bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Luganda
/
Luganda (BIBU1) (BIBULIYA ENTUKUVU)
/
Jeremiah 4
Jeremiah 4
Luganda (BIBU1) (BIBULIYA ENTUKUVU)
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 5 →
1
“Oba odda, ayi Yisirayeli,” Omukama y'agamba, “dda gye ndi. Bw'oggya mu maaso gange ebyenyinyalwa byo, n'otoyongera kutangatanga,
2
bw'onoolayiranga nti: ‘Mazima Omukama nga mulamu,’ mu mazima mu bwesimbu ne mu butuukirivu, olwo amawanga gonna ganaaweerwanga omukisa mu ye, era mu ye mwe ganaatenderanga.”
3
Omukama kino ky'agamba abantu ba Yuda n'abatuuze b'omu Yeruzaalemu: “Mukabale ebisambu byammwe, muleke kusiga mu maggwa.
4
Mwetayirire olw'Omukama, muggyeko ekikuta ky'omutima gwammwe, mmwe abantu ba Yuda n'abatuuze b'omu Yeruzaalemu, sikulwa ng'obusungu bwange butumbuka ng'omuliro, ne bwaka ne wabula n'abuzikiriza, olw'ebikolwa byammwe ebibi.
5
“Mulangirire mu Yuda, mubuulire mu Yeruzaalemu, mugambe nti: ‘Mufuuwe eŋŋombe wonna mu nsi,’ muleekaane, muwoggane, mugambe nti: ‘Mukuŋŋaane, tuddukire mu bibuga eby'ebigo ebigumu.’
6
Musimbe ebendera mu Siyoni; mudduke, temuyimirira. Kubanga ndeeta akabi okuva emambuka, okuzikirira okw'amaanyi, okunene.”
7
Empologoma esituse okuva mu nfo yaayo, omuzikiriza w'amawanga asimbudde ekigere; avuddeyo ewuwe ensi yo alyoke agifuule matongo; ebibuga byo bya kuleka bifulukwa, bya kusigala matongo.
8
Kale nno mwesibe ebikutiya, mukungubage, mukube ebiwoobe; kubanga obusungu bw'Omukama obwesera tebutuvuddeeko.
9
“Ku olwo,” Omukama y'agamba, “kabaka n'abakungu be emmeeme eribagwa wala, bakabona baliwuniikirira n'abalanzi be baliwunga.”
10
Awo ne ŋŋamba nti: “Omukama Katonda, nga walimba abantu bano ne Yeruzaalemu bwe wagamba nti: ‘Mulifuna eddembe’ sso ng'ekitala kituli ku mimiro!”
11
Mu budde obwo baligamba eggwanga lino ne Yeruzaalemu nti: “Embuyaga eyokya ey'oku busozi bw'omu ddungu obwereere ekunta, ejja eri abantu bange; naye tejjirira kuwewa oba kukuŋŋunta.
12
Embuyaga eyitiridde ku bino amaanyi eva gye ndi. Kati njatula ensala yange ku bo.”
13
Laba ajja ng'ebire, n'ebigaali bye bifaanana ng'omuyaga; embalaasi ze ziwenyuka okukira empungu. Zitusanze! Tufudde!
14
Wattu Yeruzaalemu, omutima gwo gunaazeeko ekibi owonyezebwe; olituusa wa okwerekamu ebirowoozo by'obugwenyufu bwo?
15
Kubanga eddoboozi lirangirira okuva e Daani; lirangirira akabi okuva mu nsozi za Efurayimu:
16
“Mulangirire eri amawanga, mugambe Yeruzaalemu nti: ‘Eggye lizinze nga liva mu nsi ey'ewala, balayiza enduulu ku bibuga bya Yuda.
17
Bamwebunguludde ng'abakuumi b'ennimiro, kubanga kyanjeemera,’ Omukama y'agamba.
18
Empisa zo n'ebikolwa byo bye bikakusombedde; eno ye nnaku yo! Ng'ekaawa! Ng'esogga n'omutima!”
19
Olubuto, olubuto! Neenyoola olw'obulumi. Ebisenge by'omutima gwange! Omutima gwange guntujja muli munda; Sisobola kusirika. Anti mpulidde eddoboozi ly'eŋŋombe, enduulu y'olutalo.
20
Kabenje ku kabenje; ensi yonna efuuse matongo; Weema zange amangu ago zisaanyiziddwawo, ensiisira zange mu kaseera buseera.
21
Ndituusa wa okutunuulira ebendera, n'okuwulira eddoboozi ly'eŋŋombe?
22
“Abantu bange basiru; tebamanyi. Biwowongole bya baana, tebalina ke bategeera; bakugu mu kukola obubi; tebamanyi kukola kirungi.”
23
Natunula, ensi temwali kantu, nga njereere, n'olubaale, ekitangaala kyalwo nga kizaamye.
24
Natunula, ensozi nga zinyeenya, n'obusozi bwonna nga buyuuga.
25
Natunula, nga tewakyali bantu; ebinyonyi byonna eby'omu bbanga nga bidduse.
26
Natunula, eyali ensi engimu, nga ddungu; ebibuga byamu byonna nga matongo, mu maaso g'Omukama, mu maaso g'obusungu bwe obwesera.
27
Omukama kino ky'agamba: “Ensi yonna egenda kulekebwa matongo, naye era sigenda kugisaanyizaawo ddala.
28
“N'olw'ekyo ensi erikungubaga olw'ekyo, n'eggulu waggulu lirikwata kazigizigi, kubanga njogedde, nateesa, sigenda kwejjulula; sigenda kukuba kaddannyuma.”
29
Olw'okuwuuma kw'abeebagazi n'abalasa obusaale, buli kibuga kidduka. Beesogga ebisaka; bawalampa enjazi. Ebibuga byonna birekeddwa ttayo; temusigadde asulamu.
30
Ggwe nno omuleke amatongo, onookola ki? Otegeeza ki okwambala ebitwakaavu, n'okwenaanika amagemu ga zaabu, n'okutona amaaso go ne langi? Weenyiririza bwereere. Baganzi bo bakunyooma; baagala kukutta.
31
Mpulira okukaaba ng'okw'omukazi alumwa okuzaala, obubalagaze bw'azaala ogusooka; emiranga gya muwala wa Siyoni ataawa; akuba emikono ng'agamba nti: “Ndabye! Nzirika! Mpeereddwayo mu batemu”
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52