bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Luganda
/
Luganda (BIBU1) (BIBULIYA ENTUKUVU)
/
Exodus 29
Exodus 29
Luganda (BIBU1) (BIBULIYA ENTUKUVU)
← Chapter 28
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 30 →
1
“Guno gwe mukolo gw'olikola ng'obatukuza balyoke bampeereze nga bakabona. Oddiranga ente ennume ento n'endiga ennume bbiri ezitaliiko kamogo,
2
N'okola emigaati egitazimbulukuse, kkeeki ezitazimbulukuse entabulemu omuzigo n'obugaati obw'oluwewere obutazimbulukuse obusiigeko omuzigo; obikolanga mu butta bw'eŋŋano obulungi;
3
ebyo obissanga mu kisero n'obiweerereza mu kisero, n'oweererezaako n'ente ennume ento n'endiga ennume bbiri.
4
“Oleetanga Aroni ne batabani be ku mulyango gwa Weema ey'Ensisinkano, n'obanaaza n'amazzi.
5
Awo n'oddira ebyambalo n'obyambaza Aroni: ekkanzu, omunagiro gw'efodi, efodi n'ekipaapi eky'oku kifuba, omusibangako efodi n'ewuzi y'efodi.
6
N'ossa ettambaala ku mutwe gwe, ate ku ttambaala n'ossaako akabonero akatukuvu.
7
Awo n'oddira omuzigo ogusiiga n'omufuka ku mutwe gwe bw'otyo omusiige.
8
“Oluvannyuma oleetanga batabani be n'obambaza ekkanzu,
9
n'obasiba emisipi mu biwato byabwe, n'obazingirira amatambaala ku mitwe gyabwe. Obwakabona bujja kubeera bwabwe mu tteeka lino ery'olubeerera. Bw'otyo bw'oliwa Aroni ne batabani be obwakabona.
10
“Oleetanga ente ennume ento mu maaso ga Weema ey'Ensisinkano. Aroni ne batabani be ne bagissaako emikono gyabwe ku mutwe.
11
Ente ennume ento eyo ogittiranga mu maaso g'Omukama ku mulyango gwa Weema ey'Ensisinkano,
12
n'oddira ku musaayi gw'ente ennume ento eyo n'ogussa ku mayembe g'omwaliiro n'olunwe lwo. Omusaayi ogusigaddewo oguyiwanga wansi w'omwaliiro.
13
Amasavu gonna agali ku byenda n'olububi lw'oku kibumba, ensigo ebbiri wamu n'amasavu agazibikkako obiddiranga n'obyokera ku mwaliiro.
14
Naye ennyama y'ente ennume ento, eddiba lyayo n'obusa bwayo obyokeranga bweru wa lusiisira mu muliro, kubanga kino kitambiro lwa kibi.
15
“Awo oddiranga emu ku ndiga ennume, Aroni n'abaana be ne bassa emikono ku mutwe gwayo,
16
olwo n'ogitta, n'oddira omusaayi gwayo, n'ogumansira ku mwaliiro okugwetoolooza.
17
Oluvannyuma endiga ogitemaatemanga ebifi n'oyoza ebyenda n'ebigere n'obissa kungulu ku bifi ne ku mutwe gwayo.
18
Olwo yonna n'ogyokera ku mwaliiro. Kye kiriba ekitambiro ekyokye olw'Omukama; akawoowo akasanyusa, ekitone ekiwongere Omukama n'omuliro.
19
“Ate oddiranga endiga ennume eyookubiri, Aroni ne batabani be ne bassa emikono ku mutwe gwayo,
20
ogittanga, n'oddira ku musaayi gwayo n'ogussa ku kasammambiro k'okutu kwa Aroni okwa ddyo, ne ku busammambiro bw'amatu g'abaana be aga ddyo, ne ku kyalakisajja ow'emikono gyabwe egya ddyo, ne ku kigere ekisajja ku ddyo, olwo omusaayi n'ogumansira ku mwaliiro okugwetoolooza.
21
Oddiranga ku musaayi oguli ku mwaliiro ne ku muzigo ogusiiga n'ogumansira ku Aroni ne ku byambalo bye ne batabani be ne ku byambalo byabwe. Olwo ye aliba atukuziddwa n'ebyambalo bye, era ne batabani be, n'ebyambalo byabwe.
22
“Oddiranga amasavu g'endiga ennume: ekikira, amasavu agabikka ebyenda, olububi lw'oku kibumba, ensigo ebbiri n'amasavu gaakwo agazibikka, ko ekisambi ekya ddyo, kubanga eno ye ndiga ennume ey'omu mukolo ogw'okuwa obwakabona,
23
n'oggya mu kisero ky'emigaati egitazimbulukuse egiri mu kisero mu maaso g'Omukama, omugaati gumu ogw'oluwewere, kkeeki ekoleddwa n'omuzigo emu n'akagaati ak'oluwewere kamu,
24
byonna ebyo n'obissa mu ngalo za Aroni n'eza batabani be, n'obiwuuba ng'ekitone eky'okuwuuba mu maaso g'Omukama.
