bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Ezekiel 24
Ezekiel 24
Lahu Bible Edited © Thailand Bible Society and Bible Society of Myanmar, 2010, 2020.
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 25 →
1
Ngaˬ hui shu mvuhˇmiˬ hkʼaw chehˇ taˍ ve kʼawˇ hkʼaw‸ teˇ hkʼaw‸, ha pa teˇ chi maˬ, teˇ chi nyi htaˇ, Gʼuiˬsha ngaˬ hta‸ chi hkʼe kʼoˆ laˇ ve yoˬ.
2
Chaw yaˇ-oˬ, ya‸ nyi hkʼaˬ nyiˇ nyi gaˬ peuˬ ve hta‸ bvuh‸ taˍ-o‸. Awˬ lawn kʼo, ya‸ nyi lehˬ Baˍbuˍlonˍ jawˇmawˇ Yeˍruˆsaˍlehnˍ hta‸ ca hoˆ bawˆ tuˬ ve awˬ nyi yoˬ.
3
Ngaˬ ve chaw hpfuhˆ teˇ hpaˍ hta‸ kʼoˆ piˇ chehˇ ve tawˇ pa haˉchi yawˇ hui hta‸ kʼoˆ maˍ piˇ-oˆ. Mu‸ hkʼu hta‸ aˬ miˍ hkʼoˆ teh leh, iˉ kaˆ hkʼa biˇ keu taˍ-o‸.
4
Da‸ jaˇ ve shaˍ, la‸ hpeh kʼaˉ, hkui sheh leh da‸ ve awˬ mu‸ ku teˇ hpaˍ hta‸ mu‸ hkʼu oˇ ve hkʼaw keu caˉ-oˆ.
5
Da‸ jaˇ ve yawˬ ehˉ awˬ shaˍ hta‸ yehˇ-oˆ. Suhˆ hkʼa deh‸ yuˬ keu taˍ-o‸. Iˉ kaˆ hta‸ buiˬ la piˇ lawˬ leh, awˬ mu‸ ku leh shaˍ hta‸ caˉ-oˆ, teh‸ kʼoˆ ve yoˬ.
6
Gʼuiˬsha chi hkʼe kʼoˆ chehˇ ve yoˬ. Chaw hta‸ tiˇ pehˍ shehˍ hpaˇ hui ve venˇ lehˬ gʼa luˬ kʼai tuˬ yoˬ. Mu‸ hkʼu oˇ ve htawˇ teˇ pawˆ ka‸ maˇ tsuhˇ leh yawˇ taˆ peuˬ ve mu‸ hkʼu hpeh‸ ve yoˬ. Shaˍ teˇ peˆ peuˬ teˇ peˆ beˆ tawˆ leh mu‸ hkʼu hta‸ aˬ miˍ hkʼoˆ lo hkʼe leˇ baˬ taˉ ve yoˬ.
7
Venˇ hkʼaw lo tiˇ pehˍ da‸ ve cawˬ chehˇ ve yoˬ. Ya‸ hkʼaˇ, awˬ suhˍ hta‸ faˉ taˍ gʼa kuiˬ je‸ meu-eˬ cawˬ kuiˬ lo awˬ suhˍ maˇ sheˆ. Haˉ pui hkʼoˆ lo sheˆ ngawˉ taˍ ve yoˬ.
8
Faˉ taˍ maˇ gʼa kuiˬ leh nyi ma zuhˆ ve hkʼaw kʼaw‸ te hkʼaw‸ gʼa kuiˬ lo ngaˬ awˬ suhˍ hta‸ teh taˉ ve yoˬ, teh‸ Gʼuiˬsha kʼoˆ ve yoˬ.
9
Gʼuiˬsha chi hkʼe kʼoˆ chehˇ ve yoˬ. Chaw hta‸ tiˇ pehˍ shehˍ hpaˇ hui ve venˇ lehˬ gʼa luˬ kʼai tuˬ yoˬ. Ngaˬ awˬ to suhˆ gʼawˆ hpoˆ tuˬ yoˬ.
10
Suhˆ maˇ maˇ kʼaw‸ yuˬ laˬ-o‸. Aˬ miˍ hta‸ hpeuˇ piˇ-oˆ. Shaˍ gʼuiˬ hta‸ caˉ fiˍ-o‸. Awˬ mu‸ ku hta‸ to‸ baˬ piˇ lawˬ-o‸.
