bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Shilluk
/
Shilluk DC Bible © Bible Society in South Sudan, 2011
/
Jeremiah 25
Jeremiah 25
Shilluk DC Bible © Bible Society in South Sudan, 2011
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 26 →
1
Yɑ ɑ́ödi ki wöödø me kööbø kì ri Yeudiyɑ̀ geki tyëng Yerusɑlem yi Jwøng-ɑ Ácwɑ̈ɑ̈j, e runni Yöyɑkim wɑ̈d Yöciyɑ̀ bɑ ɑ́ngwen kì yij lɑwø. (Runi Nebukɑdnesɑr rɑ̈ɑ̈dh Bɑbïlöniyɑ̀ bɑ ɑ́kyel kì yij lɑwø wɑɑngɑni.)
2
Tyëng Yeudiyɑ̀ bënn geki tyëng Yerusɑlem ɑ köbbɑ kinni,
3
“Yɑ ɑ́tyëg-ɑ runn pyɑ̈r ɑ́ryew wïdɑ́dɑ̈g yɑ okööbø ki wun, cɑg kì pyɑ̈rø wïdɑ́dɑ̈ɑ̈g runni Rɑ̈dh Yöciyɑ̀ wɑ̈d Amön kì yij lɑwø ɑ́ rɑ̈ɑ̈dh Yeudiyɑ̀ gïti dicyɑ̈ngtïn, yɑ nyii köbbø yi Jwøng-ɑ Ácwɑ̈ɑ̈j, kɑ møgɑni nyi köbbɑ wun ceth. De wu nuti lïngø.
4
Wu nuti pɑ̈nyi lïngø, ngö Jwøng-ɑ Ácwɑ̈ɑ̈j ɑ́bëëd wu nyi öde’ ödø ki bɑ̈ngge, ɑ løg jøtöng.
5
Wu nyi köbbi ge’ köbbø kinni wiyu bëënrɑj; kɑ gøggi rɑj wiy wun; o wu ócög wun wu óbëëdø kì piny-ɑ ɑ́mëggi wun yi Jwøng-ɑ Ácwɑ̈ɑ̈j, wuki kweyyi wun ɑ́ mi wun gïti ɑtheer.
6
Wu ɑ́köbbi yi gen kinni wu ko kedhi be mɑlli jwögg møøgø; Jwøng-ɑ Ácwɑ̈ɑ̈j pyëwe ko wëggu rënyø kɑ̀ mɑllu jwögg-ɑ gwøg yi wun. Keløg kwøbbi Jwøng-ɑ Ácwɑ̈ɑ̈j di lïngi yi wun, wu pɑ di cɑy yi en.
7
Dɑ́ men-ɑ́ Jwøng-ɑ Ácwɑ̈ɑ̈j kiree ɑ ɑ́kööb kinni wu ɑ́bɑ̈nyi lïngi kwøbbe. Kɑ wu yöd wu rëny-ɑ pyëwe ki ngïjji jwögg, ɑ bɑnge kɑ̈ne kömi wun ki cɑ́y.
8
“O kì bɑng kɑ̀ nuti lïngu kwøbbe, Wïlɑ̈bø, Jwøng-ɑ Ácwɑ̈ɑ̈j okööbø kinni,
9
‘Yɑ öd-ɑ be cwööli tyëng-ɑ wɑɑng wuudø bënn, kí bɑ̈ngɑ Nebukɑdnesɑr, rɑ̈ɑ̈dh Bɑbïlöniyɑ̀. Ge kɑ̈ɑ̈lɑ’ be nyɑɑg ki Yeudiyɑ̀ kí pinye bëne, kí pödhh-ɑ kyeelø møg-ɑ ying bɑdhhe. Pönhï rënyɑ’ rënyø geki pödhh-ɑ bɑdhhe bënn, o ge ówëggɑ rënyø gïti ɑtheer, ki rɑ̈jø men-ɑ óbëëd ji óböggø. Yɑ Jwøng-ɑ Ácwɑ̈ɑ̈j, yɑ ɑ́rum ki kwøb.
10
Ge ówëggɑ kudø, ge pɑ cigi ryeerø këti wɑlɑ̀ pëthi gen koo ying mø med, o óbong thyëëg nywöm men-ɑ ógwøg. Ge ójɑd ki møw men lyel kì yethi lɑ̈mbɑ̈ɑ̈ mø gen, o yï gen óbong byel.
