bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Ezekiel 18
Ezekiel 18
Lahu Bible Edited © Thailand Bible Society and Bible Society of Myanmar, 2010, 2020.
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 19 →
1
Gʼuiˬsha ngaˬ hta‸ chi hkʼe kʼaw‸ kʼoˆ laˇ ve yoˬ.
2
Iˉsaˍreˍlaˆ mvuhˇmiˬ hkʼaw chaw yaˇ teˇ hpaˍ kʼoˆ da‸ chehˇ ve, Awˬ pa awˬ e ci ve a pehˉ meuˇ shiˍ caˇ leh, yaˇ teˇ hpaˍ ciˬ hkehˇ ve, teh‸ kʼoˆ ve tawˇ chi hkʼaˬ hkʼe le.
3
Ngaˬ lehˬ te‸ chehˇ ve Gʼuiˬsha hpeh‸ve hkʼe, tawˇ chi teˇ hkawˇ Iˉsaˍreˍlaˆ mvuhˇmiˬ hkʼaw gʼa kʼaw‸ kʼoˆ tuˬ ve maˇ heˆ.
4
Chaw teˇ gʼaˇ le le co ha ngaˬ hta‸ caˉ da‸ ve yoˬ. Awˬ pa awˬ e ve co ha maˇ kʼoˆ, yaˇ teˇ hpaˍ ve co ha maˇ kʼoˆ, ngaˬ hta‸ caˉ da‸ ve yoˬ. Venˇbaˆ te ve chaw teˇ gʼaˇ ceh tiˉ gʼa suh tuˬ yoˬ.
5
Chaw teˇ gʼaˇ cawˬ ve yoˬ. Yawˇ lehˬ hteˇ ve cawˇ ve kanˉ hta‸ tiˉ te leh da‸ ve chaw teˇgʼaˇ hpeh‸ ve yoˬ.
6
Yawˇ lehˬ Iˉsaˍreˍlaˆ chaw hui te taˍ ve shaˉ ho‸ hta‸ oˉ kʼoˍ maˇ pui. Shaˉ ho‸ oˇ ve teˇ hpaˍ hta‸ tanˇ taˍ ve caˇ tuˬ hta‸ htawˇ maˇ caˇ. Yawˇ lehˬ shu miˇ shu yaˇ hta‸ ka‸ maˇ ya‸. Awˬ liˇ laˬ chehˇ ve yaˇmiˇ hta‸ htawˇ haˉ chawˇ maˇ te.
7
Yawˇ lehˬ shu hta‸ maˇ heˍ. Shu ve mawˇ hta‸ ka‸ maˇ ca hiˉ yuˬ. Shu yawˇ geh mawˇ teˇ ceuˬ ceuˬ ca chiˇ la htaˇ, yawˇ hta‸ piˇ ve la‸shawnˍ hta‸ htawˇ maˇ ha‸ yuˬ. Meu‸ ve kaˆ ve chaw hta‸ yawˇ caˍ piˇ leh, veu‸ kʼaˇ maˇ cawˬ ve chaw hta‸veu‸ kʼaˇ feuˉ piˇ ve yoˬ.
8
Yawˇ shu hta‸ hpu chiˇ piˇ ve htawˇ awˬ yawˬ maˇ yuˬ caˇ. Haiˬ ve kanˉ hta‸ yawˇ maˇ te. Ya‸ da‸ jiˆda‸ ve chaw hta‸ yawˇ hteˇ lehˍ suhˉ jehˬ piˇ ve yoˬ.
9
Chaw chi hkʼe ve teˇ gʼaˇ lehˬ, ngaˬ ve awˬliˇtawˇhkawˇ teˇ hpaˍ hta‸ hkʼa deh‸ na yuˬ chehˇ ve chaw hpeh‸ ve yoˬ. Yawˇ lehˬ hteˇ ve cawˇ ve chaw hpeh‸ ve pa taw, yawˇ gʼa te‸ chehˇ tuˬ yoˬ.
