bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Ezekiel 7
Ezekiel 7
Lahu Bible Edited © Thailand Bible Society and Bible Society of Myanmar, 2010, 2020.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 8 →
1
Gʼuiˬsha ngaˬ hta‸ chi hkʼe kʼoˆ laˇ ve yoˬ.
2
Chaw yaˇ-oˬ, Iˉsaˍreˍlaˆ chaw hui ve mvuhˇmiˬ awˬ lawn ngaˬ chi hkʼe kʼoˆ chehˇ ve yoˬ. Iˉsaˍreˍlaˆ chaw hui ve mvuhˇmiˬ awˬ leh meuˇ gaˬ la peuˬ.
3
Iˉsaˍreˍlaˆ chaw hui-oˬ, awˬ leh meuˇ ve awˬ yanˇ gaˬ la peuˬ. Nawˬ hui lehˬ ngaˬ nyi ma zuhˆ ve hta‸ gʼa leh‸ nyi tuˬ yoˬ. Awˬ lawn kʼo, nawˬ hui te taˍ ve hkʼe, ngaˬ nawˬ hui hta‸ suhˉ jehˬ laˇ chehˇ ve yoˬ. Nawˬ hui te taˍ ve cha‸ chiˆ ve kanˉ awˬ pon, ngaˬ nawˬ hui hta‸ kʼaw‸ te hkʼaw‸ laˇ tuˬ yoˬ.
4
Ngaˬnawˬ hui hta‸ ha kʼaˉ leh ponˬ laˇ tuˬ ve maˇ heˆ. Ngaˬ lehˬ Gʼuiˬsha hpeh‸ ve hta‸ nawˬ hui gʼa shiˍ tuˬ, nawˬ hui te taˍ ve cha‸ chiˆ ve kanˉ awˬ pon ngaˬ nawˬ hui hta‸ ciˍ yanˍ laˇ tuˬ yoˬ.
5
Dawˇ haˍ tuˬ ve teˇ ceuˬ peuˬ teˇ ceuˬ nawˬ hui awˬ hkʼoˆ lo gaˬ la tuˬ yoˬ.
6
Kanˉ hkʼa peu-eˬ peuˬ kʼai peuˬ. Chi beu‸ lehˬ, awˬ leh meuˇ ve awˬ yanˇ hpeh‸ ve yoˬ. Nawˬ hui awˬ pon awˬ leh meuˇ ve awˬ yanˇ gaˬ la peuˬ.
7
Mvuhˇmiˬ hkʼaw chehˇ taˍ ve nawˬ hui teˇ hpaˍ awˬ pon awˬ leh meuˇ ve awˬ yanˇ gaˬ la chehˇ ve yoˬ. Hkʼaw hkʼoˆ lo pawehˇ maˇ gʼa kʼaw‸ te tuˬ ve awˬ yanˇ gaˬ la chehˇ ve yoˬ.
8
Maˇ maw maw nawˬ hui lehˬ, ngaˬ nyi ma zuhˆ ve hta‸ gʼa leh‸ nyi tuˬ yoˬ. Nawˬ hui te taˍ peuˬ ve hkʼe, ngaˬ nawˬ hui hta‸ suhˉ jehˬ laˇ chehˇ ve yoˬ. Nawˬ hui te taˍpeuˬ ve cha‸ chiˆ ve kanˉ awˬ pon, ngaˬ nawˬ hui hta‸ kʼaw‸ te hkʼaw‸ laˇ tuˬ yoˬ.
9
Ngaˬ nawˬ hui hta‸ ha kʼaˉ leh ponˬ laˇ tuˬ ve maˇ heˆ. Ngaˬ lehˬ Gʼuiˬsha hpeh‸ ve hta‸ maˇ kʼoˆ, nawˬ hui hta‸ ciˍ yanˍ laˇ shehˍ hpaˇ lehˬ ngaˬ hpeh‸ ve hta‸ maˇ kʼoˆ, nawˬ hui gʼa shiˍ tuˬ nawˬ hui te taˍ peuˬ ve cha‸ chiˆ ve kanˉ awˬ pon, ngaˬ nawˬ hui hta‸ ciˍ yanˍ laˇ tuˬ yoˬ, teh‸ Gʼuiˬsha kʼoˆ ve yoˬ.
10
Kawˆ tuˬ uiˍ ve awˬ nyi leh sho‸ sha‸ ve awˬ nyi gaˬ la chehˇ ve yoˬ. Nyi ma uiˍ ve mvuh ve teˇ ceuˬ biˇ sheˆ chehˇ taˍ peuˬ ve yoˬ.
11
Sho‸ sha‸ ve awˬ ceuˬ lehˬ, cha‸ chiˆ ve awˬ ceuˬ hta‸ te tawˆ la peuˬ. Yawˇ hui ve hpu shi mawˇ jeˬ leh yawˇ hui ve awˬ me‸ awˬ hponˇ teˇ ceuˬ ka‸ cawˬ taˉ tuˬ ve maˇ heˆ.
