bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Ezekiel 33
Ezekiel 33
Lahu Bible Edited © Thailand Bible Society and Bible Society of Myanmar, 2010, 2020.
← Chapter 32
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 34 →
1
Gʼuiˬsha ngaˬ hta‸ chi hkʼe kʼoˆ laˇ ve yoˬ.
2
Chaw yaˇ-oˬ, ngaˬ mvuhˇmiˬ teˇ peˆ awˬ hkʼaw lo ma‸ hpeh‸ la piˇ ve teˇ yanˇ, hkʼaˬ hkʼe hpeh‸ la ve awˬ lawn nawˬ ve chaw teˇ hpaˍ hta‸ kʼoˆ maˍ piˇ-oˆ. Mvuhˇmiˬ oˇ ve hkʼaw chehˇ ve chaw teˇ hpaˍ lehˬ, chaw teˇ gʼaˇ hta‸ leuˆ yuˬ leh shaw shehˍ hpaˇ te tcuh ve yoˬ.
3
Canˇ paˍ laˬ chehˇ ve hta‸ yawˇ gʼa mawˬ ve teˇ yanˇ, yawˇ lehˬ ju lu dawˆ leh chaw yaˇ teˇ hpaˍ hta‸ shaˍ ti‸ piˇ ve yoˬ.
4
Chaw teˇ gʼaˇ lehˬ, ju lu dawˆ hkawˇ kaˇ ve htawˇ a muˆ maˇ taˍ leh, canˇ paˍ yawˇ hta‸ tiˇ pehˍ piˇ ve kʼo, yawˇ gʼa suh ve lehˬ yawˇ ve venˇbaˆ hta‸ pa taw yoˬ.
5
Awˬ lawn kʼo, shu shaˍ ti‸ piˇ hkawˇ hta‸ yawˇ maˇ na ve pa taw yoˬ. Yawˇ na yuˬ ve hkʼe kʼo, gʼa ponˬ tuˬ yoˬ.
6
Ya‸ hkʼaˇ, shaw shehˍ hpaˇ lehˬ, canˇ paˍ laˬ chehˇ ve hta‸ gʼa mawˬ ve htawˇ, ju lu maˇ dawˆ piˇ ve pa taw, canˇ paˍ laˬ leh venˇ yaˇ oˇ ve teˇ hpaˍ hta‸ tiˇ pehˍ piˇ ve kʼo, shaw shehˍ hpaˇ oˇ ve hta‸ ngaˬ venˇbaˆ taˍ tuˬ yoˬ.
7
Chaw yaˇ-oˬ, chi beu‸ ngaˬ nawˬ hta‸ Iˉsaˍreˍlaˆ chaw hui hta‸ shaw shehˍ hpaˇ te tcuh laˇ chehˇ ve yoˬ. Ngaˬ nawˬ hta‸ shaˍ ti‸ piˇ laˇ chehˇ ve tawˇ teˇ hpaˍ, nawˬ yawˇ hui hta‸ gʼa kʼaw‸ kʼoˆmaˍ piˇ ve yoˬ.
8
Haiˬ ve chaw teˇ gʼaˇ gʼaˇ suh tuˬ yoˬ, teh‸ ngaˬ kʼoˆ taˍ peuˬ ve htawˇ, yawˇ venˇbaˆ dawˇ hpfuhˆ leh a sha‸ gʼa ponˬ tuˬ nawˬ yawˇ hta‸ shaˍ ti‸ maˇ piˇ ve kʼo, chaw oˇ ve lehˬ venˇbaˆ cawˬ ve hkʼaw gʼa suh-e tuˬ yoˬ. Yawˇ gʼa suh ve awˬ pon ngaˬ nawˬ hta‸ venˇbaˆ taˍ tuˬ yoˬ.
