bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Luganda
/
Luganda (BIBU1) (BIBULIYA ENTUKUVU)
/
Jeremiah 49
Jeremiah 49
Luganda (BIBU1) (BIBULIYA ENTUKUVU)
← Chapter 48
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 50 →
1
Ku Bammoni: Omukama kino ky'agamba: “Kazzi Yisirayeli talina baana ba bulenzi? Kazzi talinaawo basika? Lwaki kale Milukomu yatwala Gaadi? Lwaki abantu be be basenze mu bibuga byayo?
2
Kale nno ennaku zijja, Omukama y'agamba, lwe ndirawira Rabba ow'Abammoni enduulu y'olutalo; kirifuuka ntuumu y'amafunfugu n'ebyalo byakyo biriteekerwa omuliro. Olwo Yisirayeli aligobawo abaamugobawo, Omukama y'agamba.
3
Kesuboni kuba ebiwoobe, kubanga Ayi azikiriziddwa. Bawala ba Rabba, muteme emiranga; mwesibe ebikutiya, mukungubage; mutagire munda mu bigo, kubanga Milukomu wa kugenda mu buwaŋŋanguse wamu ne bakabona be n'abakungu be.
4
Lwaki ebiwonvu byo bikwegulumya, ebiwonvu byo ebittulukuka, ggwe omuwala omujeemu? Ggwe eyali yeesiga obugagga bwo ng'ogamba nti: ‘Ani anannumba?’
5
Kale nno ŋŋenda kukuteera entiisa eriva mu bonna abakwetoolodde, Omukama Katonda w'Amagye y'agamba; mulifubutuka buli omu n'akwata lirye; tewaliba kukumiriza badduka.
6
“Kyokka oluvannyuma ndikomyawo abasibe b'Ammoni, Omukama y'agamba.”
7
Ku Edomu: Omukama w'Amagye kino ky'agamba: “Ddala mu Temani temukyali mugezi? Okubuulirira kuwedde mu balabalaba? Amagezi gaabwe goonoonese?
8
Mudduke, muddeeyo, mwevumbe empampagama, mmwe ababeera mu Dedani, kubanga Ezawu nzija kumuleetera obuyinike mu budde we ndimubonerereza.
9
Singa abanozi b'emizabbibu bajja gy'oli, tebandirese ebirimba bitono? Singa abanyazi bakuyingirira ekiro, tebandikubbye ne bennyula?
10
Naye nze Ezawu mmubikkudde, njolese obufo gye yeekukuma; takyayinza kwekweka. Abaana be bazikiridde, ko n'eŋŋanda ze ne baliraanwa be; takyaliwo.
11
Bamulekwa bo baleke, nze nzija kubakuuma nga balamu, ne bannamwandu bo basuubirire mu nze.”
12
Omukama kino ky'agamba: “Obanga abo abataali ba kunywa kikompe baakinywa, ggwe onoosigala nga tobonerezeddwa? Ojja kukinywa
13
Ndayidde obulamu bwange, Omukama y'agamba, Bozura kijja kufuuka matongo, ekintu ekyesisiwaza, ekivumo era ekikolimo, n'ebibuga byakyo byonna biriba malungu emirembe gyonna.
14
“Nfunye obubaka okuva ew'Omukama, omubaka abusindise eri amawanga nti: ‘Mwekuŋŋaanye mumulumbe, musituke mulwane.’
15
Laba, nzija kukutoowaza mu mawanga, onyoomebwe mu bantu.
16
Entiisa gy'okuba n'amalala g'omutima gwo bikulimbye, ggwe asula mu mpampagama z'olwazi, ggwe eyawamba entikko z'obusozi, ekisu kyo ne bw'olikiwanika waggulu ng'empungu, era ndikuwanulayo, Omukama y'agamba.
17
“Edomu alifuuka matongo, ekintu ekyesisiwaza; buli muyise aliwuniikirira n'afuuwa ekiwa bw'aliraba ebiwundu bye byonna.
18
Nga Sodoma ne Gomorra n'emiriraano gyabyo bwe byazikirizibwa, Omukama bw'ayogera, teriba muntu asulamu, teriba n'omu asengamu.
