bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Ezekiel 20
Ezekiel 20
Lahu Bible Edited © Thailand Bible Society and Bible Society of Myanmar, 2010, 2020.
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 21 →
1
Ngaˬ hui shu mvuhˇmiˬ hkʼaw chehˇ taˍ ve suhˍ hkʼaw‸ teˇ hkʼaw‸, ha pa ngaˇ maˬ teˇ maˬ teˇ chi nyi gaˬ htaˇ, Iˉsaˍreˍlaˆ chaw awˬ hoˉ awˬ naˬ teˇ hpaˍ ngaˬ geh laˬ leh, Gʼuiˬsha ve a loˍ hkʼaˬ hkʼe cawˬ ve ngaˬ hta‸ ca na nyi la ve yoˬ. Yawˇ hui ngaˬ mehˆ gʼuˇ suhˍ lo hpoˆ mui chehˇ taˍ ve yoˬ.
2
Oˇ htaˇ, Gʼuiˬsha ngaˬ hta‸ chi hkʼe kʼoˆlaˇ ve yoˬ.
3
Chaw yaˇ-oˬ, ngaˬ kʼoˆ chehˇ ve tawˇ chi teˇ hpaˍ yawˇ hui hta‸ kʼoˆ maˍ piˇ-oˆ. Nawˬ hui ngaˬ ve a loˍ hkʼaˬ hkʼe cawˬ ve hta‸ ca na la ve laˇ. Ngaˬ lehˬ te‸ chehˇ ve Gʼuiˬsha hpeh‸ ve hkʼe, nawˬ hui ngaˬ hta‸ teˇ ceuˬ ceuˬ na nyi tuˬ a hkaw-anˬ pe‸ laˇ tuˬ ve maˇ heˆ. Ngaˬ Gʼuiˬsha chi hkʼe kʼoˆ ve yoˬ.
4
Chaw yaˇ-oˬ, nawˬ yawˇ hui hta‸ suhˉ taˆ piˇ tuˬ ve laˇ. Oˇ hkʼe yoˬ kʼo, yawˇ hui hta‸ suhˉ taˆ piˇ-oˆ. Yawˇ hui ve awˬ pa teˇ hpaˍ hkʼaˬ ma cha‸ chiˆ ve kanˉ te taˍ peuˬ ve yawˇ hui hta‸ kʼaw‸ dawˇ nawˇ piˇ-oˆ.
5
Ngaˬ kʼoˆ chehˇ ve tawˇ chi teˇ hpaˍ htawˇ, yawˇ hui hta‸ kʼoˆ maˍ piˇ-oˆ. Iˉsaˍreˍlaˆ chaw hta‸ ngaˬ leuˆ yuˬ ve teˇ yanˇ, ngaˬ yawˇ hui hta‸ ka ti‸ teˇ maˬ te piˇ taˍ ve yoˬ. Eˇjiˇtu‸ mvuhˇmiˬ hkʼaw ngaˬ ve awˬ to yawˇ hui hta‸ maw piˇ leh, Ngaˬ lehˬ nawˬ hui ve Gʼuiˬsha hpeh‸ ve yoˬ, teh‸ yawˇ hui hta‸ kʼoˆ piˇ taˍ ve yoˬ.
6
Oˇ htaˇ, ngaˬ yawˇ hui hta‸ Eˇjiˇtu‸ mvuhˇmiˬ hkʼaw shiˍ tawˆ piˇ leh, awˬ nu ve mvuhˇmiˬ teˇ hpaˍ a‸ kehˉ hkuiˇ jaˇ da‸ jaˇ ve mvuhˇmiˬ hkʼaw yawˇ hui hta‸ shiˍ kʼai piˇ tuˬ ka ti‸ te piˇ taˍ ve yoˬ.
7
Ngaˬ lehˬ yawˇ hui ve Gʼuiˬsha hpeh‸ ve pa taw, yawˇ hui ha‸ ve shaˉ ho‸ teˇ hpa hta‸ baˬ taˉ tuˬ maˇ kʼoˆ, Eˇjiˇtu‸ chaw hui ve gʼuiˬsha teˇ hpaˍ hta‸ oˉ kʼoˍ pui leh a shu yawˇ awˬ to hta‸ cha‸ chiˆ tuˬ maˇ gʼa te tuˬ maˇ kʼoˆ, ngaˬ yawˇ hui hta‸ kʼoˆ piˇ taˍ ve yoˬ.
