bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Ezekiel 11
Ezekiel 11
Lahu Bible Edited © Thailand Bible Society and Bible Society of Myanmar, 2010, 2020.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 12 →
1
Gʼuiˬsha ve Awˬ ha hpu ngaˬ hta‸ bon yehˬ mvuhˇ nyi tawˆ hpawˇ lo cawˬ ve taˍ meu‸ hpe‸ lo shiˍ kʼai laˇ ve yoˬ. Taˍ meu‸ hpe‸ oˇve awˬ paˇ lo chaw nyiˇ chi ngaˇ gʼaˇ hta‸ ngaˬ gʼa mawˬ ve yoˬ. Iˉsaˍreˍlaˆ awˬ hoˉ awˬnaˬ hpeh‸ ve Beˍneˍyaˆ ve yaˇ Peˍlaˍtiˆ leh Aˍzuˇraˆ ve yaˇ Aˍzaˍniˆ yawˇ huiˉ maˬ htawˇ oˇ kaˬ lo chehˇ taˍ ve yoˬ.
2
Oˇ htaˇ, Gʼuiˬsha ngaˬ hta‸ chi hkʼe kʼoˆ laˇ ve yoˬ. Chaw yaˇ-oˬ, chaw chi teˇ hpaˍ lehˬ cha‸ chiˆ ve dawˇ hkʼaˇ cawˬ leh, venˇ yaˇ chi teˇ hpaˍ hta‸ cha‸ chiˆ ve dawˇ hkʼaˇ piˇ chehˇ ve yoˬ.
3
Yawˇ hui kʼoˆ ve, Maˇ maw maw kʼo ngaˬ hui lehˬ a shu yawˇ ve yehˬ hta‸ gʼa te chehˇ tuˬ yoˬ. Venˇ chi lehˬ mu‸ hkʼu hta‸ shuˍ leh, ngaˬ hui lehˬ mu‸ hkʼu hkʼaw ve shaˍ hta‸ shuˍ ve yoˬ. Ya‸ hkʼaˇ, ngaˬ hui aˬ miˍ maˇ gʼa chiˆ tuˬ, mu‸ hkʼu chi ve koˍ taˍ laˇ chehˇ ve yoˬ, teh‸ kʼoˆ ve yoˬ.
4
Chi hta‸ pa taw, chaw yaˇ-oˬ, yawˇ hui hta‸ tawˍ taˍ-o‸, teh‸ ngaˬ hta‸ kʼoˆ laˇ ve yoˬ.
5
Gʼuiˬsha ve Awˬ ha hpu ngaˬ awˬ hkʼaw lo‸ la leh, chaw yaˇ teˇ hpaˍ hta‸ chi hkʼe ca kʼoˆ piˇ tcuh laˇ ve yoˬ. Iˉsaˍreˍlaˆ chaw teˇ hpaˍ-oˬ, nawˬ hui hkʼaˬ hkʼe kʼoˆ chehˇ dawˇ chehˇ ve hta‸ ngaˬ shiˍ taˍ ve yoˬ.
6
Nawˬ hui lehˬ venˇ chi hkʼaw chehˇ ve chaw maˇmaˇ hta‸ tiˇ pehˍ piˇ leh, ya‸ kʼaw hkʼoˆ lo chaw suh hkʼa biˇ hpoˆ taˍ ve yoˬ.
7
Chi hta‸ pa taw, ngaˬ Gʼuiˬsha nawˬ hui hta‸ chi hkʼe kʼoˆ laˇ chehˇ ve yoˬ. Venˇ chi lehˬ awˬ tehˬ awˬ na mu‸ hkʼu hpeh‸ ve yoˬ. Ya‸ hkʼaˇ, shaˍ lehˬ aˬ hto‸ ma le. Nawˬ hui tiˇ pehˍ taˍ ve chaw oˇ ve teˇ hpaˍ hpeh‸ ve yoˬ. Nawˬ hui choˬ kaˬ gʼa chehˇ tuˬ ve maˇ heˆ. Ngaˬ nawˬ hui hta‸ venˇ chi hkʼaw gʼa‸ kʼoˬ laˇ tuˬ yoˬ.
8
Nawˬ hui aˉhtaw hta‸ kawˆ ve laˇ. Nawˬ hui hta‸ ca bawˆ la tuˬ, aˉhtaw pfuhˇ taˍ ve chaw hta‸ nawˬ hui geh peu laˇ tuˬ yoˬ.
