bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Ezekiel 12
Ezekiel 12
Lahu Bible Edited © Thailand Bible Society and Bible Society of Myanmar, 2010, 2020.
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 13 →
1
Gʼuiˬsha ngaˬ hta‸ chi hkʼe kʼaw‸ kʼoˆ laˇ ve yoˬ.
2
Chaw yaˇ-oˬ, nawˬ lehˬ kʼaw‸ hpfuhˆ puiˉ ve chaw hui geh chehˇ taˍ ve yoˬ. Yawˇ hui mehˆ shiˍ cawˬ ve htawˇ, te‸ chiˉ nyi maˇ mawˬ puiˉ. Naˍ paw cawˬ ve htawˇ, te‸ chiˉ maˇ kaˇ puiˉ. Awˬ lawn kʼo, yawˇ hui lehˬ kʼaw‸ hpfuhˆ gaˇ ve nyi ma cawˬ ve pa taw yoˬ.
3
Chaw yaˇ-oˬ, chi beu‸ chaw hpaw hkʼoˇ hkʼa shuˍ, nawˬ ve mawˇ hta‸ gu htiˆ leh mehˆ muiˉ maˇ naˆ sheˍ htaˇ tawˆ kʼai loˬ. Nawˬ tawˆ kʼai chehˇ ve hta‸ chaw hkʼa peu-eˬ mawˬ piˇ law‸-o‸. Chaw hpfuhˆ oˇ ve teˇ hpaˍ hpaˍ, nawˬ hta‸ shiˍ chehˇ tuˬ yoˬ.
4
Mvuhˇ nyi gʼeuˆ cawˬ chehˇ sheˍ htaˇ ka‸, nawˬ ve mawˇ hta‸ gu htiˆ leh yawˇ hui nawˬ hta‸ mawˬ hpeh‸ tuˬ, mvuhˇ maˇ hpeu‸ sheˍ htaˇ chaw hpaw hkʼoˇ hkʼa shuˍ tawˆ kʼai-o.
5
Yawˇ hui nyi chehˇ htaˇ, nawˬ ve gʼo‸ pa hta‸ hpaˆ pawnˍ leh oˇ ka‸ lo gaˆ tawˆ-e loˬ.
6
Yawˇ hui hpoˆ nyi chehˇ ve teˇ yanˇ, nawˬ hkʼaˬ hpawˇ lo kʼai chehˇ ve hta‸ nawˬ maˇ gʼa mawˬ tuˬ, nawˬ ve mehˆ shiˍ hta‸ hoˆ taˍ leh mvuhˇ hpeu‸ htaˇ tawˆ kʼai-o. Nawˬ te chehˇ ve kanˉ chi lehˬ, Iˉsaˍreˍlaˆ chaw hui hta‸ shaˍ ti‸ piˇ chehˇ ve hkʼe hpeh‸ tuˬ yoˬ, teh‸ ngaˬ hta‸ kʼoˆ laˇ ve yoˬ.
7
Gʼuiˬsha kʼoˆ laˇ ve hkʼe ngaˬ te ve yoˬ. Oˇ ve teˇ nyi hkʼaw ngaˬ lehˬ chaw hpaw hkʼoˇ hkʼa shuˍ mawˇ gu htiˆ leh, mehˆ muiˉ naˆ la paˇ neˇ htaˇ ngaˬ ve gʼo‸ pa hta‸ hpaˆ pawnˍ leh gaˆ tawˆ-e ve yoˬ. Chaw hkʼa peu-eˬ hpoˆ nyi chehˇ ve teˇ yanˇ, ngaˬ ve mawˇ hta‸ chiˇ pfuhˇ leh tawˆ kʼai ve yoˬ.
8
Shawˉ pawˍ mvuhˇ shawˉ gaˬ htaˇ, Gʼuiˬsha ngaˬ hta‸ tawˇ teˇ pawˆ kʼaw‸ yaw laˇ leh kʼoˆ ve,
9
Chaw yaˇ-oˬ, Iˉsaˍreˍlaˆ chaw hpfuhˆ oˇ ve teˇ hpaˍ lehˬ, nawˬ aˬ hto‸ ma te ve le, teh‸ na nyi chehˇ ve yoˬ.
10
Ngaˬ yawˇ hui hta‸ kʼoˆ piˇ chehˇ ve tawˇ chi teˇ hpaˍ yawˇ hui hta‸ kʼoˆ piˇ-oˆ. Tawˇ chi teˇ hpaˍ lehˬ, Yeˍruˆsaˍlehnˍ venˇ hta‸ uˉ peunˍ chehˇ ve jawˇmawˇ leh oˇ kaˬ lo chehˇ taˍ ve chaw yaˇ teˇ hpaˍ awˬ pon hpeh‸ ve yoˬ.