11
Chi beu‸ te‸ chiˉ maˇ cawˬ ve kuiˇ mu‸ hkʼu hta‸ shiˉ gʼeu‸ hkʼoˆ teh leh chiˆ la piˇ-oˆ. Oˇ htaˇ yawˇ taˆ taˍ ve mu‸ hkʼu hta‸ aˬ miˍ to‸ baˬ leh, mu‸ hkʼu oˇ ve kʼaw‸ da‸ kehˬ la tuˬ yoˬ.
12
Ya‸ hkʼaˇ, yawˇ taˆ taˍ kuiˬ oˇ ve aˬ miˍ ha hkʼaw maˇ to‸ baˬ peuˬ tuˬ ve maˇ heˆ.
13
Yeˍruˆsaˍlehnˍ-oˬ, nawˬ te taˍ ve cha‸ chiˆ ve kanˉ teˇ hpaˍ lehˬ, nawˬ hta‸ cha‸ chiˆ tuˬ te laˇ peuˬ. Nawˬ kʼaw‸ da‸ la tuˬ ngaˬ coˇ caˇ leh te ve htawˇ nawˬ lehˬ cha‸ chiˆ chehˇ sheˍ ve yoˬ. Ngaˬ nyi ma zuhˆ ve hta‸ maˇ gʼa leh‸ nyi sheˍ ve ceh ceh, nawˬ kʼaw‸ da‸ la gʼa tuˬ ve maˇ heˆ.
14
NgaˬGʼuiˬsha kʼoˆ taˍ peuˬ. Ngaˬ kanˉ te tuˬ awˬ yanˇ gaˬ la peuˬ. Ngaˬ nawˬ hta‸ ha kʼaˉ leh nawˬ ve venˇbaˆ hta‸ ponˬ laˇ tuˬ ve maˇ heˆ. Nawˬ te taˍ peuˬ ve hkʼe, nawˬ lehˬ ciˍ yanˍ ve hta‸ gʼa hkanˍ tuˬ yoˬ, teh‸ Gʼuiˬsha kʼoˆ ve yoˬ.
15
Gʼuiˬsha ngaˬ hta‸ chi hkʼe kʼoˆ laˇ ve yoˬ.
16
Chaw yaˇ-oˬ, nawˬ ha‸ jaˇ ve chaw hta‸ ngaˬ la‸ haˉ suh piˇ lawˬ tuˬ yoˬ. Nawˬ maˇ gʼa hkʼanˇ, maˇ gʼa hawˬ, mehˆ gʼuiˬ maˇ gʼa tawˆ.
17
Nawˬ hawˬ ve awˬ hkawˇ shu hta‸ taˇ kaˇ tcuh. Oˉ kʼoˍ maˇ gʼa beh, hkuiˉ nuˆ maˇ tcuhˉ leh dawˇ haˍ ve awˬ heˆ te leh taˇ te toˇ. Nawˬ ve mehˆ hpfuhˇ hta‸ taˇ beh taˍ. Maˇ heˆ kʼo, dawˇ haˍ ve chaw hui caˇ ve caˇ tuˬ hta‸ taˇ caˇ, teh‸ ngaˬ hta‸ kʼoˆ laˇ ve yoˬ.
18
Mvuhˇ shawˉ teˇ na‸ htaˇ, ngaˬ lehˬ chaw yaˇ hui geh na‸ uˉ te da‸ chehˇ ve yoˬ. Oˇ ve teˇ haˉ ngaˬ miˇ ma suh-e ve yoˬ. Awˬ hkʼaw‸ nawˉ teˇ nyi ngaˬ hta‸ kʼoˆ laˇ taˍ ve hkʼe te ve yoˬ.
19
Chaw yaˇ teˇ hpaˍ lehˬ, Aˬ hto‸ ma pa taw nawˬ chi hkʼe te ve le, teh‸ ngaˬ hta‸ na nyi laˇ ve yoˬ.