25
Awo obiggyanga mu mikono gyabwe n'obyokera ku mwaliiro kungulu kw'ekitambiro ekyokye, akawoowo akasanyusa Omukama, ekitone ekiwongere Omukama n'omuliro.
26
“Otwalanga ekifuba ky'endiga y'omukolo ogw'okuwa Aroni obwakabona, n'okiweereza ng'ekitone eky'okuwuuba eri Omukama; ogwo gwe guliba omugabo gwo.
27
Otukuzanga ekifuba n'okugulu, ebyaweerezeddwa mu kitone eky'okuwuuba ebyateekeddwa ku bbali, eby'endiga ennume ey'omukolo ogw'okuwa Aroni ne batabani be obwakabona.
28
Guno gwe gunaabanga omugabo gwa Aroni ne batabani be ogw'olubeerera okuva mu Bayisirayeli, okuva lwe kiri ekitundu ekyawulidwa Abayisirayeli ku bitambiro byabwe eby'okussa ekimu; kino kitone kya Mukama.
29
“Ebyambalo bya Aroni ebitukuvu bya kuddiranga abaana be abamuddirira, basiigibwenga n'okuweebwa obwakabona nga babyambadde.
30
Mu batabani be anaamusikiranga mu bwakabona anaabyambaliranga ennaku musanvu bw'anaayingiranga mu Weema ey'Ensisinkano okuweereza mu Kifo Ekitukuvu.”
31
“Oddiranga ennyama y'endiga ennume ey'omukolo ogw'okuwa obwakabona, n'ogifumbira mu Kifo Ekitukuvu.
32
Ennyama y'endiga eyo, n'emigaati egiri mu kisero Aroni ne batabani be ba kubiriiranga ku mulyango gwa Weema ey'Ensisinkano.
33
Balyanga ebyeyambisiddwa mu mukolo ogw'okuddaabiriza ku lwabwe mu kuweebwa obwakabona ne mu kutukuzibwa. Tewabangawo muntu wa bulijjo alyangako; anti bintu bitukuvu.
34
Singa ennyama ey'ekitambiro eky'okuwa obwakabona, oba n'emigaati bisigalawo okutuusa enkeera, obyokyanga, si bya kuliibwa, bintu bitukuvu.
35
Bw'otyo bw'onookola ku Aroni ne ku batabani be ng'otuusa ebiragiro byonna bye nkuwadde. Omukolo ogw'okuwa obwakabona gumalanga ennaku musanvu.
36
“Buli lunaku onooweerezanga ente ennume ng'ekitambiro olw'ekibi mu kuddaabiriza. Onooweerezanga bw'otyo ekitambiro eky'okuddaabiriza olw'ekibi, bw'otyo n'oggya ekibi ku mwaliiro, n'ogusiiga okugutukuza.
37
Okumala ennaku musanvu omwaliiro onooguweererezanga ekitambiro eky'okuddaabiriza, olwo ogutukuze; bwe kityo gulifuuka mutukuvu, na buli ekigukomako kiriba kitukuvu.
38
“Kino ky'ojja okuweerezanga ku mwaliiro buli lunaku bulijjo: obuliga bubiri obulume obw'omwaka ogumu.
39
Akaliga akasooka okaweerezanga ku makya, akookubiri akawungeezi.
40
Akaliga akasooka okaweererezangako ekyekkumi eky'efa ey'obuwunga obukuŋŋunte obutabuddwamu ekyokuna kimu ekya yini ey'omuzigo ogukamuliddwa mu oliva; n'ekitone eky'okuyiwa, ekyokuna ekya yini ey'evviini.
41
Akaliga akookubiri okaweerezanga akawungeezi; ekitone kyakyo eky'obuwunga n'ekitone kyakyo eky'okuyiwa bibeere nga bwe kiba ku makya; akawoowo akasanyusa, ekitone ekiwongere Omukama n'omuliro.
42
Ky'ekyo ekinaabanga ekitambiro ekyokye eky'olubeerera eky'amazadde go gonna agaliddirira, ku mulyango gwa Weema ey'Ensisinkano, mu maaso g'Omukama gye nnaakusisinkananga okwogera naawe.
43
“Eyo gye nnaasisinkananga Abayisirayeli, n'ekifo kiritukuzibwa ekitiibwa kyange.
44
Nditukuza Weema ey'Ensisinkano n'omwaliiro. Nditukuza Aroni ne batabani be, bampeereze nga bakabona.
45
Nnaasulanga mu makkati g'Abayisirayeli, era nnaabeeranga Katonda waabwe.
46
Bwe kityo, balimanya nti nze Mukama Katonda waabwe, eyabaggya mu nsi y'e Misiri, nsule mu bo. Nze Mukama Katonda waabwe.”
← Chapter 28
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 30 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40