bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Ezekiel 22
Ezekiel 22
Lahu Bible Edited © Thailand Bible Society and Bible Society of Myanmar, 2010, 2020.
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 23 →
1
Gʼuiˬsha ngaˬ hta‸ chi hkʼe kʼoˆ laˇ ve yoˬ.
2
Chaw yaˇ-oˬ, chaw hta‸ tiˇ pehˍ shehˍ hpaˇ hkʼa biˇ chehˇ taˍ ve venˇ hta‸ suhˉ jehˬ piˇ tuˬ nawˬ gu taˍ peuˬ laˇ. Yawˇ te taˍ peuˬ ve cha‸ chiˆ ve kanˉ teˇ hpaˍ yawˇ hta‸ kʼoˆ maˍ piˇ-oˆ.
3
Ngaˬ Gʼuiˬsha kʼoˆ chehˇ ve tawˇ chi teˇ hpaˍ venˇ oˇ ve hta‸ kʼoˆ piˇ-oˆ. Nawˬ ve chaw laiˉ gʼaˇ hta‸ nawˬ tiˇ pehˍ leh, shaˉ ho‸ teˇ hpaˍ hta‸ oˉ kʼoˍ pui ve hkʼaw, nawˬ ve awˬ to hta‸ cha‸ chiˆ tuˬ te ve pa taw, nawˬ ve awˬ yanˇ gaˬ la chehˇ ve yoˬ.
4
Nawˬ lehˬ chaw hta‸ tiˇ pehˍ shehˍ hpaˇ oˇ ve teˇ hpaˍ hta‸ pa taw venˇbaˆ cawˬ leh, nawˬ te taˍ ve shaˉ ho‸ oˇ ve teˇ hpaˍ hta‸ pa taw, cha‸ chiˆ kʼai peuˬ. Chi hta‸ pa taw, nawˬ ve awˬ nyi gaˬ la chehˇ leh, nawˬ ve awˬ yanˇ peuˬ kʼai peuˬ. Hkʼe te leh, ngaˬ lehˬ chaw ceuˬ teˇ hpaˍ leh mvuhˇmiˬ hkʼa peu-eˬ nawˬ hta‸ hkʼa mvuhˇ hkʼa na kʼoˆ piˇ lawˬ ve yoˬ.
5
Nawˬ lehˬ, te‸ chiˉ awˬ liˇ uˉ paˍ teˍ maˇ cawˬ ve pa taw, awˬ paˇ lo cawˬ ve mvuhˇmiˬ leh vuiˇ kuiˬ lo cawˬ ve mvuhˇmiˬ teˇ hpaˍ, nawˬ hta‸ hkʼa mvuhˇ hkʼa na kʼoˆ chehˇ ve yoˬ.
6
Iˉsaˍreˍlaˆ chaw awˬ hoˉ awˬ naˬ hkʼa peu-eˬ a shu yawˇ ve awˬ gʼaˇ awˬ shaˉ hta‸ tiˉ gʼaˇ va leh, chaw hta‸ tiˇ pehˬ chehˇ ve yoˬ.
7
Venˇ hkʼaw lo chaw teˇ gʼaˇ ka‸ a shu yawˇ ve awˬ pa awˬ e hta‸ maˇ yawˆ yan-o. Nawˬ lehˬ shu mvuhˇmiˬ hkʼaw chehˇ ve chaw hui hta‸ heˍ caˇ leh, mehˇchawˇma leh yaˇcuˬshi teˇ hpaˍ hta‸ maˇ shawˍ maˇ caˆ te piˇ ve yoˬ.
8
Nawˬ lehˬ da‸ kehˬ ve chehˇ kuiˬ teˇ hpaˍ hta‸ yawˆ yan hkawˇ maˇ shiˍ leh, shinˉ nyi hta‸ maˇ ha‸ shaˉ.
9
Nawˬ ve chaw teˇ hpaˍ shu hta‸ tiˇ pehˍ gʼa tuˬ, shu ve awˬ lawn heˍ hto chehˇ ve yoˬ. Yawˇ hui teˇ hpaˍ hpaˍ, shaˉ ho‸ hta‸ tanˇ taˍ ve tanˇ tuˬ teˇ hpaˍ hta‸ caˇ chehˇ ve yoˬ. Teˇ hpaˍ hpaˍ awˬ suhˍ awˬ shaˍ nyi hkʼaˇ suh tuˬ te chehˇ ve yoˬ.
10
Yawˇ hui teˇ hpaˍ hpaˍ a shu yawˇ awˬ pa ve awˬ miˇ ma geh ca zuh‸ ve yoˬ. Teˇ hpaˍ hpaˍ awˬ liˇ laˬ chehˇ ve yaˇ miˇ hta‸ yawˇ hui geh nyiˉ zuh‸ tcuh ve yoˬ.
11
Teˇ hpaˍ hpaˍ haˉ chawˇ haˉ paˆ te leh, teˇ hpaˍ hpaˍ a shu yawˇ ve awˬ hkuiˇ ma leh awˬ shaˍ ma teˇ hpaˍ hta‸ maˇ shawˍ maˇ caˆ te ve yoˬ.
