bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Luganda
/
Luganda (BIBU1) (BIBULIYA ENTUKUVU)
/
Ezekiel 45
Ezekiel 45
Luganda (BIBU1) (BIBULIYA ENTUKUVU)
← Chapter 44
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 46 →
1
“ ‘Bwe mugabanyangamu ensi ng'obusika, mwawulizangako Omukama ekibanja ku nsi ng'ekitundu ekitukuvu, nga kya mikono emitwalo ebiri mu enkumi ttaano obuwanvu n'emikono emitwalo ebiri obugazi; kiriba kitukuvu okwetooloola eyo yonna gye kikoma.
2
Ku ekyo, ettaka lya mikono bitaano ku bitaano liriba lya Kitukuvu n'ekibangirizi ekyereere kya mikono ataano obugazi okwetooloola.
3
Ku kitundu ekyo ekipimiddwako ojja kupimako ekitundu kya mikono emitwalo ebiri mu enkumi ttaano obuwanvu n'emikono omutwalo gumu obugazi; omwo mwe muliba Ekiggwa, ekifo ekitukuvu ennyo.
4
Bwe buliba obutaka obutukuvu obwa bakabona, abo abaweereza mu Kitukuvu, abasembera okuweereza Omukama, kye kiriba ekifo ky'amayumba gaabwe era ekifo ekitukuvu eky'Ekitukuvu.
5
Ettaka lya mikono emitwalo ebiri mu enkumi ttaano mu buwanvu n'omutwalo gumu obugazi bwe buliba obutaka bw'Abaleevi abaweereza mu Kiggwa; era ng'ettaka lyabwe olw'ebibuga mwe banaasulanga.
6
“ ‘Ekibuga munaakiwa ekibanja kyakyo kya mikono enkumi ttaano obugazi n'emitwalo ebiri mu enkumi ttaano obuwanvu; nga kisalagana n'ekitundu ekitukuvu; kiriba kya nnyumba yonna eya Yisirayeli.
7
“ ‘Omulangira wa kufuna ekibanja ekiri ku njuyi zombi ez'ekitundu ekitukuvu n'ekibanja ky'ekibuga, nga kisalagana n'ekitundu ekitukuvu era n'ekibanja ky'ekibuga. Kirigaziwanga kidda ebugwanjuba ku luuyi olw'ebugwanjuba, ate n'ebuvanjuba ku luuyi olw'ebuvanjuba, nga kigenda kikiiba ku nsalo z'ebitundu by'ebika ebugwanjuba n'ebuvanjuba.
8
Ekibanja ekyo kye kiriba obutaka bwe mu Yisirayeli; abalangira bange tebaliddayo kunyigiriza bantu bange, wabula balireka ennyumba ya Yisirayeli abantu ne baba n'ettaka nga bagoberera ebika byabwe.
9
“ ‘Omukama Katonda kino ky'agamba: Abalangira ba Yisirayeli, ekyo kimala. Mulekere awo obukambwe n'okunyaga; mukole ebikolwa eby'obutuufu n'obutuukirivu, mulekere awo okwaya abantu bange, Omukama Katonda y'agamba.
10
Mweyambise ebipimo ebituufu; efa entuufu ne bati entuufu.
11
Efa ne bati bya kubanga bya kipimo kimu, bati ng'eweramu ekyekkumi ekya komeri, n'efa ekyekkumi ekya komeri. Komeri kye kinaabanga ekipimo kwe bigererwa.
12
Sekeli eneebeerangamu gera amakumi abiri; sekeli amakumi abiri ne sekeli abiri mu ttaano ne sekeli kkumi na ttaano byenkana mina emu.
13
“ ‘Ebitambiro bye munaawerezanga binaabeeranga bwe biti: Ekyomukaaga ekya efa okuva ku buli komeri ya ŋŋano, n'ekyomukaaga eky'efa okuva ku buli komeri ya sayiri.
14
N'omuzigo ogugerekeddwa omupimire mu bati gunaabanga kyakkumi kya bati okuva ku buli kori, kori emu ewezaamu bati kkumi oba komeri emu kubanga bati kkumi ze ziweza komeri emu.
15
Era endiga emu ejja kuggyibwanga ku buli ggana ly'endiga ebikumi bibiri okuva mu malundiro ga Yisirayeli. Zino ze ziweerezebwa olw'ekitone eky'obuwunga, ekitambiro ekyokye n'ebitambiro eby'okussa ekimu olw'okuddaabiriza olw'abantu, y'agamba Omukama Katonda.
16
Abantu bonna mu ggwanga baneetabanga mu kuweereza ekitone ekyo olw'omulangira mu Yisirayeli.
17
Omulangira anaateekwanga okuleeta ebitone eby'ekitambiro ekyokye, n'ebitone eby'obuwunga, n'ebitone eby'okuyiwa, n'ebitambiro eby'okussa ekimu ku mbaga enkulu, ku lw'Okuboneka kw'Omwezi, ku Sabbaato ne ku mbaga enkulu zonna eziragiddwa ez'ennyumba ya Yisirayeli. Ajja kuleetanga ebitone olw'ekibi n'olw'ekitone eky'obuwunga n'ekitambiro eky'okussa ekimu olw'okuddaabiriza olw'ennyumba ya Yisirayeli.
18
“ ‘Omukama Katonda kino ky'agamba: Mu mwezi ogusooka, ku lusooka omwezi, okwatanga ente ennume ento eteriiko kamogo n'otukuza Ekitukuvu.
19
Kabona anaddiranga ku musaayi gw'ekitambiro olw'ekibi n'agussa ku myango gy'Ekiggwa ku nsonda ennya ez'oluzizi lw'Omwaliiro, ne ku myango gy'omulyango ogw'oluggya olw'omunda.
20
Bw'otyo bw'onookolanga ne ku lunaku olwomusanvu olw'omwezi olw'okubeera buli yenna asobya mu kuwubwa oba mu butamanya; bwe mutyo ne muddaabirizanga olw'Ekiggwa.
21
Mu mwezi ogusooka ku lunaku olw'ekkumi n'ennya ye Pasika yammwe. Embaga ya kumalanga ennaku musanvu, emigaati egitazimbulukuse gye ginaaliibwanga.
22
Ku olwo omulangira anaaleetanga ente ennume olw'ekitambiro olw'ekibi ku lulwe ne ku lw'abantu bonna mu ggwanga.
23
Ate buli lunaku mu nnaku omusanvu ez'embaga anaaleetanga ente ennume musanvu n'endiga ennume musanvu ezitaliiko kamogo olw'ekitambiro ekyokye, ate n'embuzi ennume olw'ekitambiro olw'ekibi buli lunaku.
24
Ate olw'ekitone eky'obuwunga anaaleetanga efa ku buli nte nnume n'efa ku buli ndiga nnume, n'assaako ne yini y'omuzigo ku buli efa.
25
“ ‘Ku mbaga ebeerawo mu mwezi ogwomusanvu ku lunaku olw'ekkumi n'ettaano, anaakolanga kye kimu okumala ennaku musanvu, ng'aleeta ebitone olw'ekitambiro olw'ekibi n'olw'ekitambiro ekyokye n'ekitone eky'obuwunga, era n'omuzigo.’ ”
← Chapter 44
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 46 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48