11
Piny men ódöng nøw bëne, ji óbëëd ge óböggø yi rëny-ɑ órënye, o pödhh-ɑ bɑdhhi Isrɑil óbëëd gɑ bɑ̈nggi rɑ̈ɑ̈dh Bɑbïlöniyɑ̀ ki runn pyɑ̈r ɑ́bïryew.
12
Othumi runnɑni, tyëng Bɑbïlöniyɑ̀ ólony yi yɑn ki cɑyø kipe orøøg gen. Pönhɑni órënyi yi yɑn, kɑ wiy yi yɑn e rënyø gïti ɑtheer.
13
Bɑbïlöniyɑ̀ ógöjjɑ ryɑ̈ng-ɑ ɑ́kwøbɑ bëne kinni óbï kömi pödhh, ge ɑ́köbbɑ Jermɑyɑ̀, gen ɑ ryɑ̈gg-ɑ bɑ ɑgwed bënn kì yij wɑ̈nyø men.
14
Bɑbïlöniyɑ̀ ógöggɑ gïg-ɑ ɑ́gögge pödhh-ɑ kyeelø bënn. O ge ógwøg gɑ bɑ̈ngg yi pödhh møøgø geki rɑ̈nhh-ɑ teg.’ ”
15
Kɑ yɑ köbbi yi Jwøng-ɑ Ácwɑ̈ɑ̈j, Jwøøg Isrɑil kinni, “Kwɑny óthɑ̈ngi møgi oløg men-ɑ pɑ̈ng yi linyɑ èn, kɑ muuj pödhh-ɑ yï gen óörɑ yïn, kɑ wiy ge mɑ̈dhi gen kì yije.
16
Keny-ɑ ómɑ̈dhi gen kì yije, ge ócyerri kɑ wɑ̈thi gen omuumø yi kwøbbi liny men-ɑ óörɑ kömi gen.”
17
Codhe, ɑkwɑnyɑ óthɑ̈ngɑni kì cingi Wë, kɑ muujɑ pödhh-ɑ́ yï gen ɑ́öre yɑn, ɑwëggɑ gen mɑ̈dhø kì yije.
18
Yerusɑlem geki myërri Yeudiyɑ̀ bënn ómɑ̈dhi kì yije, kí rɑ̈nhe geki jɑgge, o ge ógöög gen ki ryɑng me rɑj, o nyingi gen ócög ge pɑ̈rr-ɑ cyën yi ji, ni kenyi kømmii ɑnɑn.
19
Møg bɑ nyingi kɑ̈jj-ɑ kyeelø møg-ɑ ómɑ̈dhi kì yij óthɑ̈ngɑni. Rɑ̈ɑ̈dh Rïp, kí jyɑ̈gge geki pëjji pödhe, kí tyëng Rïp bënn geki wëdhh møg-ɑ yije. Kí rɑ̈nhi piny Udh bënn, kí rɑ̈nhi kɑ̈ddi Pelistiyɑ̀ bënn; ɑ løg Ackelön, kí Gɑdhɑ̀, kí Ekrön kí møg-ɑ döngø kì Acdöd, kí Edöm, kí Moɑb, kí Amön, kí rɑ̈nhi Suur kí Sïdön bënn, kí rɑ̈nh-ɑ kömi Nɑɑm Omeli Tɑr, kí kɑ̈ddi Dedɑn kí Temɑ̀, kí Budh, kí tyëng-ɑ nyi teb yëyyi gen bënn, kí rɑ̈nhi pödhi Árɑb bënn, kí rɑ̈nhi pödhh-ɑ yij ryɑng, kí rɑ̈nhi Dhimrì, kí Elɑm, kí Mɑdɑy, kí rɑ̈nhi pödhh-ɑ wɑɑng wuudø møg-ɑ cyɑ̈gi kí møg-ɑ lɑ̈wi. Mɑ̈dhi pödhh-ɑ kömi piny bënn kì yije. O rɑ̈ɑ̈dh Bɑbïlöniyɑ̀ mɑ̈dhe kì yije cyee kì cyɑ̈ɑ̈n gen.
