bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Ezekiel 39
Ezekiel 39
Lahu Bible Edited © Thailand Bible Society and Bible Society of Myanmar, 2010, 2020.
← Chapter 38
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 40 →
1
Gʼuiˬsha kʼoˆ ve, Chaw yaˇ-oˬ, Meˍshehˆ leh Tuˇbaˍlaˆ chaw hui hta‸ uˉ peunˍ chehˇ ve jawˇmawˇ Gawˇgaˆ hta‸ hkeu piˇ leh, ngaˬ lehˬ yawˇ ve canˇ paˍ hpeh‸ ve yoˬ, teh‸ yawˇ hta‸ kʼoˆ piˇ-oˆ.
2
Ngaˬ yawˇ hta‸ yuˬ hpfuhˆ piˇ leh, yawˇ Iˉsaˍreˍlaˆ ve hkʼaw pui teˇ hpaˍ hkʼoˆ lo gaˬ la htaˇ hkʼa gaˬ, yawˇ hta‸ awˬ na hpawˇ lo shiˍ tawˆ la piˇ tuˬ yoˬ.
3
Oˇ ve hkʼaw‸ nawˉ, yawˇ ve la‸ mehˍ paˉ la‸ sheh hkʼaw vawˆ taˍ ve hkaˆ leh, yawˇ ve la‸ sha paˉ la‸ sheh hkʼaw vawˆ taˍ ve hkaˆ ce teˇ hpaˍ hta‸ ngaˬ dawˆ ce piˇ tuˬ yoˬ.
4
Gawˇgaˆ awˬ to, yawˇ ve ma‸ yaˇ teˇ hpaˍ, leh yawˇ hpawˇ hkʼa chehˇ ve chaw hkʼa peu-eˬ, Iˉsaˍreˍlaˆ ve hkʼaw pui hkʼoˆ lo paˍ suh-e leh, yawˇ hui ve awˬ to teˇ hpaˍ ngaˆ leh haiˬ ve to nuˇ to shaˆ teˇ hpaˍ hta‸ ngaˬ caˍ piˇ tuˬ yoˬ.
5
Yawˇ hui lehˬ, yiˬ lehˍ ve hkʼaw pui hkʼoˆ lo paˍ suh-e peuˬ tuˬ yoˬ. Ngaˬ Gʼuiˬsha kʼoˆ taˍ peuˬ.
6
Ngaˬ lehˬ Maˍgawˇgaˆ mvuhˇmiˬ hta‸ maˇ kʼoˆ, laˇ tsuhˇ gʼuiˬ pfuhˍ lo gawˬ lehˍ chehˇ taˍ ve chaw hui ve mvuhˇmiˬ hta‸ maˇ kʼoˆ, aˬ miˍ tuˉ keu piˇ leh, ngaˬ Gʼuiˬsha hpeh‸ ve hta‸ chaw hkʼa peu-eˬ gʼa shiˍ tuˬ yoˬ.
7
Ngaˬ ve Iˉsaˍreˍlaˆ chaw teˇ hpaˍ ngaˬ ve da‸ kehˬ ve awˬ meh hta‸ shiˍ tuˬ ngaˬ te piˇ leh, ngaˬ ve awˬ meh hta‸ awˬ me‸ awˬ hponˇ kʼaw‸ luˬ kʼai piˇ tuˬ ve maˇ heˆ. Oˇ htaˇ, ngaˬ lehˬ Iˉsaˍreˍlaˆ ve da‸ kehˬ jaˇ ve Gʼuiˬsha hpeh‸ ve hta‸ chaw ceuˬ teˇ hpaˍ gʼa shiˍ tuˬ yoˬ, teh‸ kʼoˆ ve yoˬ.
8
Gʼuiˬsha kʼoˆ ve, Ngaˬ kʼoˆ chehˇ ve awˬ nyi oˇ ve awˬ tehˬ awˬ na gaˬ la tuˬ yoˬ.
