bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Ezekiel 8
Ezekiel 8
Lahu Bible Edited © Thailand Bible Society and Bible Society of Myanmar, 2010, 2020.
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 9 →
1
Ngaˬ hui shu ve mvuhˇmiˬ hkʼaw chehˇ taˍ ve hkaw‸ hkʼaw‸ teˇ hkʼaw‸, ha pa hkaw‸ maˬ teˇ maˬ, ngaˇ nyi htaˇ, Yuˇda‸ chaw awˬ hoˉ awˬ naˬ teˇ hpaˍ ngaˬ geh teˇ geh ngaˬ ve yehˬ hkʼaw mui chehˇ taˍ ve yoˬ. Oˇ htaˇ Gʼuiˬsha ve kanˇ paˆ teˇ cawˬ haˉ ngaˬ awˬ hkʼoˆ lo ya‸ la ve yoˬ.
2
Nga chiˇ nyi leh awˬ ha hkʼaw chaw teˇ gʼaˇ hta‸ ngaˬ gʼa mawˬ ve yoˬ. Yawˇ ve caw‸ cehˍ nyi hta‸ te leh awˬ hawˉ paˉ ve lehˬ aˬ miˍ hta‸ shuˍ leh, yawˇ ve caw‸ cehˍ nyi hta‸ te leh awˬ na paˉ ve lehˬ hkʼa deh‸ shiˆ taˍ ve kuiˇ hkʼe aw gʼeuˆ ba chehˇ ve yoˬ.
3
Yawˇ ve la‸sheh hta‸ shuˍ ve awˬ ceuˬ ngaˬ ve uˉ hkeh mvuh hta‸ ca htawˇ la ve yoˬ. Oˇ htaˇ, Awˬ ha hpu ngaˬ hta‸ mvuhˇ hpe lo chiˇ taˆ laˇ leh, Yeˍruˆsaˍlehnˍ venˇ lo shiˍ kʼai laˇ ve yoˬ. Oˇ ve hkʼaw‸ nawˉ, Gʼuiˬsha hta‸ nyi ma zuhˆ piˇ lawˬ ve shaˉ ho‸ lonˉ teˇ maˬ teh taˍ kuiˬ, bon yehˬ awˬ na hpawˇ ve yehˬmiˉhpe‸ lo ngaˬ hta‸ shiˍ kʼai laˇ ve yoˬ.
4
Hkeˍbaˆ iˉ kaˆ lawˬ paˇ lo chehˇ taˍ htaˇ, ngaˬ gʼa mawˬ jaw taˉ peuˬ ve Gʼuiˬsha ve awˬ me‸ awˬ hponˇ ba tawˆ la chehˇ ve awˬ gʼeuˆ hta‸ oˇ kaˬ lo ngaˬ teˇ pawˆ gʼa kʼaw‸ mawˬ ve yoˬ.
5
Oˇ htaˇ Gʼuiˬsha lehˬ, Chaw yaˇ-oˬ, awˬ na hpawˇ lo chiˇ nyi sheˍ, teh‸ ngaˬ hta‸ kʼoˆ laˇ ve yoˬ. Ngaˬ chiˇ nyi leh yehˬmiˉhpe‸ lo teh taˍ ve tuˉ tanˇ kuiˬ paˇ lo Gʼuiˬsha hta‸ nyi ma zuhˆ piˇ lawˬ ve shaˉ ho‸ teˇ maˬ teh taˍ ve hta‸ ngaˬ gʼa mawˬ ve yoˬ.
6
Oˇ htaˇ, Gʼuiˬsha ngaˬ hta‸ chi hkʼe kʼoˆ laˇ ve yoˬ. Chaw yaˇ-oˬ, hkʼaˬ hkʼe hpeh‸ la chehˇ ve hta‸ nawˬ mawˬ aw laˇ. Choˬ kaˬ lo Iˉsaˍreˍlaˆ chaw teˇ hpaˍ cha‸ chiˆ ve kanˉ hkʼaˬ hkʼe te taˍ peuˬ ve hta‸ nyi sheˍ. Yawˇ hui lehˬ ngaˬ hta‸ ngaˬ ve da‸ kehˬve bon yehˬ hkʼaw vuiˇ kʼai tuˬ te laˇ chehˇ ve yoˬ. Chi a‸ kehˉ cha‸ chiˆ ve kanˉ hta‸ nawˬ gʼa kʼaw‸ mawˬ tuˬ sheˍ ve yoˬ, teh‸ ngaˬ hta‸ kʼoˆ laˇ ve yoˬ.
7
Yawˇ lehˬ ngaˬ hta‸ awˬ baˬ hpawˇ lo shiˍ kʼai laˇ leh, gʼo‸ pa hta‸ htaw pawnˍ taˍ ve awˬ hkʼaw teˇ maˬ hta‸ maˍ laˇ ve yoˬ.
8
Yawˇ kʼoˆ ve, Chaw yaˇ-oˬ, awˬ hkʼaw oˇ ve hta‸ ca lo‸ nyi-o, teh‸ ngaˬ hta‸ kʼoˆ laˇ ve yoˬ. Ngaˬ ca lo‸ nyi leh, yehˬ miˇ teˇ maˬ hta‸ gʼa mawˬ ve yoˬ.
9
Yawˇ hui cha chiˆ ve kanˉ hkʼaˬ hkʼe te chehˇ ve nawˬ yehˬ miˉ oˇ ve hkʼaw ca lo‸ nyi-o, teh‸ ngaˬ hta‸ kʼaw‸ kʼoˆ laˇ ve yoˬ.