12
Awˬ yanˇ gaˬ la chehˇ ve yoˬ. Mawˇ vuiˬ mawˇ hawˇ ve lehˬ, te‸ chiˉ tcuhˉ kuiˬ maˇ cawˬ ve awˬ yanˇ gaˬ la chehˇ ve yoˬ. Awˬ lawn kʼo, Gʼuiˬsha ciˍ yanˍ ve teˇ ceuˬ chaw hkʼa peu-eˬ awˬ hkʼoˆ lo gaˬ la tuˬ ve pa taw yoˬ.
13
Tanˇ kaˬ paˍ teˇ hpaˍ lehˬ mehˉ kʼai taˍ ve yawˇ hui ve mawˇ hta‸ kʼaw‸ gʼa‸ ca tuˬ ve awˬ yanˇ cawˬ tuˬ ve maˇ heˆ. Awˬ lawn kʼo, Gʼuiˬsha nyi ma zuhˆ ve teˇ ceuˬ chaw teˇ gʼaˇ le le awˬ hkʼoˆ lo gaˬ la tuˬ ve hta‸ pa taw yoˬ. Haiˬ ve chaw teˇ hpaˍ a sha‸ gʼa te‸ chehˇ taˉ tuˬ ve maˇ heˆ.
14
Behˬ heh ma meuˆ la ve teˇ yanˇ chaw hkʼa peu-eˬ gu taˍ ve yoˬ. Ya‸ hkʼaˇ, chaw teˇ gʼaˇ ka‸ ma‸ bawˆ kuiˬ lo kʼai tuˬ ve maˇ heˆ. Awˬ lawn kʼo, Gʼuiˬsha nyi ma zuhˆ ve teˇ ceuˬ chaw teˇ gʼaˇ le le awˬ hkʼoˆ lo gaˬ la tuˬ ve hta‸ pa taw yoˬ.
15
Ya‸ kʼaw hkʼoˆ lo bawˆ da‸ chaw da‸ ve hkʼa biˇ cawˬ leh, yehˬ kʼa hkʼaw lo naˬve gawˬ ve leh meu‸ ve kaˆ ve hkʼa biˇ cawˬ tuˬ yoˬ. Venˇ baˬ lo tawˆ-e ve chaw lehˬ bawˆ da‸ kuiˬ lo gʼa suh-e tuˬ yoˬ. Venˇ hkʼaw lo chehˇ taˍ ve chaw htawˇ naˬ ve gawˬ ve leh meu‸ ve kaˆ ve pa taw gʼa suh-e tuˬ yoˬ.
16
Lawˬ hkʼo‸ hkʼaw kʼaˆ caˇ chehˇ ve aˉ pui kʼaˍ kawˆ leh poˬ hpaw-e ve hkʼe, chaw teˇ hpaˍ hpaˍ hkʼaw hkʼoˆ lo hpaw taˆ-e tuˬ yoˬ. Chaw oˇ ve hkʼa peu-eˬ a shu yawˇ ve venˇbaˆ hta‸ pa taw dawˇ haˍ leh hkʼanˇ chehˇ tuˬ yoˬ.
17
Chaw teˇ gʼaˇ le le ve la‸ sheh gʼaˇ nuˇ kʼai leh yawˇ hui ve hkui tcuhˉ kʼu htawˇ veˆ jaˇ tuˬ yoˬ.
18
Yawˇ hui lehˬ meh htuˉ pui hpa hta‸ veu‸ deh leh kawˆ cheˇ chehˇ tuˬyoˬ. Yawˇ hui a shu yawˇ ve uˉ hkeh mvuh hta‸ chiˇ baˬ leh, awˬ me‸ awˬ hponˇ luˬ kʼai tuˬ yoˬ.
19
Yawˇ hui lehˬ a shu yawˇ ve hpu shi hta‸ cha‸ chiˆ ve mawˇ hkʼe shawˍ leh ya‸ kʼaw hkʼoˆ lo gʼawˆ baˬ tuˬ yoˬ. Awˬ lawn kʼo, Gʼuiˬsha nyi ma zuhˆ ve awˬ ceuˬ gaˬ la ve teˇ yanˇ, hpu shi oˇ ve teˇ hpaˍ yawˇ hui hta‸ ponˬ piˇ maˇ gʼa ve pa taw yoˬ. Hpu shi oˇ ve teˇ hpaˍ lehˬ yawˇ hui loˍ ve awˬ ceuˬ hta‸ maˇ kʼoˆ, yawˇ hui ve gʼoˇ peˬ hta‸ maˇ kʼoˆ, biˇ la tuˬ te maˇ gʼa. Hpu shi oˇ ve teˇ hpaˍ lehˬ yawˇ hui hta‸ venˇbaˆ hpeh‸ la piˇ ve yoˬ.
