bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Luganda
/
Luganda (BIBU1) (BIBULIYA ENTUKUVU)
/
Jeremiah 44
Jeremiah 44
Luganda (BIBU1) (BIBULIYA ENTUKUVU)
← Chapter 43
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 45 →
1
Ekigambo ekyajja eri Yeremiya ku Bayudaaya bonna abaali mu nsi y'e Misiri, e Migudoli, Takupanikesi, Nofa ne mu nsi y'e Paturosi nga kigamba nti:
2
“Omukama w'Amagye, Katonda wa Yisirayeli kino ky'agamba: ‘Mwalaba akabi konna ke naleetera Yeruzaalemu n'ebibuga byonna ebya Yuda; kati byonna, matongo, temukyali asulamu,
3
lwa kubeera bikolwa byabwe ebibi bye baakola. Bannyiiza olw'okunyookeza obubaani balubaale be batamanyangako n'okubasinza, bo, mmwe ne bajjajjammwe.
4
Nabatumiranga buli olukedde abaweereza bange abalanzi abaabagambanga nti: “Temukola kyenyinyalwa kyenkana awo kye nkyawa.”
5
Naye bo tebaawuliriza yadde okussaayo omwoyo; tebaava mu bibi byabwe era tebaalekera awo kunyookeza balubaale bubaani.
6
Obusungu n'obuswandi bwange kwe kufumbukuka, ne bukoleerera ebibuga bya Yuda ne mu nguudo za Yeruzaalemu, ne bubifuula malungu na matongo, kye biri olwa leero.’
7
Kale nno Omukama, Katonda w'Amagye, Katonda wa Yisirayeli, kino ky'agamba: ‘Lwaki mwesombera akabi akenkana awo ne mukutulwako mu mmwe abasajja n'abakazi, abato n'abayonka, ne muteerekerawo baasigalawo?
8
Lwaki munnyiiza n'ebyo emikono gyammwe bye gyakola, nga munyookeza balubaale obubaani mu nsi y'e Misiri gye muzze okubeera? Mujja kwezikiriza, mwefuule ekikolimo n'ekivumo mu mawanga gonna ag'oku nsi.
9
Mwerabidde ebibi bya bakadde bammwe, n'ebya bakabaka ba Yuda ne bakazi baabwe, n'ebyammwe mwennyini n'ebya bakazi bammwe, bye baakola mu nsi ya Yuda ne mu makubo ga Yeruzaalemu?
10
N'okutuusa ku lunaku lwa leero tebannaba kwenenya yadde okutya, era tebatambulira mu tteeka lyange ne mu biragiro byange bye nalangirira gye muli mwenna n'eri bajjajjammwe.’
11
Kale nno, Omukama w'Amagye, Katonda wa Yisirayeli, kino ky'agamba: ‘Mbataddeko eriiso lwa kabi n'olw'okusaanyaawo Yuda yenna.
12
Nzija kutwala abaasigalawo mu Yuda, abantu abaasalawo okujja mu nsi y'e Misiri babeere eyo; bonna balisaanirawo eyo mu nsi y'e Misiri; balifa ekitala oba enjala. Okuva ku muto okutuuka ku mukulu balifa ekitala oba enjala ne bafuuka ekikolimo, ekintu eky'entiisa, ekivumo era ekintu eky'okusekerera.
13
Nzija kubonereza ab'omu nsi y'e Misiri n'ekitala, enjala ne kawumpuli nga bwe nabonereza ab'omu Yeruzaalemu.
14
Ku baasigalawo mu Yuda abajja okubeera mu Misiri temuliba bakaawonawo wadde abalisumattuka abalisobola okudda mu nsi ya Yuda gye balumirwa okudda n'okubeera; si ba kuddayo, mpozzi ababudami abatono.’ ”
15
Awo abantu bonna abaamanya nga bakazi baabwe baanyookezanga balubaale obubaani, n'ebbiina ly'abakazi abalala abaaliwo, n'abantu bonna abaali babeera mu Misiri ne mu Paturosi, ne baanukula ne bagamba nti:
16
“Tetujja kuwuliriza bigambo ebyo by'otugambye mu linnya ly'Omukama.