11
Nawˬ te maˍ chehˇ ve kanˉ chi lehˬ, awˬ hkʼaw‸ nawˉ yawˇ hui awˬ hkʼoˆ lo gaˬ la tuˬ ve awˬ heˆ hpeh‸ ve awˬ lawn, yawˇ hui hta‸ kʼoˆ maˍ piˇ-oˆ. Yawˇ hui lehˬ chaw hpaw hkʼoˇ leh shu hpeh kʼai ve hta‸ gʼa hkanˍ ve chaw hpeh‸ tuˬ yoˬ.
12
Yawˇ hui hta‸ uˉ peunˍ chehˇ ve jawˇmawˇ lehˬ, mvuhˇ hpeu‸ htaˇ mawˇ pfuhˇ leh yawˇ awˬ pon shu htaw pawnˍ piˇ taˍ ve gʼo‸ pa hkʼaw gʼa gaˆ tawˆ-e tuˬ yoˬ. Yawˇ ve mehˆ shiˍ hta‸ beh taˍ leh, yawˇ hkʼaˬ lo kʼai chehˇ ve hta‸ yawˇ shiˍ tuˬ ve maˇ heˆ.
13
Ya‸ hkʼaˇ, ngaˬ lehˬ pehˍ hta‸ yuˬ leh yawˇ hta‸ htaw yuˬ tuˬ yoˬ. Oˇ ve hkʼaw‸ nawˉ, ngaˬ yawˇ hta‸ Baˍbuˍlonˍ mvuhˇmiˬ lo shiˍ kʼai piˇ tuˬ yoˬ.
14
Yawˇ ve shaˉ nanˉ hkʼaw kanˉ te chehˇ ve chaw, yawˇ hta‸ dawˇ hkʼaˇ piˇ paˍ, leh yawˇ ve a sha‸ shaw paˍ teˇ hpaˍ hta‸ ngaˬ hkʼaˬ hpawˇ chi hpawˇ lo hpaˆ da‸ kʼai piˇ leh, chaw yaˇ teˇ hpaˍ lehˬ, yawˇ hui hta‸ tiˇ pehˍ tuˬ gʼa‸ ca tuˬ yoˬ.
15
Ngaˬ yawˇ hui hta‸ shu ve mvuhˇmiˬ lo hpaˆ da‸ kʼai piˇ ve teˇ yanˇ, ngaˬ lehˬ Gʼuiˬsha hpeh‸ ve hta‸ yawˇ hui shiˍ la tuˬ yoˬ.
16
Shu ve mvuhˇmiˬ hkʼaw gaˬ htaˇ, yawˇ hui hkʼaˬ ma cha‸ chiˆ ve kanˉ hta‸ te taˉ peuˬ ve hta‸ maˇ kʼoˆ, ngaˬ lehˬ Gʼuiˬsha hpeh‸ ve hta‸ maˇ kʼoˆ kʼaw‸ shiˍ la tuˬ, ma‸ bawˆ da‸ kuiˬ, meu‸ ve kaˆ ve, leh naˬ kuiˬ gawˬ kuiˬ awˬ hkʼaw lo ngaˬ yawˇ hui hta‸ te‸ chehˇ piˇ lawˬ tuˬ yoˬ, teh‸ Gʼuiˬsha kʼoˆ ve yoˬ.
17
Gʼuiˬsha ngaˬ hta‸ chi hkʼe kʼoˆ laˇ ve yoˬ.
18
Chaw yaˇ-oˬ, nawˬ awˍ caˇ leh iˉ kaˆ dawˬ ve teˇ yanˇ kawˆ cheˇ ve hkʼaw caˇ-oˆ.
19
Ngaˬ ve tawˇ chi teˇ hpaˍ Iˉsaˍreˍlaˆ mvuhˇmiˬ leh Yeˍruˆsaˍlehnˍ venˇ hkʼaw chehˇ taˍ ve chaw hui hta‸ kʼoˆ piˇ-oˆ. Yawˇ hui awˍ caˇ leh iˉ kaˆ dawˬ htaˇ kawˆ cheˇ ve hkʼaw gʼa caˇ tuˬ yoˬ. Yawˇ hui ve mvuhˇmiˬ hkʼaw chehˇ taˍ ve chaw teˇ hpaˍ lehˬ, te‸ chiˉ chaw liˇ chaw hkʼaˇ maˇ shiˍ ve chaw hpeh‸ ve pa taw, yawˇ hui ve mvuhˇmiˬ lehˬ awˬ kʼawˇ lehˍ hpeh‸ kʼai tuˬ yoˬ.