8
Ya‸ hkʼaˇ, yawˇ hui ngaˬ hta‸ maˇ shawˍ maˇ caˆ te leh, ngaˬ ve tawˇ hta‸ maˇna yuˬ. Yawˇ hui ve cha‸ chiˆ ve gʼuiˬsha, maˇ heˆ kʼo Eˇjiˇtu‸ chaw hui ve gʼuiˬsha teˇ hpaˍ hta‸ maˇ baˬ taˉ. Chi hta‸ pa taw, Eˇjiˇtu‸ mvuhˇmiˬ hkʼaw ngaˬ nyi ma zuhˆ ve awˬ ceuˬ yawˇ hui hta‸ leh‸ nyi tcuh tuˬ ngaˬ gu taˍ ve yoˬ.
9
Ya‸ hkʼaˇ oˇ hkʼe te ve kʼo, ngaˬ ve awˬ me‸ awˬ hponˇ luˬ kʼai tuˬ ve hta‸ shiˍ ve pa taw, ngaˬ oˇ hkʼe maˇ kʼaw‸ te piˇ. Awˬ lawn kʼo, oˇ kaˬ lo yawˇ hui geh teˇ geh chehˇ taˍ ve chaw chi ma ve mehˆ gʼuˇ suhˍ lo, Iˉsaˍreˍlaˆ chaw hta‸ ngaˬ Eˇjiˇtu‸ mvuhˇmiˬ hkʼaw shiˍ tawˆ-e piˇ tuˬ ngaˬ gʼa kʼoˆ taˍ peuˬ ve pa taw yoˬ.
10
Chi hta‸ pa taw, ngaˬ yawˇ hui hta‸ Eˇjiˇtu‸ mvuhˇmiˬ hkʼaw shiˍ tawˆ-e piˇ leh, heh puiˉ hkʼaw lo shiˍ kʼai piˇ ve yoˬ.
11
Ngaˬ yawˇ hui hta‸ ngaˬ ve awˬliˇtawˇhkawˇ teˇ hpaˍ maˍ piˇ ve yoˬ. Awˬliˇtawˇhkawˇ oˇ ve teˇ hpaˍ hta‸ na yuˬ ve chaw lehˬ a sha‸ gʼa te‸ chehˇ ve yoˬ.
12
Ngaˬ yawˇ hui hta‸ da‸ kehˬ piˇ taˍ ve hta‸ dawˇ nawˇ tuˬ, shinˉ nyi htaˇ da‸ tuˬ kehˬ tuˬ te tuˬ awˬ pon, ngaˬ yawˇ hui hta‸ ka ti‸ te piˇ taˍ ve yoˬ.
13
Ya‸ hkʼaˇ, heh puiˉ hkʼaw lo ka‸ yawˇ hui ngaˬ hta‸ maˇ shawˍ maˇ caˆ te ve yoˬ. Na yuˬ ve chaw teˇ hpaˍ hta‸ a sha‸ te‸ chehˇ piˇ lawˬ ve ngaˬ ve awˬliˇtawˇhkawˇ oˇ ve teˇ hpaˍ hta‸ yawˇ hui baˬ taˉ ve yoˬ. Yawˇ hui lehˬ shinˉ nyi hta‸ maˇ shawˍ maˇ caˆ te ve yoˬ. Oˇ kaˬ heh puiˉ hkʼaw lo, ngaˬve nyi ma zuhˆ ve awˬ ceuˬ yawˇ hui hta‸ leh‸ nyi tcuh leh, yawˇ hui hta‸ te luˬ te she‸ piˇ tuˬ ngaˬ gu taˍ ve yoˬ.
14
Ya‸ hkʼaˇ, oˇ hkʼe te piˇ ve kʼo, ngaˬ ve awˬ me‸ awˬhponˇ luˬ kʼai tuˬ ve hta‸ shiˍ ve pa taw, ngaˬ oˇ hkʼe maˇ kʼaw‸ te piˇ. Awˬ lawn kʼo, Eˇjiˇtu‸ mvuhˇmiˬ hkʼaw ngaˬ yawˇ hui hta‸ shiˍ tawˆ la piˇ chehˇ ve hta‸ awˬ nu ve chaw ceuˬ teˇ hpaˍ htawˇ gʼa mawˬ taˍ ve pa taw yoˬ.