9
Iˉsaˍreˍlaˆ venˇ teˇ hpaˍ hkʼaw chehˇ taˍ ve chaw teˇ hpaˍ tawˆ kʼai leh, shu baˬ taˉ ve htanˬ tuˬ, hkaˆ, hkaˆ ce, gehˇ, leh iˉ du taˬ teˇ hpaˍ hta‸ gʼawˆ yuˬ leh, aˬ miˍ tuˉ tuˬ suhˆ te tuˬ yoˬ. Suhˆ oˇ ve hta‸ yawˇ hui suhˍ hkʼaw‸ hkʼa gaˬ gʼa tuˉ tuˬ yoˬ.
10
Yawˇ hui lehˬ suhˆ tuˉ tuˬ awˬ pon heh puiˉ hkʼaw lo ca gʼawˆ tuˬ maˇ loˍ. Suhˆ htu hkaˆ tuˬ ka‸ maˇ loˍ. Awˬ lawn kʼo, yawˇ hui aˬ miˍ tuˉ tuˬ shu baˬ taˉ ve la‸ caˉ hkʼa biˇ cawˬ taˍ ve pa taw yoˬ. Yawˇ hui hta‸ hiˉ yuˬ luˬ yuˬ ve chaw hui hta‸ yawˇ hui teˇ pawˆ kʼaw‸ hiˉ yuˬ lu yuˬ tuˬ yoˬ, teh‸ Gʼuiˬsha kʼoˆ ve yoˬ.
11
Gʼuiˬsha kʼoˆ ve, Awˬ ceuˬ chi teˇ hpaˍ hpeh‸ la ve teˇ yanˇ Gawˇgaˆ hta‸ tuˍ piˇ tuˬ, Iˉsaˍreˍ laˆ mvuhˇmiˬ, Suh ve laˇ tsuhˇ gʼuiˬ mvuhˇ nyi tawˆ hpawˇ lo cawˬ ve ya‸ kʼaw toˇ paˍ hui ve lawˬ hkʼo‸ hta‸ ngaˬ piˇ tuˬ yoˬ. Gawˇgaˆ leh yawˇ ve ma‸ yaˇ hkʼa peu-eˬ hta‸ oˇ kaˬ lo tuˍ piˇ leh, chehˇ kuiˬ oˇ ve hta‸ Gawˇgaˆ ma‸ moˍ ve lawˬ hkʼo‸, teh‸ meh piˇ tuˬ yoˬ.
12
Iˉsaˍreˍlaˆ chaw teˇ hpaˍ yawˇ hui hta‸ gʼawˆ tuˍ piˇ leh, mvuhˇmiˬ hta‸ kʼaw‸ da‸ kehˬ tuˬ te ve 7 hkʼaw‸ maw tuˬ yoˬ.
13
Mvuhˇmiˬ hkʼaw chehˇ ve chaw hkʼa peu-eˬ yawˇ hui hta‸ gʼa ga gʼawˆ tuˍ piˇ tuˬ yoˬ. Yawˇ hui oˇ hkʼe ga te laˇ ve pa taw, ngaˬ gʼaˇ shehˍ hpaˇ hpeh‸ la ve teˇ nyi htaˇ, yawˇ hui lehˬ taˍ uiˍ taˍ mvuh ve hta‸ gʼa hkanˍ tuˬ yoˬ. Ngaˬ Gʼuiˬsha kʼoˆ taˍ peuˬ.
14
Suhˍ hkʼaw‸ ve awˬ yanˇ oˇ ve ponˬ kʼai peuˬ hkʼaw‸ nawˉ, mvuhˇmiˬ hta‸ da‸ kehˬ la piˇ tuˬ, mvuhˇmiˬ hkʼaˬ ti chi ti lo chaw hta‸ hpehˇ peu leh, maˇ gʼa tuˍ sheˍ ve chaw teˇ hpaˍ hta‸ ca hpfuhˆ tuˍ piˇ tcuh tuˬ yoˬ.
