bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Ezekiel 45
Ezekiel 45
Lahu Bible Edited © Thailand Bible Society and Bible Society of Myanmar, 2010, 2020.
← Chapter 44
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 46 →
1
Iˉsaˍreˍlaˆ chaw teˇ hpaˍ hta‸ mvuhˇmiˬ pehˬ piˇ ve teˇ yanˇ, a shu yawˇ gʼa taˍ ve mvuhˇmiˬ hkʼaw Gʼuiˬsha awˬ pon teˇ tawn ehˉ gʼa fuiˍ teh taˍ ve yoˬ. Gʼuiˬsha hta‸ chiˇ a‸ piˇ taˍ ve miˬguiˬ lehˬ, zuhˬ hpawˇ teˇ chi laˆ leh kʼehˬ hpawˇ hiˉ laˆ gʼa cawˬ piˇ ve yoˬ. Miˬguiˬ oˇ ve lehˬ, da‸ kehˬ ve chehˇ kuiˬ hpeh‸ tuˬ yoˬ.
2
Miˬguiˬ chi hkʼaw, bon yehˬ awˬ pon zuhˬ hpawˇ kʼehˬ hpawˇ 560 shaw‸ cawˬ ve miˬguiˬ teˇ peˆ hta‸ gʼa kʼaw‸ fuiˍ teh taˍ leh, miˬguiˬ oˇ ve hta‸ ngaˇ chi hkaw‸ shaw‸ kʼehˬ ve miˬguiˬ hkʼa caw zuhˇ gʼa cawˬ taˍ piˇ ve yoˬ.
3
Miˬguiˬ chi ve teˇ hkoˇ, zuhˬ hpawˇ teˇ chi laˆ, kʼehˬ hpawˇ awˇ laˆ gʼa kʼaw‸ tehˆ taˍ ve yoˬ. Chehˇ kuiˬ chi ve hkʼaw, da‸ kehˬ jaˇ ve bon yehˬ cawˬ tuˬ yoˬ.
4
Chi ve lehˬ, mvuhˇmiˬ hkʼaw da‸ kehˬ jaˇ ve chehˇ kuiˬ hpeh‸ leh, bon yehˬ chi hkʼaw kanˉ te chehˇ ve paw hkuˇ teˇ hpaˍ awˬ pon gʼa fuiˍ teh taˍ ve yoˬ. Oˇ ve lehˬ, yawˇ hui ve yehˬ leh bon yehˬ awˬ pon teh taˍ ve yoˬ.
5
Awˬ nu ve miˬguiˬ teˇ hkoˇ lehˬ, bon yehˬ hkʼaw kanˉ te chehˇ ve Leˍviˆ chaw hui awˬ pon gʼa fuiˍ teh taˍ ve yoˬ. Oˇ kaˬ lo yawˇ hui chehˇ tuˬ ve venˇ cawˬ la tuˬ yoˬ.
6
Da‸ kehˬ ve chehˇ kuiˬ oˇ ve awˬ paˇ lo, teˇ chi laˆ zuhˬ leh nyiˇ laˆ kʼehˬ ve awˬ nu ve miˬguiˬ teˇ tawn hta‸, oˇ kaˬ lo chehˇ gaˇ ve Iˉsaˍreˍlaˆ chaw hui venˇ te chehˇ hpeh‸ tuˬ gʼa fuiˍ teh taˍ ve yoˬ.
7
Uˉ peunˍ chehˇ ve jawˇmawˇ yaˇ awˬ pon htawˇ, da‸ kehˬ ve miˬguiˬ mvuhˇ nyi kʼehˬ hpawˇ, Awˬ kʼaw ji ve laˇ tsuhˇ gʼuiˬ lo hkʼa gaˬ, leh mvuhˇ nyi tawˆ hpawˇ yawˇ hui ve miˬ tcuhˉ lo hkʼa gaˬ, miˬguiˬ gʼa fuiˍ teh taˍ piˇ ve yoˬ. Miˬguiˬ chi ve zuhˬ hpawˇ lehˬ, Iˉsaˍreˍlaˆ chaw hui pehˬ gʼa taˍ ve miˬguiˬ hkʼaˬ suh chi suh gʼa cawˬ piˇ ve yoˬ.
8
Miˬguiˬ chi ve lehˬ, Iˉsaˍreˍlaˆ mvuhˇmiˬ hkʼaw uˉ peunˍ chehˇ ve jawˇmawˇ gʼa keunˍ ve miˬguiˬ hpeh‸ ve yoˬ. Oˇ hkʼe te ve kʼo, jawˇmawˇ lehˬ chaw yaˇ teˇ hpaˍ geh kʼaw‸ nyiˉ yuˬ tuˬ ve maˇ heˆ. Cawˬ taˍ sheˍ ve awˬ nu ve miˬguiˬ lehˬ, Iˉsaˍreˍlaˆ chaw hui awˬ pon hpeh‸ ve yoˬ.