20
Hkʼe te leh, ngaˬ yawˇ hui hta‸ kʼoˆ piˇ ve, Gʼuiˬsha ngaˬ hta‸ tawˇ yaw laˇ leh,
21
nawˬ hui Iˉsaˍreˍlaˆ chaw hui hta‸ chi hkʼe kʼoˆ piˇ tuˬ hto laˇ taˍ ve yoˬ. Nawˬ hui lehˬ bon yehˬ ve awˬ gʼaˇ awˬ shaˉ hta‸ nyi ma uiˍ chehˇ ve yoˬ. Nawˬ hui lehˬ bon yehˬ hta‸ chiˇ nyi leh oˇ kaˬ lo ca guiˇ tuˬ te gaˇ jaˇ ve yoˬ. Ya‸ hkʼaˇ, Gʼuiˬsha lehˬ oˇ ve hta‸ cha‸ chiˆ kʼai piˇ lawˬ tuˬ yoˬ. Yeˍruˆsaˍlehnˍ hkʼaw cawˬ taˉ ve nawˬ hui ve yehˬ kʼa hkʼaw a sha‸ i sheˍ ve chaw teˇ hpaˍ lehˬ, ma‸ bawˆ kuiˬ lo tiˉ pehˍ ve hta‸ gʼa hkanˍ tuˬ yoˬ.
22
Oˇ htaˇ, nawˬ hui ka‸ ngaˬ te ve hkʼe gʼa‸ te tuˬ yoˬ. Nawˬ hui ve mehˆ hpfuhˇ hta‸ beh taˍ tuˬ ve maˇ heˆ. Dawˇ haˍ ve chaw hui caˇ ve caˇ tuˬ hta‸ ka‸ caˇ tuˬ ve maˇ heˆ.
23
Nawˬ hui oˉ kʼoˍ maˇ beh, hkuiˉ nuˆ maˇ tcuhˉ, dawˇ haˍ leh hawˬ tuˬ ve maˇ heˆ. Nawˬ hui lehˬ, nawˬ hui ve venˇbaˆ hta‸ pa taw, gʼaˇ nuˇ kʼai leh teˇ gʼaˇ hta‸ teˇ gʼaˇ hkʼanˇ maˍ da‸ tuˬ yoˬ.
24
Oˇ htaˇ, ngaˬ lehˬ nawˬ hui pon awˬ heˆ hpeh‸ tuˬ yoˬ. Gʼuiˬsha kʼoˆ ve, Chi hkʼe hpeh‸ la ve kʼo yawˇ lehˬ Gʼuiˬsha hpeh‸ ve hta‸ nawˬ hui shiˍ la tuˬ yoˬ, teh‸ yawˇ hui hta‸ kʼoˆ piˇ ve yoˬ.
25
Gʼuiˬsha kʼoˆ ve, Chi beu‸ chaw yaˇ-oˬ, yawˇ hui ve nyi ma uiˍ kuiˬ, ha lehˬ kuiˬ, yawˇ hui nyi leh ca guiˇ kuiˬ hpeh‸ ve yeˬ jaˇ ve bon yehˬ chi hta‸ ngaˬ yawˇ hui geh yuˬ tawˆ tuˬ yoˬ. Yawˇ hui ve yaˇ paˍ yaˇ miˇ teˇ hpaˍ hta‸ htawˇ ngaˬ yuˬ kʼai tuˬ yoˬ.
26
Ngaˬ chi hkʼe te ve awˬ nyi gaˬ htaˇ, luˬ ve sheˆ ve hta‸ gʼa ponˬ ve chaw teˇ gʼaˇ, awˬ lawn chi ve nawˬ hta‸ ca gʼuiˇ hto la tuˬ yoˬ.
27
Oˇ ve teˇ nyi tiˉ awˬ hkʼaw lo, nawˬ lehˬ mehˉ kʼai taˍ peuˬ ve tawˇ yaw puiˉ ve kanˇ paˆ hta‸ kʼaw‸ gʼa leh, yawˇ hta‸ tawˇ gʼa yaw da‸ tuˬ yoˬ. Chi hkʼe te ve hkʼaw, nawˬ lehˬ chaw yaˇ awˬ pon awˬ heˆ hpeh‸ leh, ngaˬ Gʼuiˬsha hpeh‸ ve hta‸ yawˇ hui shiˍ la tuˬ yoˬ, teh‸ Gʼuiˬsha kʼoˆ ve yoˬ.
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 25 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48