10
Ya‸ hkʼaˇ, yawˇ lehˬ yaˇ teˇ gʼaˇ cawˬ ve yoˬ. Yaˇ oˇ ve lehˬ shu ve mawˇ hta‸ hiˉ yuˬ lu yuˬ leh, shu hta‸ tiˇpehˍ ve yoˬ. Yawˇ ve awˬ pa maˇ te jaw ve kanˉ hta‸ te ve yoˬ.
11
Yawˇ lehˬ shaˉ ho‸ hta‸ tanˇ taˍ ve caˇ tuˬ hta‸ caˇ leh, shu miˇ shu yaˇ hta‸ ka‸ ya‸ ve yoˬ.
12
Yawˇ lehˬ haˍ ve gʼawˇ ve chaw hui hta‸ heˍ caˇ leh, shu geh la‸ shawnˍ yuˬ ve yoˬ. Buiˇshaˆ aˉ naˆ chaw hui ve bon yehˬ lo kʼai leh, cha‸ chiˆ ve shaˉ ho‸ teˇ hpaˍ hta‸ oˉ kʼoˍ pui ve yoˬ.
13
Shu hta‸ hpu chiˇ piˇ leh awˬ yawˬ yuˬ caˇ ve yoˬ. Yawˇ gʼa te‸ chehˇ tuˬ ve laˇ. Maˇ heˆ. Yawˇ maˇ gʼa te‸ chehˇ. Yawˇ lehˬ cha‸ chiˆ ve kanˉ oˇ ve teˇ hpaˍ hta‸ te ve pa taw gʼa suh tuˬ yoˬ. Yawˇ gʼa suh ve lehˬ yawˇ ve venˇbaˆ hta‸ pa taw yoˬ.
14
Chaw oˇ ve lehˬ yaˇ paˍ teˇ gʼaˇ cawˬ ve yoˬ. Yaˇ oˇ ve lehˬ yawˇ awˬ pa te chehˇ ve cha‸ chiˆ ve kanˉ hkʼa peu-eˬ ve hta‸ mawˬ chehˇ ve yoˬ. Ya‸ hkʼaˇ, yawˇ awˬ pa te ve hkʼe yawˇ maˇ te.
15
Iˉsaˍreˍlaˆ chaw hui te taˍ ve shaˉ ho‸ teˇ hpaˍ hta‸ yawˇ oˉ kʼoˍ maˇ pui. Shaˉ ho‸ oˇ ve teˇ hpaˍ hta‸ tanˇ taˍ ve caˇ tuˬ hta‸ htawˇ yawˇ maˇ caˇ. Shu miˇ shu yaˇ hta‸ ka‸ yawˇ maˇ ya‸.
16
Shu hta‸ yawˇ maˇ fawˉ mehˍ. Shu ve mawˇ hta‸ ka‸ maˇ ca hiˉ yuˬ. Shu geh la‸ shawnˍ maˇ yuˬ caˇ. Meu‸ve kaˆ ve chaw teˇ hpaˍ hta‸ yawˇ caˍ piˇ leh, veu‸ kʼaˇ maˇ cawˬ ve chaw hui hta‸ feuˉ piˇ deh piˇ chehˇ ve yoˬ.
17
Cha‸ chiˆ ve kanˉ hta‸ yawˇ maˇ te. Shu hta‸ hpu chiˇ piˇ leh awˬ yawˬ yuˬ caˇ ve ka‸ maˇ te. Yawˇ lehˬ ngaˬve awˬliˇtawˇhkawˇ hta‸ hkʼa deh‸ na yuˬ chehˇ ve chaw hpeh‸ ve yoˬ. Yawˇ awˬ pa ve venˇbaˆ hta‸ pa taw yawˇ gʼa suh tuˬ ve maˇ heˆ. Yawˇ gʼa te‸ chehˇ tuˬ yoˬ.
