bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Ezekiel 17
Ezekiel 17
Lahu Bible Edited © Thailand Bible Society and Bible Society of Myanmar, 2010, 2020.
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 18 →
1
Gʼuiˬsha ngaˬ hta‸ chi hkʼe kʼoˆ laˇ ve yoˬ.
2
Chaw yaˇ-oˬ, ngaˬ Iˉsaˍreˍlaˆ chaw hui hta‸ kʼoˆ piˇ chehˇ ve tawˇ chi teˇ hpaˍ hta‸ yawˇ hui na gʼa tuˬ, tawˇ pa haˉ te maˍ piˇ-oˆ.
3
Awˬ mvuh da‸ jaˇ leh toˍ la‸ kʼuˉ fe ve aˉ ceˬ lonˉ teˇ hkeh cawˬ ve yoˬ. Aˉ ceˬ oˇ ve Leˍbaˍnonˍ hkʼaw lo kʼai leh, htawˇ kʼaˉ ehˉ teˇ maˬ htawˆ chiˇ veu laˇ peuˬ hkʼaw‸ nawˉ,
4
tanˇ kaˬ paˍ hui chehˇ taˍ ve venˇ teˇ maˬ hkʼaw teh taˍ ve yoˬ.
5
Oˇ ve hkʼaw‸ nawˉ, yawˇ lehˬ Iˉsaˍreˍlaˆ mvuhˇmiˬ hkʼaw cawˬ ve suhˆ cehˬ ehˉ teˇ cehˬ hta‸ kʼaw‸ yuˬ veu laˇ leh, miˬ hkuiˇ da‸ leh iˉ kaˆ hkʼa deh‸ gʼa ve chehˇ kuiˬ lo ti taˍ ve yoˬ.
6
Awˬ cehˬ ehˉ oˇ ve uiˍ la leh, awˬ kʼaˉ hkʼa biˇ cawˬ ve a pehˉ meuˇ te lonˉ hpeh‸ la ve yoˬ. Awˬ kʼaˉ oˇ ve teˇ hpaˍ mvuhˇ hpe lo aˉ ceˬ oˇ ve geh hkʼa gaˬ mvuh taˆ-e ve yoˬ. Yawˇ ve awˬ geu teˇ hpaˍ htawˇ naˉ chaweh lo‸-e taˍ ve yoˬ. A pehˉ meuˇ te oˇ ve awˬ hkʼoˆ lo, awˬ kʼaˉ leh awˬ hpa‸ hkʼa biˇ cawˬ ve yoˬ.
7
Oˇ kaˬ lo awˬ mvuh hkʼa biˇ cawˬ leh uiˍ jaˇ ve awˬ nu ve aˉ ceˬ lonˉ teˇ hkeh chehˇ taˍ ve yoˬ. A pehˉ meuˇ te oˇ ve lehˬ, yawˇ ve awˬ geu leh awˬ kʼaˉ teˇ hpaˍ hta‸ aˉ ceˬ oˇ ve geh peu piˇ leh, chi beu‸ gʼa chehˇ ve iˉ kaˆ a‸ kehˉ, aˉ ceˬ oˇ ve geh iˉ kaˆ leuˉ leh gʼa tuˬ ve hta‸ dawˇ law chehˇ ve yoˬ.
8
Ya‸ hkʼaˇ, a pehˉ meuˇ te oˇ ve lehˬ miˬ hkuiˇ da‸ kuiˬ leh iˉ kaˆ hkʼa deh‸ gʼa ve chehˇ kuiˬ lo yeˬ chehˇ taˍ ve pa taw, da‸ jaˇ ve a pehˇ meuˇ te hpeh‸ leh awˬ hpa‸ leh awˬ shiˍ maˇ maˇ naw‸ la chehˇ ve yoˬ.
9
Hkʼe te leh, ngaˬ Gʼuiˬsha chi hkʼe na nyi gaˇ ve yoˬ. A pehˉ meuˇ te chi ve te‸ chehˇ leh uiˍ la tuˬ ve laˇ. Awˉ lawˉ peuˇ ve aˉ ceˬ lehˬ a pehˉ meuˇ te oˇ ve hta‸ gʼawˬ baˬ leh goˇ kʼai piˇ tuˬ ve maˇ heˆ laˇ. Oˇ ve hta‸ gʼawˬ baˬ tuˬ awˬ gʼaˇ awˬ shaˉ maˇ maˇ yuˬ tawˆ tuˬ maˇ loˍ. Maˇ heˆ kʼo, awˬ gʼaˇ uiˍ ve chaw ceuˬ teˇ ceuˬ hta‸ kuˬ leh gʼawˬ tawˆ tcuh tuˬ maˇ loˍ.
