bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Ezekiel 26
Ezekiel 26
Lahu Bible Edited © Thailand Bible Society and Bible Society of Myanmar, 2010, 2020.
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 27 →
1
Ngaˬ hui shu mvuhˇmiˬ hkʼaw chehˇ taˍ ve teˇ chi teˇ hkʼaw‸, awˉ lawˉ peuˇ ve teˇ nyi htaˇ, Gʼuiˬsha ngaˬ hta‸ chi hkʼe kʼaw‸ kʼoˆ laˇ ve yoˬ.
2
Chaw yaˇ-oˬ, Tuˇruˆ venˇ yaˇ teˇ hpaˍ chi hkʼe kʼoˆ leh ha lehˬ chehˇ ve yoˬ. Yawˇ hui kʼoˆ ve, Yeˍruˆsaˍlehnˍ venˇ luˬ kʼai peuˬ. Yawˇ hui tanˇ kaˬ te ve kanˇ paˆ mehˉ kʼai peuˬ. Yawˇ lehˬ ngaˬ hui hta‸ kʼaw‸ tehˆ da‸ gʼa tuˬ ve maˇ heˆ, teh‸ kʼoˆ chehˇ ve yoˬ.
3
Chi hta‸ pa taw, ngaˬ Gʼuiˬsha chi hkʼe kʼoˆ chehˇ ve yoˬ. Tuˇruˆ venˇ-oˬ, ngaˬ lehˬ nawˬ ve canˇ paˍ hpeh‸ ve yoˬ. Nawˬ hta‸ ca bawˆ la tuˬ, ngaˬ chaw ceuˬ maˇ maˇ shiˍveu laˇ leh, yawˇ hui lehˬ laˇ tsuhˇ gʼuiˬ hkʼaw cawˬ ve gʼuiˬ baˇ hkʼa shuˍ laˬ tuˬ yoˬ.
4
Yawˇ hui lehˬ nawˬ ve lanˇ venˇ teˇ hpaˍ hta‸ te luˬ leh, nawˬ ve ta‸ yehˬ teˇ hpaˍ hta‸ dawˆ paˆ laˇ tuˬ yoˬ. Oˇ htaˇ, ngaˬ lehˬ je‸ meu-e hkʼa peu-eˬ hta‸ shiˆ baˬ leh, haˉ pui hta‸ ceh tiˉ teh taˉ laˇ tuˬ yoˬ.
5
Ngaˇ ca paˍ teˇ hpaˍ lehˬ, laˇ tsuhˇ gʼuiˬ hkʼaw cawˬ ve haˉ pui oˇ ve teˇ hpaˍ awˬ hkʼoˆ lo yawˇ hui ve geu‸ hta‸ hpe huˉ tuˬ yoˬ. Ngaˬ Gʼuiˬsha chi hkʼe kʼoˆ taˍ peuˬ ve yoˬ. Chaw ceuˬ teˇ hpaˍ lehˬ Tuˇruˆ venˇ hta‸ hiˉ yuˬ lu yuˬ leh,
6
venˇ hkʼaw chehˇ taˍ ve chaw hui hta‸ yawˇ hui aˉhtaw chaw pehˍ piˇ tuˬ yoˬ. Oˇ htaˇ Tuˉruˆ lehˬ, ngaˬ Gʼuiˬsha hpeh‸ ve hta‸ shiˍ la tuˬ yoˬ, teh‸ Gʼuiˬsha kʼoˆ ve yoˬ.
7
Gʼuiˬsha kʼoˆ ve, Ngaˬ lehˬ jawˇmawˇ hkʼa peu-eˬ awˬ hkʼoˆ uiˍ jaˇ ve Baˍbuˍlonˍ jawˇmawˇ Neˍbuˍhkaˍneˍzaˍ hta‸ shiˍ veu laˇ leh, Tuˇruˆ venˇ hta‸ ca bawˆ la tuˬ yoˬ. Yawˇ lehˬ ma‸ moˍ lonˉ, iˉ mvuhˇ lawˬ teˇ hpaˍ leh ma‸ yaˇ teˇ hpaˍ hta‸ shiˍ veu laˇ leh, awˬ na hpawˇ lo ya‸ la tuˬ yoˬ.