19
“Ng'empologoma efubutuka mu bisaka by'oku Yorudani okulaga mu ddundiro eddungi, bwe ndibagobawo mu kabanga bubanga. Ani mulondobe gwe ndissaawo ku lwa kino? Ani kale annenkana? Ani alimpawaabira? Era musumba ki asobola okuŋŋumira?
20
Kale nno muwulire Omukama ky'ateeserezza Edomu, ne by'alowooleza abasula mu Temani: ebijuujulu mu ggana balibiwalaawala; amalundiro gaabwe aligazikiririza ddala olw'okubeera bo.
21
Ku ddoboozi ly'okugwa kwabwe ensi erikankana, Eddoboozi ly'omulanga gwe liriwulirwa ne ku nnyanja ey'Ebiwuuwa.
22
Laba, ajja kwambuka akwakkule ng'empungu, ayanjululize ebiwaawaatiro bye ku Bozura. Ku olwo emitima gy'abatabaazi ba Edomu giriba ng'omutima gw'omukazi mu bulumi bw'okuzaala.”
23
Ku Damasiko: “Kamati ne Arupadi biwuniikiridde, kubanga bafunye amawulire amabi; omutima gubaweddemu, bafuukuuse ng'ennyanja etesobola kuteeka.
24
Damasiko ayenjebuse, adduse, entiisa emukutte; ennaku n'obulumi bimukutte ng'omukazi ng'azaala.
25
Ekibuga eky'ettutumu kyabuliddwa kitya, ekibuga eky'essanyu?
26
Abavubuka baamu baligwa mu nguudo zaakyo, n'abatabaazi baakyo bonna balizikirizibwa lu lunaku olwo, Omukama w'Amagye y'agamba.
27
Ndikoleeza omuliro mu bbugwe wa Damasiko, ne gusenkenya ebigo bya Beni-Adadi.”
28
Ku Kedari n'obwakabaka bw'e Kazori Nebukadurezzari kabaka w'e Babiloni bwe yawangula: “Musituke, mulumbe Kedari; muzikirize abantu b'ebuvanjuba.
29
Weema zaabwe n'amagana gaabwe biriwambibwa, amatundubaali gaabwe n'ebyabwe byonna, ko n'eŋŋamiya zaabwe biritwalibwa. Balibaleekaanira nti: ‘Ntiisa ku njuyi zonna.’
30
Mudduke, mudume nnyo, mwevumbe empampagama, mmwe ababeera mu Kazori, Omukama y'agamba, kubanga Nebukadurezzari kabaka w'e Babiloni abateeserezza ekintu, alowoozezza eky'okubakola.
31
Musituke, mulumbe eggwanga eriri emirembe, eritalina kweraliikirira,” Omukama y'agamba, “mpaawo nzigi yadde emiyingo; abantu abali eyo bokka.
32
Eŋŋamiya zaabwe zirifuuka omunyago, n'amagana gaabwe galifuuka olwayo. Ndibasaasaanyiza mu buli nsonda, abo abakomola enviiri mu bwenyi; ndibaleetera obuyinike okuva ku buli ludda, Omukama y'agamba.
33
Kazori kirifuuka nfo ya bibe, matongo ag'emirembe gyonna; teri muntu alisulayo, teri alisengayo.”
34
Ekigambo ky'Omukama ekyajja eri Yeremiya omulanzi mu masooka g'obwakabaka bwa Zedekiya kabaka wa Yuda nga kifa ku Elamu nga kigamba nti:
35
“Omukama w'Amagye kino ky'agamba: Ŋŋenda okumenya omutego gwa Elamu, luwaga w'amaanyi gaabwe.
36
Ndisindikira Elamu empewo ennya, okuva mu nsonda ennya ez'eggulu; ndibasaasaanyiza mu mpewo ennya, tewalibaawo ggwanga abasibe b'e Elamu gye batalituuka.
37
Nditekemula Elamu mu maaso g'abalabe baabwe, mu maaso g'abo abanoonya obulamu bwabwe; ŋŋenda kubaleetera akabi n'obusungu bwange obwesera, Omukama y'agamba. Ndibawondera n'ekitala, okutuusa nga mbawemmentedde ddala.
38
Nnamulondo yange nzija kugisimba mu Elamu, nzikirize kabaka n'abakungu be, Omukama y'agamba.
39
“Kyokka ng'ennaku ziyiseewo ndikomyawo abasibe ba Elamu, Omukama y'agamba.”
← Chapter 48
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 50 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52