bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Luganda
/
Luganda (BIBU1) (BIBULIYA ENTUKUVU)
/
Jeremiah 36
Jeremiah 36
Luganda (BIBU1) (BIBULIYA ENTUKUVU)
← Chapter 35
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 37 →
1
Mu mwaka ogwokuna ogwa Yoyakimu mutabani wa Yosiya kabaka wa Yuda, ekigambo kyajja eri Yeremiya nga kiva ew'Omukama nti:
2
“Kwata omuzingo gw'ekitabo, owandiike ebigambo byonna bye nakubuulira ku Yisirayeli, ku Yuda ne ku mawanga gonna, okuva ku lunaku lwe natandikirako okwogera naawe mu mirembe gya Yosiya n'okutuusa ku lunaku lwa leero.
3
Mpozzi ennyumba ya Yuda, bwe banaawulira buli kabi ke nteesa okubakola, buli omu anaakyuka n'ava mu kkubo ebbi; olwo nzija kubasonyiwa emisango gyabwe n'ebibi byabwe.”
4
Yeremiya n'ayita Baruku, mutabani wa Neriya; Yeremiya bwe yalinga ayogera ebigambo Omukama bye yali amugambye, eno nga Baruku abiwandiika ku muzingo gw'ekitabo.
5
Awo Yeremiya n'agamba Baruku nti: “Nze nkyassiddwako ekkomo, sisobola kugenda ku nnyumba ya Mukama.
6
Ggwe gendayo ku lunaku olw'okusiiba, awo abantu nga bawulira, obasomere ng'oggya ku muzingo ebigambo by'Omukama by'owandiise eno bwe mbadde nga njogera. Bisomere abantu ba Yuda yenna abavudde mu bibuga byabwe.
7
Oboolyawo okuwanjaga kwabwe kunaatuuka ew'Omukama, buli omu n'aleka empisa ze embi, anti obusungu n'obuswandi eby'Omukama by'ayogeredde abantu bano binene.”
8
Baruku mutabani wa Neriya n'atuukiriza byonna omulanzi Yeremiya bye yamulagira, n'asoma mu kitabo ebigambo bya Yeremiya ku Kiggwa ky'Omukama.
9
Mu mwaka ogwokutaano ogwa Yoyakimu mutabani wa Yosiya kabaka wa Yuda, mu mwezi ogwomwenda, abantu bonna mu Yeruzaalemu n'abalala bonna abaali bazze mu Yeruzaalemu nga bava mu bibuga bya Yuda, baalangirira ekisiibo mu maaso g'Omukama.
10
Baruku n'asoma mu kitabo ebigambo bya Yeremiya ku Kiggwa ky'Omukama, abantu bonna nga bawulira, ng'asinziira mu kisenge kya Gemariya mutabani wa Safani omuwandiisi, mu luggya olw'engulu ku muzigo gw'Omulyango Omuggya ogw'Ekiggwa ky'Omukama.
11
Naye Mikaaya mutabani wa Gemariya, mutabani wa Safani, bwe yawulira ebigambo by'Omukama byonna okuva mu kitabo,
12
n'aserengeta mu lubiri lwa kabaka n'agenda mu kisenge ky'omuwandiisi. Abakungu bonna baali batudde omwo: Elisama omuwandiisi, Delaaya mutabani wa Semaaya, Elunatani mutabani wa Akubori, Gemariya mutabani wa Safani, Zedekiya mutabani wa Ananiya n'abakungu abalala bonna.
13
Mikaaya n'ababuulira ebigambo byonna bye yali awulidde nga Baruku asomera abantu mu kitabo.
14
Abakungu bonna wamu ne batuma Yudi mutabani wa Nataniya, mutabani wa Selemiya, mutabani wa Kuusi, ewa Baruku okumugamba nti: “Omuzingo ogwo gw'osomedde abantu gukwate, ojje.” Ne Baruku mutabani wa Neriya n'akwata omuzingo, n'ajja gye bali.