15
Chi hta‸ pa taw, awˬ nu ve mvuhˇmiˬ teˇ hpaˍ a‸ kehˉ hkuiˇ jaˇ da‸ jaˇ ve mvuhˇmiˬ oˇ ve hkʼaw ngaˬ yawˇ hui hta‸ shiˍ lo‸-e piˇ tuˬ ve maˇ heˆ, teh‸ heh puiˉ hkʼaw lo yawˇ hui hta‸ ka ti‸ kʼaw‸ te piˇ ve yoˬ.
16
Ngaˬ yawˇ hui hta‸ oˇ hkʼe ka ti‸ gʼa te piˇ ve lehˬ, yawˇ hui ngaˬ ve awˬliˇtawˇhkawˇ teˇ hpaˍ hta‸ chiˇ baˬ leh, shinˉ nyi hta‸ cha‸ chiˆ kʼai tuˬ te ve pa taw yoˬ. Yawˇ hui lehˬ shaˉ ho‸ teˇ hpaˍ hta‸ ceh tiˉ oˉ kʼoˍ pui gaˇ ve yoˬ.
17
Ya‸ hkʼaˇ, ngaˬ yawˇ hui hta‸ kʼaw‸ ha kʼaˉ piˇ ve yoˬ. Yawˇ hui hta‸ heh puiˉ hkʼaw lo maˇ kʼaw‸ tiˇ pehˍ piˇ tuˬ ngaˬ kʼaw‸ dawˇ cheˆ ve yoˬ.
18
Yawˇ hui ve yaˇ nehˬ teˇ hpaˍ hta‸ ngaˬ chi hkʼe shaˍ ti‸ piˇ ve yoˬ. Nawˬ hui ve awˬ puˍ awˬ pi hui te teh taˍ ve awˬ liˇ awˬhkʼaˇ teˇ hpaˍ hta‸ taˇ na yuˬ. Yawˇ hui te ve hkʼe taˇ gʼa‸ te. Yawˇ hui ve shaˉ ho‸ teˇ hpaˍ hta‸ oˉ kʼoˍ pui leh nawˬ hui ve awˬ to hta‸ cha‸ chiˆ tuˬ taˇ te.
19
Ngaˬ lehˬ nawˬ hui ve Gʼuiˬsha hpeh‸ ve yoˬ. Ngaˬ ve awˬliˇtawˇhkawˇ teˇ hpaˍ hta‸ hkʼa deh‸ na yuˬ-o‸.
20
Ngaˬ lehˬ nawˬ hui ve Gʼuiˬsha hpeh‸ ve hta‸ nawˬ hui dawˇ nawˇ chehˇ leh, ngaˬ hui te taˍ ve ka ti‸ shaˉ caˆ shaˉ hkiˆ hpeh‸ tuˬ, shinˉ nyi hta‸ da‸ kehˬ ve awˬ nyi teh‸ shawˍ taˍ-o‸, teh‸ ngaˬ yawˇ hui hta‸ shaˍ ti‸ piˇ taˍ ve yoˬ.
21
Ya‸ hkʼaˇ, chaw oˇ ve teˇ co htawˇ ngaˬ hta‸ maˇ shawˍ maˇ caˆ te ve yoˬ. Yawˇ hui lehˬ ngaˬ ve awˬliˇtawˇhkawˇ teˇ hpaˍ hta‸ maˇ na yuˬ. Oˇ ve teˇ hpaˍ hta‸ na yuˬ ve chaw lehˬ a sha‸ gʼa te‸ve yoˬ. Heh puiˉ hkʼaw lo ngaˬ ve nyi ma zuhˆ ve awˬ ceuˬ yawˇ hui hta‸ leh‸ nyi tcuh leh, yawˇ hui hta‸ tiˇ pehˍ piˇ tuˬ ngaˬ gu taˍ ve yoˬ.
