bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Luganda
/
Luganda (BIBU1) (BIBULIYA ENTUKUVU)
/
Jeremiah 38
Jeremiah 38
Luganda (BIBU1) (BIBULIYA ENTUKUVU)
← Chapter 37
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 39 →
1
Naye Sefatiya mutabani wa Mattani ne Gedaliya mutabani wa Pasukuru, ne Yukali mutabani wa Selemiya, ne Pasukuru mutabani wa Malukiya, ne bawulira ebigambo Yeremiya bye yabuulira abantu bonna ng'agamba nti:
2
“Omukama kino ky'agamba: ‘Buli alisigala mu kibuga kino, alifa ekitala, enjala oba kawumpuli. Naye buli alikifuluma ne yeewaayo mu mikono gy'Abakaludeya ababazinze, alisumattukayo nga mulamu; aliba mulamu.
3
Omukama kino ky'agamba: Tewali kubuusabuusa, ekibuga kino kigenda kuweebwayo mu mikono gy'eggye lya kabaka w'e Babiloni; alikiwamba.’ ”
4
Abakungu ne bagamba kabaka nti: “Omuntu ono attibwe. Aterebula buterebuzi batabaazi abaasigala mu kibuga kino n'abantu bonna awamu ng'ababuulira ebifaanana bityo. Ekituufu omusajja ono takolerera bulungi bwa bantu bano, wabula kabi.”
5
Kabaka Zedekiya n'abaddamu nti: “Wuuyo, ali mu mikono gyammwe; kabaka talina ky'ayinza kukola kubaziyiza.”
6
Awo ne bakwata Yeremiya, ne bamusuula mu luzzi lwa Malukiya mutabani wa kabaka olwali mu luggya lw'abakuumi ne bamukkiriza mu luzzi n'emiguwa; mu luzzi temwali mazzi wabula ettosi, Yeremiya n'akkirira bw'atyo mu ttosi.
7
Naye Ebedi-Meleki Omukuusi, omulaawo, eyali mu lubiri lwa kabaka, n'awulira bwe basudde Yeremiya mu luzzi. Kabaka yali atudde mu mulyango gwa Benyamiini.
8
Ebedi-Meleki n'afuluma okuva mu lubiri lwa kabaka, n'agamba kabaka nti:
9
“Mukama wange, kabaka, abasajja abo bakoze bya mbyone mu byonna bye bakoze Yeremiya omulanzi; bamusudde mu luzzi; ajja kufiira omwo enjala kubanga mu kibuga temukyali mmere.”
10
Awo kabaka n'alagira Ebedi-Meleki Omukuusi nti: “Laba wano abasajja amakumi asatu, oggye Yeremiya omulanzi mu luzzi nga tannafa.”
11
Ebedi-Meleki n'atwala abasajja abo, n'ayingira mu nnyumba ya kabaka wansi mu ggwanika, n'aggyamu ebiziina n'ebigoye ebikadde, n'abisuulira Yeremiya mu luzzi ku miguwa.
12
Ebedi-Meleki Omukuusi n'agamba Yeremiya nti: “Ebiziina ebyo n'ebigoye ebikadde biteeke mu nkwawa weyambikireko omuguwa.” Ne Yeremiya bwe yakola.
13
Awo ne basikayo Yeremiya n'emiguwa, ne bamuggya mu luzzi. Yeremiya n'asigala mu luggya lw'abakuumi.
14
Kabaka Zedekiya yatumya Yeremiya omulanzi, n'agamba atwalibwe ku mulyango ogwokusatu ogw'Ekiggwa ky'Omukama. Kabaka n'agamba Yeremiya nti: “Nnina kye nkubuuza. Tonkisa kantu.”
15
Yeremiya n'agamba Zedekiya nti: “Bwe nnaakikubuulira, tonzite? Wuuno ne bwe nandikuwadde amagezi, tewandimpulirizza.”
16
Kabaka Zedekiya n'alayirira Yeremiya mu kyama nti: “Mazima Omukama nga mulamu, eyatuwa omwoyo, sijja kukutta, era sijja kukuwa mu mikono gya basajja bano abanoonya obulamu bwo.”
17
Awo Yeremiya kwe kugamba Zedekiya nti: “Omukama Katonda w'Amagye, Katonda wa Yisirayeli kino ky'agamba: Bw'onoofuluma ne weewaayo eri abagabe ba kabaka w'e Babiloni, obulamu bwo bujja kuwona n'ekibuga kino tekigenda kuteekerwa muliro; ggwe n'ab'omu maka go mujja kulama.
18
Naye bw'otokkirize kwewaayo eri bagabe ba kabaka w'e Babiloni, ekibuga kino kijja kuweebwa mu mikono gy'Abakaludeya bakiteekere omuliro, ate naawe togenda kubasumattuka.”
19
Awo kabaka Zedekiya n'agamba Yeremiya nti: “Ntya Abayudaaya abeegatta ku Bakaludeya, kubanga Abakaludeya bayinza okumpaayo mu mikono gyabwe ne banjolonga.”
20
Yeremiya n'addamu nti: “Tebagenda kukuwaayo. Nkwegayiridde, wuliriza eddoboozi ly'Omukama, okole kye nkugamba, olwo onooba bulungi, obulamu bwo bujja kuwona.
21
Naye bw'onogaana okwewaayo, kino kye kigambo Omukama ky'andaze:
22
Laba, abakazi bonna abaali basigadde mu lubiri lwa kabaka wa Yuda, baabo bafulumizibwa nga batwalibwa eri abagabe ba kabaka w'e Babiloni; baagenda bayimba nti: “ ‘Baakusendasenda ne bakuwangula abo mikwano gyo be weesiga; ebigere byo bitubidde mu ttosi, mikwano gyo bakwabulidde.’
23
Bakazi bo bonna n'abaana bagenda kufulumizibwa batwalirwe Abakaludeya; naawe tolibasumattuka, wabula oliwambibwa kabaka w'e Babiloni n'ekibuga kino ne kyokebwa omuliro.”
24
Zedekiya n'agamba Yeremiya nti: “Tewaba n'omu amanya ku bigambo bino, sikulwa ng'ofa.
25
Abakungu bwe banaawulira nga njogedde naawe, ne bajja bakugamba nti: ‘Tubuulire bye wagambye kabaka naawe kabaka bye yakugambye; tobitukisa oba si ekyo tukutta,’
26
obaddamu nti: ‘Nabadde mpanjagira kabaka butanziza wa Yonatani kufiira eyo.’ ”
27
N'abakungu tebaalwa, ne bajja bonna eri Yeremiya, ne bamubuuza. Yabaddamu kimu ddala nga kabaka bwe yali amulagidde; nabo ne bamuvaako, kubanga tewaali awulidde mboozi ye na kabaka.
28
Yeremiya n'asigala mu luggya lw'abakuumi okutuusa ku lunaku Yeruzaalemu lwe kyawambibwa. Yeruzaalemu bwe kiti bwe kyawambibwa:
← Chapter 37
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 39 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52