17
Tujja kukola byonna bye twagamba okukola: okunyookeza Nnaabakyala w'Eggulu obubaani n'okumuyiira ebitambiro nga ffe ne bajjajjaffe bwe twakolanga, era nga bakabaka baffe n'abakungu baffe bwe baakolanga mu bibuga bya Yuda ne mu nguudo za Yeruzaalemu. Mu bbanga eryo twalina emmere nnyingi, nga tuli bulungi era nga tetugwirwa kabi na kamu.
18
Naye okuva lwe twakoma okunyookeza Nnaabakyala w'Eggulu obubaani n'okumuweereza ebitone eby'okuyiwa, tetukyalina kantu na kamu, era tufa ekitala n'enjala.”
19
N'abakazi ne bongerako nti: “Bwe twanyookeza Nnaabakyala w'Eggulu obubaani ne tumuweereza n'ebitone eby'okuyiwa, babbaffe baali tebakimanyi nti tumufumbira obugaati mu kifaananyi kye era nga tumuweereza ebitone eby'okuyiwa?”
20
Yeremiya n'agamba abantu bonna, abasajja n'abakazi, bonna abaali bamwanukudde batyo nti:
21
“Ebitambiro bye mwatambirira mu bibuga bya Yuda ne mu nguudo z'omu Yeruzaalemu, mmwe, bajjajjammwe, bakabaka bammwe, abakungu bammwe ne bannansi baayo, ebyo Omukama teyabijjukira?
22
Kwe kulaba nti Omukama yali takyasobola kugumiikiriza bubi bwa bikolwa byammwe n'ebyenyinyalwa bye mwakola; ensi yammwe n'efuuka eddungu, amatongo, ekikolimo, omutali asulamu nga bw'eri olwa leero.
23
Kubanga mwanyookeza obubaani ne musobya eri Omukama, ne mutawulira ddoboozi lya Mukama, ne mutatambulira mu tteeka lye, mu biragiro bye, ne mutagoberera by'ayigiriza, akabi kano kyekavudde kabagwira, nga bwe kiri olwa leero.”
24
Yeremiya n'agamba abantu bonna n'abakazi bonna nti: “Yuda wenna ali mu nsi y'e Misiri, muwulire ekigambo ky'Omukama:
25
Omukama w'Amagye, Katonda wa Yisirayeli kino ky'agamba: ‘Mmwe ne bakazi bammwe mwayogera n'akamwa kammwe, ne mutuukiriza n'emikono gyammwe kye mwagamba nti: “Tujja kutuukiriza obweyamo bwe twakola obw'okunyookeza Nnaabakyala w'Eggulu obubaani n'okumuweereza ebitone eby'okuyiwa.” Mukale, mukole bye mwetema, mutuukirize bye mweyama.’
26
Kyokka muwulire Omukama ky'agamba, ggwe Yuda wenna ali mu nsi y'e Misiri: ‘Ndayidde erinnya lyange ekkulu,’ Omukama y'agamba, ‘erinnya lyange teririddayo kwatulibwa mu kamwa ka muntu yenna owa Yuda mu Misiri yonna nti: “Mazima Omukama Katonda nga mulamu.”
27
Kubanga mbakuumirira lwa kabi sso si lwa bulungi. Abantu bonna aba Yuda abali mu nsi y'e Misiri, bagenda kufa ekitala n'enjala, okutuusa nga bonna bazikiridde.
28
Abaliba bawonye ekitala, ne bava mu nsi y'e Misiri ne baddayo mu nsi ya Yuda baliba ba muswaba. Abaliba basigaddewo mu Yuda abajja okubeera mu nsi y'e Misiri balimanya ky'ani ekigambo ekirituukirira, ekyange oba ekyabwe?
29
“ ‘Kano ke kaliba akabonero,’ Omukama y'agamba, ‘kwe munaakakasiza nga bwe ndibabonereza mu kifo kino, olwo mulitegeera nti ebigambo byange ebibawerera akabi bya kutuukirira ddala.’
30
Omukama kino ky'agamba: ‘Nzija kuwaayo Faraawo Kofura kabaka w'e Misiri mu mikono gy'abalabe be abanoonya obulamu bwe, nga bwe nawaayo Zedekiya kabaka wa Yuda mu mikono gya Nebukadurezzari kabaka w'e Babiloni, omulabe we eyali anoonya obulamu bwe.’ ”
← Chapter 43
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 45 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52