10
A pehˉ meuˇ te oˇ ve hta‸ ti taˍ peuˬ ve yoˬ. Ya‸ hkʼaˇ, a sha‸ te‸ leh uiˍ la tuˬ ve laˇ. Mvuhˇ nyi tawˆ hpawˇ ve mvuhˇ haw meuˆ laˬ htaˇ, a pehˉ meuˇ te oˇ ve nawˍ kʼai tuˬ ve maˇ heˆ laˇ. Yawˇ yeˬ chehˇ taˍ kuiˬ lo nawˍ kʼai tuˬ ve maˇ heˆ laˇ, teh‸ Gʼuiˬsha kʼoˆ ve yoˬ.
11
Gʼuiˬsha ngaˬ hta‸ chi hkʼe kʼaw‸ kʼoˆ laˇ ve yoˬ.
12
Chaw hpfuhˆ chi teˇ hpaˬ tawˇ pa haˉ oˇ ve tcuhˉ kuiˬ hta‸ shiˍ leh naˍ, na nyi-o. Baˍbuˍlonˍ jawˇmawˇ Yeˍruˆsaˍlehnˍ venˇ lo laˬ leh, jawˇmawˇ awˬ to hta‸ maˇ kʼoˆ, yawˇ ve a ma‸ lonˉ teˇ hpaˍ hta‸ maˇ kʼoˆ, Baˍbuˍlonˍ mvuhˇmiˬ lo shiˍ kʼai piˇ tuˬyoˬ, teh‸ yawˇ hui hta‸ kʼoˆ piˇ-oˆ.
13
Yawˇ lehˬ jawˇmawˇ awˬ ceuˬ awˬ hkʼaˇ teˇ hpaˍ hta‸ yuˬ leh, yawˇ geh shaˉ caˆ caˇ peuˬ hkʼaw‸ nawˉ, yawˇ hta‸ ka ti‸ yeˬ tuˬ hkanˍ tcuh ve yoˬ.
14
Yawˇ lehˬ chaw oˇ ve teˇ hpaˍ yawˇ hta‸ maˇ gʼa kʼaw‸ hpfuhˆ tuˬ, leh yawˇ te taˍ peuˬ ve ka ti‸ hta‸ maˇ gʼa te luˬ tuˬ, aˉ yaˇ uiˍ ve chaw teˇ hpaˍ hta‸ htawˇ yawˇ geh shiˍ kʼai ve yoˬ.
15
Ya‸ hkʼaˇ, Yuˇda‸ jawˇmawˇ kʼaw‸ hpfuhˆ leh, la‸ caˉ leh ma‸ yaˇ maˇ maˇ ca shiˍ tuˬ Eˇjiˇtu‸ mvuhˇmiˬ lo yawˇ ve chaw hta‸ kʼai tcuh ve yoˬ. Yawˇ dawˇ taˍ ve hkʼe hpeh‸ la tuˬ laˇ. Oˇ hkʼe te kʼo, yawˇ gʼa ponˬ tuˬ ve laˇ. Yawˇ lehˬ te taˍ peuˬ ve ka ti‸ hta‸ te luˬ maˇ hpeh‸ taˬ. Ciˍ yanˍ ve hta‸ maˇ gʼa hkanˍ leh hkʼe leˇ gʼa ponˬ tuˬ ve maˇ heˆ.
16
Ngaˬ lehˬ te‸ chehˇ ve Gʼuiˬsha hpeh‸ ve hkʼe, jawˇmawˇ chi lehˬ Baˍbuˍlonˍ mvuhˇmiˬ hkʼaw gʼa suh-e tuˬ yoˬ. Awˬ lawn kʼo, yawˇ lehˬ Baˍbuˍlonˍ jawˇmawˇ hta‸ te da‸ taˍ ve ka ti‸ hta‸ te luˬ ve pa taw yoˬ. Baˍbuˍlonˍ jawˇmawˇ lehˬ yawˇ hta‸ jawˇmawˇ te tcuh taˍ ve yoˬ.
