bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Tswana
/
Tswana (BAEBELE e e Boitshepo) 1992
/
Genesis 44
Genesis 44
Tswana (BAEBELE e e Boitshepo) 1992
← Chapter 43
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 45 →
1
A laola molebalebi wa ntlo ya gagwe a re: “Thela mabele mo dikgetseng tsa banna bao, ka fa ba nonofileng go tsaya ka gone, o tsenye madi a mongwe le mongwe mo molomong wa kgetse ya gagwe.
2
Senwelo sa me, senwelo sa selefera, o se tsenye mo molomong wa kgetse ya yo mmotlana, le madi a gagwe a mabele.” A dira ka fa lefokong le Josefe o le buileng.
3
E rile bosigo bo sena go sa, banna bao ba newa tsela, bone le diesela tsa bone.
4
E rile ba sena go tswa mo motseng, ba ise ba ye kgakala, Josefe a raya molebalebedi wa gagwe a re: “Nanoga o latele banna bale; o tlaa re o ba tshwara, o ba reye o re: ‘Ana lo dueletseng molemo ka bosula?
5
A ga se sone se morena wa me o nwelang mo go sone, e bile e le sone, ruri, bola jo o laolang ka jone? Lo dirile bosula ka go dira jalo.’ ”
6
Mme a ba tshwara, a bua mafoko a nabo.
7
Ba mo raya ba re: “Morena wa rona, o buelang mafoko a a ntseng jaana? A go se tualo go re, batlhanka ba gago ba ka dira se se ntseng jalo.
8
Bona, madi a re a fitlhetseng mo melomong ya dikgetse tsa rona, ra ba ra a tlisa gape kwa go wena re tswa lefatsheng la Kanana; ana foo re ne re tlaa utswa jang selefera le fa e le gouta mo ntlong ya morena wa gago?
9
Le fa e le mang wa batlhanka ba gago yo se tlaa bonwang mo go ene a a swe, le rona re nne batlhanka ba morena wa rona.”
10
Mme a re: “Jaana le gale a go nne ka fa mafokong a lona; ene yo se tlaa bonwang mo go ene, o tlaa nna motlhanka wa me, lona lo tlaa bo lo se na molato.”
11
Foo ba akofa, mongwe le mongwe a pagolola kgetse ya gagwe a e baya fa fatshe, mme mongwe le mongwe a bofolola kgetse ya gagwe.
12
A hukutsa, a simolola ka yo mogolo, a khutla ka yo mmotlana; mme senwelo sa fitlhelwa mo kgetseng ya ga Benjamine.
13
Foo ba ikgagola diaparo, mongwe le mongwe a belesa esela ya gagwe, ba boela kwa motseng.
14
Juta le bomorwa rraagwe ba fitlha kwa ntlong ya ga Josefe, mme a bo a sa ntse a le gone; mme ba wela fa fatshe fa pele ga gagwe.
15
Josefe a ba raya a re: “Ana tiro e lo e dirileng ke efe? A ga lo itse fa ruri motho yo o ntseng jaaka nna a ka laola ka bola?”
16
Juta a re: “Re tlaa bua le morena wa me re reng? Ana re tlaa buang, kgotsa re tlaa ikgolola jang mo molatong? Modimo o tshwere boleo jwa batlhanka ba gago; bona, re batlhanka ba gago morena, rona le ene yo senwelo se bonyweng mo seatleng sa gagwe.”
17
Mme a re: “A go se tualo, gore ke ka dira jalo; monna yo senwelo se bonyweng mo seatleng sa gagwe, ene o tlaa nna motlhanka wa me; ka ga lona, tlhatlogelang kwa go rraa lona ka kagiso.”
18
Foo Juta a atamela fa go ene a re: “Morena wee, ke a go rapela, a ko o mme motlhanka wa gago a bue lefoko mo ditsebeng tsa morena wa me, a bogale jwa gago bo se tukele motlhanka wa gago; gonne o ntse fela jaaka Faro.
19
Morena wa me o kile a botsa batlhanka ba gagwe a re: ‘A lo na le rraeno, le fa e le monnaa lona?’
20
Ra raya morena wa me ra re: ‘Re na le rraa rona, monnamogolo, o na le ngwana wa botsofe jwa gagwe, yo monnye; mogolowe o sule, mme o setse a le esi wa ga mmaagwe, rraagwe o a mo rata.’
21
Mme wa raya batlhanka ba gago wa re: ‘Lo tle nae kwano go nna gore ke mmone.’
22
Ra raya morena wa me ra re: ‘Mosimane ga a ka ke a tlogela rraagwe; gonne e tlaa re fa a ka tlogela rraagwe, rraagwe o ka swa.’
23
Wena wa raya batlhanka ba gago wa re: ‘Fa monnaa lona yo mmotlana a sa tle le lona, ga lo ketla lo tlhola lo bona sefatlhogo sa me.’
24
“Mme ya re re fitlha kwa go rre motlhanka wa gago, ra mmolelela mafoko a morena wa me.
25
Mme rraetsho a re: ‘Yang gape, lo re rekele dijonyana.’
26
Ra re ga re ka ke ra fologa; fa monnaa rona yo mmotlana re sa ye nae, foo ga re nka re fologa; gonne ga re ka ke ra bona sefatlhogo sa monna yole fa monnaa rona yo mmotlana re sa na nae.
27
Motlhanka wa gago rre, a re raya a re: ‘Lo a itse fa mosadi wa me a ne a bona bana ba basimane ba le babedi le nna,
28
mme yo mongwe a tswa mo go nna, mme ka re ruri o gagogantswe; e sa le jalo ga ke ise ke be ke mmone.
29
Fa lo ntseela yo le ene, mme tatlhego e mo wela, lo tlaa folosetsa moriri wa me o o thuntseng ka bohutsana mo phupung.’
30
“Ke gone jaana e tlaa re ke fitlha kwa go motlhanka wa gago rre, mosimane re se na nae, e re ka botshelo jwa gagwe bo bofilwe mmogo le botshelo jwa mosimane,
31
go tlaa dirala gore e tlaa re a bona fa mosimane re se na nae, foo a swe; batlhanka ba gago ba folosetse moriri o o thuntseng wa motlhanka wa gago rraetsho, ka bohutsana mo phupung.
32
Gonne nna motlhanka wa gago ka ipaya boipeelo jwa mosimane kwa go rre, ka re: ‘Fa ke sa mo tlise kwa go wena, foo ke tlaa bo ke tshwerwe ke molato mo go rre ka bosakhutleng.’
33
Ke gone jaana, ke a go rapela, a motlhanka wa gago a sale boemong jwa mosimane, ke nne motlhanka mo go morena wa me; mme a mosimane a tlhatloge le bomogolowe.
34
Gonne ke tlaa tlhatlogela jang kwa go rre, mosimane ke se na nae? Ke raya gore ke tle ke se ka ka bona bosula jo bo tlaa welang rre.”
← Chapter 43
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 45 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50