20
Chi beu‸ chaw hkʼa biˇ chehˇ taˍ ve venˇ teˇ hpaˍ luˬ kʼai sheˆ kʼai leh, heh puiˉ hkʼaw kʼaw‸ hpeh‸ la tuˬ yoˬ. Oˇ htaˇ, ngaˬ Gʼuiˬsha hpeh‸ ve hta‸ chaw hkʼa peu-eˬ gʼa shiˍ tuˬ yoˬ, teh‸ ngaˬ hta‸ kʼoˆ laˇ ve yoˬ.
21
Gʼuiˬsha ngaˬ hta‸ chi hkʼe kʼaw‸ kʼoˆ laˇ ve yoˬ.
22
Chaw yaˇ-oˬ, aˬ hto ma pa taw Iˉsaˍreˍlaˆ chaw teˇ hpaˍ lehˬ, Awˬ yanˇ ponˬ kʼai peuˬ ve htawˇ kʼoˆ taˍ ve hkʼe maˇ hpeh‸ la, teh‸ kʼoˆ ve chaw mawˇ hkawˇ hta‸ tcuhˇ tcuhˬ kʼoˆ chehˇ ve le.
23
Tawˇ oˇ ve hta‸ caˉ da‸ leh ngaˬ chi hkʼe kʼoˆ gaˇ ve yoˬ. Chaw mawˇ tawˇ oˇ ve hta‸ maˇ gʼa kʼaw‸ yehˇ tuˬ ngaˬ te piˇ leh, Iˉsaˍreˍlaˆ chaw hui teˇ pawˆ ka‸ kʼaw‸ yehˇ tuˬ ve maˇ heˆ. Awˬ yanˇ gaˬ la peuˬ. Kʼoˆ taˍ ve tawˇ teˇ hpaˍ htawˇ biˇ la tuˬ yoˬ, teh‸ kʼoˆ ve tawˇ chi ve yawˇ hui hta‸ kʼoˆ maˍ piˇ-oˆ.
24
Iˉsaˍreˍlaˆ chaw teˇ hpaˍ awˬ hkʼaw lo, shu hta‸ ya‸ kʼaw sheh ya‸ piˇ ve maˇ heˆ heˆ ve tcuh kaˍ paˍ teˇ hpaˍ kʼaw‸ cawˬ tuˬ ve maˇ heˆ.
25
Ngaˬ yawˇ hui hta‸ tawˇ yaw piˇ leh, ngaˬ kʼoˆ taˍ ve hkʼe hpeh‸ la tuˬ yoˬ. Awˬ yanˇ kʼaw‸ jiˆ tuˬ ve maˇ heˆ. Chaw hpfuhˆ teˇ hpaˍ-oˬ, nawˬ hui te‸ chehˇ sheˍ ve awˬ yanˇ hkʼaw, ngaˬ te tuˬ nawˬ hui hta‸ shaˍ ti‸ piˇ taˍ peuˬ ve hkʼe ngaˬ te tuˬ yoˬ, teh‸ Gʼuiˬsha kʼoˆ ve yoˬ.
26
Gʼuiˬsha ngaˬ hta‸ chi hkʼe kʼaw‸ kʼoˆ laˇ ve yoˬ.
27
Chaw yaˇ-oˬ, nawˬ kʼoˆ maˍ piˇ chehˇ ve awˬ lawn chi teˇ hpaˍ lehˬ laˬ tuˬ ve awˬ yanˇ hkʼaw hpeh‸ la tuˬ ve awˬ lawn teˇ hpaˍ hpeh‸ ve yoˬ, teh‸Iˉsaˍreˍlaˆ chaw hui dawˇ tuˬ yoˬ.
28
Chi hta‸ pa taw, ngaˬ kʼoˆ chehˇ ve tawˇ chi teˇ hpaˍ yawˇ hui hta‸ kʼoˆ piˇ-oˆ. Awˬ yanˇ jiˆ tuˬ ve maˇ heˆ. Ngaˬkʼoˆ taˍ ve teˇ hpaˍ awˬ tehˬ awˬ na hpeh‸ la tuˬ yoˬ. Ngaˬ Gʼuiˬsha chi hkʼe kʼoˆ taˍ ve yoˬ, teh‸ ngaˬ hta‸ kʼoˆ laˇ ve yoˬ.
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 13 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48