9
Ngaˬ nawˬ hui hta‸ venˇ baˬ lo shiˍ kʼai leh, buiˇshaˆaˉnaˆ chaw hui ve la‸ sheh hkʼaw lo chiˇ a‸ laˇ tuˬ yoˬ. Ngaˬ nawˬ hui hta‸ suh-e piˇ lawˬ tuˬ tawˇ piˇ taˍ peuˬ.
10
Nawˬ hui lehˬ a shu yawˇ ve mvuhˇmiˬ hkʼaw lo bawˆ da‸ chaw da‸ leh gʼa suh-e tuˬ yoˬ. Oˇ htaˇ, ngaˬ Gʼuiˬsha hpeh‸ ve hta‸ chaw hkʼa peu-eˬ gʼa shiˍ tuˬyoˬ.
11
Mu‸ hkʼu lehˬ yawˇ awˬ hkʼaw lo caˉ taˍ ve shaˍ hta‸ ha‸ shaˉ taˍ piˇ ve hkʼe, venˇ chi ve nawˬ hui hta‸ ha‸ shaˉ taˍ laˇ tuˬ ve maˇ heˆ. Nawˬ hui Iˉsaˍreˍlaˆ mvuhˇmiˬ chi hkʼaˬ ve teˇ kaˬ lo ca chehˇ taˍ ve maˇ kʼoˆ, ngaˬ nawˬ hui hta‸ ciˍ yanˍ laˇ tuˬ yoˬ.
12
Ngaˬ lehˬ Gʼuiˬsha hpeh‸ ve hta‸ nawˬ hui gʼa shiˍ tuˬ yoˬ. Nawˬ hui lehˬ awˬ nu ve chaw ceuˬ teˇ hpaˍ ve awˬliˇtawˇhkawˇ teˇ hpaˍ hta‸ na yuˬ leh, ngaˬ ve awˬliˇtawˇhkawˇ teˇ hpaˍ hta‸ te ya‸ chehˇ ve yoˬ, teh‸ Gʼuiˬsha ngaˬ hta‸ ca kʼoˆ piˇ tcuh laˇ ve yoˬ.
13
Ngaˬ tawˇ yaw chehˇ ve teˇ yanˇ, Peˍlaˍtiˆ paˍ suh sheˬ ve yoˬ. Oˇ htaˇ, ngaˬ miˬ chaˇ hkʼoˆ lo boˆ taˍ leh, Gʼuiˬsha-oˬ, cawˬ taˍ sheˍ ve Iˉsaˍreˍlaˆ chaw hkʼa peu-eˬ ve hta‸ nawˬ tiˇ pehˍ piˇ tuˬ ve laˇ, teh‸ Gʼuiˬsha hta‸ kʼoˆ piˇ ve yoˬ.
14
Gʼuiˬsha ngaˬ hta‸ chi hkʼe kʼaw‸ kʼoˆ laˇ ve yoˬ.
15
Chaw yaˇ-oˬ, Yeˍruˆsaˍlehnˍ venˇ hkʼaw chehˇ ve chaw teˇ hpaˍ lehˬ, shu mvuhˇmiˬ hkʼaw chehˇ taˍ ve nawˬ leh awˬ nu ve Iˉsaˍreˍlaˆ chaw teˇ hpaˍ awˬ lawn kʼoˆ da‸ chehˇ ve yoˬ. Shu mvuhˇmiˬ hkʼaw chehˇ taˍ ve chaw oˇ ve teˇ hpaˍ lehˬ, Gʼuiˬsha hta‸ oˉ kʼoˍ ca kʼaw‸ pui la tuˬ vuiˇ jaˇ peuˬ ve yoˬ. Yawˇ lehˬ ngaˬ hui hta‸ mvuhˇmiˬ chiˇ a‸ laˇ taˍ peuˬ, teh‸ yawˇ hui kʼoˆ chehˇ ve yoˬ.
16
Chi beu‸ ngaˬ kʼoˆ laˇ chehˇ ve tawˇ chi teˇ hpaˍ, nawˬ geh chehˇ taˍ ve Iˉsaˍreˍlaˆ chaw hui hta‸ kʼoˆ piˇ-oˆ. Yawˇ hui hta‸ vuiˇ jaˇ ve mvuhˇmiˬ hkʼaw lo hpaˆ da‸ kʼai piˇ shehˍ hpaˇ lehˬ ngaˬ hpeh‸ ve yoˬ. Ya‸ hkʼaˇ, chi teˇ hkui yawˇ hui ca chehˇ taˍ ve mvuhˇmiˬ hkʼaw, ngaˬ yawˇ hui geh chehˇ taˍ sheˍ ve yoˬ.