9
Ya‸ hkʼaˇ, nawˬ yawˇ hta‸ shaˍ ti‸ piˇ ve htawˇ yawˇ maˇ na yuˬ ve kʼo, yawˇ lehˬ venˇbaˆ cawˬ ve hkʼaw gʼa suh-e tuˬ yoˬ. Ya‸ hkʼaˇ, nawˬ ve a sha‸ hta‸ ngaˬ ponˬ laˇ tuˬ yoˬ, teh‸ kʼoˆ ve yoˬ.
10
Gʼuiˬsha ngaˬ hta‸ chi hkʼe kʼoˆ laˇ ve yoˬ. Chaw yaˇ-oˬ, Iˉsaˍreˍlaˆ chaw hui kʼoˆ chehˇ ve tawˇ chi yawˇ hui hta‸ kʼaw‸ kʼoˆpiˇ-oˆ. Ngaˬ hui lehˬ, ngaˬ hui te ya‸ ve kanˉ leh ngaˬ hui ve venˇbaˆ hta‸ pfuhˇ hawˇ jaˇ peuˬ leh gʼaˇ nuˇ kʼai chehˇ ve yoˬ. Ngaˬ hui hkʼaˬ hkʼe te te‸ chehˇ hpeh‸ tuˬ le, teh‸ yawˇ hui kʼoˆ chehˇ ve yoˬ.
11
Ngaˬ lehˬ awˬ tehˬ awˬ na te‸ chehˇ ve Gʼuiˬsha hpeh‸ ve hkʼe, venˇbaˆ yaˇ teˇ gʼaˇ suh-e ve hta‸ ngaˬ maˇ mawˬ gaˇ. Yawˇ venˇbaˆ dawˇ hpfuhˆ leh a sha‸ te‸ chehˇ ve hta‸ mawˬ gaˇ ve yoˬ. Iˉsaˍreˍlaˆ-oˬ, nawˬ hui te chehˇ ve hai ve kanˉ hta‸baˬ taˉ-oˆ. Aˬ hto‸ ma pa taw nawˬ hui suh gaˇ ve le, teh‸ yawˇ hui hta‸ kʼoˆ piˇ-oˆ.
12
Chaw yaˇ-oˬ, chi beu‸ Iˉsaˍreˍlaˆ chaw hui hta‸ chi hkʼe kʼoˆ piˇ-oˆ. Chaw da‸ teˇ gʼaˇ venˇbaˆ te ve kʼo, yawˇ te taˍ ve da‸ ve kanˉ teˇ hpaˍ lehˬ, yawˇ hta‸ ponˬ piˇ gʼa tuˬ ve maˇ heˆ. Haiˬ ve chaw teˇ gʼaˇ lehˬ, haiˬ ve kanˉ hta‸ baˬ taˉ ve kʼo, yawˇ hta‸ ciˍ yanˍ piˇ tuˬ ve maˇ heˆ. Chaw da‸ teˇ gʼaˇ haiˬ ve kanˉ hta‸ tanˬ te ve kʼo, yawˇ ve a sha‸ hta‸ ponˬ piˇ tuˬ ve maˇ heˆ.
13
Da‸ ve chaw teˇ gʼaˇ hta‸ ngaˬ a sha‸ te‸ chehˇ tuˬ ka ti‸ te piˇ tuˬ yoˬ. Ya‸ hkʼaˇ, ponˬ laˬ htaˇ yawˇ te taˍ peuˬ ve da‸ ve kanˉ teˇ hpaˍ maˇ jaˇ peuˬ teh‸ dawˇ leh, haiˬ ve kanˉ hta‸ kʼaw‸ te ve kʼo, yawˇ te taˍ peuˬ ve da‸ ve kanˉ oˇ ve teˇhpaˍ hta‸ ngaˬ kʼaw‸ dawˇ nawˇ piˇ tuˬ ve maˇ heˆ. Yawˇ ve ven baˆ hta‸ pa taw gʼa suh tuˬ yoˬ.