22
Ya‸ hkʼaˇ, oˇ hkʼe te ve kʼo ngaˬ ve awˬ me‸ awˬ hponˇ luˬ kʼai tuˬ ve hta‸ shiˍ ve pa taw, ngaˬ oˇ hkʼe maˇ kʼaw‸ te piˇ. Awˬ lawn kʼo, Eˇjiˇtu‸ mvuhˇmiˬ hkʼaw ngaˬ yawˇ hui hta‸ shiˍ tawˆ-e piˇ chehˇ ve hta‸ awˬ nu ve chaw ceuˬ teˇ hpaˍ htawˇ gʼa mawˬ taˍ peuˬ ve pa taw yoˬ.
23
Hkʼe te leh, heh puiˉ hkʼaw lo ngaˬ yawˇ hui hta‸ ka ti‸ teˇ pawˆ kʼaw‸ te piˇ ve yoˬ. Yawˇ hui hta‸ hkʼaˬ hpawˇ chi hpawˇ lo hpaˆ da‸ kʼai piˇ tuˬ ngaˬ dawˇ cheˆ taˍ ve yoˬ.
24
Ngaˬ oˇ hkʼe te ve lehˬ yawˇ hui ngaˬ ve awˬliˇtawˇhkawˇ hta‸ chiˇ baˬ leh, shinˉ nyi hta‸ maˇ shawˍ maˇ caˆ te ve awˬ hkʼoˆ, yawˇ hui ve awˬ puˍ awˬ pi hui oˉ kʼoˍ pui jaw ve shaˉ ho‸ teˇ hpaˍ hta‸ oˉ kʼoˍ pui ve pa taw yoˬ.
25
Oˇ ve hkʼaw‸ nawˉ, a sha‸ te‸ tuˬ te laˇ maˇ gʼa ve maˇ da‸ ve awˬliˇtawˇhkawˇ teˇ hpaˍ ngaˬ yawˇ hui hta‸ kʼaw‸ piˇ ve yoˬ.
26
Yawˇ hui ve tuˉ tanˇ tuˬ teˇ hpaˍ hta‸ cuˇ leh, ngaˬ yawˇ hui hta‸ cha‸ chiˆ kʼai piˇ lawˬ leh, yawˇ hui ve yaˇ paˍ uiˍ teˇ hpaˍ hta‸ tuˉ tanˇ tuˬ ngaˬ a hkaw-anˬ piˇ ve yoˬ. Ngaˬ oˇ hkʼe te piˇ ve lehˬ, yawˇ hui hta‸ ciˍ yanˍ piˇ leh, ngaˬ Gʼuiˬsha hpeh‸ ve yawˇ hui hta‸ maˍ piˇ gaˇ ve pa taw yoˬ.
27
Chaw yaˇ-oˬ, ngaˬ kʼoˆ chehˇ ve tawˇ chi teˇ hpaˍ Iˉsaˍreˍlaˆ chaw hui hta‸ kʼoˆ maˍ piˇ-oˆ. Yawˇ hui ve awˬ puˍ awˬ pi teˇ hpaˍ ka ti‸ maˇ yeˬ leh, ngaˬ hta‸ maˇ shawˍ maˇ caˆ te laˇ ve awˬ kaˍ awˬ nu awˬ lawn teˇ ceuˬ chi hkʼe cawˬ sheˍ ve yoˬ.
28
Ngaˬ yawˇ hui hta‸ piˇ tuˬ ka ti‸ te taˍ ve mvuhˇmiˬ hkʼaw ngaˬ yawˇ hui hta‸ shiˍ kʼai piˇ ve yoˬ. Mvuh ve hkʼaw pui leh, nawˉ lehˍ cawˬ ve suhˆ cehˬ teˇ hpaˍ hta‸ yawˇ hui gʼa mawˬ ve teˇ yanˇ, oˇ ve hkʼa peu-eˬ hta‸ yawˇ hui tuˉ tanˇ piˇ ve yoˬ. Yawˇ hui lehˬ tanˇ tuˬ teˇ hpaˍ leh a pehˉ meuˇ gʼuiˬ teˇ hpaˍ hta‸ tuˉ tanˇ piˇ ve hkʼaw, ngaˬ hta‸ nyi ma zuhˆ tuˬ te laˇ ve yoˬ.