17
Chi hta‸ pa taw, ngaˬ kʼoˆ laˇ chehˇ ve tawˇ chi teˇ hpaˍ yawˇ hui hta‸ kʼoˆ piˇ-oˆ. Chi beu‸ yawˇ hui ca chehˇ taˍ ve mvuhˇmiˬ hkʼaw ngaˬ yawˇ hui hta‸ kʼaw‸ shiˍ tawˆ la leh, Iˉsaˍreˍ laˆ mvuhˇmiˬ yawˇ hui hta‸ kʼaw‸ hkʼaw‸ piˇ tuˬ yoˬ.
18
Yawˇ hui kʼaw‸ kʼaw‸ la ve teˇ yanˇ, yawˇ hui hkʼa gʼa mawˬ ve cha‸ chiˆ ve shaˉ ho‸ oˇ ve hkʼa peu-eˬ hta‸ gʼa yuˬ baˬ ve yoˬ.
19
Ngaˬ yawˇ hui hta‸ nyi ma awˬ suhˉ leh dawˇ hkʼaˇ awˬ suhˉ cawˬ la piˇ tuˬ yoˬ. Yawˇ hui awˬ hkʼaw lo cawˬ ve haˉ pui hkʼe heh ve nyi ma hta‸ ngaˬ yuˬ baˬ piˇ leh na yuˬ puiˉ ve nyi ma cawˬ la piˇ tuˬ yoˬ.
20
Oˇ htaˇ, yawˇ hui ngaˬ ve awˬliˇtawˇhkawˇ hkʼa peu-eˬ ve hta‸ ka ti‸ yeˬ ve hkʼaw na yuˬ tuˬ yoˬ. Yawˇ hui lehˬ ngaˬ ve chaw hpeh‸ leh, ngaˬ lehˬ yawˇ hui ve Gʼuiˬsha hpeh‸ tuˬyoˬ.
21
Ya‸ hkʼaˇ, cha‸ chiˆ ve shaˉ ho‸ oˇ ve teˇ hpaˍ hta‸ oˉ kʼoˍ hkʼa pui ve chaw hkʼa peu-eˬ ve hta‸ ngaˬ ciˍ yanˍ piˇ tuˬ yoˬ. Yawˇ hui te taˍ peuˬ ve kanˉ awˬ pon ngaˬ yawˇ hui hta‸ ciˍ yanˍ piˇ tuˬ yoˬ, teh‸ Gʼuiˬsha kʼoˆ ve yoˬ.
22
Te‸ chehˇ ve to nuˇ to shaˆ oˇ ve teˇ hpaˍ mvuhˇ hpe lo taˆ-e leh, gaˉ yaw teˇ hpaˍ htawˇ awˬ hkʼaˇ suh gʼa‸ taˆ-e ve yoˬ. Iˉsaˍreˍlaˆ Gʼuiˬsha ve awˬ me‸ awˬ hponˇ yawˇ hui awˬ hkʼoˆ lo cawˬ taˍ ve yoˬ.
23
Oˇ htaˇ Gʼuiˬsha ve awˬ me‸ awˬ hponˇ venˇ hkʼaw tawˆ kʼai leh, venˇ oˇ ve mvuhˇ nyi tawˆ hpawˇ lo cawˬ ve hkʼaw pui hkʼoˆ lo jiˆ kʼai sheˬ ve yoˬ.
24
Awˬ ha awˬ hkʼaw lo Gʼuiˬsha ve Awˬ ha hpu ngaˬ hta‸ chiˇ tu laˇ leh, shu ceˬ te chehˇ kuiˬ Baˍbuˍlonˍmvuhˇmiˬ lo ngaˬ hta‸ kʼaw‸ shiˍ kʼoˬ laˇ ve yoˬ. Oˇ ve hkʼaw‸ nawˉ, awˬ ha mehˉ kʼai leh,
25
ngaˬ hkʼa gʼa mawˬ ve awˬ ceuˬ hkʼa peu-eˬ oˇ kaˬ lo shu ceˬ te chehˇ ve Iˉsaˍreˍlaˆ chaw hkʼa peu-eˬ hta‸ kʼoˆ maˍ piˇ ve yoˬ.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 12 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48