bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Luganda
/
Luganda (BIBU1) (BIBULIYA ENTUKUVU)
/
Exodus 39
Exodus 39
Luganda (BIBU1) (BIBULIYA ENTUKUVU)
← Chapter 38
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 40 →
1
Baakola ebyambalo ebiruke olw'okuweereza mu kitukuvu mu wuzi eza bbululu, kakobe n'entwakaavu ne mu ngoye eza bafuta. Era Aroni baamukolera ebyambalo eby'omu Kitukuvu ng'Omukama bwe yali alagidde Musa.
2
Yakolayo efodi nga ya zaabu, mu wuzi eza bbululu, kakobe n'entwakaavu n'olugoye olwa bafuta olulange.
3
Zaabu baamukubaakubamu embaati ez'oluwewere, ne bazisalamu obulere obulungi okubulukira mu wuzi eza bbululu, kakobe n'entwakaavu era ne mu lugoye olwa bafuta olulange, omulimu gw'omulusi omukugu.
4
Efodi baagikolerako ebiwuzi bibiri eby'oku bibegabega nga bitabiddwa ku nsonda zaayo ebbiri.
5
Ekimyu ky'efodi ekyagiriko kyali kintu kimu nayo mu nkola ye emu: kyali kya zaabu n'ewuzi eza bbululu, kakobe n'entwakaavu mu lugoye olwa bafuta olulange ng'Omukama bwe yali alagidde Musa.
6
Baanyigira amayinja oniki mu mapeesa aga zaabu, nga gooleddwa ng'akabonero akoole, nga kuliko amannya ga batabani ba Yisirayeli,
7
n'agassa ku biwuzi eby'oku bibegabega eby'efodi ng'ekijjukizo eri lw'Abayisirayeli ng'Omukama bwe yali alagidde Musa.
8
Yakola ekipaapi eky'oku kifuba, omulimu gw'omulusi, okufaanana ng'efodi mu zaabu ne mu wuzi eza bbululu, kakobe n'entwakaavu mu lugoye olwa bafuta olulange.
9
Kyali kyenkanankana ku njuyi zonna; ne bakifunyamu wabiri: oluta lumu mu buwanvu n'oluta lumu mu bugazi.
10
Okwo baassaako ennyiriri z'amayinja nnya: olunyiriri olusooka kwaliko sarudiyo, topaziyo ne simaragido.
11
Ku lunyiriri olwokubiri kwaliko karubunkulo, saffiro ne dayimondi.
12
Ku lunyiriri olwokusatu kwaliko yasinto, akyate n'ametisito.
13
Olunyiriri olwokuna kirusolito, oniki ne berullo. Gaali ganyigiddwa mu mapeesa aga zaabu.
14
Amayinja gaali kkumi n'abiri ku lw'Abayisirayeli, amannya gaabwe nga gooleddwako, buli jjinja n'erinnya ku lw'ebika ekkumi n'ebibiri.
15
Ekipaapi eky'oku kifuba baakikolera emikuufu egya zaabu omwereere emirange ng'emiguwa.
16
Baakola amapeesa agali ng'ekimuli kya rooza abiri n'empeta bbiri eza zaabu, empeta ebbiri ne bazisibira ku nsonda ebbiri ez'oku kipaapi eky'oku kifuba.
17
Emikuufu ebiri egya zaabu baagisiba ku mpeta ebbiri eziri ku nsonda z'ekipaapi eky'oku kifuba,
18
enkomerero ebbiri ez'emikuufu ebiri yazigatta ku mapeesa, olwo ne bazigattira mu maaso ku biwuzi by'efodi.
19
Baakola empeta bbiri eza zaabu ne bazigattira ku nsonda ebbiri eza wansi w'ekipaapi eky'oku kifuba, ku mukugiro ogw'omunda oguli ku efodi.
20
Ne bakola empeta endala bbiri eza zaabu ne bazisiba wansi ku biwuzi ebibiri eby'efodi, mu maaso gaayo okuliraanira ddala eggemo lyayo, wagguluko w'ekimyu ky'efodi.
