bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Sinte 2024 (O Debleskro Lab 2024 (Sinte-Manouche))
/
2 Chronicles 12
2 Chronicles 12
Romani Sinte 2024 (O Debleskro Lab 2024 (Sinte-Manouche))
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 13 →
1
Har his o Roboam zoreles ap peskri rayeskri beshepaskri beshdo, oun i zorelo baro ray his, moukas lo o baro Debleskro drom. Oun i tsele Israelitarya kran kova leske palla.
2
Har o Roboam an o pančto bersh o baro ray his, vas o Shishak, ko baro ray pral o them Egiptia, peskre lourdentsa, te lell lo o foro Yerusalem dren. Kova vas pral i Israelitarya doleske, kay djan le o baro Debleskro dromestar tele.
3
Pash o Shishak his 1.200 (yek-sero-douy-sheel) kourepangre vourdya oun 60.000 (shob-deesh-zerya) klissepangre. Oun kol lourde, kay khetne leha van dran o them Egiptia, his yaake boud, te hatsas kek vin, kitse yon hi. Kolla his Libyarya, Soukkarya oun save dran o them Koush.
4
Oun yob las kol tsele zorele forya dren, kay an o them Youda his, oun vas bis glan o foro Yerusalem.
5
Oun o Debleskro rakepaskro, o Shemaya vas pash o Roboam oun pash kol pralstunende pral o them Youda. Kolla van halauter khetne an o foro Yerusalem, har shounan le, kay vell o Shishak. Oun o Shemaya penas ap lende: “Kava penell o baro Devel: T'mer moukan man; doleske moukom me t'men ninna, oun dom t'men an o vast o rayestar Shishak.”
6
Har shounan kol pralstoune oun o baro ray kal laba, khaytas len ko čilačepen, hoy le kran, oun penan: “O baro Devel hi an o čačepen.”
7
Har o baro Devel dikas, kay khaytell len, hoy le kran, penas lo ap o Shemaya: “Len khaytell, kay moukan le man. Doleske moukau len gar te marell. An i tikno tsiro lau len vin dran lengri bibarht. Me moukau miri rholi gar yaake pral o foro Yerusalem te vell, te krap, te dell o Shishak peskre lourdentsa i menshen an o foro moulo.
8
Tel leskro vast hounte ačenn le, te hayvenn le, har kova hi, te hi i vavar them o ray pral lende oun gar me.”
9
Oun o Shishak, ko baro ray dran Egiptia, vas an Yerusalem, oun las ko tselo bravlepen dran o baro Debleskro kheer oun dran o baro rayeskro kheer, halauter las lo peha. Ninna las lo kol sonakangre shilte peha, kolla, kay moukas o Salomo te krell.
10
Doleske moukas o baro ray Roboam peske shilte te krell dran lolo saster, oun das len i pralstunende pral kol lourdende, kay dan garda pash o baro voudar glan leskro kheer.
11
Oun hako kopo, kay djas o baro ray an o baro Debleskro kheer, van i lourde oun hidjran kal shilte. Oun palle anan le len pale pale an lengri isema.
12
Oun har khaytas o Roboameske kova, hoy lo kras, djas i rholi o baro Deblestar lestar krik. Oun yob oun leskri familya van gar maredo. Ninna his an o them Youda gar halauter čilačo.
13
Oun o Roboam vas pale i zorelo ray an o foro Yerusalem, oun ačas o baro ray pral o them Youda. Leskri day his i Naama, dran o them Ammon. Har vas lo baro ray, his lo 41 (star-deesh-te-yek) bersha. Oun 17 (deesh-te-efta) bersha his lo baro ray, oun djivas an ko tsiro an o foro Yerusalem, ko foro, hoy rodas pes o baro Devel vin dran i tsele forya an Israel, te vell lo kote an-mangedo.
14
Oun o Roboam kras, hoy čilačo his, oun poučas gar pal kova, hoy o baro Devel kamas.
15
Ko tselo vavar koova, hoy pral o Roboam penepaske hi, kova hi činlo an o liil, hoy činan o Debleskro rakepaskro, o Shemaya oun o dikepaskro, o Iddo. Kava liil hi činlo har i familyakro liil. Mashkral o Roboam oun o Yerobeam his kourepen yaake rah har yon djivan.
16
Oun o Roboam meras oun vas paskedo an o Davideskro foro. Oun leskro čavo, o Abiya, vas o baro ray pal leste.
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 13 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36