18
Ya‸ hkʼaˇ, yawˇ awˬ pa lehˬ shu hta‸ heˍ caˇ leh shu ve mawˇ hta‸ hiˉ yuˬ ve yoˬ. Yawˇ lehˬ hkʼaˬ htaˆ ka‸ cha‸ chiˆ ve kanˉ hta‸ tiˉ te chehˇ ve yoˬ. Yawˇ te ya‸ ve venˇbaˆ hta‸ pa taw yawˇ gʼa suh tuˬ yoˬ.
19
Ya‸ hkʼaˇ nawˬ hui lehˬ, Aˬ hto‸ ma pa taw, awˬ pa te ya‸ taˍ ve venˇbaˆ awˬ tan awˬ yaˇ maˇ gʼa hkanˍ ve le, teh‸ kʼaw‸ na nyi laˇ chehˇ ve yoˬ. Awˬ lawn kʼo, awˬ yaˇ paˍ lehˬ hteˇ ve cawˇ ve kanˉ hta‸ tiˉ te ve pa taw yoˬ. Yawˇ lehˬ ngaˬ ve awˬliˇtawˇhkawˇ teˇ hpaˍ hta‸ hkʼa deh‸ na yuˬ chehˇ ve pa taw, yawˇ gʼa te‸ chehˇ tuˬ yoˬ.
20
Te ya‸ ve chaw teˇ gʼaˇ ceh tiˉ gʼa suh ve yoˬ. Awˬ pa te ya‸ ve venˇbaˆ awˬ tan awˬ yaˇ paˍ gʼa hkanˍ tuˬ ve maˇ heˆ. Oˇ ve hkʼa shuˍ, awˬ yaˇ te ya‸ve venˇbaˆ awˬ tan awˬ pa gʼa hkanˍ tuˬ ve maˇ heˆ. Da‸ ve chaw lehˬ da‸ve kanˉ hta‸ te ve pa taw, awˬ bon gʼa tuˬyoˬ. Haiˬ ve chaw lehˬ haiˬ ve kanˉ hta‸ te ve pa taw ciˍ yanˍ ve hta‸ gʼa hkanˍ tuˬ yoˬ.
21
Haiˬ ve chaw lehˬ a shu yawˇ ve venˇbaˆ hta‸ dawˇ hpfuhˆ leh, ngaˬ ve awˬliˇtawˇhkawˇ hta‸ na yuˬ ve hkʼaw da‸ ve kanˉ hta‸ ceh tiˉ kʼaw‸ te ve kʼo, yawˇ gʼa suh tuˬ ve maˇ heˆ. Gʼa te‸ chehˇ tuˬ yoˬ.
22
Ngaˬ lehˬ yawˇ ve venˇbaˆ hkʼa peu-eˬ hta‸ hpehˇ piˇ leh, yawˇ gʼa te‸ chehˇ tuˬ yoˬ. Awˬ lawn kʼo, yawˇ lehˬ da‸ ve kanˉ hta‸ tiˉ kʼaw‸ te ve pa taw yoˬ.
23
Haiˬ ve chaw teˇ gʼaˇ suh-e ve pa taw ngaˬ ha lehˬ ve yoˬ, teh‸ nawˬ dawˇ ve laˇ. Oˇ hkʼe maˇ heˆ. Yawˇ venˇbaˆ dawˇ hpfuhˆ leh kʼaw‸ te‸ chehˇ ve hta‸ ngaˬ mawˬ gaˇ ve yoˬ.
24
Ya‸ hkʼaˇ, hteˇ ve cawˇ ve chaw teˇ gʼaˇ nyi ma kʼaw‸ pa leh haiˬ ve chaw hkʼa shuˍ cha‸ chiˆ ve kanˉ hta‸ kʼaw‸ te ve kʼo, yawˇ gʼa te‸ chehˇ tuˬve laˇ. Maˇ heˆ taˬ. Yawˇ te taˍ peuˬ ve da‸ ve kanˉ teˇ hpaˍ hta‸ ngaˬ kʼaw‸ dawˇ nawˇ piˇ tuˬ ve maˇ heˆ. Yawˇ ka ti‸ maˇ yeˬ leh cha‸ chiˆ ve kanˉ hta‸ te ve pa taw gʼa suh tuˬ yoˬ.
