bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilonggo
/
Ilonggo (Maayong Balita nga Biblia (2012))
/
2 Chronicles 20
2 Chronicles 20
Ilonggo (Maayong Balita nga Biblia (2012))
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 21 →
1
Sang ulihi, ang mga hangaway sang Moab kag sang Amon, upod sang ila mga kadampig nga mga Meunhon naggubat sang Juda.
2
May mga mensahero nga nag-abot kag nagsugid kay Haring Josafat: “Ang madamo nga mga hangaway halin sa Edom nag-abot halin sa tabok sang Patay nga Dagat sa pagsalakay sa imo. Gin-agaw na nila ang Hazazon Tamar.” (Amo ini ang isa ka ngalan sang Engedi.)
3
Hinadlukan si Josafat kag nagpangamuyo nga tuytoyan sia sang Ginoo. Dayon nagmando sia sa bug-os nga pungsod nga magpuasa.
4
Halin sa tagsa ka siudad sang Juda, ang mga tawo nagdalidali sa pagkadto sa Jerusalem sa pagpangayo sang pagtuytoy sang Ginoo,
5
kag sila kag ang mga tawo sang Jerusalem nagtipon sa bag-o nga pasiyuhan sang Templo. Si Haring Josafat nagkadto kag nagtindog sa atubang nila
6
kag nagpangamuyo sing mabaskog, “O Ginoo, Dios sang amon mga katigulangan, nagagahom ikaw sa langit sa tanan nga mga kapungsoran sang kalibutan. Gamhanan ikaw kag makusog, kag wala sing may makabato sa imo.
7
Ikaw amo ang amon Dios. Sang magkadto ang imo mga tawo nga Israelinhon sa sini nga duta, gintabog mo paggwa ang mga tawo nga nagaestar diri kag ginhatag ang duta sa mga kaliwat ni Abraham nga imo abyan agod mangin-ila sa walay katapusan.
8
Nag-estar sila diri kag nagpatindog sang templo sa pagpasidungog sa imo, nga nakahibalo
9
nga kon mag-abot ang kalalat-an sa pagsilot sa ila subong sang makahalalit nga inaway, balatian, ukon gutom—dayon magakari sila kag magatindog sa atubangan sining Templo sa diin ikaw ginasimba. Sa ila kalalat-an magapangamuyo sila sa imo kag ikaw magapamati kag magaluwas sa ila.
10
“Karon ang mga tawo sang Amon, Moab, kag Edom nagsalakay sa amon. Sang maggwa ang amon mga katigulangan sa Ehipto, wala ikaw magtugot sa ila sa pagsulod sa sadtong kadutaan, gani ang amon mga katigulangan naglikaw sa ila kag wala maglaglag sa ila.
11
Amo ini ang ila balos sa amon—nag-abot sila sa pagtabog sa amon halin sa duta nga imo ginhatag sa amon.
12
Ikaw amo ang amon Dios! Siluti sila, kay kami wala sing sarang mahimo sa pag-atubang sining madamo nga mga hangaway nga magasalakay sa amon. Indi kami makahibalo kon ano ang amon himuon, pero nagadangop kami sa imo sa pagpangayo sang bulig.”
13
Ang tanan nga mga tawo sang Juda, upod ang ila mga asawa kag mga kabataan, nagtindog didto sa Templo.
14
Ang Espiritu sang Ginoo naggahom sa isa ka Levita nga yadto didto sa tunga sang madamo nga mga tawo. Ang iya nga ngalan amo si Jahaziel nga anak ni Zacarias; isa sia ka katapo sang kabarangayan ni Asaf, kag kaliwat ni Asaf paagi kay Matanias, Jeiel kag Benaya.
15
Si Jahaziel nagsiling, “Mahal nga hari, sa imo kag sa tanan nga tawo sang Juda kag Jerusalem, ang Ginoo nagasiling nga indi kamo magpakaluya ukon magkahadlok sa pag-atubang sining madamo nga mga hangaway. Ang inaway iya sang Dios kag indi inyo.
16
Salakaya ninyo sila buas samtang nagataklad sila sa taklaran sang Ziz. Masugata ninyo sila sa punta sang kapatagan nga nagapakadto sa desierto malapit sa Jeruel.
17
Indi na kinahanglan nga magpakig-away pa kamo. Magpabilin kamo sa inyo mga puesto kag maghulat. Makita ninyo nga ang Ginoo magapadaog sa inyo. Mga pumoluyo sang Juda kag Jerusalem, indi kamo magpakatalaw ukon magpakulba. Lakat kamo sa inaway, kag ang Ginoo magaupod sa inyo!”
18
Dayon si Haring Josafat nagluhod nga ang iya guya nagaduot sa duta, kag ang tanan nga mga tawo nagluhod man upod sa iya kag nagsimba sa Ginoo.