27
Codhe, ɑköbbi yɑn yi Jwøng-ɑ Ácwɑ̈ɑ̈j kinni, “Köbbí teedø kinni, Jwøng-ɑ Ácwɑ̈ɑ̈j, Jwøøg Isrɑil okööbø kinni, i mɑ̈ɑ̈dh gen, kɑ ge nɑ̈g yi møgø, kɑ ge ngwøggi gen, kɑ ge pɑ̈nhhi gen, o ge dhɑ̈li gen ki dhwödhø, ki gööj liny men-ɑ örɑ kömi gen.
28
O keløg ge óbɑ̈nyi ki mɑ̈dhø kì yije, Wïlɑ̈bø, Jwøng-ɑ Ácwɑ̈ɑ̈j nudd e okööbø i ge bɑ møg mɑ̈dhi ceth kì yije.
29
Yɑ bï-ɑ be gwøg ki rɑ̈ji pyëwɑ o kɑɑlɑ rënyɑ, wu orumø kinni wu óbødh ki cɑyø? Pɑth, wu pɑ bødh ki cɑyø, mɑ́ liny örɑ’ kömi piny bëne. Yɑ Jwøng-ɑ Ácwɑ̈ɑ̈j, yɑ ɑ́rum ki kwøb.”
30
Kɑ Jwøng-ɑ Ácwɑ̈ɑ̈j okööbø kinni, “Yïn, Jermɑyɑ̀, nyi töng møg-ɑ köbbɑ yïn ceth. Köbbí ji møgɑni ceth kinni, Jwøng-ɑ Ácwɑ̈ɑ̈j óngɑ̈ɑ̈r kì pɑɑre mɑl, kɑ opödø ni mɑl. Óngɑ̈ɑ̈r kömi jie; óryeer ni ji mø bij oløg ki tyelli gen. Cwɑgge ólïngi yi dhɑnhø bëne kì kömi piny,
31
kɑ ɑ́lɑngi cwɑgge wɑ̈dh-ɑ cögi piny. Jwøng-ɑ Ácwɑ̈ɑ̈j yïe dɑ gøny kí pödhh bënn. Ji bënn ókïdhe burø, kɑ tyëngrijjø nɑ̈ge.’ ” Møg-ɑ ɑ́kwøb yi Jwøng-ɑ Ácwɑ̈ɑ̈j ɑgɑk.
32
Wïlɑ̈bø, Jwøng-ɑ Ácwɑ̈ɑ̈j, okööbø kinni i ryɑ̈g bï-ɑ kömi pödhh bënn, óbï ɑ́ ɑtunø me dwøng, e cɑ̈g-ɑ́ɑ̀ wïj tuung piny e nyi gøj-ɑ pönhï kí pönhï gïti keny-ɑ ótyëge pödhh bënn.
33
Tyëng-ɑ ónɑ̈g yi ryɑ̈ngɑni óbëëdø piny bëne pɑ̈ngø yi gen, bong ngɑn-ɑ óywøg gen, o bong ngɑn kony gen; ji óbëëdø ge odhoongø kì piny ni cyedh.
34
Ywöngi wun, wun ɑ jɑgg; ywöngi wun wu tyëng-ɑ kwɑy jiɑ. Ywöngi wun wu óryeerø kɑ ri wun ngyelli wun kì piny. Bøli kej nɑ̈gi wun ɑ́wɑ̈nhi, o wu bɑ møg ngɑlli ni órömm.
35
Wu pɑ yïddi ki keny pɑ̈ɑ̈r yi wun.
36
Wu óywöngi yethi wun bɑɑrø, mɑ́ Jwøng-ɑ Ácwɑ̈ɑ̈j wu ɑ́nɑ̈ge ki rɑ̈ji pyëwe, kɑ pödhi wun, pönh-ɑ ɑ́bëëd ki mër rënye.
38
Jwøng-ɑ Ácwɑ̈ɑ̈j jie ɑ́wiye piny, ni ngur men wiy órøngi kït men-ɑ́ yije ɑ́bëëde. Piny ɑ́gwøg ɑ́ ryɑng yi böögø geki liny-ɑ ɑ́ör yi Jwøng-ɑ Ácwɑ̈ɑ̈j ki rɑ̈ji pyëwe.
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 26 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52