bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilonggo
/
Ilonggo (Maayong Balita nga Biblia (2012))
/
2 Chronicles 18
2 Chronicles 18
Ilonggo (Maayong Balita nga Biblia (2012))
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 19 →
1
Sang si Haring Josafat sang Juda nagmanggaranon kag nanginbantog, nagpakig-ugyon sia kay Acab nga hari sang Israel nga ang katapo sang ila mga panimalay magaasawahay.
2
Sang makaligad ang pila ka tuig, si Josafat nagkadto sa siudad sang Samaria sa pagduaw kay Acab. Sa pagpasidungog kay Josafat kag sang iya mga kaupdanan, si Acab nagpaihaw sing madamo nga mga karnero, kag mga baka para sa punsyon. Ginhaylo niya si Josafat sa pag-upod sa iya sa pagsalakay sang siudad sang Ramot sa Galaad.
3
Nagpamangkot sia, “Magaupod ka bala sa akon sa pagsalakay sa Ramot?” Nagsabat si Josafat, “Kon handa ka handa man ako, kag subong man ang akon mga hangaway. Magaupod kami sa imo.”
4
Dayon nagsiling pa gid sia, “Pero pamangkuta anay ang Ginoo nahanungod sini.”
5
Gani ginpatawag ni Acab ang mga propeta, mga 400 sila tanan, kag ginpamangkot sila, “Magalakat bala ako sa pagsalakay sang Ramot ukon indi?” Nagsabat sila, “Salakaya, kag ang Dios magapadaog sa imo.”
6
Pero si Josafat nagpamangkot, “Wala na bala sing iban nga propeta sang Ginoo nga sarang naton mapamangkutan?”
7
Nagsabat si Acab, “May yara pa nga isa, si Micaya nga anak ni Imla. Pero ginadumtan ko sia tungod kay wala gid sia sing ginatagna nga maayo para sa akon kundi pirme lang malain.” Nagsabat si Josafat, “Indi ka magsiling sina!”
8
Gani si Haring Acab nagtawag sang isa ka opisyal kag ginsugo sia sa pagkuha gilayon kay Micaya.
9
Ang duha ka mga hari nga nagasuksok sang ila harianon nga mga bayu nagapungko sa ila mga trono sa may linasan sa gwa sang pwerta sang Samaria, kag ang tanan nga mga propeta nagapanagna sa ila atubang.
10
Ang isa sang mga propeta, si Sedequias nga anak ni Canaana nga naghimo sang mga sungay nga salsalon nagsiling kay Acab, “Amo ini ang ginasiling sang Ginoo, ‘Paagi sini magapakig-away ikaw sa mga taga-Siria kag lutoson mo sila sing bug-os.’”
11
Amo man ini ang ginsiling sang iban nga mga propeta. “Salakaya ang Ramot kag magadaog ka.” Nagsiling sila, “Ang Ginoo magapadaog sa imo.”
12
Sa pihak nga bahin, ang opisyal nga ginsugo sa pagkuha kay Micaya nagsiling sa iya, “Ang tanan nga mga propeta nagtagna sing kadalag-an para sa hari, kag maayo pa nga amo man ang imo isiling.”
13
Pero si Micaya nagsabat, “Sa ngalan sang buhi nga Ginoo, ihambal ko ang ginasugo sang Dios sa akon!”
14
Sang pag-atubang niya kay Haring Acab, ang hari nagpamangkot sa iya, “Micaya, malakat bala kami kag salakayon bala namon ni Haring Josafat ang Ramot ukon indi?” Nagsabat si Micaya, “Salakaya kag magadaog kamo! Ang Ginoo magapadaog sa inyo.”
15
Pero si Acab nagsiling, “Kon maghambal ka sa akon sa ngalan sang Ginoo, magsugid ka sang matuod! Makapila ko bala ikaw singganon sini?”
16
Si Micaya nagsabat, “Makita ko ang mga hangaway sang Israel nga nagaalaplaag sa ibabaw sang mga bakulod, kaangay sang mga karnero nga wala sing manugbantay. Kag ang Ginoo nagsiling, ‘Ini nga mga tawo wala sing pangulo, papaulia sila sa paghidait.’”
