bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Luganda
/
Luganda (BIBU1) (BIBULIYA ENTUKUVU)
/
Ezekiel 34
Ezekiel 34
Luganda (BIBU1) (BIBULIYA ENTUKUVU)
← Chapter 33
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 35 →
1
Ekigambo ky'Omukama kyanzijira nti:
2
“Mwana w'omuntu, langa oyogerere abasumba ba Yisirayeli; langa ogambe abasumba nti: ‘Omukama Katonda kino ky'agamba: Zibasanze mmwe abasumba ba Yisirayeli, mmwe abeefaako mwekka. Abasumba endiga si ze bandirunze?
3
Amata ye mmere yammwe, engoye mwambala za byoya bya ndiga, muttamu ensolo ensavuwaze, sso lyo eggana nga temulirabirira.
4
Ennyongobevu temugizizzaamu ndasi, endwadde temugiwonyezza, emmenyefu temugisibye, ebaamye temugikomezzaawo, ebuze temuginoonyezza; muzifuzizza maanyi na bukambwe.
5
Endiga kwe kubuna emiwabo, kubanga tezaalina musumba; bwe zasaasaana ebisolo byonna eby'omu nsiko ne bizirya.
6
Endiga zange zaabungirabungira mu nsozi zonna na ku buli kasozi akawanvu, ne zisaasaanira wonna mu nsi, ne wataba anoonyaako, yadde aziwondera.
7
“ ‘Kale nno, abasumba, muwulire ekigambo ky'Omukama:
8
Nze nga ndi mulamu, Omukama Katonda y'agamba, kubanga eggana lyange linyagibwa, endiga zange ebisolo byonna eby'omu nsiko ne bizeeriira olw'obutabaawo musumba; era kubanga abasumba bange tebanoonya ndiga zange, wabula beefaako bokka mu kifo ky'okulabirira endiga zange,
9
kale nno, mmwe abasumba, muwulire ekigambo ky'Omukama:
10
Omukama Katonda kino ky'agamba: Nze nzennyini nnyiigidde abasumba; nzija kubaggyako obuvunaanyizibwa ku ndiga zange; nzija kubaggyako ogw'okulunda endiga zange, nabo bennyini tebaddeyo kwerabirira. Endiga zange nzija kuziwonya mu kamwa kaabwe, teziddeyo kubeera kyabwe kya kweliira.
11
“ ‘Kubanga Omukama Katonda kino ky'agamba: Nze nzennyini nzija kunoonya endiga zange, nzija kuzirabirira.
12
Ng'omusumba bw'alabirira endiga ze, lw'abeera nazo nga zisaasaanye, nange bwe ntyo bwe ndirabirira endiga zange; ndiziwonyaayo eyo mu bifo wonna gye zaasaasaanira ku lunaku lw'ekire n'enzikiza.
13
Nzija kuziggyayo mu mawanga, nzikuŋŋaanye okuva eyo mu nsi, nzikomyewo mu nsi yaazo. Nzija kuzirundira mu nsozi za Yisirayeli, mu biwonvu ne wonna mu nsi awaasengwa abantu.
14
Nzija kuziriisiza mu malundiro amalungi, ne ku katemyo k'olusozi lwa Yisirayeli y'eribeera amalundiro gaazo, eyo gye zirigalamiranga mu malundiro amalungi, eyo gye ziririiranga mu malundiro agaddugazizza ku nsozi za Yisirayeli.
15
Nze nzennyini ndyerundira endiga zange, ne nzigalamiza, Omukama Katonda y'agamba.
16
Eyali ebuze nzija kuginoonya, nkomyeewo eyali ebaamye, emmenyefu nzija kugisiba, ennyongobevu ngizzeemu endasi, engevvu n'ey'amaanyi nzija kuzissaako eriiso; nzija kuzirunda mu bwenkanya.
17
“ ‘Nammwe, endiga zange, Omukama Katonda kino ky'agamba: Nzija kulamula wakati w'endiga n'endiga, ne wakati w'endiga ennume n'embuzi ennume.
18
Okuliira mu malundiro amalungi tekibamalira? Lwaki ate mwandirinnyiridde eddundiro lyammwe lyonna n'ebigere? Tekibamalira okunywa amazzi amayonjo? Lwaki ate mwandigasiikudde n'ebigere byammwe?
19
Endiga zange zandiriiridde mmwe mwe mumaze okulinnyirira, era zandinywedde amazzi ge mumaze okusiikuula?
20
Kale nno kino Omukama Katonda ky'agamba: Nzuuno nze nzija kwelamulira wakati w'engevvu n'enkovvu.
21
Kubanga endiga mwaziwumiranga embiriizi n'enkwakwa, ennyongobevu ne muzitomera n'amayembe gammwe okutuusa lwe mwazigobera ebweru,
22
nzija kudduukirira endiga zange, teziriddayo kunyagibwa; nzija kulamula wakati w'endiga n'endiga.
23
“ ‘Nzija kuzissaako omusumba omu anaazirunda, omuweereza wange Dawudi; y'anaazirunda, y'aliba omusumba waazo.
24
Nze Omukama nze ndiba Katonda waazo, ate omuweereza wange Dawudi nga ye mulangira mu zo wakati, nze Omukama njogedde.
25
Era nzija kukola nazo endagaano ey'eddembe, ensi ngimaleko ebisolo ebikambwe byonna, zibeerenga eyo mu ddungu mu ddembe, ne mu bibira zeebakenga.
26
Ndiziwa omukisa, era na byonna ebyetoolodde akasozi kange; nditonnyesanga enkuba mu budde bwayo; walibaawo enkuba ey'omukisa.
27
Emiti mu nnimiro giribala ebibala byagyo, n'ettaka lirimeza ebimera byalyo; balituula ntende mu nsi yaabwe. Olwo balimanya nti nze Mukama bwe ndimenya ebiti by'ekikoligo kyabwe, ne mbaggya mu mikono gy'abaabafuula abaddu.
28
Amawanga tegaliddayo kubanyagulula n'ebisolo ebikambwe tebiribakavvula; wabula balibeera mu ddembe nga tewali abakanga.
29
Ndibasibusiza ebimera eby'erinnya, tebaliddayo kudooba lwa njala mu nsi, yadde okubeera ekisekererwa mu mawanga.
30
Olwo balimanya nti nze Omukama Katonda ndi nabo, nti nabo, ennyumba ya Yisirayeli, bantu bange, Omukama Katonda y'agamba.
31
Mmwe endiga zange, muli ggana, abantu b'omu ddundiro lyange, nange ndi Katonda wammwe, Omukama Katonda y'agamba.’ ”
← Chapter 33
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 35 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48