14
Ngaˬ lehˬ haiˬ ve chaw teˇ gʼaˇ hta‸ gʼa suh tuˬ yoˬ teh‸ shaˍti‸ piˇ taˍ ve yoˬ. Ya‸ hkʼaˇ, yawˇ lehˬ haiˍ ve kanˉ hta‸ baˬ taˉ leh da‸ ve kanˉ hta‸ kʼaw‸ te ve kʼo,
15
yawˇ lehˬ shu hta‸ chiˇ piˇ taˍ ve hpu awˬ tan yuˬ taˍ ve mawˇ hta‸ kʼaw‸ hkʼaw‸ piˇ ve, maˇ heˆ kʼo yawˇ hkʼawˇ taˍ ve mawˇ hta‸ kʼaw‸ hkʼaw‸ piˇ ve kʼo, yawˇ venˇbaˆ dawˇ hpfuhˆ leh a sha‸ te‸ piˇ lawˬ ve awˬliˇtawˇhkawˇ hta‸ na yuˬ ve kʼo, yawˇ gʼa suh tuˬ ve maˇ heˆ. Gʼa te‸ chehˇ tuˬ yoˬ.
16
Yawˇ te ya‸ taˍ ve venˇbaˆ teˇ hpaˍ hta‸ ngaˬ hpehˇ piˇ leh, yawˇ lehˬ da‸ ve kanˉ hta‸ kʼaw‸ te peuˬ ve pa taw, gʼa te‸ chehˇ tuˬ yoˬ.
17
Nawˬ ve chaw teˇ hpaˍ lehˬ, ngaˬ te ve kanˉ chi maˇ cawˇ, teh‸ kʼoˆ chehˇ ve yoˬ. Oˇ hkʼe maˇ heˆ. Maˇ cawˇ ve lehˬ, yawˇ hui te chehˇ ve kanˉ hpeh‸ ve yoˬ.
18
Hteˇ ve cawˇ ve chaw teˇ gʼaˇ da‸ve kanˉ hta‸ maˇ kʼaw‸ te leh, haiˬ ve kanˉ hta‸ kʼaw‸ te kʼai ve kʼo, yawˇ oˇ hkʼe te ve pa taw gʼa suh tuˬ yoˬ.
19
Haiˬ ve chaw teˇ gʼaˇ haiˬ ve kanˉ hta‸ baˬ taˉ leh, da‸ ve hteˇ ve kanˉ hta‸ kʼaw‸ te ve kʼo, yawˇ ve a sha‸ hta‸ yawˇ ponˬ piˇ peuˬ.
20
Ya‸ hkʼaˇ, Iˉsaˍreˍlaˆ chaw teˇ hpaˍ-oˬ, nawˬ hui lehˬ ngaˬ te ve kanˉ maˇ cawˇ, teh‸ kʼoˆ chehˇ ve yoˬ. Nawˬ hui te taˍ ve hkʼe, ngaˬ nawˬ hui hta‸ suhˉ jehˬ laˇ tuˬ yoˬ, teh‸ Gʼuiˬsha kʼoˆ ve yoˬ.
21
Ngaˬ hui shu mvuhˇmiˬ hkʼaw chehˇ taˍ ve teˇ chi nyiˇ hkʼaw‸, ha pa teˇ chi maˬ, ngaˇ nyi htaˇ, Yeˍruˆsaˍlehnˍ venˇ hkʼaw hpaw tawˆ la ve chaw teˇ gʼaˇ ngaˬ geh laˬ leh, Yeˍruˆsaˍlehnˍ venˇ luˬ kʼai peuˬ ve awˬ lawn ngaˬ hta‸ hto laˇ ve yoˬ.
