bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Sinte 2024 (O Debleskro Lab 2024 (Sinte-Manouche))
/
2 Chronicles 8
2 Chronicles 8
Romani Sinte 2024 (O Debleskro Lab 2024 (Sinte-Manouche))
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 9 →
1
Biish bersha boudran o Salomeskre boudepangre ap o baro Debleskro kheer oun ap o baro rayeskro kheer.
2
Ninna kran le kol forya zorleder, hoy o Hiram o Salomeske das. Oun o Salomo moukas i Israelitaryen koy dren te djivell.
3
Oun o Salomo djas peskre lourdentsa pash o foro Hamat-Soba oun las les dren.
4
Oun yob kras ko foro Tadmor zorleder an o moulo them, oun kol vavar forya, hoy his čiddo pash o foro Hamat, oun an kolende yob djobengre khera pre čivas.
5
Oun o Salomeskre boudepangre kran o pralstouno foro Bet-Horon oun o telstouno foro Bet-Horon zorleder, te van le zorele forya, kolen massurya, voudya oun pandepangre hi.
6
Ninna o foro Bahalat kras lo neves, oun i tsele forya, kay leskre djobengre khera hi, oun i forya, kay leskre vourdya oun leskre graya tarde hi, oun lauter, hoy yob kamas te krell an o foro Yerusalem, ninna an o them Libanon, oun an o tselo them, koleskro ray yob his.
7
I tsele menshe, kay pral ačan kolendar, kay glan i Israelitarya an o them djivan, oun kolen i Israelitarya maran gar, kolengre čave, kay pal lende van, kolen las o Salomo, te venn le leskre boudepangre, kay hounte boudrenn leske. Kova hi ninna kava dives yaake. Yon his Amorarya, Hetarya, Perisarya, Hivarya, oun Yebousarya.
9
I menshendar Israel las lo kekes, kay hounte vas leskro boudepaskro. Yon van leskre lourde, oun pralstoune pral i lourdende, oun kourepangre ap leskre vourdya, oun pralstoune pral leskre vourdya oun leskre graya.
10
550 (panč-sheel-te-paash-sheel) pralstoune his tardo pral o Salomeskre boudepangre, oun dan garda ap lende.
11
Oun o Salomo anas peskri romyat, koy čay o Faraestar, dran o Davideskro foro pral an ko kheer, hoy yob moukas lake te krell. Oun yob penas: “I djouvel hounte djivell gar an o kheer o Davidestar, ko rayestar pral Israel. Glan i tsiro his kote ko morhton tardo, kay o baro Debleskre laba dren hi. Haki platsa, kay ko morhton tardo his, hi i Debleskri platsa.”
12
Kava tsireha anas o Salomo firhen o baro Debleske, kay van rhačedo ap koy rhačepaskri, hoy kran leskre boudepangre glan o baro Debleskro kheer.
13
Oun kova vas yaake kerdo har činlo his an o Moseskre lila. Kote dren hi tardo, hoy hounte vell hako dives rhačedo, ninna ap i Debleskre divessa, oun ap kol divessa, kay vell o nevo čon diklo, oun ap kol bare divessa, kay halauter khetne venn, triin kope an o bersh: Kolla hi kol divessa, kay rhan le maro, kay kek shoutlo yarro dren hi, ninna kol divessa, kay vell o nevo djob anlo, oun kol divessa, kay djivenn i Israelitarya an patyengre khera.
14
Oun yaake har peskro dad, o David penas, čivas o Salomo i rashayen yaake khetne, har hounte boudrenn le khetne. Ninna penas lo ap i Levitarya, havi boudi yon hounte krenn: Koy his save mank lende, kay givan, oun vavar van i rashayenge pash o vast, yaake har hounte his hako dives. Ninna i voudyengre morsha van yaake khetne anlo, har hounte denn le yak ap i voudya. Hako voudareske his save koy, kay dan yak ap leste. Yaake penas kova o David, ko Debleskro morsh.
15
Oun kek kras čomone vavar har kova, hoy o baro ray, o David, penas pral i boudi i rashayendar oun i Levitarendar. Oun ninna vas o bravlepah an o Debleskro kheer yaake kerdo har yob les penas.
16
Oun yaake vas halauter kerdo, hoy o Salomo kamas te vell kerdo, foun ko dives, kay i telstoune barra o baro Debleskro kherestar čiddo van, bis ap ko dives kay o kheer koy tardo his.
17
Ap ko tsiro djas o Salomo an i forya Ezyon-Geber oun Elat, hoy pash o Baro Lolo Pani čiddo hi an o them Edom.
18
Oun o Hiram bičras leske shiffe oun morshen pestar, kay hayvan mishto ap o pani te oulerell. Kolla djan khetne o Salomeskre morshentsa ap kol shiffe, oun van an o them Ofir oun lan kotar sonakay pentsa, 450 (star-sheel-te-paash-sheel) centnarya sonakay, oun anan les pash o rayeste Salomo.
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 9 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36