bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Ezekiel 13
Ezekiel 13
Lahu Bible Edited © Thailand Bible Society and Bible Society of Myanmar, 2010, 2020.
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 14 →
1
Gʼuiˬsha ngaˬ hta‸ chi hkʼe kʼoˆ laˇ ve yoˬ.
2
Chaw yaˇ-oˬ, a shu yawˇ hkʼaˇ yawˇ dawˇ tawˆ leh tawˇ yaw chehˇ ve tcuh kaˍ paˍ teˇ hpaˍ hta‸ tawˍ taˍ-o‸. Yawˇ hui Gʼuiˬsha ve tawˇ hta‸ na yuˬ tuˬ kʼoˆ piˇ-oˆ, teh‸ ngaˬ hta‸ kʼoˆ laˇ ve yoˬ.
3
Gʼuiˬsha chi hkʼe kʼoˆ ve yoˬ. Haiˬ ve tcuh kaˍ paˍ chi teˇ hpaˍ gʼa luˬ gʼa sheˆ tuˬ yoˬ. Yawˇ hui lehˬ a shu yawˇ hkʼaˇ yawˇ dawˇ tawˆ ve hkʼe kʼoˆ chehˇ te chehˇ ve yoˬ.
4
Iˉsaˍreˍlaˆ chaw teˇ hpaˍ-oˬ, nawˬ hui ve tcuh kaˍ paˍ teˇ hpaˍ lehˬ luˬ kʼai peuˬve venˇ hkʼaw chehˇ taˍ ve te‸ chiˉ tcuhˉ kuiˬ maˇ cawˬ ve heh hpuiˇ teˇ hpaˍ hkʼe hpeh‸ ve yoˬ.
5
Yawˇ hui lehˬ luˬ kʼai chehˇ ve lanˇ venˇ hta‸ maˇ kʼaw‸ gu te. Chi hta‸ pa taw, Gʼuiˬsha ve awˬ nyi hkʼaw ma‸ hpeh‸ la htaˇ Iˉsaˍreˍlaˆ chaw hui hta‸ tawˍ taˍ piˇ shehˍ hpaˇ cawˬ tuˬ ve maˇ heˆ.
6
Yawˇ hui awˬ ha hkʼaw gʼa mawˬ ve awˬ ceuˬ teˇ hpaˍ lehˬ, cawˇ ve maˇ heˆ. Yawˇ hui yaw ve tawˇ teˇ hpaˍ htawˇ, heˍ hkawˇ ceh tiˉ hpeh‸ ve yoˬ. Yawˇ hui lehˬ ngaˬve tawˇ hta‸ yaw chehˇ ve yoˬ teh‸ kʼoˆ ve htawˇ, ngaˬ yawˇ hui hta‸ peu laˇ taˍ ve maˇ heˆ. Hkʼe ka‸, yawˇ hui kʼoˆ taˍ ve tawˇ teˇ hpaˍ biˇ la tuˬ ve hta‸ dawˇ law chehˇ ve yoˬ
7
Ngaˬ yawˇ hui hta‸ chi hkʼe kʼoˆ piˇ ve yoˬ. Nawˬ hui awˬ ha hkʼaw lo gʼa mawˬ ve awˬ ceuˬ oˇ ve teˇ hpaˍ lehˬ cawˇ ve maˇ heˆ. Nawˬ hui yaw chehˇ ve tawˇ teˇ hpaˍ htawˇ, heˍ hkawˇ ceh tiˉ hpeh‸ ve yoˬ. Nawˬ hui lehˬ ngaˬ ve tawˇ hta‸ yaw chehˇ ve yoˬ teh‸ kʼoˆ ve htawˇ, ngaˬ nawˬ hui hta‸ tawˇ yaw piˇ taˍ ve maˇ heˆ, teh‸ Gʼuiˬsha kʼoˆ ve yoˬ.
8
Hkʼe te leh, Gʼuiˬsha yawˇ hui hta‸ chi hkʼe kʼoˆ piˇ ve yoˬ. Nawˬ hui yaw chehˇ ve tawˇ lehˬ maˇ cawˇ. Nawˬ hui awˬ ha hkʼaw gʼa mawˬ ve awˬ ceuˬ teˇ hpaˍ ka‸ heˍ hkawˇ ceh tiˉ hpeh‸ ve yoˬ. Ngaˬ nawˬ hui geh chehˇ taˍ ve maˇ heˆ.