17
Si Acab nagsiling kay Josafat, “Ginsingganan ko ikaw nga wala gid sia nagatagna sing maayo para sa akon kundi pirme gid lang malain!”
18
Si Micaya nagpadayon: “Karon pamatii kon ano ang ginasiling sang Ginoo! Nakita ko ang Ginoo nga nagapungko sa iya trono sa langit upod sang tanan niya nga mga anghel nga nagatindog sa kilid niya.
19
Ang Ginoo nagpamangkot, ‘Sin-o bala ang magahaylo kay Acab sa pagkadto sa Ramot agod mapatay sia didto?’ Ang iban nga mga anghel nagsiling sing isa ka butang, kag lain man ang ginsiling sang iban,
20
tubtob ang isa ka espiritu nagpalapit sa Ginoo kag nagsiling, ‘Ako ang magahaylo sa iya.’ Ang Ginoo nagpamangkot, ‘Sa ano nga paagi?’
21
Ang espiritu nagsabat, ‘Magalakat ako kag pahambalon ko sing binutig ang tanan nga mga propeta ni Acab.’ Ang Ginoo nagsiling, ‘Lakat kag hayloha sia. Magamadinalag-on ka.’”
22
Sang ulihi si Micaya nagsiling: “Amo ini ang nahanabo. Ginbuot sang Ginoo nga ang imo mga propeta magabutig sa imo. Pero sia mismo nagmando nga ikaw malaglag!”
23
Dayon si Sedequias nga propeta nagpalapit kay Micaya kag gintampa sia sa guya kag nagpamangkot, “San-o bala naghalin ang Espiritu sang Ginoo sa akon kag naghambal sa imo?”
24
Si Micaya nagsiling, “Mahibal-an mo ini kon magkadto ka sa nasulod nga bahin sang kwarto sa pagpanago.”
25
Dayon si Haring Acab nagsugo sa isa sang iya mga opisyales, “Dakpa si Micaya kag dalha kay Amon, ang gobernador sang siudad, kag kay Joas nga prinsipe.
26
Singgana sila nga prisuhon sia kag hatagan lang sia sang tinapay kag tubig tubtob makabalik ako nga indi maano.”
27
Si Micaya nagsiling, “Kon makabalik ikaw nga indi maano, dayon ang Ginoo wala maghambal paagi sa akon!” Kag nagsiling pa gid sia, “Ang tagsatagsa magpamati sa akon ginsiling!”
28
Dayon si Haring Acab sang Israel kag si Haring Josafat sang Juda naglakat sa pagsalakay sang Ramot sa Galaad.
29
Si Acab nagsiling kay Josafat, “Samtang magakadto kita sa inaway, indi ako magpakilala sang akon kaugalingon, pero magasuksok ikaw sang imo harianon nga mga bayu.” Gani ang hari sang Israel nagkadto sa inaway nga wala magpakilala.
30
Ang hari sang Siria nagmando sa mga pangulo sang iya mga karwahi nga indi magpakig-away batok kay sin-o kundi sa hari lamang sang Israel.
31
Gani sang nakita nila si Haring Josafat, naghunahuna sila nga sia amo ang hari sang Israel, gani nagliso sila sa pagsalakay sa iya. Pero nagsinggit si Josafat, kag ang Ginoo nagluwas sa iya kag nagpalikaw sang pagsalakay sa iya.
32
Sang mahibal-an sang mga pangulo sang mga karwahi nga indi sia amo ang hari sang Israel, nag-untat sila sa paglagas sa iya.
33
Pero may isa ka soldado sang Siria nga nagpana kag nalagpatan nga naigo si Haring Acab sa tinabuan sang iya hapin sa dughan. Nagsinggit sia sa nagadala sang iya karwahi, “Naigo ako! Palisua ang karwahi kag dalha ako palayo sa inaway!”
34
Sang nagalapuyot ang inaway, si Haring Acab nagpabilin nga nagatindog sa iya karwahi nga nagaatubang sa mga taga-Siria. Sang nagahinunod ang adlaw napatay sia.
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
Recommended Reading
Commentary
2 Chronicles Commentaries
→
Devotional
2 Chronicles Devotional Guide
→
Get This Bible
2012 Study Bible
→