20
Teˇ pawˆ htaˇ yawˇ hui lehˬ a shu yawˇ ve shehnˉ shiˍ hta‸ nyi taˍ leh nyi ma uiˍ chehˇ ve yoˬ. Yawˇ hui lehˬ shehnˉ shiˍ oˇ ve teˇ hpaˍ hta‸ yuˬ leh shaˉ ho‸ te ve yoˬ. Chi hta‸ pa taw, Gʼuiˬsha lehˬ mawˇ oˇ ve teˇ hpaˍ yawˇ hui awˬ pon dawˇ haˍ tuˬˬ kʼaw‸ hpeh‸ la piˇ ve yoˬ.
21
Gʼuiˬsha kʼoˆ ve, Ngaˬ lehˬ buiˇshaˆaˉnaˆ chaw hui hta‸ laˬ tcuh leh yawˇ hui ve mawˇ jeˬ hta‸ hiˉ yuˬ lu yuˬ tcuh tuˬ yoˬ. Yawˇ hui lehˬ mawˇ oˇ ve teˇ hpaˍ hta‸ yuˬ kʼai leh cha‸ chiˆ kʼai piˇ lawˬ tuˬ yoˬ.
22
Chaw hkʼawˇ teˇ hpaˍ ngaˬ ve bon yehˬ hkʼaw lo‸-e leh, cha‸ chiˆ tuˬ te piˇ chehˇ ve htawˇ ngaˬ nyi piˇ tuˬ ve maˇ heˆ.
23
Awˬ ceuˬ hkʼa peu-eˬ hiˆ hiˆ naˇ naˇ hpeh‸ chehˇ ve yoˬ. Mvuhˇmiˬ hkʼaw lo teˇ gʼaˇ hta‸ teˇ gʼaˇ tiˇ pehˍ da‸ ve hkʼa biˇ cawˬ leh, venˇ hkʼaw lo htawˇ sho‸ sha‸ ve hkʼa biˇ cawˬ ve yoˬ.
24
Haiˬ jaˇ ve chaw teˇ hpaˍ hta‸ ngaˬ choˬkaˬ lo shiˍ veu laˇ leh, nawˬ hui ve yehˬ teˇ hpaˍ hta‸ hiˉ yuˬ lu yuˬ tcuh tuˬ yoˬ. Nawˬ hui ve oˉ kʼoˍ pui kuiˬ teˇ hpaˍ hta‸ yawˇ hui cha‸ chiˆ kʼai tuˬ te piˇ ve teˇ yanˇ, awˬ gʼaˇ uiˍ ve naw hui ve chaw teˇ hpaˍ nyi ma luˬ kʼai tuˬ yoˬ.
25
Dawˇ law tuˬ maˇ cawˬ ve awˬ ceuˬ gaˬ la chehˇ ve yoˬ. Nawˬ hui lehˬ gawˬ lehˍ gʼa chehˇ tuˬ ve hta‸ ca tuˬ yoˬ. Ya‸ hkʼaˇ, ca mawˬ tuˬ ve maˇ heˆ.
26
Kawˆ tuˬ dawˇ haˍ tuˬ ve teˇ ceuˬ peuˬ teˇ ceuˬ gaˬ la leh, kawˆ tuˬ dawˇ haˍ tuˬ ve awˬ hkawˇ hta‸ ceh tiˉnawˬ hui gʼa kaˇ tuˬ yoˬ. Awˬ gʼuˇ suhˍ hpawˇ hkʼaˬ hkʼe hpeh‸ la tuˬ ve awˬlawn, nawˬ hui tcuh kaˍ paˍ teˇ hpaˍ geh ca lawˬ na tuˬ yoˬ. Paw hkuˇ teˇ hpaˍ lehˬ chaw yaˇ hui hta‸ te‸ chiˉ maˍ piˇ gʼa tuˬ ve maˇ heˆ. Awˬ hoˉ awˬ naˬ teˇ hpaˍ htawˇ, te‸ chiˉ dawˇ hkʼaˇ piˇ laˇ gʼa tuˬ ve maˇ heˆ.
27
Jawˇmawˇ htawˇ dawˇ haˍ leh paˆ hawˬ tuˬ yoˬ. Jawˇmawˇ yaˇ teˇ hpaˍ htawˇ nyi ma luˬ jaˇ leh, chaw yaˇ teˇ hpaˍ lehˬ kawˆ cheˇ chehˇ tuˬ yoˬ. Nawˬ hui te taˍ peuˬ ve hkʼe, ngaˬ nawˬ hui hta‸ ciˍ yanˍ laˇ leh, nawˬ hui shu hta‸ suhˉ jehˬ piˇ ve hkʼe ngaˬ nawˬ hui hta‸ suhˉ kʼaw‸ jehˬ laˇ tuˬ yoˬ. Chi hkʼe hpeh‸ la ve lehˬ, ngaˬ Gʼuiˬsha hpeh ve nawˬ hui hta‸ maˍ laˇ tuˬ awˬ pon hpeh‸ ve yoˬ, teh‸ Gʼuiˬsha kʼoˆ ve yoˬ.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 8 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48