21
Ne banyweza ekipaapi eky'oku kifuba nga bayisa wuzi eya bbululu mu mpeta zaakyo n'ez'efodi, ekipaapi eky'oku kifuba kiryoke kituule waggulu w'ekimyu ky'efodi, ekipaapi eky'okukifuba nga tekyawukanye n'efodi, ng'Omukama bwe yali alagidde Musa.
22
Awo n'akola omunagiro gw'efodi, nga gwonna gwa bbululu, omulimu gw'omulanzi.
23
Waaliwo ekituli mu makkati g'omunagiro nga kiri ng'obulago obw'ekizibawo eky'eddiba, nga kyetooloddwa omukugiro omunagiro guleme kutaggulukuka.
24
Eggemo ly'omunagiro wansi baalikolera amakomamawanga amalange mu wuzi eza bbululu, kakobe n'entwakaavu.
25
Era baakola obude obwa zaabu omwereere, ne bagenda nga batobeka obude n'amakomamawanga okwetooloola eggemo lyonna ery'omunagiro:
26
bigenda bitobeka akade aka zaabu n'amakomamawanga, akade aka zaabu n'amakomamawanga, okwetoolooza eggemo ly'omunagiro ogw'okuweereza, ng'Omukama bwe yali alagidde Musa.
27
Baakolera Aroni ne batabani be ekkanzu mu ngoye eza bafuta, omulimu gw'omulanzi;
28
ekiremba eky'olugoye olwa bafuta, n'ettambaala era mu lugoye olwa bafuta, empale mu lugoye olwa bafuta olulange,
29
n'omusipi mu lugoye olulange mu wuzi eza bbululu, kakobe n'entwakaavu, omulimu gw'omudaliza, ng'Omukama bwe yali alagidde Musa.
30
Baakola n'ekipande, ng'akabonero ak'obwawule nga kya zaabu omwereere, ne boolako akabonero ak'envumbo nti: 'Mutukuvu ku lw'Omukama'
31
ne bakissaako ewuzi engazi eya kakobe okukinywereza ku ttambaala waggulu, ng'Omukama bwe yali alagiridde Musa.
32
Omulimu gwonna ogw'Ekisulo, Weema ey'Ensisinkano, ne guggwa bwe gutyo. Abayisirayeli baakolera ddala byonna ng'Omukama bwe yali alagiridde Musa.
33
Ne baleeta Ekisulo eri Musa, Weema na byonna ebikozesebwamu: ebikwaso byayo, embaawo zaayo, emikiikiro gyayo, empagi zaayo n'entobo zaayo;
34
ekibikkako eky'amaliba g'endiga ennume amannyike amamyufu, ekibikka eky'amaliba amakunye, n'olutimbe olusiikiriza;
35
Essanduuku ey'Endagaano n'emisituliro gyayo, n'Entebe y'Obusaasizi,
36
emmeeza na byonna ebigikozesebwamu, n'Emigaati gy'Okwolesebwa;
37
Ekikondo eky'ettawaaza ekya zaabu omwereere n'olukalala lw'ettawaaza zaakyo na byonna ebizikozesebwako awamu n'omuzigo ogw'okukoleeza;
38
omwaliiro ogwa zaabu, omuzigo ogusiiga, obubaani obw'akawoowo, olutimbe lw'oku mulyango gwa Weema;
39
omwaliiro ogw'ekikomo wamu n'ekitindiro kyagwo eky'ekikomo, emisituliro gyagwo na byonna ebigukozesebwako, ekinaabirwamu kyakyo n'ekikondo kyakyo;
40
entimbe z'oluggya, empagi zaalwo, entobo zaazo, n'olutimbe lwa wankaaki w'oluggya, emiguwa gyalwo, enkondo zaalwo na byonna ebikozesebwa mu kuweereza mu Kisulo kya Weema ey'Ensisinkano:
41
ebyambalo ebiruke eby'okuweereza mu Kitukuvu n'ebyambalo ebitukuvu ebya Aroni kabona n'ebyambalo bya batabani be nga bakola obwakabona.
42
Abayisirayeli baali bakoledde ddala omulimu gwonna ng'Omukama bwe yali alagidde Musa.
43
Musa n'akebera omulimu gwonna, n'alaba nga baali bagukoze ng'Omukama bwe yali amulagiridde. Awo Musa n'abawa omukisa.
← Chapter 38
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 40 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40