15
Yawˇ hui hkʼaw taˆ lawˬ ya‸ te toˇ kʼai leh, chaw mu‸ ku hta‸ gʼa mawˬ ve teˇ yanˇ, chaw tuˍ paˍ teˇ hpaˍ laˬleh Gawˇgaˆ ma‸ moˍ ve lawˬ hkʼo‸ lo awˬ mu‸ ku oˇ ve hta‸ tuˍ piˇ gʼa tuˬ awˬ mu‸ ku oˇ ve awˬ paˇ lo awˬ heˆ te teh taˉ piˇ ve yoˬ.
16
(Oˇ kaˬ lo ma‸ moˍ ve awˬ meh yuˬ meh taˍ ve venˇ teˇ maˬ cawˬ tuˬ yoˬ.) Chi hkʼe te ve hkʼaw, mvuhˇmiˬ kʼaw‸ da‸ kehˬ la tuˬ yoˬ, teh‸ Gʼuiˬsha kʼoˆ ve yoˬ.
17
Gʼuiˬsha ngaˬ hta‸ chi hkʼe kʼoˆ laˇ ve yoˬ. Chaw yaˇ-oˬ, chi beu‸ ngaˬ gu chehˇ ve tuˉ tanˇ tuˬ hta‸ ca caˇ la tuˬ, hkʼaˬ hpawˇ chi hpawˇ lo chehˇ ve ngaˆ leh to nuˇ to shaˆ hkʼa peu-eˬ ve hta‸ kuˬ hpawnˬ-o‸. Oˇ ve lehˬ, Iˉsaˍreˍlaˆ hkʼaw pui hkʼoˆ lo te tuˬ ve awˬ shaˍ caˇ leh awˬ suhˍ dawˬ tuˬ ve pawehˇ lonˉ hpeh‸ ve yoˬ.
18
Yawˇ hui lehˬ ma‸ yaˇ teˇ hpaˍ ve awˬ shaˍ hta‸ gʼa caˇ leh, uˉ peunˍ shehˍ hpaˇ teˇ hpaˍ ve awˬ suhˍ hta‸ gʼa dawˬ tuˬ yoˬ. Yawˇ hui lehˬ yawˬ paˍ lonˉ, yawˬ ehˉ, aˉ che‸ leh chu jaˇ ve nuˇ paˍ lonˉ hkʼa shuˍ tiˇ pehˍ ve hta‸ gʼa hkanˍ tuˬ yoˬ.
19
Chaw chi teˇ hpaˍ hta‸ tuˉ tanˇ tuˬ ve tanˇ tuˬ hkʼa shuˍ ngaˬ tiˇ pehˍ piˇ ve teˇ yanˇ, ngaˆ leh to nuˇ to shaˆ teˇ hpaˍ lehˬ, awˬ chu hta‸ yawˇ hui caˇ gaˇ ve hkʼe caˇ hpeh‸ leh, awˬ suhˍ hta‸ bvuhˆ htaˇ hkʼa gaˬ dawˬ hpeh‸ ve yoˬ.
20
Ngaˬ ve hpui lawˇ paˇ lo, yawˇ hui lehˬ iˉ mvuhˇ shaˍ, leh ma‸ yaˇ teˇ hpaˍ ve awˬ shaˍ hta‸ caˇ gaˇ ve hkʼe caˇ hpeh‸ ve yoˬ. Ngaˬ Gʼuiˬsha kʼoˆ taˍ peuˬ, teh‸kʼoˆ ve yoˬ.
21
Gʼuiˬsha kʼoˆ ve, Ngaˬ ve awˬ me‸ awˬ hponˇ chaw ceuˬ teˇ hpaˍ hta‸ maw piˇ leh, ngaˬ ve kanˇ paˆ hta‸ yehˇ ve hkʼaw, ngaˬ dawˇ cheˆ taˍ ve kanˉ hta‸ hkʼaˬ hkʼe te taˍ peuˬ ve yawˇ hui hta‸ maw piˇ tuˬ yoˬ.
22
Oˇ ve teˇ nyi hta‸ te leh Iˉsaˍreˍlaˆ chaw teˇ hpaˍ lehˬ, ngaˬ yawˇ hui ve Gʼuiˬsha hpeh‸ve hta‸ shiˍ la tuˬ yoˬ.