17
Baˍbuˍlonˍ jawˇmawˇ yawˇ hta‸ ca bawˆ la leh, venˇ yaˇ maˇ maˇ ve hta‸ tiˇ pehˍ tuˬ ta‸ kʼoˍ hkʼa biˇ caw duˇ taˍ ve teˇ yanˇ, awˬ gʼaˇ uiˍ jaˇ ve Eˇjiˇtu‸ chaw teˇ hpaˍ ca bawˆ la ve htawˇ, bawˆ gʼaˇ tuˬ ve maˇ heˆ.
18
Yawˇ lehˬ te taˍ peuˬ ve ka ti‸ shaˉ caˆ hta‸ te luˬ ve yoˬ. Yawˇ oˇ hkʼe te ve pa taw gʼa ponˬ tuˬ ve maˇ heˆ.
19
Ngaˬ lehˬ te‸ chehˇ ve Gʼuiˬsha hpeh‸ve hkʼe, yawˇ lehˬ ngaˬ ve awˬ meh hta‸ cuˇ leh hkanˍ taˍ peuˬ ve ka ti‸ shaˉ caˆ hta‸ te luˬ ve pa taw, ngaˬ yawˇ hta‸ ciˍ yanˍ piˇ tuˬ yoˬ.
20
Ngaˬ yawˇ hta‸ pehˍ teˇ maˬ yuˬ leh htaw yuˬ tuˬ yoˬ. Yawˇ lehˬ ngaˬ hta‸ ka ti‸ maˇ yeˬ ve pa taw, ngaˬ yawˇ hta‸ Baˍbuˍlonˍ mvuhˇmiˬ lo shiˍ kʼai piˇ leh, oˇ kaˬ lo ciˍ yanˍ piˇ tuˬ yoˬ.
21
Cheuˬ jaˇ ve yawˇ ve ma‸ yaˇ teˇ hpaˍ lehˬ ma‸ bawˆ da‸ kuiˬ lo suh-e leh, cawˬ taˍ sheˍ ve ma‸ yaˇ teˇ hpaˍ lehˬ hkʼaˬ hpawˇ chi hpawˇ lo gʼuiˇ hpaw-e tuˬ yoˬ. Oˇ htaˇ, ngaˬ Gʼuiˬsha chi hkʼe kʼoˆ taˍ peuˬ ve hta‸ nawˬ hui shiˍ la tuˬ yoˬ, teh‸ Gʼuiˬsha kʼoˆ ve yoˬ.
22
Gʼuiˬsha chi hkʼe kʼoˆ ve yoˬ. Ngaˬ lehˬ, htawˇ uˉ tzuh lo cawˬ ve htawˇ tu teˇ maˬ hta‸ yuˬ leh, Iˉsaˍreˍlaˆ mvuhˇmiˬ hkʼaw cawˬ ve mvuh jaˇ ve hkʼaw teˇ shiˍ awˬ hkʼoˆ lo ti keu piˇ tuˬ yoˬ.
23
Awˬ cehˬ oˇ ve uiˍ la leh, awˬ yawˇ hkʼa biˇ cawˬ ve htawˇ cehˬ lonˉ teˇ cehˬ hpeh‸ la tuˬ yoˬ. Ngaˆ laiˉ ceuˬ ve htawˇ cehˬ lonˉ oˇ ve awˬ hkʼoˆ mui leh gʼaˇ jehˇ tuˬ yoˬ.
24
Mvuhˇmiˬ oˇ ve hkʼaw cawˬ ve suhˆ cehˬ hkʼa peu-eˬ, ngaˬGʼuiˬsha hpeh‸ve hta‸ shiˍ la tuˬ yoˬ. Ngaˬ lehˬ mvuh jaˇ ve suhˆ cehˬ teˇ hpaˍ hta‸ htu baˬ leh, awˬ hawˉ lo cawˬ ve suhˆ cehˬ ehˉ teˇ hpaˍ hta‸ uiˍ la piˇ tuˬyoˬ. Awˬ hpa‸ nawˉ lehˍ cawˬ ve suhˆ cehˬ teˇ hpaˍ hta‸ ngaˬ nawˍ kʼai piˇ leh, nawˍ kʼai taˍ ve suhˆ cehˬ teˇ hpaˍ hta‸ nawˉ lehˍ kʼaw‸ hpeh‸ la piˇ tuˬ yoˬ. Ngaˬ chi hkʼe kʼoˆ taˍ ve yoˬ. Ngaˬ kʼoˆ taˍ peuˬ ve hkʼe te tuˬ yoˬ, teh‸ Gʼuiˬsha kʼoˆ ve yoˬ.
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 18 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48