bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Sinte 2024 (O Debleskro Lab 2024 (Sinte-Manouche))
/
2 Chronicles 15
2 Chronicles 15
Romani Sinte 2024 (O Debleskro Lab 2024 (Sinte-Manouche))
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 16 →
1
Oun o Debleskro dourho vas pral o Asarya, koleskro dad o Oded his.
2
Oun yob djas vin, te rakrell lo o baro rayeha, o Asa, oun penas leske: “Shounenn man, Asa oun t'mer menshe dran o tselo them Youda oun Benyamin! O baro Devel hi t'mentsa, yaake rah har t'mer t'men ap leste rikrenn. Te rodenn t'mer les, moukell yob pes te hatsell t'mendar. Te moukenn les, moukell yob t'men.
3
Boud bersha prindjran i Israelitarya o čačo Debles gar. Len his kek rashay, kay sikras lende o Debleskro drom, oun kek Debleskro lab, hoy penas lenge, har te djivenn le.
4
Oun har lenge djoungeles djas, rissran le trouyel pash o baro Debleste, kay o Israeleskro Devel hi, oun rodan les. Oun yob moukas pes lendar te hatsell.
5
An kol tsirya djivan i menshe gar an o lačepen khetne an kal themma. Yaake hounte darell hakeno peskro djipaske, kay djas ap o drom.
6
O Devel moukas traash oun hakelay bibarht pral lende te vell. Yaake kouras pes yek them o vavar themeha oun yek foro o vavar foreha.
7
T'mer, avenn zorelo, ma moukenn t'men daar te krell! O baro Devel playsrell t'men koleske, hoy krenn!”
8
Oun har o Asa kava rakepen shounas, hoy o Debleskro rakepaskro, o Asarya, glan-vi penas, vas les zoor. Oun yob moukas dran ko tselo them Youda oun Benyamin oun dran kol forya, hoy yob dren las ap i berge Efrayim kol djoungele figuren krik te anell, hoy i menshe an-mangan. Oun yob moukas o sonakaskro bob neves te krell, kay soungepaskro koova o baro Debleske rhačedo vell. Kova his tardo glan i bari glanstouni isema o baro Debleskro kherestar.
9
Oun yob moukas i tsele menshen khetne te vell dran o them Youda oun Benyamin oun halauter dran i khera Efrayim, Manasse oun Simeon, kay pash lende djivan. [His yaake, kay boud menshe dran Israel pash leste an o them Youda van, har dikan le, te his o baro Devel, kay leskro Devel hi, ap leskri rig.]
10
Oun yon van khetne an o foro Yerusalem an o triinto čon an o 15. (deesh-te-pančto) bersh, har o Asa o baro ray his.
11
Oun anan ap kava dives o baro Debleske kolestar, hoy yon pentsa anan, har van le dran o kourepen pale: 700 (efta sheel) groumya oun 7.000 (efta zerya) bakre.
12
Oun yon dan pengro lab, te rikrenn le pen ap kova, hoy o baro Devel lengre phourentsa vin kras, te rodenn le les o tselo djiyeha oun i tseli zoryah.
13
Oun hakeno, kay kamals o baro Debles, kay o Israeleskro Devel hi, gar te rodell, hounte vals maredo, o tikno oun o baro, morsh oun djouvel.
14
Yon dan pen sovel glan o baro Debleste i bari golyah oun gipah oun bashepah ap i phourdepangre.
15
Oun i tsele menshe dran Youda his barhtelo pral koy sovel, hoy dan le pengro tselo djiyeha. Oun yon rodan o Debles pengri tseli zoryah. Oun yob moukas pes lendar te hatsell. Oun o baro Devel moukas len an o lačepen te djivell i thementsa troul lende.
16
Oun ninna kras o baro ray Asa, te his leskri day, i Maaka, bouder gar i rani. Kova kras lo doleske, kay moukas li i djoungeli figura te krell, hoy i debletsa Ashera sikras. Oun o Asa das lakri djoungeli figura an kotya oun rhačras lat pash o pani Kidron.
17
Ninna te ačenn kol boud moulne platse tardo an Israel, rikras pes o Asa ap o baro Debleste peskro tselo djiyeha, yaake rah har yob djivas.
18
Oun ko roup oun sonakay oun ko vavar koova, hoy leskro dad o baro Debleske anas, oun hoy yob o baro Debleske anas, kova anas lo halauter an o baro Debleskro kheer.
19
Oun kek kourepen his an o them bis an o 35. (triyanda-te-pančto) bersh, har o Asa o baro ray his.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36