23
Iˉsaˍreˍlaˆ chaw teˇ hpaˍ shu mvuhˇmiˬ lo gʼa ca chehˇ ve lehˬ, yawˇ hui venˇbaˆ te leh ngaˬ hta‸ te ya‸ jaˇ ve pa taw yoˬ, teh‸ awˬ nu ve chaw ceuˬ teˇ hpaˍ shiˍ la tuˬ yoˬ. Ngaˬ yawˇ hui hta‸ baˬ taˉ piˇ leh, canˇ paˍ teˇ hpaˍ yawˇ hui hta‸ bawˆ gʼaˇ leh tiˇ pehˍ piˇ lawˬ ve yoˬ.
24
Yawˇ hui haiˬ ve leh cha‸ chiˆ ve hta‸ keunˍ da‸ ve hkʼe, ngaˬ yawˇ hui hta‸ kʼaw‸ piˇ leh, yawˇ hui hta‸ baˬ taˉ piˇ ve yoˬ, teh‸ Gʼuiˬsha kʼoˆ ve yoˬ.
25
Gʼuiˬsha kʼoˆ ve, Ya‸ hkʼaˇ, chi beu‸ ngaˬ lehˬ Yaˍkoˆ ve awˬ ceuˬ awˬ hkʼaˇ hpeh‸ ve Iˉsaˍ reˍlaˆ chaw hui hta‸ ha kʼaˉ piˇ leh, yawˇ hui hta‸ kʼaw‸ uiˍ la da‸ la piˇ tuˬ yoˬ. Da‸ kehˬ ve ngaˬ ve awˬ meh hta‸ ngaˬ ha‸ shaˉ taˍ tuˬ yoˬ.
26
Yawˇ hui hta‸ ho piˇ paˍ teˇ gʼaˇ ka‸ maˇ kʼaw‸ cawˬ leh, yawˇ hui ve mvuhˇmiˬ hkʼaw gawˬ lehˍ teˇ pawˆ gʼa kʼaw‸ chehˇ ve teˇ yanˇ, yawˇ hui ngaˬ hta‸ baˬ taˉ ve pa taw, awˬ me‸ awˬ hponˇ hkʼaˬ hkʼe luˬ kʼai taˉ peuˬ ve hta‸ leunˇ kʼai tuˬ yoˬ.
27
Ngaˬ da‸ kehˬ ve awˬ lawn chaw ceuˬ teˇ hpaˍ hta‸ hpeu‸ maˍ piˇ gʼa tuˬ, ngaˬ lehˬ canˇ paˍ teˇ hpaˍ ve mvuhˇmiˬ hkʼaw chehˇ taˍ ve ngaˬ ve chaw teˇ hpaˍ hta‸ kʼaw‸ shiˍ hkʼaw‸ veu laˇ piˇ tuˬ yoˬ.
28
Oˇ htaˇ, ngaˬ ve chaw teˇ hpaˍ lehˬ ngaˬ yawˇ hui ve Gʼuiˬsha hpeh‸ ve hta‸ shiˍ la tuˬ yoˬ. Ngaˬ yawˇ hui hta‸ shu ve mvuhˇmiˬ lo ca chehˇ tcuh ve htawˇ, chi beu‸ yawˇ hui teˇ gʼaˇ hta‸ ka‸ oˇ kaˬ lo maˇ teh taˉ piˇ leh, hkʼa peu-eˬ ve hta‸ yawˇ hui ve mvuhˇmiˬ lo kʼaw‸ shiˍ hkʼaw‸ veu laˇ piˇ ve pa taw, chi hta‸ yawˇ hui shiˍ la tuˬ yoˬ.
29
Ngaˬ lehˬ Iˉsaˍreˍlaˆ chaw hui awˬ hkʼoˆ lo ngaˬ ve Awˬ ha hpu ngeuˍ pfuhˍ piˇ leh, yawˇ hui hta‸ teˇ pawˆ ka‸ kʼaw‸ baˬ taˉ piˇ tuˬ ve maˇ heˆ, teh‸ Gʼuiˬsha kʼoˆ ve yoˬ.
← Chapter 38
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 40 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48