Ezekiel 48

Ilonggo (Ang Biblia (1982))

← Chapter 47 Jump to:

1“Amo ini ang mga ngalan sang mga kabikahan: Kutub sa ukbung nga naaminhan, sa ubay sang dalanon sang Hetlon tubtub sa salamputan sang Hamat, tubtub sa Hazer-enan (sa dulunan sang Damasco pa aminhan sa luyo sang Hamat), kag nagapadayon kutub sa sidlangan tubtub sa katundan, ang Dan, isa ka bahin.

2Sa tambi sang ginsakpan sang Dan, kutub sa nasidlangan tubtub sa nakatundan, ang Aser, isa ka bahin.

3Sa tambi sang ginsakpan sang Aser, kutub sa nasidlangan tubtub sa nakatundan, ang Neftali, isa ka bahin.

4Sa tambi sang ginsakpan sang Neftali, kutub sa nasidlangan tubtub sa nakatundan, ang Manases, isa ka bahin.

5Sa tambi sang ginsakpan sang Manases, kutub sa nasidlangan tubtub sa nakatundan, ang Efraim, isa ka bahin.

6Sa tambi sang ginsakpan sang Efraim, kutub sa nasidlangan tubtub sa nakatundan, ang Ruben, isa ka bahin.

7Sa tambi sang ginsakpan sang Ruben, kutub sa nasidlangan tubtub sa nakatundan, ang Juda, isa ka bahin.

8Sa tambi sang ginsakpan sang Juda, kutub sa nasidlangan tubtub sa nakatundan, manginbahin nga painon ninyo, duha ka pulo kag lima ka libo ka maniko sa kasangkaron, kag sa kalabaon subong sang isa sang mga bahin sang kabikahan kutub sa nasidlangan tubtub sa nakatundan, upud ang santuario sa tunga sini.

9Ang bahin nga painon ninyo sa Ginoo manginduha ka pulo kag lima ka libo ka maniko sa kalabaon, kag napulo ka libo sa kasangkaron.

10Ini sila mga bahin sang balaan nga pinahain: ang mga sacerdote may bahin nayon sa aminhan nga duha ka pulo kag lima ka libo ka maniko, nayon sa katundan napulo ka libo sa kasangkaron, nayon sa sidlangan, napulo ka libo sa kasangkaron, kag nayon sa bagatnan duha ka pulo kag lima ka libo sa kalabaon, upud ang santuario sang Ginoo sa tunga sini.

11Ini mangin-iya sang mga sacerdote nga ginpakabalaan sa mga anak ni Sadoc, nga nagbantay sang akon tinulin, nga wala magtalang sang pagtalang sang katawohan sang Israel, subong sang pagtalang sang mga Levinhon.

12Kag ini manginsa ila subong nga bahin nga pinasahi gikan sa balaan nga bahin sang duta, ang duug nga labing balaan, sa tambi sang ginsakpan sang mga Levinhon.

13Kag sa tambi sang ginsakpan sang mga sacerdote, ang mga Levinhon may bahin nga duha ka pulo kag lima ka libo ka maniko sa kalabaon kag napulo ka libo sa kasangkaron. Ang bug-os nga kalabaon manginduha ka pulo kag lima ka libo ka maniko kag ang kasangkaron napulo ka libo.

14Dili nila pag-ibaligya, ukon pag-ibaylo ini; dili nila pag-isikway ining pinili nga bahin sang duta, kay ini balaan sa Ginoo.

15“Ang nabilin, lima ka libo ka maniko sa kasangkaron, kag duha ka pulo kag lima ka libo sa kalabaon, manginkasamwanan sa banwa, sa mga puluy-an kag sa mga halalban. Ang banwa manginsa tunga sini;

16kag ini sila amo ang mga takus sini: ang naaminhan apat ka libo kag lima ka gatus ka maniko, ang nabagatnan apat ka libo kag lima ka gatus, ang nasidlangan apat ka libo kag lima ka gatus, kag ang nakatundan apat ka libo kag lima ka gatus.

