bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Ezekiel 14
Ezekiel 14
Lahu Bible Edited © Thailand Bible Society and Bible Society of Myanmar, 2010, 2020.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 15 →
1
Iˉsaˍreˍlaˆ chaw awˬ hoˉ awˬ naˬ teˇ hpaˍ ngaˬ geh laˬ leh Gʼuiˬsha ve a loˍ hkʼaˬ hkʼe cawˬ ve ngaˬ geh ca jehˬ da‸ la ve yoˬ.
2
Oˇ htaˇ, Gʼuiˬsha ngaˬhta‸ chi hkʼe kʼoˆ laˇ ve yoˬ.
3
Chaw yaˇ-oˬ, chaw chi teˇ hpaˍ lehˬ yawˇ hui ve nyi ma shaˉ ho‸ hta‸ chiˇ a‸ piˇ peuˬ leh, shaˉ ho‸ oˇ ve teˇ hpaˍ lehˬ yawˇ hui hta‸ venˇbaˆ hkʼaw ce lo‸-e piˇ lawˬ ve yoˬ. Ngaˬ yawˇ hui hta‸ tawˇ yaw piˇ tuˬ yoˬ, teh‸ nawˬ dawˇ ve laˇ.
4
Ngaˬ ve tawˇ chi teˇ hpaˍ chi beu‸ yawˇ hui hta‸ kʼoˆ maˍ piˇ-oˆ. A shu yawˇ ve nyi ma shaˉ ho‸ hta‸ chiˇ a‸ piˇleh, shaˉ ho‸ oˇ ve yawˇ hui hta‸ venˇbaˆ hkʼaw ce lo‸-e piˇ peuˬ hkʼaw‸ nawˉ, tcuh kaˍ paˍ geh ca jehˬ da‸ la ve chaw lehˬ ngaˬ yaw hkʼaw‸ piˇ ve tawˇ hta‸ gʼa kaˇ tuˬ yoˬ. Yawˇ shaˉ ho‸ hkʼaˬ ma cawˬ kʼo chi ma kʼaw‸ yaw hkʼaw‸ piˇ ve hta‸ gʼa kaˇ tuˬ yoˬ.
5
Shaˉ ho‸ oˇ ve teˇ hpaˍ lehˬ ngaˬve chaw teˇ hpaˍ ngaˬhta‸ baˬ taˉ tuˬ te ve yoˬ. Ngaˬ kʼaw‸ yaw hkʼaw‸ piˇ ve pa taw yawˇ hui ngaˬ geh kʼaw‸ hpfuhˆ kʼaw‸ la tuˬ ve hta‸ ngaˬ dawˇ law taˍ ve yoˬ.
6
Ngaˬ kʼoˆchehˇ ve tawˇ chi teˇ hpaˍ chi beu‸ Iˉsaˍreˍlaˆ chaw hui hta‸ kʼoˆ maˍ piˇ-oˆ. Nawˬ hui ve cha‸ chiˆ ve shaˉ ho‸ teˇ hpaˍ hta‸ baˬ taˉ leh, ngaˬ geh kʼaw‸ hpfuhˆ kʼaw‸ la-o.
7
Iˉsaˍreˍlaˆ chaw, maˇ heˆ kʼo Iˉsaˍreˍlaˆ mvuhˇmiˬ hkʼaw chehˇ taˍ ve hkehˉ chaw teˇ gʼaˇ gʼaˇ ngaˬhta‸ baˬ taˉ leh shaˉ ho‸ hta‸ oˉ kʼoˍ ca pui taˉ peuˬ hkʼaw‸ nawˉ, tcuh kaˍ paˍ geh ca jehˬ da‸ tuˬ kʼai ve kʼo, ngaˬ yawˇ hta‸ kʼaw‸ yaw hkʼaw‸ piˇ tuˬ yoˬ.
8
Ngaˬyawˇ hta‸ tawˍ taˍ tuˬ yoˬ. Ngaˬ yawˇ hta‸ shu awˬ pon henˇ kuiˬ jawˬ kuiˬ hpeh‸ la piˇ tuˬ yoˬ. Ngaˬ lehˬ Gʼuiˬsha hpeh‸ ve hta‸ nawˬ hui gʼa shiˍ tuˬ yawˇ hta‸ ngaˬ ve chaw geh leuˆ tawˆ tuˬ yoˬ.
9
Tcuh kaˍ paˍ oˇ ve shu hta‸ heˍ leh maˇ heˆ heˆ ve tawˇ yaw piˇ ve kʼo, ngaˬ yawˇ hta‸ chiˇ baˬ piˇ leh, Iˉsaˍreˍlaˆ chaw geh ngaˬ yawˇ hta‸ yuˬ tawˆ tuˬ yoˬ.
10
Tcuh kaˍ paˍ leh yawˇ geh ca jehˬ da‸ la ve chaw oˇ ve nyiˇ gʼaˇ gʼaˇ, ciˍ yanˍve hta‸ hkʼa shuˍ gʼa hkanˍ tuˬ yoˬ.
11
Iˉsaˍreˍlaˆ chaw ngaˬ hta‸ baˬ taˉ leh venˇbaˆ maˇ gʼa te kʼai tuˬ, ngaˬ yawˇ hui hta‸ oˇ hkʼe te piˇ tuˬ yoˬ. Yawˇ hui lehˬ ngaˬ ve chaw hpeh‸ leh, ngaˬ lehˬ yawˇ hui ve Gʼuiˬsha hpeh‸ tuˬ yoˬ, teh‸ Gʼuiˬsha kʼoˆ ve yoˬ.
12
Gʼuiˬsha ngaˬ hta‸ chi hkʼe kʼoˆ laˇ ve yoˬ.
13
Chaw yaˇ-oˬ, mvuhˇmiˬ teˇ peˆ peˆ venˇbaˆ te leh ngaˬ hta‸ ka ti‸ maˇ yeˬ ve kʼo, ngaˬ ve la‸ sheh che leh mvuhˇmiˬ oˇ ve hkʼaw tawˆ ve awˬ shiˍ awˬ nu teˇ hpaˍ hta‸ te luˬ piˇ tuˬ yoˬ. Ngaˬ lehˬ meu‸ ve kaˆ ve hta‸ gaˬ la piˇ leh, chaw yaˇ leh to nuˇ to shaˆ teˇ hpaˍ hta‸ tiˇ pehˍ piˇ tuˬ yoˬ.
14
Noˉa‸, Daˍyeˍlaˆ leh Yawˇbaˆ hui oˇ kaˬ lo chehˇ taˍ ve htawˇ, yawˇ hui te taˍ ve kanˉ lehˬ yawˇ hui ve a sha‸ hta‸ ceh tiˉ ponˬ piˇ gʼa tuˬ yoˬ. Ngaˬ Gʼuiˬsha chi hkʼe kʼoˆ taˍ ve yoˬ.
15
Oˇ hkʼe maˇ heˆ ka‸, yawˇ hui hta‸ tiˇ pehˍ piˇ tuˬ ve haiˬ ve to nuˇ to shaˆ teˇ hpaˍ hta‸ ngaˬ peu laˇ tuˬ yoˬ. Mvuhˇmiˬ oˇ ve lehˬ kawˆ tuˬ uiˍ jaˇ ve mvuhˇmiˬ hpeh‸ la leh, chaw teˇ gʼaˇ ka‸ oˇ kaˬ lo hpanˍ kʼai tuˬ ve maˇ heˆ.
16
Chaw oˇ ve shehˆ gʼaˇ oˇ kaˬ lo chehˇ taˍ ve htawˇ, ngaˬ lehˬ te‸ chehˇ ve Gʼuiˬsha hpeh‸ ve hkʼe, yawˇ hui lehˬ a shu yawˇ yaˇ teˇ hpaˍ hta‸ ceh ka‸ ponˬ piˇ gʼa tuˬ ve maˇ heˆ. Yawˇ hui ve a sha‸ hta‸ ceh tiˉ ponˬ piˇgʼa tuˬ yoˬ. Mvuhˇmiˬ oˇ ve lehˬ hteunˍ lonˉ hpeh‸ la tuˬ yoˬ.
17
Oˇ hkʼe maˇ heˆ ka‸, mvuhˇmiˬ oˇ ve hkʼaw ngaˬ ma‸ hpeh‸ la piˇ leh, chaw yaˇ leh to nuˇ to shaˆ teˇ hpaˍ hta‸ tiˇ pehˍ piˇ tuˬ yoˬ.
18
Chaw oˇ ve shehˆ gʼaˇ oˇ kaˬ lo chehˇ taˍ ve htawˇ, ngaˬ lehˬ te‸ chehˇ ve Gʼuiˬsha hpeh‸ ve hkʼe, yawˇ hui lehˬ a shu yawˇ ve yaˇ teˇ hpaˍ hta‸ ceh ka‸ ponˬ piˇ gʼa tuˬ ve maˇ heˆ. Yawˇ hui ve a sha‸ hta‸ ceh tiˉ ponˬ piˇ gʼa tuˬ yoˬ.
19
Mvuhˇmiˬ oˇ ve hkʼaw ngaˬ naˬ beuˬ gaˬ la piˇ leh, chaw yaˇ leh to nuˇ to shaˆ teˇ hpaˍ hta‸ suh kʼai piˇ tuˬ yoˬ.
20
Noˉa‸, Daˍyeˍlaˆ leh Yawˇbaˆ hui oˇ kaˬ lo chehˇ taˍ ve htawˇ, ngaˬ lehˬ te‸ chehˇ ve Gʼuiˬsha hpeh‸ ve hkʼe, yawˇ hui lehˬ a shu yawˇ ve yaˇ teˇ hpaˍ hta‸ ceh ka‸ ponˬ piˇ gʼa tuˬ ve maˇ heˆ. Yawˇ hui te taˍ ve da‸ ve kanˉ lehˬ, yawˇ hui ve a sha‸ hta‸ ceh ponˬ piˇ gʼa tuˬ yoˬ, teh‸ Gʼuiˬsha kʼoˆ ve yoˬ.
21
Gʼuiˬsha chi hkʼe kʼoˆ ve yoˬ. Ngaˬ lehˬ Yeˍruˆsaˍlehnˍ hkʼaw bawˆ da‸ chaw da‸ ve, meu‸ ve kaˆ ve, haiˬ ve to nuˇ to shaˆ leh naˬ beuˬ gaˬ ve, chi ve awˇ ceuˬ hta‸ peu laˇ piˇ leh, oˇ kaˬ lo chehˇ taˍ ve chaw yaˇ leh to nuˇ to shaˆ teˇ hpaˍ hta‸ tiˇ pehˍ piˇ tuˬ yoˬ.
22
Chaw teˇ gʼaˇ gʼaˇ gʼa ponˬ leh yawˇ ve yaˇ teˇ hpaˍ htawˇ gʼa ponˬ ve kʼo, yawˇ hui nawˬ hui geh gaˬ la ve teˇ yanˇ, yawˇ hui hkʼaˬ ma cha‸ chiˆ ve hta‸ nyi-o. Ngaˬ Yeˍruˆsaˍlehnˍ hta‸ ciˍ yanˍ piˇ ve lehˬ, cawˇ ve hta‸ nawˬ hui gʼa mawˬ tuˬ yoˬ.
23
Oˇ htaˇ ngaˬ hkʼa te ve kanˉ hkʼa peu-eˬ te‸ chiˉ awˬ lawn maˇ cawˬ leh hkʼe leˇ te guiˇ ve maˇ heˆ ve hta‸ nawˬ hui shiˍ la tuˬ yoˬ, teh‸ Gʼuiˬsha kʼoˆ ve yoˬ.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48