9
Gʼuiˬsha kʼoˆ ve, Iˉsaˍreˍlaˆ awˬ hoˉ awˬ naˬ teˇ hpaˍ-oˬ, nawˬ hui venˇbaˆ te ve maw jaˇ peuˬ. Nawˬ hui haiˬ ve kanˉ hta‸ te ve leh, shu hta‸ fawˉ mehˍ piˇ chehˇ ve hta‸ teh taˍ-oˆ. Da‸ ve hteˇ ve kanˉ hta‸ tiˉ te-o. Nawˬ hui lehˬ, ngaˬ ve chaw teˇ hpaˍ hta‸ yawˇ hui ve mvuhˇmiˬ hkʼaw gʼa kʼaw‸ gʼa‸ kʼoˬ piˇ tuˬ ve maˇ heˆ. Ngaˬ Gʼuiˬsha nawˬ hui hta‸ chi hkʼe kʼoˆ laˇ ve yoˬ.
10
Chaw teˇ gʼaˇ le le cawˇ ve tsuh tu leh cawˇ ve panˇ kʼoˍ hta‸ ceh tiˉ gʼa yehˇ ve yoˬ.
11
Goˇ ve mawˇ hta‸ tsuh yehˇ ve Eˇhpaˍ lehˬ, awˬ gʼuiˬ hta‸ tsuh yehˇ ve Baˆ hta‸ gʼa hawˍ da‸ piˇ ve yoˬ. Awˬ hkanˉ teh taˍ ve lehˬ, Hawˇmehˇ yoˬ. Teˇ Hawˇ mehˇ lehˬ Teˇ chi Eˇhpaˍ, teˇ chi baˆ hpeh‸ ve yoˬ.
12
Nawˬ hui ve awˬ hkanˉ lehˬ, awˇ hawˉ lo bvuh‸ taˍ ve hkʼe gʼa hpeh‸ piˇ ve yoˬ. Nyiˇ chi geˍraˆ, teˇ hteh‸, Hkaw‸ chi hteh‸, teˇ miˍnaˍ.
13
Nawˬ hui ve tanˇ tuˬ teˇ hpaˍ chi hkʼe gʼa te tanˇ ve yoˬ. Junˍ - hkaw‸ chi pun teˇ pun, cho‸ - hkaw‸ chi pun teˇ pun, shaˍ lonˍchu teˇ ha pun teˇ pun, (chi ve baˆ hta‸ shawˍ leh gʼa tanˇ ve yoˬ.) 10 baˆ - teˇ hawˇ mehˇ, teˇ kawˇraˆ. Yawˬ nyiˇ ha hkeh teˇ hkeh. Nawˬ hui venˇbaˆ gʼa ponˬ tuˬ, awˬ shiˍ awˬ nu tanˇ tuˬ, aˬ miˍ tuˉ tanˇ tuˬ ve to nuˇ to shaˆ teˇ hpaˍ gʼa yuˬ laˬ ve yoˬ. Ngaˬ Gʼuiˬsha chi hkʼe kʼoˆ taˍ peuˬve yoˬ.
16
Mvuhˇmiˬ hkʼaw chehˇ ve chaw hkʼa peu-eˬ, tanˇ tuˬ chi teˇ hpaˍ uˉ peunˍ chehˇ ve Iˉsaˍreˍlaˆ jawˇmawˇ geh gʼa yuˬ laˬ ve yoˬ.
17
Yawˇ lehˬ, aˬ miˍ tuˉ tanˇ tuˬ ve to nuˇ to shaˆ, awˬ shiˍ awˬ nu tanˇ tuˬ, Iˉsaˍ reˍlaˆ chaw hkʼa peu-eˬ awˬ pon, ha pa tawˬ htaˇ te ve pawehˇ, shinˉ nyi, leh awˬ nu ve pawehˇ teˇ hpaˍ awˬ pon, a pehˉ meuˇ gʼuiˬ tanˇ tuˬ chi teˇ hpaˍ gʼa ca piˇ ve yoˬ. Chi hkʼoˆ ka‸, yawˇ lehˬ Iˉsaˍreˍlaˆ chaw hui ve venˇbaˆ hta‸ yuˬ baˬ tuˬ, venˇbaˆ hpehˇ ve tanˇ tuˬ, awˬ shiˍ awˬ nu tanˇ tuˬ, aˬ miˍ tuˉ tanˇ piˇ tuˬ ve tanˇ tuˬ, leh awˬ chawˇ te da‸ ve tanˇ tuˬ awˬ pon, to nuˇ to shaˆ teˇ hpaˍ gʼa ca piˇ ve yoˬ, teh‸ Gʼuiˬsha kʼoˆ ve yoˬ.