10
Hkʼe te leh ngaˬ ca lo‸ nyi ve yoˬ. Gʼo‸ pa teˇ hpaˍ awˬ hkʼoˆ lo, vuiˬ teˇ hpaˍ leh awˬ nu ve cha‸ chiˆ ve to nuˇ to shaˆ teˇ hpaˍ ve awˬ han leh Iˉsaˍreˍlaˆ chaw teˇ hpaˍ oˉ kʼoˍ pui chehˇ ve awˬ han hkʼa biˇ te keu taˍ ve yoˬ.
11
Iˉsaˍreˍlaˆ chaw awˬ hoˉ awˬ naˬ suhˍ chi gʼaˇ leh Shaˍhpanˍ ve yaˇ Yaˍzaˍniˆ htawˇ oˇ kaˬ chehˇ taˍ ve yoˬ. Yawˇ hui lehˬ sha hawnˉ keu ve hkehˇ pe le teˇ gʼaˇ teˇ maˬ yuˬ taˍ leh, sha hawnˉ tuˉ ve mvuhˇ hkʼawˇ hkʼa biˇ tawˆ la chehˇ ve yoˬ.
12
Gʼuiˬsha kʼoˆ ve, Chaw yaˇ-oˬ Iˉsaˍreˍlaˆ awˬ hoˉ awˬ naˬ chi teˇ hpaˍ hkʼaˬ hkʼe te chehˇ ve hta‸ nawˬ mawˬ aw laˇ. Yawˇ hui lehˬ shaˉ ho‸ hkʼa biˇ cawˬ ve bawehˇ hkʼaw oˉ kʼoˍ pui chehˇ ve yoˬ. Gʼuiˬsha ngaˬ hui hta‸ maˇ mawˬ taˬ. Gʼuiˬsha lehˬ mvuhˇmiˬ chi hta‸ baˬ taˉpeuˬ, teh‸ yawˇ hui kʼoˆ chehˇ ve yoˬ, teh‸ ngaˬ hta‸ kʼoˆ laˇ ve yoˬ.
13
Oˇ ve hkʼaw‸nawˉ Gʼuiˬsha lehˬ, Yawˇ hui chi a‸ kehˉ cha‸ chiˆ jaˇ ve kanˉ te chehˇ ve hta‸ nawˬ gʼa mawˬ tuˬ sheˍ ve yoˬ, teh‸ ngaˬ hta‸ kʼoˆ laˇ ve yoˬ.
14
Hkʼe te leh, yawˇ ngaˬ hta‸ bon yehˬ awˬ na hpawˇ lo cawˬ ve taˍ meu‸ hpe‸ lo shiˍ kʼai laˇ leh, suh kʼai peuˬ ve Taˍmuˇzaˆ gʼuiˬ hta‸ nyi taˍ leh paˆ hawˬ chehˇ ve yaˇ miˇ ma teˇ hpaˍ hta‸ maˍ laˇ ve yoˬ.
15
Yawˇ kʼoˆ ve, Chaw yaˇ-oˬ, nawˬ mawˬ aw laˇ. Chi a‸ kehˉ cha‸ chiˆ ve kanˉ hta‸ nawˬ gʼa kʼaw‸ mawˬ tuˬ sheˍ ve yoˬ, teh‸ ngaˬ hta‸ kʼoˆ laˇ ve yoˬ.
16
Hkʼe te leh, yawˇ ngaˬ hta‸ bon yehˬ hkʼaw shiˍ kʼai laˇ ve yoˬ. Tuˉ tanˇ kuiˬ leh yehˬ miˉ awˬ paˇ lo, chaw nyiˇ chi ngaˇ gʼaˇ chehˇ taˍ ve yoˬ. Yawˇ hui lehˬ mvuhˇ nyi tawˆ hpawˇ lo boˆ taˍ leh mvuhˇ nyi hta‸ oˉ kʼoˍ pui chehˇ ve yoˬ.
17
Gʼuiˬsha kʼoˆ ve, Chaw yaˇ-oˬ, nawˬ mawˬ aw laˇ. Yuˇda‸ chaw chi teˇ hpaˍ nawˬ gʼa mawˬ peuˬ ve cha‸ chiˆ ve kanˉ teˇ hpaˍ leh, mvuhˇmiˬ chi hkʼaw sho‸ sha‸ tuˬ ve kanˉ chi teˇ hpaˍ hta‸ te leh nyi hkʼaˇ maˇ suh sheˍ. Yawˇ hui lehˬ bon yehˬ lonˉ awˬ hkʼaw lo ka‸ la lehˬ, ngaˬ hta‸ leuˉ leh nyi ma zuhˆ tu te laˇ chehˇ ve yoˬ. Yawˇ hui ngaˬ hta‸ hkʼaˬ hkʼe taw taw maˇ shawˍ maˇ caˆ te laˇ chehˇ ve hta‸ nyi-o.
18
Yawˇ hui lehˬ ngaˬ nyi ma zuhˆ ve hta‸ gʼa leh‸ nyi tuˬ yoˬ. Ngaˬ yawˇ hui hta‸ ha kʼaˉ leh ponˬ piˇ tuˬ ve maˇ heˆ. Yawˇ hui awˬ hkawˇ bvuhˬ chaweh te leh ngaˬ geh bon lawˬ tuˬ yoˬ. Ya‸ hkʼaˇ, ngaˬ na yuˬ piˇ tuˬ ve maˇ heˆ, teh‸ ngaˬ hta‸ kʼoˆ laˇ ve yoˬ.
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 9 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48