19
Ang mga katapo sang mga Levita nga mga kabarangayan ni Kohat kag ni Core nagtindog kag sa mabaskog nga tingog nagdayaw sa Ginoo, ang Dios sang Israel.
20
Aga pa gid sang dason nga adlaw ang mga tawo naggwa sa desierto malapit sa Tekoa. Samtang nagapaggwa sila, si Josafat naghambal sa ila sini nga mga pulong: “Mga tawo sang Juda kag Jerusalem! Magsalig kamo sa Ginoo nga inyo Dios, kag magpakabakod kamo. Magtuo kamo sa ginasiling sa inyo sang iya mga propeta, kag magamadinalag-on kamo.”
21
Sa tapos sia makapakighambal sa mga tawo, ang hari nagmando sa iban nga mga musikero sa pagsuksok sang ila mga bayu nga ila ginagamit sa balaan nga mga hilikuton kag mag-una sa mga hangaway sa paglakat nga nagakanta: “Dayawon ang Ginoo! Ang iya gugma wala sing katapusan!”
22
Sang pagsugod nila kanta, ang Ginoo nagpasalangisag sa mga hangaway nga nagagubat.
23
Ang mga Amonhon kag ang mga Moabnon nagsalakay sang mga Edomnon nga hangaway kag naglaglag sa ila sing bug-os, kag dayon silahanon na lang ang nagpinatyanay.
24
Sang pag-abot sang mga hangaway sang Juda sa tore nga yadto didto sa desierto, ginlantaw nila ang mga kaaway, kag nakita nila nga nagahamyang sila tanan nga patay na sa duta. Wala sing isa sa ila nga nakapalagyo.
25
Si Josafat kag ang iya mga hangaway nagpalapit kag nagpanguha sang ila mga pagkabutang, kag nakita nila ang madamo nga mga kabakahan, mga kalan-on, mga bayu, kag iban pa nga mga pagkabutang nga malahalon. Walay sapayan nga tatlo ka adlaw ang ila pagpanipon sang mga inagaw, may madamo pa gid nga pagkabutang nga indi nila madala tanan.
26
Sa ikap-at nga adlaw nagtipon sila sa Kapatagan sang Beraca kag nagdayaw sila sa Ginoo tungod sang tanan nga iya ginhimo. Amo ini ang kabangdanan nga ang kapatagan gintawag nga “Beraca.”
27
Si Josafat nagpangulo sang iya mga hangaway pauli sa Jerusalem nga nagahinugyaw, tungod kay ang Ginoo naglutos sang ila mga kaaway.
28
Sang pag-abot nila sa siudad, nagsulod sila sa Templo, nga ginatukaran sang mga arpa kag mga trumpeta.
29
Ang tagsa ka pungsod nga nakabati kon daw ano ang paglutos sang Ginoo sang mga kaaway sang Israel hinadlukan gid,
30
gani si Josafat naggahom nga may kalinong, kag ang Dios nagpaluntad sang paghidait sa bug-os nga palibot.
31
Si Josafat naghari sa Juda sang nagaedad sia sing trayntay singko ka tuig, kag naggahom sia sa Jerusalem sing baynte-singko ka tuig. Ang iya iloy amo si Azuba, ang anak ni Silhi.
32
Kaangay sang iya amay nga si Asa nga nauna sa iya, ginhimo niya ang matarong sa panulok sang Ginoo,
33
pero ang mga lugar sa diin ginasimba ang mga diosdios wala malaglag. Ang mga tawo wala gid magsimba sa Dios sang ila mga katigulangan sa bug-os nila nga tagipusoon.
34
Ang tanan nga mga butang nga ginhimo ni Josafat, halin sa pagsugod sang iya paggahom tubtob sa katapusan, nasulat sa Maragtas ni Jehu nga Anak ni Hanani, nga bahin sang Maragtas sang mga Hari sang Israel.
35
Sang isa ka tion, si Haring Josafat sang Juda nagdampig kay Haring Ocozias sang Israel nga naghimo sing madamo nga mga butang nga malaut.
36
Sa dulongkaan sang mga barko sang Eziongeber naghimo sila sing mga sakayan nga nagabiyahe sa Tarsis.
37
Pero si Eliezer nga anak ni Dodavahu, halin sa banwa sang Maresa, nagpaandam kay Josafat, “Tungod sang imo pagdampig kay Ocozias, ang Ginoo magalaglag sang imo ginpanghimo.” Kag ang mga sakayan nagkalaguba kag wala gid makabiyahe.
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
Recommended Reading
Commentary
2 Chronicles Commentaries
→
Devotional
2 Chronicles Devotional Guide
→
Get This Bible
2012 Study Bible
→