12
Nawˬ ve chaw teˇ hpaˍ hpaˍ awˬ hpfuhˇ yuˬ caˇ leh chaw hta‸ tiˇ pehˍ ve yoˬ. Teˇ hpaˍhpaˍ Iˉsaˍreˍlaˆ awˬ chawˇ chawˇ hta‸ hpu chiˇ piˇ leh awˬ yawˬ yuˬ caˇ ve yoˬ. Oˇ hkʼe te ve hkʼaw paw sha la tuˬ te ve yoˬ. Yawˇ hui ngaˬ hta‸ leunˇ kʼai peuˬ.
13
Nawˬ shu ve mawˇ jeˬ hta‸ hiˉ yuˬ leh chaw hta‸ tiˇ pehˍ ve pa taw, ngaˬ ve la‸ tsuhˆ pui nawˬ awˬ hkʼoˆ gaˬ la tuˬ yoˬ.
14
Ngaˬ nawˬ hta‸ te luˬ piˇ ve teˇ yanˇ, nawˬ ve la‸ sheh chiˇ tuˬ awˬ gʼaˇ awˬ shaˉ, maˇ heˆ kʼo, ha‸ hanˉ ve nyi ma cawˬ tuˬ sheˍ hehˉ, teh‸ nawˬ dawˇ ve laˇ. NgaˬGʼuiˬsha tawˇ yaw taˍ peuˬ leh, ngaˬ ve tawˇ hta‸ ngaˬ ha‸ shaˉ taˍ ve yoˬ.
15
Ngaˬ nawˬ ve chaw teˇ hpaˍ hta‸ hkʼaˬ mvuhˇ chi miˬ lo hpaˆ da‸ kʼai piˇ leh, nawˬ ve cha‸ chiˆ ve kanˉ teˇ hpaˍ hta‸ awˬ leh meuˇ gaˬ la piˇ tuˬ yoˬ.
16
Oˇ htaˇ, awˬ nu ve chaw ceuˬ teˇ hpaˍ nawˬ hta‸ maˇ yawˆ maˇ yan te tuˬ yoˬ. Ya‸ hkʼaˇ, ngaˬ Gʼuiˬsha hpeh‸ ve hta‸ nawˬ shiˍ la tuˬ yoˬ, teh‸ Gʼuiˬsha kʼoˆ ve yoˬ.
17
Gʼuiˬsha ngaˬ hta‸ chi hkʼe kʼaw‸ kʼoˆ laˇ ve yoˬ.
18
Chaw yaˇ-oˬ, Iˉsaˍreˍlaˆ chaw lehˬ ngaˬ awˬ pon te‸ chiˉ awˬ bon maˇ cawˬ. Yawˇ hui lehˬ hpu hta‸ aˬ miˍ hkʼaw lawˍ peuˬ hkʼaw‸ nawˉ cawˬ taˉ ve kuiˇ, tawnˇ, sho leh geu‸ law hkʼe hpeh‸ ve yoˬ.
19
Chi hta‸ pa taw, yawˇ hui htawˇ oˇ ve hkʼa shuˍ te‸ chiˉ awˬ bon maˇ cawˬ ve yoˬ, teh‸ yawˇ hui hta‸ kʼoˆ piˇ chehˇ ve yoˬ.
20
Hpu, kuiˇ, tawnˇ, sho leh geu‸ law cawˬ taˍ ve haˉ pui shiˍ teˇ hpaˍ hta‸ aˬ miˍ hkʼaw keu ve hkʼe, ngaˬ yawˇ hui hta‸ Yeˍruˆsaˍlehnˍ hkʼaw shiˍ veu laˇ piˇ tuˬ yoˬ. Aˬ miˍ lehˬ mawˇ oˇ ve teˇ hpaˍ hta‸ kuiˬ kʼai piˇ ve hkʼe, ngaˬ ve nyi ma zuhˆ ve teˇ ceuˬ yawˇ hui hta‸ kuiˬ kʼai piˇ tuˬ yoˬ.
21
Yoˬ, ngaˬ yawˇ hui hta‸ Yeˍruˆsaˍlehnˍ venˇ hkʼaw shiˍ laˬ leh, yawˇ hui awˬ hawˉ lo aˬ miˍ ceh peuˬ hkʼaw‸ nawˉ, ngaˬ ve nyi ma zuhˆ ve hta‸ cuˇ leh yawˇ hui hta‸ kuiˬ kʼai piˇ tuˬ yoˬ.
22
Hpu lehˬ aˬ miˍ buiˬ hpfuh hkʼaw kuiˬ kʼai ve hkʼe, yawˇ hui lehˬ Yeˍruˆsaˍlehnˍ venˇ hkʼaw kuiˬ kʼai tuˬ yoˬ. Oˇ htaˇ, yawˇ hui lehˬ Gʼuiˬsha nyi ma zuhˆ ve hta‸ gʼa leh‸ nyi chehˇ taˍ peuˬ ve hta‸ shiˍ la tuˬ yoˬ, teh‸ kʼoˆ ve yoˬ.