22
Yawˇ maˇ laˬ sheˍ gʼuˇ suhˍ teˇ haˉ htaˇ, Gʼuiˬsha ve kanˇ paˆ ngaˬ geh chehˇ taˍ ve hta‸ ngaˬ jawˬ ve yoˬ. Shawˉ pawˍ teˇ nyi chaw oˇ ve ngaˬ geh gaˬ la ve teˇ yanˇ, Gʼuiˬsha ngaˬ hta‸ tawˇ yaw tuˬ kanˇ paˆ kʼaw‸ piˇ laˇ ve yoˬ.
23
Gʼuiˬsha ngaˬ hta‸ chi hkʼe kʼoˆ laˇ ve yoˬ.
24
Chaw yaˇ-oˬ, luˬ kʼai taˍ peuˬ ve Iˉsaˍreˍlaˆ venˇ teˇ hpaˍ hkʼaw chehˇ taˍ ve chaw teˇ hpaˍ chi hkʼe kʼoˆ chehˇ ve yoˬ. Aˍbraˍhanˍ lehˬ teˇ gʼaˇ tiˉ hpeh‸ ve yoˬ. Ya‸ hkʼaˇ, yawˇ hta‸ mvuhˇmiˬ chi hkʼa peu-eˬ chiˇ a‸ piˇ taˍ ve yoˬ. Chi beu‸ ngaˬ hui chaw maˇ la peuˬ. Hkʼe te leh, mvuhˇmiˬ chi ve chi beu‸ ngaˬ hui ve mvuhˇmiˬ hpeh‸ la peuˬ, teh‸ kʼoˆ chehˇ ve yoˬ.
25
Ngaˬ Gʼuiˬsha kʼoˆ chehˇ ve tawˇ chi teˇ hpaˍ yawˇ hui hta‸ kʼoˆ piˇ-oˆ. Nawˬ hui lehˬ awˬ shaˍ hta‸ awˬ suhˍ hkʼaw hkaw‸ caˇ ve yoˬ. Nawˬ hui lehˬ shaˉ ho‸ teˇ hpaˍ hta‸ oˉ kʼoˍ pui ve yoˬ. Nawˬ hui chaw hta‸ tiˇ pehˍ ve yoˬ. Aˬ hto‸ ma pa taw mvuhˇmiˬ oˇ ve nawˬ hui ve mvuhˇmiˬ hpeh‸ ve yoˬ teh‸ dawˇ ve le.
26
Nawˬ hui lehˬ nawˬ hui ve aˉhtaw hta‸ gʼaˇ va ve yoˬ. Nawˬ hui te chehˇ ve kanˉ teˇ hpaˍ lehˬ, cha‸ chiˆ jaˇ ve yoˬ. Chaw teˇ gʼaˇ le le haˉ chawˇ haˉ paˆ te ve yoˬ. Aˬ hto‸ ma pa taw mvuhˇmiˬ oˇ ve nawˬ hui ve mvuhˇmiˬ hpeh‸ve yoˬ teh‸ dawˇ ve le.
27
Ngaˬ lehˬ awˬ tehˬ awˬ na te‸ chehˇ ve Gʼuiˬsha hpeh‸ ve hkʼe, ngaˬ shaˍ ti‸ piˇ chehˇ ve tawˇ chi teˇ hpaˍ yawˇ hui hta‸ kʼoˆ maˍ piˇ-oˆ. Luˬ kʼai peuˬ ve venˇ oˇ ve teˇ hpaˍ hkʼaw chehˇ taˍ ve chaw teˇ hpaˍ lehˬ, tiˇ pehˍ ve hta‸ gʼa hkanˍ tuˬ yoˬ. Hkʼaw hkʼoˆ lawˬ hkʼoˆ lo chehˇ taˍ ve chaw teˇ hpaˍ htawˇ, haiˬ ve to nuˇ to shaˆ che‸ caˇ ve hta‸ gʼa hkanˍ tuˬ yoˬ. Hkʼaw hkʼoˆ lo leh haˉ kʼoˍ hkʼaw ca va‸ taˍ ve chaw teˇ hpaˍ htawˇ naˬ beuˬ gaˬ suh-e tuˬ yoˬ.