25
Ya‸ hkʼaˇ nawˬ hui lehˬ, Gʼuiˬsha ve kanˉ chi a ciˉ ka‸ maˇ cawˇ, teh‸ kʼoˆ ve yoˬ. Iˉsaˍreˍlaˆ chaw teˇ hpaˍ-oˬ, ngaˬ ve tawˇ hta‸ na sheˍ. Ngaˬ te ve kanˉ teˇ hpaˍ maˇ cawˇ teh‸ nawˬ hui kʼoˆ ve yoˬ. Maˇ cawˇ ve lehˬ nawˬ hui te chehˇ ve kanˉ hpeh‸ ve yoˬ.
26
Hteˇ ve cawˇ ve chaw teˇ gʼaˇ nyi ma kʼaw‸ pa leh, haiˬ ve kanˉ hta‸ te kʼai peuˬ hkʼaw‸ nawˉ suh-e ve yoˬ. Yawˇ suh-e ve lehˬ yawˇ te taˍ peuˬ ve cha‸ chiˆ ve kanˉ teˇ hpaˍ hta‸ pa taw yoˬ.
27
Haiˬ ve chaw teˇ gʼaˇ venˇbaˆ dawˇ hpfuhˆ leh da‸ ve kanˉ hta‸ kʼaw‸ te ve kʼo, yawˇ ve a sha‸ hta‸ yawˇ ponˬ piˇ ve yoˬ.
28
Yawˇ te chehˇ ve kanˉ hta‸ yawˇ kʼaw‸ shiˍ leh baˬ taˉ ve pa taw, yawˇ maˇ gʼa suh. Gʼa te‸ chehˇ tuˬ yoˬ.
29
Hkʼe ka‸, nawˬ hui Iˉsaˍreˍlaˆ chaw teˇ hpaˍ lehˬ, Gʼuiˬsha te ve kanˉ a ciˉ ka‸ maˇ cawˇ, teh‸ kʼoˆ chehˇ ve yoˬ Maˇ cawˇ ve lehˬ nawˬ hui te chehˇ ve kanˉ hpeh‸ ve yoˬ.
30
Chi hta‸ pa taw, chi beu‸ ngaˬ nawˬ hui Iˉsaˍreˍlaˆ chaw hui hta‸ chi hkʼe kʼoˆ laˇ chehˇ ve yoˬ. Nawˬ hui teˇ gʼaˇ peuˬ teˇ gʼaˇ te chehˇ ve kanˉ hta‸ nyi leh, ngaˬ nawˬ hui hta‸ suhˉ jehˬ laˇ tuˬyoˬ. Nawˬ hui te chehˇ ve cha‸ chiˆ ve kanˉ teˇ hpaˍ hta‸ baˬ taˉ-oˆ. Nawˬ hui ve venˇbaˆ nawˬ hui hta‸ taˇ te luˬ tcuh.
31
Nawˬ hui te chehˇ ve cha‸ chiˆ ve kanˉ hkʼa peu-eˬ hta‸ baˬ taˉ leh, nyi ma awˬ suhˉ cawˬ la piˇ-oˆ. Aˬ hto‸ ma te nawˬ hui suh gaˇ ve le.
32
Nawˬ hui teˇ gʼaˇ hta‸ ka‸ ngaˬ maˇ suh-e piˇ lawˬ gaˇ. Chi hta‸ pa taw, nawˬ hui ve venˇbaˆ hta‸ dawˇ hpfuhˆ leh a sha‸ te‸ chehˇ-oˆ, teh‸ Gʼuiˬsha kʼoˆ ve yoˬ.
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48