bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Luganda
/
Luganda (BIBU1) (BIBULIYA ENTUKUVU)
/
Exodus 28
Exodus 28
Luganda (BIBU1) (BIBULIYA ENTUKUVU)
← Chapter 27
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 29 →
1
“Gamba bakuleetere mu Bayisirayeli muganda wo Aroni ne batabani be bampeerezenga nga bakabona: Aroni, Nadabu, Abiwu, Eleyazari ne Yitamari.
2
Aroni muganda wo ojja kumukolera ebyambalo ebitukuvu, byoleke ekitiibwa n'obukulu ddala.
3
Ojja kulagira abakugu bonna abasobola, be nawa obusobozi, bakolere Aroni ebyambalo mu kutukuzibwa kwe ampeerezenga nga kabona.
4
Bino bye byambalo bye bajja okukola: ekipaapi eky'oku kifuba, efodi, omunagiro, ekkanzu enduke, ettambaala n'omusipi, bibakolerwe babeere bakabona abampeereza.
5
Bakozesanga zaabu n'ewuzi eza bbululu, kakobe n'entwakaavu n'olugoye olwa bafuta.
6
“Bakolanga efodi eya zaabu ne mu wuzi eza bbululu, eza kakobe n'entwakaavu n'olugoye olwa bafuta olulange; omulimu gw'omulusi.
7
Ejja kubeera n'ebiwuzi eby'oku bibegabega bibiri nga bitabiddwa wamu n'ebikugiro byayo byombi esobolenga okusibibwa.
8
Ekimyu ky'efodi ekyagiriko kyali kintu kimu nayo mu nkola ye emu; nga kya zaabu n'ewuzi eza bbululu, kakobe n'entwakaavu, mu lugoye olwa bafuta olulange.
9
Oddiranga amayinja abiri ag'oniki n'ogoolako amannya g'abatabani ba Yisirayeli.
10
Mukaaga ku mannya gaabwe ga kubeera ku limu, n'agasigadde omukaaga ku ddala, nga baddiriŋŋana nga bwe bajja bazaalibwa.
11
Amayinja gombi ogoolangako amannya g'abatabani ba Yisirayeli ng'omuwunzi w'amayinja ag'omuwendo bw'akola; olwo amayinja oganyigire mu mapeesa aga zaabu.
12
Amayinja abiri ojja kugatunga ku biwuzi by'efodi eby'oku bibegabega ng'ekijjukizo kya batabani ba Yisirayeli. Aroni bw'atyo anaatwaliranga amannya gaabwe ku bibegabega bye byombi mu maaso g'Omukama ng'ekijjukizo.
13
Ojja na kukola amapeesa aga zaabu
14
n'emikuufu egya zaabu omwereere ebiri ogirangemu emiguwa, emikuufu egyo emirangemu emiguwa ogigatte ku mapeesa.
15
“Ojja kukola ekipaapi eky'oku kifuba nga kyeyambisibwa mu kulamula; omulimu gw'omulusi. Kya kukolebwa ng'efodi bwe yakolebwa. Okikolanga mu zaabu n'ewuzi eza bbululu, kakobe n'entwakaavu mu lugoye olwa bafuta olulange.
16
Kya kubeera n'enjuyi bbiri ezenkanankana nga kifunyemu wabiri, oluta lumu mu buwanvu n'oluta mu bugazi.
17
Ojja kussaamu ennyiriri nnya ez'amayinja. Ku lunyiriri olusooka kubeeko sarudiyo, topaziyo ne simaragido.
18
Ku lunyiriri olwokubiri kubeeko karubunkulo, saffiro ne dayimondi.
19
Ku lunyiriri olwokusatu kubeeko yasinto, akyate n'ametisito.
20
Ku lunyiriri olwokuna kubeereko kirusolito, oniki ne berullo; gajja kunyigibwa mu mapeesa aga zaabu.
21
Amayinja gano galiwo ku lw'amannya g'abatabani ba Yisirayeli, kkumi n'abiri ng'amannya gaabwe bwe gali, nga gooleddwako, nga ku buli limu kuliko erinnya limu ku lw'ebika ekkumi n'ebibiri.
22
Ekipaapi ky'oku kifuba ojja kukikolerako emikuufu emirange ng'emiguwa nga gya zaabu omwereere.
23
Ekipaapi ky'oku kifuba ojja kukikolerako empeta bbiri eza zaabu ozisibire ku nsonda ebbiri ez'oku kipaapi eky'oku kifuba.