29
Chi hta‸ pa taw, ngaˬ yawˇ hui hta‸ chi hkʼe na nyi ve yoˬ. Nawˬ hui kʼai chehˇ ve mvuh ve chehˇ kuiˬ oˇ ve teˇ hpaˍ aˬ hto‸ ma le. Hkʼe te leh, chehˇ kuiˬ oˇ ve teˇ hpaˍ hta‸ Mvuh ve chehˇ kuiˬ, teh‸ meh taˍ ve yoˬ.
30
Chi beu‸ ngaˬ kʼoˆ chehˇ ve tawˇ chi teˇ hpaˍ Iˉsaˍreˍlaˆ chaw hui hta‸ kʼoˆ maˍ piˇ-oˆ. Aˬ hto‸ ma pa taw nawˬ hui lehˬ nawˬ hui ve awˬ pa teˇ hpaˍ te ve venˇbaˆ hta‸ gʼa‸ te leh, yawˇ hui ve shaˉ ho‸ hkʼaˇ suh gʼa‸ kʼai chehˇ ve le.
31
Ya‸ nyi hkʼa gaˬ nawˬ hui lehˬ teˇ ceuˬ tiˉ ve la‸ shawnˍ hta‸ tanˇ piˇ leh, a shu yawˇ ve yaˇ teˇ hpaˍ hta‸ aˬ miˍ tuˉ tanˇ piˇ ve hkʼaw, a shu yawˇ awˬ to hta‸ cha‸ chiˆ tuˬ te chehˇ ve yoˬ. Oˇ hkʼe te peuˬ hkʼaw‸ nawˉ, ngaˬ ve a loˍ hkʼaˬ hkʼe cawˬ ve hta‸ nawˬ hui ca na la ve yoˬ. Ngaˬ lehˬ te‸ chehˇ ve Gʼuiˬsha hpeh‸ ve hkʼe, ngaˬ hta‸ teˇ ceuˬ ceuˬ na nyi tuˬ, nawˬ hui hta‸ a hkaw-anˬ pe‸ laˇ tuˬ maˇ heˆ.
32
Nawˬ hui lehˬ awˬ nu ve chaw ceuˬ teˇ hpaˍ hkʼa shuˍ, suhˆ cehˬ leh haˉ hpawˇ teˇ hpaˍ hta‸ oˉ kʼoˍ pui tuˬ dawˇ cheˆ taˍ peuˬ ve yoˬ. Ya‸ hkʼaˇ, nawˬ hui oˇ hkʼe gʼa te tuˬ ve maˇ heˆ.
33
Ngaˬ lehˬ te‸ chehˇ ve Gʼuiˬsha hpeh‸ ve hkʼe, ngaˬ ve awˬ gʼaˇ uiˍ ve la‸ sheh leh ngaˬ ve kanˇ paˆ hta‸ yehˇ ve hkʼaw nawˬ hui hta‸ uˉ peunˍ tuˬ, ngaˬ nawˬ hui hta‸ shaˍ ti‸ pe‸ laˇ ve yoˬ.
34
Chi beu‸ nawˬ hui gʼa ca chehˇ taˍ ve mvuhˇmiˬ teˇ hpaˍ hkʼaw, ngaˬ nawˬ hui hta‸ kʼaw‸ shiˍ hkʼaw‸ veu laˇ piˇ ve teˇ yanˇ, ngaˬ ve kanˇ paˆ leh ngaˬ ve nyi ma zuhˆ ve awˬ ceuˬ nawˬ hui hta‸ maˍ laˇ tuˬ yoˬ.
35
Ngaˬ nawˬ hui hta‸, chaw ceuˬ teˇ hpaˍ ve hteunˍ lonˉ, teh‸ kʼoˆ ve chehˇ kuiˬ lo shiˍ kʼai leh, nawˬ hui hta‸ suhˉ jehˬ laˇ tuˬ yoˬ.
36
Siˉnaˆ heh puiˉ hkʼaw lo, nawˬ hui ve awˬ pa te ˇhpaˍ hta‸ ngaˬ ciˍ yanˍ piˇ ve hkʼe, nawˬ hui hta‸ htawˇ chi beu‸ ngaˬ ciˍ yanˍ laˇ tuˬ yoˬ.
