjudde amaaso okwetooloola.
19
Ebiramu bwe byatambulanga, nga ne nnamuziga zitambulira kumpi nabyo; ebiramu bwe byesitulanga okuva ku ttaka, nga ne nnamuziga zisituka;
20
Yonna omwoyo gye gwagendanga nga gye biraga, ne nnamuziga nga zisitukirako, kubanga omwoyo gw'ebiramu gwabanga mu nnamuziga.
21
Ebiramu bwe byatambulanga, nga nazo zitambula, bwe byayimiriranga, nga nazo ziyimirira; bwe byasitukanga okuva ku ttaka, nga ne nnamuziga zisitukirako, kubanga omwoyo gw'ebiramu gwabeeranga mu nnamuziga.
22
Waggulu ku mitwe gy'ebiramu nga kubambiddwako ekyali ng'olubaale, nga kitangalijja ng'ejjinja ery'omuwendo, nga kitiisa.
23
Ate wansi w'olubaale nga waliyo ebiwaawaatiro byabyo ebyegolodde, ng'ekimu kyegololeredde eri kinne waakyo; buli kimu kyalina ebiwaawaatiro bibiri ebibisse omubiri gwakyo.
24
Ebiramu bwe byatambulanga, ne mpulira okuwuuma kw'ebiwaawaatiro okuli ng'okuyira okw'amazzi amangi, ng'eddoboozi ly'Omuyinza wa buli kantu, ng'eddoboozi ery'okuyira, ng'okuwuuma kw'eggye. Bwe byayimiriranga, nga bissa ebiwaawaatiro byabyo.
25
Awo ne wabaawo eddoboozi eriva waggulu w'olubaale olwali waggulu ku mitwe gyabyo; ne biyimirira ne bissa ebiwaawaatiro byabyo.
26
waggulu ku lubaale olwali waggulu ku mitwe gyabyo nga waliyo engeri ya nnamulondo mu jjinja erya saffiro, ate waggulu ku kiri nga nnamulondo nga kutuddeko ekifaanana ng'omuntu.
27
Nalaba ng'okuva mu kyali ng'ekiwato kye okwambuka waggulu ng'ali ng'ekyuma ekyengeredde nga kifaanana ng'omuliro ogukyetoolodde, ate okuva mu kiwato okukka nalaba ng'ekyali ng'omuliro; ekitangaala ekyakaayakana kyali kimwetoolodde.
28
Nga musoke abeera mu bire mu budde obw'enkuba, n'okutangalijja okwamwetooloolanga bwe kwali. Okwo kwe kwali okulabika kw'enfaanana y'ekitiibwa ky'Omukama. Bwe nakiraba ne ngwa ku ttaka nga neevuunise ku maaso gange, ne mpulira eddoboozi ly'omuntu ayogera.
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 2 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48