bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Sinte 2024 (O Debleskro Lab 2024 (Sinte-Manouche))
/
2 Chronicles 10
2 Chronicles 10
Romani Sinte 2024 (O Debleskro Lab 2024 (Sinte-Manouche))
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 11 →
1
O Yerobeam, koleskro dad o Nebat his, his an o them Egiptia, kote nashas yob glan o rayeste Salomo. An ko tsiro djas o Roboam an o foro Sichem. Oun i tsele Israelitarya van kote ninna khetne, te čivenn le les pral pende, te vell lo lengro ray. Har kova o Yerobeam shounas, vas lo palpale dran o them Egiptia.
3
Oun i Israelitarya bičran morshen pash o Yerobeam oun kharan les pash pende. Oun yob oun i tsele Israelitarya, hoy khetne van, rakran o Roboameha oun penan:
4
“Kova, hoy tiro dad mendar kamas, djas boud kope pral mari zoor. Mouk tou čomone tele mendar, oun de men gar savi phari boudi har tiro dad men das, palle ham mer tire lače boudepangre.”
5
Kote pre penas lo ap lende: “Djan oun denn man triin divessa, oun pal kova venn pale glan mande!” Oun i menshe djan penge.
6
Kote djas o ray Roboam pash i phoureden; kolla his ninna glan leskro dadeste, o Salomeste, tarde, har yob gomme djivas. Oun o Roboam penas: “Penenn mange t'maro gosvepen, hoy te vell kal menshenge penlo?”
7
Kote rakran yon leha oun penan: “Te hal tou kava dives kamles ap kal menshende, oun kreh hoy yon kamenna, oun rakreh lentsa lače laba, palle hi yon tire boudepangre an hako tsiro.”
8
Oun yob das či pre, hoy i phoureder leske penan, oun djas pash i terne morshende, kolla, kay van leha khetne bares, oun kanna leske boudran.
9
Oun yob penas ap lende: Penenn mange t'maro gosvepen, hoy te penas kal menshenge, kay penan mange: “Mouk čomone tele mendar! Ma čip sau boudepen ap mende, hoy tiro dad ap mende čivas!”
10
Oun kol terne morsha, kolla, kay van leha bares, penan leske: “Yaake pen ap kol menshende, kay penan ap toute: Tiro dad čivas i pharo boudepen ap mende. Mouk tou čomone tele mendar! Pen kova ap lende: Miro tikno goushto hi pesseder har miro dadeskri heri.
11
Oun kanna, te čivas miro dad i pharo djipen ap t'mende, me krau t'maro djipen gomme phareder! Miro dad das t'men i čoupniyah. Me dau t'men i čoupniyah, hoy saster pre hi. ”
12
Oun o Yerobeam oun i tsele menshe van pal triin divessa pash o Roboam, har yob les lenge penas: “Avenn pal triin divessa pale pash mande!”
13
Oun o Roboam das i menshenge čilače laba pale, oun rakras gar yaake, har i phoureder leske penan.
14
Na-a, yob rakras lentsa yaake, har i terne morsha kova leske penan. Oun penas: “Te čivas miro dad i pharo djipen ap t'mende, me krau t'maro djipen gomme phareder! Miro dad das t'men i čoupniyah, me dau t'men i čoupniyah, hoy saster pre hi!”
15
Oun yaake shounas o baro ray gar ap i menshende. Kova kamas o baro Devel yaake, te nay vell leskro lab čačo, hoy lo o Ahia dran Shilo an o mouy čivas, te penell kova les ap o Yerobeam, koleskro dad o Nebat hi.
16
Har i tsele Israelitarya dikan, kay kamas o baro ray gar ap lende te shounell, dan le gole: “Hoy djal men o David an oun leskri familya! Hoy kran le menge? Mou dikenn le kokres pal lengro kheer! Nashas khere, mer dran Israel!” Kova penan le, oun hakeno djas pash peskro kheer.
17
Kokres pral i menshende, kay an i forya an o them Youda djivenn, ačas o Roboam o baro ray.
18
Oun o ray Roboam bičras o pralstounes pral i boudepangren, te djal lo pash i Israelitaryen. Leskro lab his Adoniram. Oun o tselo Israel vitsras barra ap leste, oun yaake meras lo. Koy stas o ray Roboam ap peskro vourdin oun ouleras sik an o foro Yerusalem.
19
Yaake peras o Israel tele o Davideskre čavendar, oun kova hi yaake bis ap kava dives.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 11 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36