8
Venˇ hkʼaw chehˇ taˍ ve chaw teˇ hpaˍ lehˬ, bawˆ da‸ kuiˬ lo tiˇ pehˍ ve hta‸ gʼa hkanˍ tuˬ yoˬ. Canˇ paˍ lehˬ gʼuiˬ hkʼaˇ teˇ hpaˍ, taˬ kʼoˍ teˇ hpaˍ duˇ leh htanˬ tuˬ teˇ hpaˍ hta‸ yuˬ leh ko taˍ tuˬ yoˬ.
9
Yawˇ hui lehˬ nawˬ ve lanˇ venˇ hta‸ juˆ pawnˍ leh, nawˬ ve ta‸ yehˬ teˇ hpaˍ hta‸ sho taˬ yuˬ dawˆ paˆ tuˬ yoˬ.
10
Yawˇ hui ve iˉ mvuhˇ teˇ hpaˍ te toˇ ve pa taw, tu la ve je‸ meu-e teˇ hpaˍ nawˬ hta‸ hoˆ beh laˇ tuˬ yoˬ. Luˬ kʼai peuˬ ve venˇ taˍ meu‸ hpe‸ lo te toˇ chehˇ ve yawˇ hui ve iˉ mvuhˇ lawˬ teˇ hpaˍ ve awˬ hkawˇ lehˬ, nawˬ ve lanˇ venˇ hta‸ hiˆ hiˆ naˇ naˇ hpeh‸ la piˇ tuˬ yoˬ.
11
Yawˇ hui ve iˉ mvuhˇ gʼa‸ paˍ teˇ hpaˍ lehˬ, nawˬ ve ya‸ kaw teˇ hpaˍ hkʼoˆ te toˇ leh nawˬ ve chaw teˇ hpaˍ hta‸ chaw pehˍ laˇ tuˬ yoˬ. Uiˍ jaˇ ve nawˬ ve haˉ pui hkuiˉ daw teˇ hpaˍ lehˬ, miˬ chaˇ hkʼoˆ lo yuˬ baˬ ve hta‸ gʼa hkanˍ tuˬ yoˬ.
12
Nawˬ ve canˇ paˍ teˇ hpaˍ lehˬ, nawˬ ve hpu shi mawˇ jeˬ teˇ hpaˍ hta‸ yuˬ tuˬ yoˬ. Yawˇ hui lehˬ, nawˬ ve lanˇ venˇ hta‸ gʼawˬ paˆ leh, da‸ jaˇ ve nawˬ ve yehˬ teˇ hpaˍ hta‸ te luˬ laˇ tuˬ yoˬ. Yawˇ hui lehˬ haˉ pui shiˍ, suhˆ, leh cha‸ chiˆ ve awˬ ceuˬ hkʼa peu-eˬ ve hta‸ laˇ tsuhˇ gʼuiˬ hkʼaw baˬ keu tuˬ yoˬ.
13
Nawˬ ve kʼa muiˬ hkawˇ hta‸ ngaˬ awˬ leh meuˇ gaˬ la piˇ leh, nawˬ ve tinˍ hkawˇ hta‸ ngaˬ gawˬ kʼai piˇ tuˬ yoˬ.
14
Ngaˇ ca paˍ teˇ hpaˍ a shu yawˇ ve geu‸ hta‸ hpe huˉ tuˬ ve haˉ pui teˇ hpaˍ hta‸ ceh tiˉ ngaˬ teh taˉ laˇ tuˬ yoˬ. Venˇ hta‸ teˇ pawˆ ka‸ kʼaw‸ tu te gʼa tuˬ ve maˇ heˆ, teh‸ Gʼuiˬsha kʼoˆ ve yoˬ.
15
Gʼuiˬsha lehˬ, Tuˇruˆ hta‸ kʼoˆ piˇ tuˬ ve tawˇ chi hkʼe cawˬ ve yoˬ. Nawˬ lehˬ shu bawˆ yuˬ ve hta‸ gʼa hkanˍ ve teˇ yanˇ, laˇ tsuhˇ gʼuiˬ pfuhˍ lo chehˇ ve chaw teˇ hpaˍ lehˬ, shu tiˇ pehˍ leh kuˬ hawˬ chehˇ ve awˬ hkawˇ hta‸ gʼa kaˇ leh, kawˆ jaˇ tuˬ yoˬ.
