bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Sinte 2024 (O Debleskro Lab 2024 (Sinte-Manouche))
/
2 Chronicles 23
2 Chronicles 23
Romani Sinte 2024 (O Debleskro Lab 2024 (Sinte-Manouche))
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 24 →
1
An o 7. (eftato) bersh las o Yoyada peskri tseli zoor khetne, oun kras pes khetne panč pralstoune lourdentsa: o Asarya, koleskro dad o Yeroham his, o Ismael, koleskro dad o Yohanan his, o Asarya, koleskro dad o Obed his, o Maasseya, koleskro dad o Adaya his oun Elishafat, koleskro dad o Zikri his.
2
Kolla djan an o tselo them Youda trouyel, oun lan i Levitaryen dran i tsele forya an o them Youda khetne, ninna i pralstunen pral i bare familye an o them Israel, te djan le halauter an o foro Yerusalem.
3
Oun har yon halauter khetne his an o Debleskro baro kheer, penas o Yoyada ap lende: “Dikenn, kate hi o rayeskro čavo. Yob te vell o baro ray, yaake har penas o baro Devel, te venn i bare raya o Davideskre čavendar.” Oun kolla lauter, kay kote khetne his, kran ko terno rayeha vin, te vell lo lengro ray.
4
Oun o Yoyada penas lenge: Kava hi ko koova, hoy t'mer hounte krenn: “I triinto kotar t'mendar, kol rashayendar oun Levitarya, kay ap o Debleskro dives ap i boudi venn, hounte denn garda ap i bare voudya.
5
I vavar triinto kotar dell garda an o baro rayeskro kheer, oun pale i vavar triinto kotar dell garda ap o voudar, hoy kharell Yesod. I tsele vavar menshe hounte ačenn ap i glanstoune platse an o baro Debleskro kheer!
6
Kek te djal an o baro Debleskro kheer dren! Kokres i rashaya oun kol Levitarya, kay ap ko dives hounte boudrenn, kolla nay djan dren. Yon hi o Debleske koy. Oun i tsele vavar menshe hounte krenn, hoy o Devel penas.
7
I Levitarya hounte venn tardo troul o baro rayeste, hakeno peskro rhareha an o vast. Oun yon hounte djan leha, te djal lo vin oun te djal lo dren. Koon phagell an o baro Debleskro kheer dren, kova hounte vell maredo.”
8
Oun i Levitarya oun i tsele menshe dran Youda kran halauter, har les o rashay Yoyada ap lende penas. Oun hakeno las peskre morshen pash peste, kolen kay ap o Debleskro dives ap pengri boudi van, oun kolen, kolengri boudi kerdi his. Ninna kolen moukas o rashay Yoyada gar khere te djal.
9
O rashay Yoyada das kol pralstoune lourden kol vitsepaskre čourya oun kol shilte, bare oun tikne oun vavar karmangre, hoy o baro rayes, o Davides his, oun an o baro Debleskro kheer pre-hadedo van.
10
Oun i morsha his tardo glan o Debleskro kheer i čači rigyatar bis ap i servi rig. Yaake his le tardo glan o sasterni rhačepaskri, oun troul o rayeste trouyel. Oun hakenes his peskro vitsepaskro čouri an o vast.
11
Palle moukas o Yoyada o baro rayeskro čaves vin te vell, te nay dikell les hakeno, oun čivas leske koy rayeskri stadi ap o shero, oun das les ko liil, kay činlo hi, hoy te krell lo. Palle čoran o Yoyada oun leskre morsh čave djet pral leskro shero, te vell lo baro ray, oun dan gole: O baro ray te djivella!
12
Har shounas i Atalya i gole kol menshendar, kay van pashel naashedo oun dan gole i barhtyatar, djas li an o baro Debleskro kheer, kay kol menshe khetne van.
13
Oun dikas o nevo baro rayes ap peskri platsa an o voudar tardo. Oun troul leste his i pralstoune lourde oun i phourdepangre tarde. Oun i tsele menshe ko themestar his barhtelo, oun i phourdepangre phourdan an pengre bashepangre. Ninna i gipangre his koy, oun o bashepah ap pengre doryengre bashepangre givan le glan, oun i menshe givan lentsa. I Atalya tserdas peskre ripya an kotya oun das gole: “Phoukepen, Phoukepen!”
14
Oun o rashay, o Yoyada, kamas gar, te vell li maredo an o baro Debleskro kheer. Doleske penas lo kol pralstoune lourdenge: “Anenn lat vin! Oun koon lake pal nashella, koles denn moulo o rhareha!”
15
Oun yon tapran lat oun anan lat pash o baro rayeskro kheer glan ko voudar, hoy kharell Grayengro Voudar. Oun kote vas li maredo.
16
Oun o Yoyada moukas o baro rayes oun i menshen dran Youda i sovel te dell o baro Debleske, te djivenn le yaake, har o baro Devel peskre menshendar kamella.
17
Palle djan i tsele menshe dran o them Youda an o kheer ko deblestar Baal, oun kran o kheer paash. Oun kol rhačepangre, kay firhen oun vavar koova leske rhačedo van, phagan le tele, ninna kol figure, hoy an-mangedo van. Oun glan kol rhačepangre maran le o Mattan, ko rashayes o deblestar Baal.
18
Oun o Yoyada das kol rashayen oun Levitaryen koy boudi, hoy hounte vell kerdo an o baro Debleskro kheer. Yon hounte krenn pengri boudi yaake har o David penas, oun hounte rhačrenn firhen o baro Debleske yaake har činlo hi an o Moseskre lila. Ninna hounte sharenn le o baro Debles gilyentsa oun i barhtelo djiyeha. Yaake penas kova o David.
19
Oun o Yoyada bičras klisten glan i voudya o baro Debleskro kherestar, te denn le yak, te nay djas kek dren, kay kras pes ap čomone pale-čiddo.
20
Palle las o Yoyada i pralstoune lourden peha, ninna i bravele oun an-dikle morshen oun i tsele menshe, kay kote khetne van. Oun yon anan o baro rayes tele dran o baro Debleskro kheer, oun van pash ko pralstouno voudar, djan dren oun doureder an o baro rayeskro kheer. Kote beshas lo pes ap peskri rayeskri beshepaskri.
21
Oun i tsele menshe dran Youda his barhtelo. Oun an o foro das kek kourepen, har maran le i Atalya o rhareha.
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36