18
Gʼuiˬsha kʼoˆ ve, Awˉ lawˉ peuˇ ve teˇ ha pa, awˉ lawˉ peuˇ ve teˇ nyi htaˇ, nawˬ hui lehˬ te‸ chiˉ awˬ kuiˉ awˬ haiˇ maˇ cawˬ ve nuˇ paˍ lonˉ teˇ hkeh hta‸ gʼa tuˉ tanˇ leh, bon yehˬ hta‸ da‸ kehˬ tuˬ gʼa te ve yoˬ.
19
Paw hkuˇ lehˬ, nuˇ suhˍ hta‸ yuˬ leh bon yehˬ hkʼaw ve yehˬmiˉhpe‸, tuˉ tanˇ kuiˬ awˇ ceˍ, leh awˬ hkʼaw hpawˇ ve koˇ caˉ hkʼaw lo‸-e ve yehˬmiˉhpe‸ hta‸ gʼa shehˆ piˇ ve yoˬ.
20
Ha pa oˇ ve suhˍ nyi teˇ nyi gaˬ htaˇ, nawˬ hui lehˬ venˇbaˆ tiˉ te chehˇ ve chaw, maˇ heˆ kʼo maˇ shiˍ maˇ nawˇ ve hkʼaw venˇbaˆ te ve chaw teˇ gʼaˇ gʼaˇ awˬ pon oˇ hkʼe gʼa te ve yoˬ. Oˇ hkʼe te ve kʼo, nawˬ hui lehˬ ngaˬ ve bon yehˬ hta‸ da‸ kehˬ la piˇ tuˬ yoˬ.
21
Awˉ lawˉ peuˇ ve teˇ ha pa, teˇ chi awˇ nyi htaˇ nawˬ hui lehˬ paˍsaˍhkaˍ pawehˇ hta‸ gʼa tanˬ te ve yoˬ. Suhˍ nyi hkʼa gaˬ nawˬ hui hkʼa peu-eˬ diˇ maˇ keu ve hkaoˍmonˇ hta‸ tiˉ gʼa caˇ ve yoˬ.
22
Pawehˇ te ve teˇ nyi htaˇ, uˉ peunˍ chehˇ ve jawˇmawˇ yaˇ lehˬ, yawˇ ve venˇbaˆ leh chaw hkʼa peu-eˬ ve venˇbaˆ awˬ pon nuˇ paˍ lonˉ teˇ hkeh gʼa tuˉ tanˇ piˇ ve yoˬ.
23
Pawehˇ te ve suhˍ nyi hkʼa gaˬ, nawˬ hui lehˬ teˇ nyi le le te‸ chiˉ awˬ kuiˉ awˬ haiˇ maˇ cawˬ ve nuˇ paˍ teˇ hkeh leh yawˬ paˍ teˇ hkeh Gʼuiˬsha hta‸ gʼa tuˉ tanˇ piˇ ve yoˬ. Yawˇ lehˬ teˇnyi le le venˇbaˆ hpehˇ ve tanˇ tuˬ awˬ pon aˉ che‸ awˬ paˍ teˇ hkeh gʼa tuˉ tanˇ piˇ ve yoˬ.
24
Tuˉ tanˇ ve nuˇ paˍ lonˉ leh yawˬ paˍ geh teˇ geh, caˬ hkʼa meu-e shehˆ panˇ leh shaˍ lonˍ chu teˇ kaw gʼa ga hkaw‸ tuˉ tanˇ piˇ ve yoˬ.
25
Ha pa suhˍ maˬ teˇ maˬ, teˇ chi ngaˇ nyi htaˇ gʼa te tuˬ ve Aˉ po kʼo pawehˇ awˬ yanˇ gaˬ htaˇ, jawˇmawˇ yaˇ lehˬ suhˍ nyi oˇ ve teˇ nyi le le venˇbaˆ hpehˇ ve tanˇ tuˬ, aˬ miˍ tuˉ tanˇ ve tanˇ tuˬ, leh caˬ hkʼa meu-e leh shaˍ lonˍ chu teˇ hpaˍ gʼa tuˉ tanˇ piˇ ve yoˬ, teh‸ Gʼuiˬsha kʼoˆ ve yoˬ.
← Chapter 44
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 46 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48