bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Ezekiel 10
Ezekiel 10
Lahu Bible Edited © Thailand Bible Society and Bible Society of Myanmar, 2010, 2020.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 11 →
1
Toˍ la‸ kʼuˉ cawˬ ve to nuˇ to shaˆ oˇ ve teˇ hpaˍ awˬ hkʼoˆ lo ngaˬ nyi peu ve teˇ yanˇ, yawˇ hui ve oˉ kʼoˍ hkʼoˆ lo haˉ pui shehnˉ yuˬ te taˍ ve hta‸ shuˍ ve kʼaw jaw teˇ maˬ hta‸ ngaˬ gʼa mawˬ ve yoˬ.
2
Da‸ jaˇ ve hpa veu‸ deh taˍ ve chaw oˇ ve hta‸ Gʼuiˬsha chi hkʼe kʼoˆ piˇ ve yoˬ. To nuˇ to shaˆ oˇ ve teˇ hpaˍ awˬ hawˉ lo cawˬ ve gaˉ yaw teˇ hpaˍ awˬ kaˍ lo kʼai leh, aˬ miˍ to‸ chehˇ ve shiˉ gʼeu‸ hta‸ ca hkaˆ yuˬleh, venˇ hkʼoˆ lo baˬ peu-o, teh‸ yawˇ hta‸ kʼoˆ piˇ ve yoˬ.
3
Yawˇ kʼai chehˇ ve teˇ yanˇ, toˍ la‸ kʼuˉ cawˬ ve to nuˇ to shaˆ oˇ ve teˇ hpaˍ lehˬ bon yehˬ awˬ hawˉ hpawˇ lo huˉ chehˇ taˍ ve yoˬ. Bon yehˬ hkʼaw mvuhˇ hkʼawˇ hkʼa biˇ cawˬ taˍ ve yoˬ.
4
Gʼuiˬsha ve awˬ me‸ awˬ hponˇ lehˬ, to nuˇ to shaˆ oˇ ve teˇ hpaˍ geh tawˆ kʼai leh, bon yehˬ ve yehˬmiˉhpe‸ lo ca jiˆ chehˇ taˍ ve yoˬ. Oˇ htaˇ, bon yehˬ hkʼaw mvuhˇ hkʼawˇ hkʼa biˇ cawˬ taˍ leh, bon yehˬ awˬ baˬ hpawˇ lo awˬ gʼeuˆ ba tawˆ la chehˇ ve yoˬ.
5
To nuˇ to shaˆ oˇ ve teˇ hpaˍ ve toˍ la‸ kuˉ awˬ hkawˇ bvuhˬ chehˇ ve hta‸ bon yehˬ awˬ baˬ hpawˇ lo htawˇ gʼa kaˇ ve yoˬ. Awˬ hkawˇ oˇ ve lehˬ, kanˇ paˆ uiˍ jaˇ ve Gʼuiˬsha ve awˬ hkawˇ hkʼe hpeh‸ ve yoˬ.
6
Gʼuiˬsha lehˬ da‸ jaˇ ve hpa veu‸ deh taˍ ve chaw oˇ ve hta‸ to nuˇ to shaˆ teˇ hpaˍ awˬ hawˉ, gaˉ yaw teˇ hpaˍ awˬ kaˍ lo cawˬ ve aˬ miˍ shiˉ gʼeu‸ hta‸ ca yuˬ tuˬ tawˇ piˇ ve teˇ yanˇ, chaw oˇ ve kʼai leh gaˉ yaw teˇ maˬ awˬ paˇ lo huˉ taˍ ve yoˬ.
7
To nuˇ to shaˆ teˇ hkehˬ lehˬ yawˇ ve la‸ sheh oˇ kaˬ lo cawˬ taˍve aˬ miˍ hkʼaw hkaˆ keu leh shiˉ gʼeu‸ teˇ hpaˍ hta‸ yuˬ peuˬ hkʼaw‸ nawˉ, da‸ jaˇ ve hpa veu‸ deh taˍ ve chaw oˇ ve hta‸ piˇ ve yoˬ. Chaw oˇ ve lehˬ shiˉ gʼeu‸ hta‸ yuˬ leh tawˆ kʼai ve yoˬ.
8
To nuˇ to shaˆ oˇ ve teˇ hpaˍ lehˬ toˍ la‸ kʼuˉ awˬ hawˉ lo chaw yaˇ ve la‸ sheh hta‸ shuˍ ve la‸ sheh teˇ hpaˍ cawˬ ve hta‸ ngaˬ gʼa mawˬ ve yoˬ.
9
To nuˇ to shaˆ oˇ ve teˇ hpaˍ awˬ paˇ lo, gaˉ yaw awˇ maˬ cawˬ taˍ ve hta‸ htawˇ ngaˬ gʼa mawˬ ve yoˬ.
10
Gaˉ yaw oˇ ve teˇ hpaˍ lehˬ, shehnˉ shiˍ hkʼe awˬ gʼeuˆ ba leh, gaˉ yaw oˇ ve teˇ maˬ le le hta‸ awˬ nu ve gawˉ yaw ehˉ teˇ maˬ kʼaw‸ tcuhˉ naw‸ piˇ taˍ ve yoˬ.
11
To nuˇ to shaˆ oˇ ve teˇ hpaˍ jiˆ kʼai ve teˇ yanˇ, yawˇ hui lehˬ choˬ hpfuhˆ oˇ hpfuhˆ maˇ te leh kʼai gaˇ kuiˬ lo kʼai hpeh‸ ve yoˬ. Yawˇ hui kʼai gaˇ kuiˬ lo kʼai hpeh‸ leh, choˬ hpfuhˆ oˇ hpfuhˆ te tuˬ maˇ loˍ.