24
Emikuufu egyo egya zaabu ogisibanga ku mpeta ebbiri ensibire ku nsonda z'ekipaapi eky'oku kifuba.
25
Enkomerero ebbiri ez'emikuufu ebiri ozigatte ku mapeesa olwo olyoke ozigattire mu maaso ku biwuzi by'efodi.
26
Ojja kukola empeta bbiri eza zaabu ozitungire ku nsonda bbiri eza wansi w'ekipaapi ky'oku kifuba, ku mukugiro ogw'omunda oguli ku efodi.
27
Ojja kukolayo empeta bbiri eza zaabu, ozisibe ku biwuzi ebibiri eby'efodi, mu maaso gaayo wansi ddala kumpi n'eggemo lyayo, wagguluko w'ekimyu ky'efodi.
28
Ekipaapi eky'oku kifuba ojja kukinyweza ng'oyisa wuzi eya bbululu mu mpeta zaakyo n'ez'efodi, ekipaapi ky'oku kifuba kituule waggulu w'ekimyu ky'efodi, ekipaapi eky'okukifuba nga tekyawukanye n'efodi.
29
Bw'atyo Aroni ajja kutwaliranga ku kifuba kye amannya g'abatabani ba Yisirayeli, ku kipaapi eky'okulamula, bw'anaayingiranga mu Kifo Ekitukuvu, ng'ekijjukizo mu maaso g'Omukama bulijjo.
30
Ku kipaapi ky'okulamula ayongerangako Wurimu ne Tummimu, Aroni asobole okubeeranga nabyo ku kifuba ng'agenze mu maaso g'Omukama. Bw'atyo Aroni bulijjo anaatwaliranga ku kifuba kye akabonero ak'okulamula Abayisirayeli.
31
“Ojja kukola omunagiro gw'efodi nga gwonna gwa bbululu.
32
Wakati nga waliwo ekituli omunaayitanga omutwe, ekituli nga kyetooloddwa omukugiro, omulimu gw'omulanzi, ng'obulago obw'ekizibawo eky'eddiba omunagiro guleme kutaggulukuka.
33
Eggemo lyagwo olitonanga n'amakomamawanga ag'ewuzi eza bbululu, kakobe n'entwakaavu, nga mutabikiddwamu obude obwa zaabu okugwetoolooza,
34
nga bigenda bitobeka akade aka zaabu n'amakomamawanga, akade aka zaabu n'amakomamawanga okwetoolooza eggemo erya wansi ery'omunagiro.
35
Aroni agwambalanga ng'akola emirimu emitongole, era okuvuga kw'obude kunaawulirwanga buli lw'anaayingiranga Ekifo Ekitukuvu mu maaso g'Omukama, oba ng'akivaamu; bw'atyo aleme kufa.
36
“Ojja kukola ekimuli ekya zaabu omwereere okyoleko ebigambo bino nti: ‘Mutukuvu ku lw'Omukama.’
37
Okisse ku wuzi eya kakobe, okisibire ku ttambaala mu maaso gaalyo.
38
Kinaabanga ku kyenyi kya Aroni ne yeetikka bw'atyo omusango gw'ebyonoono ebiri mu bintu ebitukuvu ebiwongebwa Abayisirayeli mu bitambiro byabwe byonna ebitukuvu. Kinaabanga ku kyenyi kye ebbanga lyonna, abafuule abakkirizibwa ew'Omukama.
39
Ekkanzu ogirukanga mu lugoye olwa bafuta n'ettambaala mu lugoye olwa bafuta, n'omusipi ogukoleddwa omudaliza.
40
“Batabani ba Aroni ojja kubakolera ekkanzu, omusipi n'amatambaala, balabike nga ba kitiibwa, bakulu.
41
Bino olibyambaza Aroni muganda wo ne batabani be, n'olyoka obasiiga omuzigo, n'obawa obwakabona, n'obatukuza bampeerezenga mu bwakabona.
42
Obakoleranga empale ez'engoye zibikke omubiri gwabwe omwereere okuva mu kiwato okutuuka ku kisambi.
43
Aroni n'abaana be bazambalanga nga bagenda mu Weema ey'Ensisinkano, ne bwe babanga basemberera omwaliiro okuweereza mu Kifo Ekitukuvu, baleme kwereetera musango n'okufa. Lino tteeka lya lubeerera ku Aroni n'ezzadde lye eririmuddirira.”
← Chapter 27
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 29 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40