9
Maˇ heˆ heˆ ve awˬ ha teˇ hpaˍ hta‸ mawˬ leh, shu ya‸ kʼaw ya‸ kʼai tuˬ kʼoˆ piˇ chehˇ ve nawˬ hui tcuh kaˍ paˍ teˇ hpaˍ hta‸ ngaˬ ciˍ yanˍ laˇ tuˬ yoˬ. Ngaˬ ve chaw teˇ hpaˍ hpawnˬ da‸ kuiˬ lo nawˬ hui gʼa chehˇ tuˬve maˇ heˆ. Iˉsaˍreˍlaˆ chaw hui ve caˇ lanˇ hkʼaw nawˬ hui ve awˬ meh cawˬ tuˬ ve maˇ heˆ. Nawˬ hui lehˬ a shu yawˇ ve mvuhˇmiˬ lo gʼa kʼaw‸ kʼo‸-e tuˬ ve maˇ heˆ. Oˇ htaˇ, ngaˬ Gʼuiˬsha hpeh‸ ve hta‸ nawˬ hui gʼa shiˍ la tuˬ yoˬ.
10
Tcuh kaˍ paˍ teˇ hpaˍ lehˬ awˬ ceuˬ hkʼa peu-eˬ da‸ la tuˬ yoˬ, teh‸ kʼoˆ leh ngaˬ ve chaw teˇ hpaˍ hta‸ ya‸ kʼaw sheh ya‸ piˇ chehˇ ve yoˬ. Awˬ ceuˬ hkʼa peu-eˬ da‸ la tuˬ ve maˇ heˆ. Ngaˬ ve chaw teˇ hpaˍ lehˬ lanˇ venˇ hta‸ naˬ taweh te kawˍ chehˇ ve yoˬ. Tcuh kaˍ paˍ teˇ hpaˍ laˬ leh htunˉ shehˍ keu ve yoˬ.
11
Lanˇ venˇ oˇ ve paiˍ tuˬ yoˬ, teh‸ tcuh kaˍ paˍ oˇ ve teˇ hpaˍ hta‸ kʼoˆ piˇ-oˆ. Ngaˬ lehˬ mvuhˇ yeˬ leh vaˇ shiˍ hta‸ ya‸ la piˇ leh, lanˇ venˇ oˇ ve hta‸ mvuhˇ haw lonˉ meuˆ tuˬ yoˬ.
12
Lanˇ venˇ oˇ ve paiˍ tuˬ yoˬ. Chaw yaˇ teˇ hpaˍ lehˬ, Lanˇ venˇ oˇ ve hta‸ htunˉ shehˍ taˍ ve aˬ hto‸ ma tcuhˉ kuiˬ cawˬ le, teh‸ nawˬ hui hta‸ na nyi laˇ tuˬ yoˬ, teh‸ Gʼuiˬsha kʼoˆ ve yoˬ.
13
Gʼuiˬsha chi hkʼe kʼoˆ ve yoˬ. Nyi ma zuhˆ jaˇ ve hkʼaw ngaˬ lehˬ lanˇ venˇ oˇ ve hta‸ te luˬ piˇ tuˬ, mvuhˇ haw mvuhˇ yeˬ lonˉ leh vaˇ shiˍ teˇ hpaˍ hta‸ laˬ piˇ tuˬ yoˬ.
14
Yawˇ hui htunˉ shehˍ taˍ ve lanˇ venˇ hta‸ te luˬ piˇ tuˬ leh awˬ hkuiˉ puiˍ kawˍ taˍ ve haˉ pui shiˍ hta‸ hkʼe leˇ baˬ taˉ piˇ tuˬ, ngaˬ dawˇ taˍ ve yoˬ. Lanˇ venˇ oˇ ve paˆ ce leh nawˬ hui hta‸ teˍ pehˍ laˇ tuˬ yoˬ. Oˇ htaˇ, ngaˬ Gʼuiˬsha hpeh‸ ve hta‸ nawˬ hui shiˍ la tuˬ yoˬ.
15
Lanˇ venˇ oˇ ve leh, lanˇ venˇ oˇ ve hta‸ htunˉ shehˍ paˍ teˇ hpaˍ lehˬ ngaˬ ve nyi ma zuhˆ ve awˬ ceuˬ hta‸ gʼa leh‸ nyi tuˬ yoˬ. Oˇ ve hkʼaw‸ nawˉ, lanˇ venˇ oˇ ve leh lanˇ venˇ oˇ ve hta‸ htunˉ shehˍ ve chaw teˇ hpaˍ mehˉ kʼai peuˬ ve awˬ lawn, ngaˬ nawˬ hui hta‸ hto laˇ tuˬ yoˬ.
16
Awˬ lawn kʼo, yawˇ hui lehˬ awˬ ceuˬ hkʼa peu-eˬ maˇ da‸ la ve htawˇ, Awˬ ceuˬ hkʼa peu-eˬ da‸ la peuˬ teh‸ kʼoˆ leh, Yeˍruˆsaˍlehnˍ hta‸ dawˇ sha hkawˇ yaw piˇ chehˇ ve pa taw yoˬ, teh‸ Gʼuiˬsha kʼoˆ ve yoˬ.