15
Ne bamugamba nti: “Tuula, obitusomere nga tuwulira.” Ne Baruku n'abibasomera nga bawulira.
16
Bwe baawulira ebigambo bino byonna, ne batya, buli omu n'atunula ku munne, ne bagamba nti: “Tuteekwa bino byonna okubibuulira ku kabaka.”
17
Ne babuuza Baruku nti: “Tutegeeze, ebigambo bino byonna wabiwandiika otya? Byava mu kamwa ke?”
18
Baruku n'abaddamu nti: “Ebigambo bino yabiŋŋamba nze eno nga mbiwandiika ne bwino mu kitabo.”
19
Awo abakungu ne bagamba Baruku nti: “Ggwe ne Yeremiya mugende mwekweke wabulewo amanya gye muli.”
20
Nga bamaze okutereka omuzingo mu kisenge kya Elisama omuwandiisi, baagenda ewa kabaka, mu luggya lw'olubiri lwa kabaka ne bategeeza kabaka ebyo byonna ye ng'awuliriza.
21
Kabaka n'atuma Yudi anone omuzingo, ne Yudi n'aguleeta okuva mu kisenge kya Elisama omuwandiisi, n'agusomera kabaka ng'eno n'abakungu bamuyimiridde ku lusegere.
22
Gwali mwezi gwa mwenda, Kabaka yali mu lubiri lwe olw'obudde obw'empewo, n'omuliro nga gwaka mu kyoto awo mu maaso ge.
23
Yudi buli lwe yamalanga okusomako ebitundu bisatu oba bina, nga kabaka abisalako n'akambe k'omuwandiisi ng'abisuula mu muliro mu kyoto, okutuusa omuzingo gwonna lwe gwasirikkira mu muliro ogwali mu kyoto.
24
Kyokka kabaka, yadde abaweereza be, tekwali n'omu yeekanga ng'awulidde ebigambo ebyo, yadde okuyuza ebyambalo bye.
25
Sso nno Elunatani, Delaaya ne Gemariya beegayirira kabaka aleme kwokya muzingo, naye teyabawuliriza.
26
Wabula kabaka yalagira omulangira Yerukumeeli mutabani wa kabaka, Seraaya mutabani wa Azuryeli, ne Selemiya mutabani wa Abudeeli, bakwate Baruku omuwandiisi ne Yeremiya omulanzi. Kyokka Omukama yali abakwese.
27
Kabaka bwe yamala okwokya omuzingo gw'ebigambo Baruku bye yali awandiise nga Yeremiya abyogera, ekigambo ky'Omukama ne kijjira Yeremiya nti:
28
“Kwata omuzingo omulala, owandiikeko ebigambo byonna, ebyali ku muzingo omubereberye Yoyakimu kabaka wa Yuda gwe yayokya.
29
Ate gamba Yoyakimu kabaka wa Yuda nti: ‘Oyokezza omuzingo guno ng'ogamba nti: “Lwaki owandiiseeko nti kabaka w'e Babiloni alijja n'azikiriza ensi eno, n'amaliramu ddala abantu n'ensolo?”
30
N'olw'ekyo Omukama kino ky'agamba ku Yoyakimu kabaka wa Yuda: Mu ye temuliva alituula ku nnamulondo ya Dawudi; ate omulambo gwe gulikasukirwa ebweru omusana emisana n'obutiti ekiro.
31
Ŋŋenda kubabonereza, ye, ezzadde lye n'abaweereza be, olw'ensobi zaabwe; nzija kubaleetera, bo, abantu abasula mu Yeruzaalemu n'abantu ba Yuda, buli kabi ke nabawerera kubanga tebawulira.’ ”
32
Awo Yeremiya n'akwata omuzingo omulala, n'agukwasa Baruku omuwandiisi mutabani wa Neriya, ye n'awandiikako eno nga Yeremiya amugamba ebigambo byonna eby'omu kitabo Yoyakimu kabaka wa Yuda kye yali ayokezza. N'ebigambo ebirala bingi ebifaanana nga biri byayongerwako.
← Chapter 35
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 37 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52