12
Yawˇ hui ve awˬ to, caw‸ nawˉ hkʼaˇ, la‸ sheh, toˍ la‸ kʼuˉ, leh gaˉ yaw teˇ hpaˍ awˬ hkʼoˆ lo mehˆ shiˍ hkʼa biˇ cawˬ ve yoˬ.
13
Gaˉ yaw oˇ ve teˇ hpaˍ lehˬ, awˉ lawˉ htaˇ awˬ ha hkʼaw ngaˬ gʼa mawˬ taˉ peuˬ ve gaˉyaw teˇ hpaˍ hkʼa shuˍ hpeh‸ ve yoˬ.
14
To nuˇ to shaˆ teˇ hkeh le le mehˆ hpfuhˇ awˇ maˬ cawˬ ve yoˬ. Awˉ lawˉ teˇ hkeh lehˬ nuˇ paˍ lonˉ ve mehˆ hpfuhˇ, nyiˇ hkeh teˇ hkeh lehˬ chaw yaˇ ve mehˆ hpfuhˇ, shehˆ hkeh teˇ hkeh lehˬ laˇ caˬ shiˉ ve mehˆ hpfuhˇ, awˇ hkeh teˇ hkeh lehˬ aˉ ceˬ ve mehˆ hpfuhˇ cawˬ ve yoˬ.
15
(Yawˇ hui lehˬ Hkeˍbaˆ iˉ kaˆ lawˬ paˇ lo ngaˬ gʼa mawˬ taˉ peuˬ ve to nuˇ to shaˆ hkʼa shuˍ hpeh‸ ve yoˬ.) Yawˇ hui mvuhˇ hpe lo taˆ-e ve teˇ yanˇ,
16
gaˉ yaw teˇ hpaˍ htawˇ yawˇ hui hkʼaˇ suh gʼa taˆ-e ve yoˬ. Yawˇ hui toˍ la‸ kʼuˉ hpe leh poˬ ve teˇ yanˇ htawˇ, gaˉ yaw oˇ ve teˇ hpaˍ yawˇ hui hkʼaˇ suh gʼa‸ kʼai ve yoˬ.
17
To nuˇ to shaˆ oˇ ve teˇ hpaˍ jehˇ ve teˇ yanˇ, gaˉ yaw oˇ ve teˇ hpaˍ htawˇ jehˇ sheˬ ve yoˬ. To nuˇ to shaˆ oˇ ve teˇ hpaˍ poˬ kʼai ve teˇ yanˇ, gaˉ yaw oˇ ve teˇ hpaˍ htawˇ yawˇ hui hkʼaˇ suh gʼa‸ kʼai ve yoˬ. Awˬ lawn kʼo, gaˉ yaw oˇ ve teˇ hpaˍ hta‸ yawˇ hui uˉ peunˍ taˍ ve pa taw yoˬ.
18
Oˇ htaˇ, Gʼuiˬsha ve awˬ me‸ awˬ hponˇ bon yehˬ yehˬmiˉhpe‸ lo tawˆ kʼai leh, to nuˇ to shaˆ oˇ ve teˇ hpaˍ hkʼoˆ lo chehˇ sheˬ ve yoˬ.
19
Ngaˬ nyi chehˇ ve teˇ yanˇ, yawˇ hui toˍ la‸ kʼuˉ hpe leh mvuhˇ hpe lo poˬ taˆ-e ve yoˬ. Gaˉ yaw teˇ hpaˍ htawˇ yawˇ hui hkʼaˇ suh gʼa‸ taˆ-e ve yoˬ. Yawˇ hui lehˬ bon yehˬ mvuhˇ nyi tawˆ hpawˇ lo cawˬ ve taˍ meu‸ hpe‸ hkʼoˆ lo jehˇ taˍ leh, Gʼuiˬsha ve awˬ me‸ awˬ hponˇ yawˇ hui awˬ hkʼoˆ lo chehˇ taˍ ve yoˬ.
20
To nuˇ to shaˆ oˇ ve teˇ hpaˍ lehˬ Hkeˍbaˆ iˉ kaˆ lawˬ paˇ lo ngaˬ gʼa mawˬve Iˉsaˍreˍlaˆ Gʼuiˬsha awˬ hawˉ lo chehˇ taˍ ve to nuˇ to shaˆ teˇ hpaˍ hpeh‸ ve hta‸ ngaˬ gʼa shiˍ ve yoˬ.
21
To nuˇ to shaˆ oˇ ve teˇ hkeh le le mehˆ hpfuhˇ awˇ maˬ, toˍ la‸ kʼuˉ awˇ maˬ, leh toˍ la‸ kʼuˉ oˇ ve teˇ hpaˍ awˬ hawˉ lo chaw yaˇ ve la‸ sheh hta‸ shuˍ ve la‸ sheh teˇ hpaˍ cawˬ ve yoˬ.
22
Mehˆ hpfuhˇ oˇ ve teˇ hpaˍ htawˇ, Hkeˍbaˆ iˉ kaˆ lawˬ paˇ lo ngaˬ gʼa mawˬ ve mehˆ hpfuhˇ teˇ hpaˍ hta‸ shuˍ leh, teˇ hkeh le le awˬ gʼuˇ suhˍ hteˇ lehˍ kʼai ve yoˬ.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 11 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48