37
Ngaˬ nawˬ hui hta‸ hkʼa deh‸ kʼaw‸ uˉ peunˍ leh, nawˬ hui ngaˬ ve ka ti‸ tawˇ hkawˇ teˇ hpaˍ hta‸ hkʼa deh‸ kʼaw‸ na yuˬ tuˬ ngaˬ te tuˬ yoˬ.
38
Kʼaw‸ hpfuhˆ gaˇ puiˉ ve chaw leh venˇbaˆ uiˍ ve chaw teˇ hpaˍ hta‸ nawˬ hui geh ngaˬ yuˬ tawˆ tuˬ yoˬ. Chi beu‸ yawˇ hui chehˇ taˍ ve mvuhˇmiˬ hkʼaw ngaˬ yawˇ hui hta‸ yuˬ tawˆ tuˬ yoˬ. Ya‸ hkʼaˇ, ngaˬ yawˇ hui hta‸ Iˉsaˍreˍlaˆ chaw hui ve mvuhˇmiˬ lo kʼaw‸ kʼaw‸ la tcuh tuˬ ve maˇ heˆ. Oˇ htaˇ, ngaˬ Gʼuiˬsha hpeh‸ ve hta‸ nawˬ hui gʼa shiˍ tuˬ yoˬ.
39
Chi hta‸ pa taw, Iˉsaˍreˍlaˆ chaw teˇ hpaˍ-oˬ, chi beu‸ nawˬ hui dawˇ taˍ ve hkʼe te-o. Nawˬ hui ve shaˉ ho‸ teˇ hpaˍ hta‸ oˉ kʼoˍ ca pui-o. Nawˬ hui oˇ hkʼe ca te taˉ peuˬ hkʼaw‸ nawˉ, nawˬ hui ngaˬ ve tawˇ hta‸ gʼa kʼaw‸ na leh, shaˉ ho‸ teˇ hpaˍ hta‸ tuˉ tanˇ piˇ ve hkʼaw da‸ kehˬ ve ngaˬ ve aw meh hta‸ maˇ shawˍ maˇ caˆ te chehˇ ve hta‸ jehˇ taˍ tuˬ, ngaˬ nawˬ hui hta‸ shaˍti‸ piˇ laˇ ve yoˬ.
40
Iˉsaˍreˍlaˆ mvuhˇmiˬ hkʼaw cawˬ ve ngaˬ ve da‸ kehˬ ve hkʼaw hkʼoˆ lo, nawˬ hui hkʼa peu-eˬ ngaˬ hta‸ oˉ kʼoˍ gʼa pui tuˬ yoˬ. Ngaˬ nawˬ hui hta‸ nyi hkʼaˇ suh leh, nawˬ hui ve tuˉ tanˇ tuˬ, awˬ shiˍ awˬ nu tanˇ tuˬ, leh nawˬ hui ve da‸ kehˬ ve tanˇ tuˬ teˇ hpaˍ hta‸ ngaˬ geh yuˬ la tuˬ ngaˬ heuˆ gaˇ ve yoˬ.
41
Chi beu‸ nawˬ hui gʼa ca chehˇ taˍ ve mvuhˇmiˬ oˇ ve teˇ hpaˍhkʼaw, ngaˬ nawˬ hui hta‸ kʼaw‸ shiˍ tawˆ la piˇ leh, nawˬ hui hta‸ teˇ geh kʼaw‸ chehˇ tcuh peuˬ ve teˇ yanˇ, nawˬ hui ve tuˉ tanˇ tuˬ teˇ hpaˍ hta‸ ngaˬ ha‸ yuˬ laˇ tuˬ yoˬ. Oˇ htaˇ, ngaˬ lehˬ da‸ kehˬ jaˇ ve hta‸ awˬ nu ve chaw ceuˬ teˇ hpaˍ gʼa mawˬ tuˬ yoˬ.
42
Nawˬ hui ve awˬ puˍ aw pi hui hta‸ piˇ tuˬ ngaˬ ka ti‸ te piˇ taˍ peuˬ ve mvuhˇmiˬ oˇ ve hkʼaw, ngaˬ nawˬ hui hta‸ kʼaw‸ shiˍ hkʼaw‸ veu laˇ piˇ ve teˇ yanˇ ngaˬ lehˬ Gʼuiˬsha hpeh‸ ve hta‸ nawˬ hui shiˍ la tuˬ yoˬ.
