bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Luganda
/
Luganda (BIBU1) (BIBULIYA ENTUKUVU)
/
Exodus 30
Exodus 30
Luganda (BIBU1) (BIBULIYA ENTUKUVU)
← Chapter 29
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 31 →
1
“Ojja kukola omwaliiro okwokerwa obubaani. Ogukolanga mu muti ogw'akasaana.
2
Gujja kubeera gwa mukono gumu obuwanvu, n'obugazi omukono gumu, nga gwenkanankana ku njuyi zonna, obusimba emikono ebiri; amayembe gaagwo nga gali ekintu kimu nagwo.
3
Kungulu kwagwo, ne ku mabbali okwetooloola enjuyi zaagwo, n'amayembe gaagwo obibikkanga zaabu omwereere n'ossaako omuge ogwa zaabu okugwetoolooza.
4
Ogussangako empeta bbiri eza zaabu wansi w'omuge ku njuyi zaagwo ebbiri ezitunuuliraganye, omwo mw'olissa emisituliro egyeyambisibwa mu kugusitula.
5
Emisituliro ogikolanga mu muti ogw'akasaana, n'ogibikka ne zaabu.
6
Omwaliiro ogussanga mu maaso g'olutimbe oluli mu maaso g'Essanduuku ey'Endagaano, mu maaso g'Entebe ey'Obusaasizi ebisse Endagaano, awo we nnaakusisinkananga.
7
Okwo Aroni kw'alyokeranga obubaani obw'akawoowo buli nkya; bw'anaabanga alongoosa ettawaaza, ng'ayokerako obubaani.
8
N'akawungeezi Aroni bw'anaabanga akoleeza ettawaaza, anaddangamu n'abwokya; obubaani bwa kwokebwanga mu maaso g'Omukama obutasalako amazadde gammwe gonna.
9
Toweererezangako obubaani obutakkirizibwa, wadde ekitambiro ekyokye, oba ekitone eky'obuwunga, era togifukangako ekitone kyonna eky'okuyiwa.
10
Aroni omukolo ogw'okuddaabiriza anaagukoleranga ku mayembe g'omwaliiro omulundi gumu buli mwaka nga yeeyamba omusaayi ogw'ekitambiro olw'ekibi; omukolo ogw'okuddaabiriza anaagukolanga omulundi gumu mu mwaka, amazadde gammwe gonna. Omwaliiro guno gusukkulumye mu butukuvu olw'Omukama.”
11
Omukama yayogera ne Musa n'agamba nti:
12
“Bw'obanga obala Abayisirayeli, ng'okola olukalala lwabwe, buli omu wa kusasulanga omutango olw'obulamu bwe, akabenje kaleme kubagwamu nga babalibwa.
13
Buli yenna eyabalibwa n'ayingizibwa ku lukalala, asasulanga kyakubiri ekya sekeli, ng'obalidde ku sekeli ey'omu Kitukuvu eweza gera amakumi abiri. Ekitundu kya sekeli kino kitone kya Mukama.
14
Buli omu abalibwa, kwe kugamba nti awezezza emyaka amakumi abiri n'okusingawo, anaawanga ekitone ky'Omukama.
15
Omugagga si wa kuwa kusinga, n'omwavu si wa kukendeerezebwako ku kitundu kya sekeli, ekitonerwa Omukama, nga ssente ez'okununula obulamu bwammwe.
16
Ssente zino ez'okununula onoozifunanga mu Bayisirayeli n'ozikozesa mu kuweereza okw'omu Weema y'Endagaano. Zinaaberanga ekijjukizo eri Abayisirayeli mu maaso g'Omukama, nga ssente ez'okununula obulamu bwammwe.”
17
Omukama yayogera ne Musa n'agamba nti:
18
“Era ojja kukola ekinaabirwamu eky'ekikomo, n'ekikondo kyakyo eky'ekikomo, we w'okunaabira. Okissanga wakati wa Weema ey'Ensisinkano n'omwaliiro n'ossaamu n'amazzi.
19
Omwo Aroni ne batabani be mwe banaanaabiranga engalo n'ebigere byabwe.
20
Bwe banaabanga bagenda okuyingira mu Weema ey'Ensisinkano, banaabanga mu mazzi baleme kufa; era bwe banaabanga basemberera omwaliiro olw'omulimu gwabwe, okuweereza Omukama ekitambiro ekyokye,
21
banaabanga engalo n'ebigere byabwe; baleme kufa. Lino tteeka lya lubeerera; ku ye n'ezzadde lye amazadde gaabwe gonna.”
22
Era Omukama yayogera ne Musa n'agamba nti:
23
“Ddira ebyakaloosa ebirungi: ebya mirra ow'amazzi, bya sekeli ebikumi bitaano, ekitundu ekyokubiri eky'obuzito buno nga kya budalasiini ow'akawoowo, kwe kugamba nti sekeli ebikumi bibiri mu ataano, sekeli bibiri mu ataano eza kalifuuwa,
24
sekeli bitaano ez'akasaana, ng'obalira ku sekeli ey'omu kitukuvu, ne yini ey'omuzigo gwa oliva.
25
Ebyo obikolemu omuzigo omutukuvu ogusiiga, ebitabule obulungi, omulimu gw'omutabuzi w'ebyakaloosa. Ogwo gwe gujja okuba omuzigo omutukuvu.
26
Guno gweyambise okusiiga Weema ey'Ensisinkano n'Essanduuku ey'Endagaano,
27
emmeeza wamu na byonna n'ebigikozesebwako, ekikondo ky'ettawaaza na byonna n'ebikikozesebwako, omwaliiro gw'obubaani,
28
omwaliiro gw'ekitambiro ekyokye wamu na byonna n'ebigukozesebwako, ekinaabirwamu wamu n'ekikondo kyakyo.
29
Ebyo ojja kubitukuza; biriba bitukuvu ddala; na buli kyonna ekinaabikoonangako, kinaabeeranga kitukuvu.
30
Era ojja kusiiga Aroni ne batabani be, obatukuze, bampeereze nga bakabona.
31
Awo nno Abayisirayeli bagambe nti: ‘Omuzigo guno ogusiiga mutukuvu gye ndi mu mazadde gammwe gonna.
32
Si gwa kufukibwa ku mubiri gwa muntu wa bulijjo, era temukolanga muzigo mulala gwonna guli ng'ogwo. Mutukuvu, era gunaabeeranga mutukuvu gye muli.
33
Buli yenna anaatabulanga omuzigo nga guno oba n'agukozesa ku muntu owa bulijjo, anaakutulwanga ku bantu be.’ ”
34
Omukama yagamba Musa nti: “Ddira ebyakaloosa ebirungi: sitakite, onika, galabano, ebyakawoowo akalungi n'obubaani obwereere, mu bipimo ebyenkanankana,
35
obikolemu obubaani, omulimu gw'omutabuzi w'ebyakaloosa, nga bulungiddwamu omunnyo, temuli kantu konna, butukuvu;
36
obumu buse bubeere lufufugge obusse mu maaso g'Endagaano mu Weema ey'Ensisinkano we nnaakusisinkananga. Bunaabeeranga butukuvu gye muli;
37
tewabangawo bubaani bulala bwe mweyambisa obuli nga buno; bunaabeeranga butukuvu gye muli olw'Omukama.
38
Buli abwekoleranga ng'eky'akawoowo, anaaboolebwanga mu bantu be.”
← Chapter 29
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 31 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40