28
Ngaˬ lehˬ mvuhˇmiˬ oˇ ve hta‸ gawˬ cu gawˬ pehˆ hpeh‸ kʼai piˇ leh, yawˇ hui nyi ma uiˍ chehˇ ve kanˇ paˆ awˬ leh meuˇ gaˬ tuˬ yoˬ. Iˉsaˍreˍlaˆ mvuhˇmiˬ hkʼaw cawˬ ve hkʼaw teˇ hpaˍ gawˬ jaˇ ve pa taw chaw teˇ gʼaˇ ka‸ oˇ kaˬ lo hpanˍ kʼai haˆ tuˬ ve maˇ heˆ.
29
Chaw yaˇ teˇ hpaˍ te taˍ ve venˇbaˆ awˬ pon ngaˬ yawˇ hui hta‸ ciˍ yanˍ piˇ leh, mvuhˇmiˬ hta‸ gawˬ cu gawˬ pehˆ hpeh‸ kʼai piˇ ve teˇ yanˇ, ngaˬ Gʼuiˬsha hpeh‸ ve hta‸ yawˇ hui shiˍ la tuˬ yoˬ, teh‸ Gʼuiˬsha kʼoˆ ve yoˬ.
30
Gʼuiˬsha kʼoˆ ve, Chaw yaˇ-oˬ, chaw yaˇ teˇ hpaˍ lehˬ lanˇ venˇ hkʼoˆ lo hpuˇ da‸ htaˇ maˇ kʼoˆ, yawˇ hui ve yehˬmiˉhpe‸ lo hpuˇ da‸ htaˇ maˇ kʼoˆ, nawˬ ve awˬ lawn kʼoˆ da‸ chehˇ ve yoˬ. Yawˇ hui teˇ gʼaˇ hta‸ teˇ gʼaˇ kʼoˆ da‸ leh kʼoˆ ve, Chi beu‸ Gʼuiˬsha ve tawˇ hkʼaˬ hkʼe gaˬ la chehˇ ve hta‸ ngaˬ hui ca nyi-a veuˬ, teh‸ kʼoˆ chehˇ ve yoˬ.
31
Chi hta‸ pa taw, ngaˬ ve chaw teˇ hpaˍ hpoˆ laˬ leh nawˬ kʼoˆ laˇ tuˬ ve tawˇ hta‸ ca na la ve yoˬ. Ya‸ hkʼaˇ, yawˇ hui lehˬ nawˬ te tcuh ve kanˉ hta‸ maˇ te. Nawˬ ve tawˇ hta‸ yawˇ hui kʼa muiˬ hkawˇ hkʼe ceh shawˍ leh, yawˇ hui ve a loˍ hkʼaˇ suh ceh tiˉ te kʼai chehˇ ve yoˬ.
32
Nawˬ lehˬ yawˇ hui awˬ pon tinˍ hteˆ leh kʼa muiˬ hkawˇ kʼa maˍ piˇ paˍ hkʼe ceh hpeh‸ ve yoˬ. Yawˇ hui lehˬ nawˬ ve tawˇ hta‸ kaˇ chehˇ ve htawˇ, teˇ hkawˇ hta‸ ka‸ maˇ na yuˬ.
33
Ya‸ hkʼaˇ nawˬ kʼoˆ taˍ ve tawˇ teˇ hpaˍ biˇ la ve teˇ yanˇ (tawˇ oˇ ve teˇ hpaˍ gʼa biˇ la tuˬ yoˬ) tcuh kaˍ paˍ teˇ gʼaˇ yawˇ hui geh chehˇ taˍ ve hta‸ yawˇ hui shiˍ la tuˬ yoˬ, teh‸ Gʼuiˬsha kʼoˆ ve yoˬ.
← Chapter 32
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 34 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48