43
Oˇ htaˇ, nawˬ hui lehˬ hkʼaˬ ma cha‸ chiˆ ve kanˉ hta‸ te taˉ peuˬ ve hta‸ kʼaw‸ dawˇ nawˇ la tuˬ yoˬ. Nawˬ hui te taˉ peuˬ ve cha‸ chiˆ ve kanˉ oˇ ve teˇ hpaˍ hta‸ pa taw, nawˬ hui dawˇ haˍ jaˇ tuˬ yoˬ.
44
Ngaˬ ve awˬ me‸ awˬ hponˇ maˇ gʼa luˬ kʼai tuˬ ngaˬ te ve teˇ yanˇ, ngaˬ lehˬ Gʼuiˬsha hpeh‸ ve hta‸ nawˬ hui Iˉsaˍreˍlaˆ chaw hkʼa peu-eˬ gʼa shiˍ tuˬ yoˬ. Awˬ lawn kʼo, nawˬ hui te taˍ ve cha‸ chiˆ ve kanˉ hta‸ keunˍ da‸ ve hkʼe, ngaˬ maˇ ciˍ yanˍ piˇ ve pa taw yoˬ, teh‸ Gʼuiˬsha kʼoˆ ve yoˬ.
45
Gʼuiˬsha ngaˬ hta‸ chi hkʼe kʼoˆ laˇ ve yoˬ.
46
Chaw yaˇ-oˬ, awˬ hawˉ hpawˇ lo nyi peu sheˍ. Awˬ hawˉ hpawˇ lo cawˬ ve hteunˍ lonˉ hta‸ tawˇ yaw piˇ-oˆ.
47
Ngaˬ Gʼuiˬsha kʼoˆ chehˇ ve tawˇ chi teˇ hpaˍ awˬ hawˉ hpawˇ lo cawˬ ve hteunˍ lonˉ hta‸ kʼoˆ piˇ-oˆ. Nyi loˬ. Chi beu‸ ngaˬ aˬ miˍ teˇ pe‸ ceh chehˇ leh, awˬ hpa‸ nawˉ lehˍ ve suhˆ cehˬ leh goˇ kʼai taˍ peuˬ ve suhˆ cehˬ hkʼa peu-eˬ ve hta‸ to‸ baˬ piˇ lawˬ tuˬ yoˬ. Aˬ miˍ oˇ ve hta‸ chaw teˇ gʼaˇ ka‸ shiˉ pehˍ gʼa tuˬ ve maˇ heˆ. Aˬ miˍ oˇ ve lehˬ, awˬ hawˉ hpawˇ lo te leh awˬ na hpawˇ lo hkʼa gaˬ to‸ taˆ la leh, chaw hkʼa peu-eˬ aˬ miˍ shaˉ moˉ ve hta‸ gʼa hkanˍ tuˬ yoˬ.
48
Ngaˬ Gʼuiˬsha aˬ miˍ oˇ ve hta‸ tuˉ keu taˍ ve hta‸ chaw hkʼa peu-eˬ gʼa mawˬ leh, chaw teˇ gʼaˇ ka‸ aˬ miˍ oˇ ve hta‸ shiˉ pehˍ gʼa tuˬ ve maˇ heˆ, teh‸ Gʼuiˬsha kʼoˆ ve yoˬ.
49
Ya‸ hkʼaˇ, ngaˬ Gʼuiˬsha hta‸ lawˬ hkawˉ leh, Gʼuiˬsha-oˬ, ngaˬ hta‸ oˇ hkʼe taˇ kʼoˆ tcuh laˇ-oˆ. Awˬ lawn kʼo, ngaˬ lehˬ tawˇ veˆ hkawˇ hta‸ tiˉ yehˇ leh tawˇ yaw chehˇ ve yoˬ, teh‸ chaw hkʼa peu-eˬ kʼoˆ chehˇ ve yoˬ, teh‸ Gʼuiˬsha hta‸ kʼoˆ piˇ ve yoˬ.
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48