17
Gʼuiˬsha kʼoˆ ve, Chaw yaˇ-oˬ, laˬ tuˬ ve awˬ yanˇ hkʼaw hkʼaˬ hkʼe hpeh‸ la tuˬ ve awˬ lawn shu hta‸ kʼoˆ maˍ piˇ chehˇ ve yaˇ miˇ teˇ hpaˍ hta‸ nyi sheˍ.
18
Yawˇ hui hta‸ tawˍ taˍ leh chi hkʼe kʼoˆ piˇ-oˆ. Nawˬ hui yaˇ miˇ teˇ hpaˍ gʼa luˬ gʼa sheˆ tuˬ yoˬ. Chaw yaˇ te hpaˍ shu awˬ hkʼoˆ kanˇ paˆ cawˬ la tuˬ, nawˬ hui lehˬ la‸ sheh leh oˉ kʼoˍ hta‸ hpeh tuˬ ve maˉmo hkeh teˇ hpaˍ te piˇ chehˇ ve yoˬ. Nawˬ hui lehˬ ngaˬ ve chaw teˇ hpaˍ awˬ hkʼoˆ a sha‸ te‸ ve leh suh ve hta‸ gʼaˇ ve kanˇ paˆ hta‸ heuˆ gaˇ leh, nawˬ hui awˬ to pon yehˇ gaˇ ve yoˬ.
19
Caˬ hkʼa leh hkaoˍmonˇ a ciˉ gʼa caˇ tuˬ awˬ pon nawˬ hui lehˬ ngaˬ ve chaw teˇ hpaˍ mehˆ gʼuˇ suhˍ lo ngaˬ hta‸ maˇ yawˆ maˇ yan te chehˇ ve yoˬ. Maˇ suh keunˍ ve chaw teˇ hpaˍ hta‸ nawˬ hui tiˇ pehˍ piˇ leh, suh keunˍ ve chaw hui hta‸ nawˬ hui te‸ chehˇ piˇ lawˬ ve yoˬ. Nawˬ hui lehˬ ngaˬ ve chaw teˇ hpaˍ hta‸ heˍ piˇ leh, yawˇ hui lehˬ nawˬ hui ve tawˇ hta‸ yonˍ chehˇ ve yoˬ, teh‸ Gʼuiˬsha kʼoˆ ve yoˬ.
20
Gʼuiˬsha chi hkʼe kʼoˆ ve yoˬ. A sha‸ te‸ ve leh suh ve hta‸uˉ peunˍ gʼa ve yoˬ, teh‸ dawˇ leh yehˇ chehˇ ve maˉ mo hkeh oˇ ve teˇ hpaˍ hta‸ ngaˬ canˇ ve yoˬ. Nawˬ hui ve heˍ hkawˇ hta‸ na chehˇ ve chaw oˇ ve te hpaˍ hta‸ nawˬ hui ve la‸ sheh hkʼaw lo ngaˬ yuˬ tawˆ leh ponˬ piˇ tuˬ yoˬ.
21
Nawˬ hui ve maˉ mo hkeh oˇ ve teˇ hpaˍ hta‸ ngaˬ tawˆ cheˆ leh ngaˬ ve chaw teˇ hpaˍ hta‸ nawˬ hui ve kanˇ paˆ awˬ hawˉ lo ponˬ piˇ tuˬ yoˬ. Oˇ htaˇ ngaˬ Gʼuiˬsha hpeh‸ ve hta‸ nawˬ hui shiˍ la tuˬ yoˬ.
22
Nawˬ hui heˍ ve tawˇ hta‸ yehˇ leh, chaw da‸ teˇ hpaˍ hta‸ nyi ma luˬ tuˬ te piˇ chehˇ ve yoˬ. Yawˇ hui hta‸ naˬ tuˬ ngaˬ maˇ te piˇ gaˇ. Haiˬ ve chaw teˇ hpaˍ haiˬ ve kanˉ hta‸ baˬ taˉ leh, a sha‸ gʼa te‸ tuˬ nawˬ hui maˇ ga piˇ.
23
Chi hta‸ pa taw, nawˬ hui gʼa mawˬ ve awˬ ha leh, shu ya‸ kʼaw ya‸ kʼai tuˬ kʼoˆ maˍ piˇ chehˇ ve heˍ hkawˇ teˇ hpaˍ chi beu‸ mehˉ kʼai tuˬ yoˬ. Ngaˬ Gʼuiˬsha hpeh‸ ve hta‸ nawˬ hui gʼa shiˍ tuˬ, ngaˬ ve chaw teˇ hpaˍ hta‸ nawˬ hui ve kanˇ paˆ awˬ hawˉ lo ngaˬ htaiˍ hkʼaw‸ piˇ tuˬ yoˬ, teh‸ Gʼuiˬsha kʼoˆ ve yoˬ.
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 14 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48