16
Laˇ tsuhˇ gʼuiˬ pfuhˍ lo chehˇ ve jawˇmawˇ teˇ hpaˍ lehˬ, yawˇ hui ve kʼaw jaw hkʼoˆ lo ya‸ la tuˬ yoˬ. Yawˇ hui lehˬ, awˬ sheuˉ laiˉ ceuˬ cawˬ ve jawˇmawˇ ve veu‸ kʼaˇ hta‸ kʼehˆ baˬ leh, miˬ chaˇ hkʼoˆ lo cheˇ cheˇ veˆ veˆ te mui chehˇ tuˬ yoˬ. Nawˬ hui gʼa hkanˍ chehˇ ve hta‸ yawˇ gʼa mawˬ leh kawˆ jaˇ ve pa taw, maˇ kawˆ cheˇ leh chehˇ maˇ hpeh‸.
17
Yawˇ hui lehˬ, nawˬ awˬ pon dawˇ haˍ ve kʼa muiˬ hkawˇ chi hkʼe kʼa tuˬ yoˬ. Awˬ meh bvuhˬ ve venˇ lehˬ luˬ kʼai peuˬ. Yawˇ ve haw lo‸ kʼoˍ teˇ hpaˍ lehˬ, laˇ tsuhˇ gʼuiˬ hkʼaw shiˆ baˬ ve hta‸ gʼa hkanˍ peuˬ. Venˇ chi hkʼaw chehˇ ve chaw teˇ hpaˍ lehˬ, laˇ tsuhˇ gʼuiˬ hta‸ uˉ peunˍ chehˇ leh, laˇ tsuhˇ gʼuiˬ pfuhˍ lo chehˇ ve chaw hta‸ kawˆ piˇ lawˬ ve yoˬ.
18
Chi beu‸ yawˇ ce kʼai ve awˬ nyi htaˇ, conˇ ehˉ teˇ hpaˍ htawˇ hiˆ hiˆ naˇ naˇ hpeh‸ leh, chi hkʼe luˬ ve sheˆ ve hta‸ gʼa mawˬ ve pa taw, yawˇ hui ve chaw teˇ hpaˍ htawˇ anˇ jaˇ kawˆ jaˇ ve yoˬ, teh‸ Gʼuiˬsha kʼoˆ ve yoˬ.
19
Gʼuiˬsha kʼoˆ ve, Ngaˬ nawˬ hta‸ chaw teˇ gʼaˇ ka‸ maˇ chehˇ ve venˇ hkʼa shuˍ, gawˬ cu gawˬ pehˆ hpeh‸ kʼai piˇ tuˬ yoˬ. Naˉ jaˇ ve laˇ tsuhˇ gʼuiˬ ve iˉ kaˆ hta‸ yuˬ leh, ngaˬ nawˬ hta‸ hoˆ beh laˇ tuˬ yoˬ.
20
Ngaˬ nawˬ hta‸ suh mvuhˇmiˬ hkʼaw yuˬ keu laˇ leh, aˬ sho-eˬ htaˇ ka‸ chehˇ taˍ ve chaw hui geh chehˇ tcuh laˇ tuˬ yoˬ. Ngaˬ nawˬ hta‸ suh peuˬ ve chaw, leh co co taiˍ taiˍ ve awˬ ceuˬ geh miˬguiˬ awˬ hawˉ lo chehˇ tcuh laˇ tuˬ yoˬ. Nawˬ lehˬ te‸ chehˇ ve chaw hui ve mvuhˇmiˬ hkʼaw teˇ pawˆ ka‸ gʼa kʼaw‸ chehˇ tuˬ ve maˇ heˆ.
21
Ngaˬ nawˬ hta‸ kawˆ law‸ law‸ ve henˇ kuiˬ jawˬ kuiˬ hpeh‸ la piˇ leh, oˇ ve lehˬ nawˬ aw pon awˬ leh meuˇ hpeh‸ ve yoˬ. Chaw yaˇ teˇ hpaˍ nawˬ hta‸ gʼa‸ ca tuˬ yoˬ. Ya‸ hkʼaˇ, nawˬ hta‸ ca mawˬ tuˬ ve maˇ heˆ, teh‸ Gʼuiˬsha kʼoˆ ve yoˬ.
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 27 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48