23
Gʼuiˬsha ngaˬ hta‸ tawˇ teˇ pawˆ kʼaw‸ yaw laˇ leh kʼoˆ ve,
24
Chaw yaˇ-oˬ, Iˉsaˍreˍlaˆ chaw hui ve mvuhˇmiˬ lehˬ maˇ da‸ kehˬ ve pa taw, ngaˬ nyi ma zuhˆ ve hkʼaw yawˇ hui hta‸ ciˍ yanˍ piˇ chehˇ ve awˬ lawn yawˇ hui hta‸ kʼoˆ piˇ-oˆ.
25
Awˬ hoˉ awˬ naˬ teˇ hpaˍ lehˬ yawˇ hui che‸ pehˍ taˍ ve to nuˇ to shaˆ teˇ hpaˍ awˬ hkʼoˆ lo kuˬ chehˇ ve laˇ caˬ shiˉ hkʼe hpeh‸ ve yoˬ. Yawˇ hui chaw hta‸ tiˇ pehˍ leh hkʼa gʼa ve hpu shi mawˇ jeˬ teˇ hpaˍ hta‸ yuˬve yoˬ. Yawˇ hui tiˇ pehˍ ve pa taw, mehˇchawˇma hkʼa biˇ cawˬ la ve yoˬ.
26
Paw hkuˇ teˇ hpaˍ lehˬ ngaˬ ve awˬliˇtawˇhkawˇ hta‸ te ya‸ leh, da‸ kehˬ ve awˬ ceuˬ hta‸ maˇ yawˆ yan. Da‸ kehˬ ve awˬ ceuˬ leh maˇ da‸ ve awˬ ceuˬ hta‸ yawˇ hui maˇ fuiˍ da‸. Da‸ ve awˬ ceuˬ leh maˇ da‸ve awˬ ceuˬ hta‸ yawˇ hui fuiˍ da‸ pehˬ da‸ leh maˇ maˍ piˇ. Shinˉ nyi hta‸ yawˇ hui a muˆ maˇ taˍ. Oˇ hkʼe te ve pa taw, Iˉsaˍreˍlaˆ chaw teˇ hpaˍ ngaˬ hta‸ maˇ yawˆ yan.
27
Jawˇmawˇ ve kanˉ te paˍ awˬ hoˉ teˇ hpaˍ lehˬ heh hpuiˇ hkʼe hpeh‸ leh, yawˇ hui tiˇ pehˍ taˍ ve to nuˇ to shaˆ teˇ hpaˍ hta‸ tzuh‸ suhˍ piˇ chehˇ ve yoˬ. Yawˇ hui paw sha la tuˬ, chaw hta‸ tiˇ pehˍ chehˇ ve yoˬ.
28
Tcuh kaˍ paˍ teˇ hpaˍ lehˬ gʼo‸ pa hta‸ htunˉ shehˍ piˇ chehˇ ve chaw hkʼe, venˇbaˆ chi teˇ hpaˍ hta‸ faˉ taˍ ve yoˬ. Yawˇ hui lehˬ maˇ cawˇ ve awˬ ha hta‸ gʼa mawˬ leh, maˇ cawˇ ve tawˇ hta‸ yaw chehˇ ve yoˬ. Yawˇ hui lehˬ Gʼuiˬsha ve tawˇ hta‸ yaw chehˇ ve yoˬ, teh‸ kʼoˆ ve yoˬ. Ya‸ hkʼaˇ, ngaˬ Gʼuiˬsha yawˇ hui hta‸ tawˇ yaw piˇ taˍ ve maˇ heˆ.
29
Paw sha ve chaw teˇ hpaˍ heˍ leh hiˉ yuˬ chehˇ ve yoˬ. Yawˇ hui lehˬ haˍ ve gʼawˇ ve chaw leh shu mvuhˇmiˬ chaw hta‸ maˇ shawˍ maˇ caˆ te piˇ chehˇ ve yoˬ.
30
Lanˇ venˇ kawˍ puiˉ ve chaw, paˆ ce taˍ ve lanˇ venˇ paˇ lo huˉ taˍ gʼa ve chaw, leh ngaˬ nyi ma zuhˆ leh te luˬ te sheˆ piˇ htaˇ, mvuhˇmiˬ hta‸ ha‸ shaˉ gʼa ve chaw hta‸ nga ca nyi chehˇ ve yoˬ. Ya‸ hkʼaˇ, teˇ gʼaˇ hta‸ ka‸ ngaˬ maˇ gʼa mawˬ.
31
Chi hta‸ pa taw, ngaˬ nyi ma zuhˆ ve yawˇ hui awˬ hkʼoˆ hpehˇ peu leh, aˬ miˍ hkʼa shuˍ yawˇ hui te taˍ ve kanˉ teˇ hpaˍ hta‸ te luˬ piˇ tuˬ yoˬ, teh‸ Gʼuiˬsha kʼoˆ ve yoˬ.
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 23 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48