17Kag ang banwa may mga halalban: nayon sa aminhan duha ka gatus kag kalim-an ka maniko, nayon sa bagatnan duha ka gatus kag kalim-an, nayon sa sidlangan duha ka gatus kag kalim-an, kag nayon sa katundan duha ka gatus kag kalim-an.

18Ang nabilin sang kalabaon nga tambi sa balaan nga bahin, manginnapulo ka libo ka maniko pa sidlangan, kag napulo ka libo pa katundan, kag tambi ini sa balaan nga bahin. Ang iya patubas manginkalan-on sa mga nagapangabudlay sa banwa.

19Kag ang mga nagapangabudlay sa banwa, gikan sa tanan nga mga kabikahan sang Israel, magapanguma sini.

20Ang bug-os nga bahin nga inyo painon manginduha ka pulo kag lima ka libo ka maniko nga kasilo, nga amo, ang balaan nga bahin upud sa kaugalingon sang banwa.

21“Ang nabilin mangin-iya sang principe sa isa ka kilid kag pihak sang balaan nga bahin kag sang kaugalingon sang banwa. Kutub sa duha ka pulo kag lima ka libo ka maniko sang balaan nga bahin tubtub sa dulunan nga nasidlangan, kag pa katundan kutub sa duha ka pulo kag lima ka libo ka maniko tubtub sa dulunan nga nakatundan, nga tambi sa mga bahin sang mga kabikahan, ini mangin-iya sang principe. Ang balaan nga bahin upud ang santuario sang templo sa tunga sini,

22kag ang kaugalingon sang banwa manginsa tunga sang iya sang principe. Sa ulut sang ginsakpan sang Juda kag sang ginsakpan sang Benjamin manginbahin ini sang principe.

23“Nahanungud sa nabilin nga mga kabikahan: kutub sa nasidlangan tubtub sa nakatundan, ang Benjamin, isa ka bahin.

24Sa tambi sang ginsakpan sang Benjamin, kutub sa nasidlangan tubtub sa nakatundan, ang Simeon, isa ka bahin.

25Sa tambi sang ginsakpan sang Simeon, kutub sa nasidlangan tubtub sa nakatundan, ang Isacar, isa ka bahin.

26Sa tambi sang ginsakpan sang Isacar, kutub sa nasidlangan tubtub sa nakatundan, ang Sabulon, isa ka bahin.

27Sa tambi sang ginsakpan sang Sabulon, kutub sa nasidlangan tubtub sa nakatundan, ang Gad, isa ka bahin.

28Kag sa tambi sang ginsakpan sang Gad nayon sa bagatnan, ang dulunan manginkutub sa Tamar tubtub sa mga tubig sang Meriba-cades, sa Sapa sang Egipto tubtub sa Dakung Dagat.

29Ini amo ang duta nga bahinbahinon ninyo sa papalad nga panublion sa mga kabikahan sang Israel, kag ini sila amo ang ila mga bahin, nagasiling ang Ginoong Dios.

30“Ini sila amo ang mga golowaan sang banwa: Sa naaminhan, ang takus apat ka libo kag lima ka gatus ka maniko,

31ang mga gawang sang banwa manginsono sa mga ngalan sang mga kabikahan sang Israel, tatlo ka gawang sa naaminhan, ang gawang ni Ruben, ang gawang ni Juda, ang gawang ni Levi.

32Sa nasidlangan, apat ka libo kag lima ka gatus ka maniko, tatlo ka gawang, ang gawang ni Jose, ang gawang ni Benjamin, kag ang gawang ni Dan.

33Sa nabagatnan, ang takus apat ka libo kag lima ka gatus ka maniko, tatlo ka gawang, ang gawang ni Simeon, ang gawang ni Isacar, kag ang gawang sang Sabulon.

34Sa nakatundan, apat ka libo kag lima ka gatus ka maniko, tatlo ka gawang, ang gawang ni Gad, ang gawang ni Aser, kag ang gawang ni Neftali.

35Ang palibut sang banwa napulog walo ka libo ka maniko. Kag ang ngalan sang banwa kutub niyan mangin, ang Ginoo didto.”

← Chapter 47 Jump to: