bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Luganda
/
Luganda (BIBU1) (BIBULIYA ENTUKUVU)
/
Jeremiah 50
Jeremiah 50
Luganda (BIBU1) (BIBULIYA ENTUKUVU)
← Chapter 49
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 51 →
1
Ekigambo Omukama kye yayogera ku Babiloni ne ku nsi y'Abakaludeya, ng'akiyisa mu Yeremiya:
2
“Mulaalaase mu mawanga, mulangirire; musitule bendera, mulangirire; temukisa kantu, mugambe nti: ‘Babiloni kiwambiddwa, Beeli kiswaziddwa; Maruduku atekemuse, ebifaananyi bye ebya balubaale biswadde, ebifaananyi bye ebya balubaale bitekemuse.
3
Emambuka evuddeyo eggwanga erimulumba, eririfuula ensi ye amatongo. Tewali aligisulamu, abantu baligidduka era n'ensolo nazo okwo.’
4
“Mu nnaku ezo, mu budde obwo,” Omukama y'agamba, “abantu ba Yisirayeli balidda wamu n'abantu ba Yuda, balijja eno nga bakaaba bwe batambula, nga banoonya Omukama Katonda waabwe.
5
Balibuuza ekkubo erigenda ku Siyoni ne bakyukira gye liri. Balijja ne beesiba ku Mukama mu ndagaano ey'olubeerera eteryerabirwa.
6
“Abantu bange, ndiga ezibuze; abasumba baazo baziwabizza, ne bazireka okutangatangira mu nsozi. Zitagidde ku nsozi ne ku busozi, ne zeerabira we ziwummulira.
7
Bonna abaazisanganga nga beeriira; abalabe baabwe nga bagamba nti: ‘Ffe tetuzzanga musango; mbeera be baakola ekibi eri Omukama, Ekisulo ky'obutuufu, essuubi lya bakitaabwe.’
8
Mudduke, muve mu Babiloni wakati, muleke ensi y'Abakaludeya; mubeere ng'embuzi ennume ezikulembera eggana.
9
Kubanga ŋŋenda okusiikuula ndeetere Babiloni ekibinja ky'amawanga amangi okuva mu nsi y'emambuka. Galitala okumulwanyisa; balifuluma eyo ne bamukwata; obusaale bwabwe buli ng'omutabaazi omuzira atadda ngalo nsa.
10
Kaludeya ya kunyagibwa; bonna abalimunyaga balimatira, Omukama y'agamba.
11
“Mujaganya, musanyuka, mmwe abanyagulula obusika bwange, muligita ng'ennyana enteere omuddo, mukaaba ng'embalaasi ennume.
12
Naye nnyammwe aliswala nnyo; oyo eyabazaala ng'alisonyiwala! Y'alisembayo mu mawanga, amatongo, ensi enkalu, eddungu essa!
13
Olw'obusungu bw'Omukama talisengwamu, aliba ddungu jjereere. Buli aliyita ku Babiloni aliwuniikirira n'afuuwa ekiwa olw'ebiwundu bye byonna.
14
Mutale okwetooloola Babiloni, mwenna abawesi b'omusaale. Mukirase, temusaasira busaale, kubanga kyakola ekibi ew'Omukama.
15
Mukileekaanire ku njuyi zonna. Kijeemulukuse, emisingi gyakyo gigudde; bbugwe waakyo ayabiziddwa. Kubanga kuno kwe kuwoolera eggwanga olw'Omukama, mukiwoolereko eggwanga; mukikole nga bwe kyakola abalala.
16
Mukutule ku Babiloni oyo asiga, n'oyo akutte najjolo mu budde obw'amakungula. Olw'ekitala ky'omunyazi buli omu adde mu bantu be; buli omu adduke ng'adda mu nsi yaaboobwe.
17
“Yisirayeli, ndiga ezibaamye, ezigobeddwa empologoma.” Kabaka w'e Assuri ye yasooka okumulya, oluvannyuma ne Nebukadurezzari kabaka w'e Babiloni amubwebwenye amagumba.
18
Omukama w'Amagye, Katonda wa Yisirayeli, kyava agamba nti: “Nzuuno, ŋŋenda okubonereza kabaka w'e Babiloni n'ensi ye nga bwe nabonereza kabaka w'e Assuri.
19
“Ŋŋenda kuzza Yisirayeli mu ddundiro lye, aliire ku Karumeli ne mu Basani; okwoya kwe kulimatira, ku nsozi za Efurayimu ne Gileyaadi.
20
Mu nnaku ezo ne mu budde obwo, Omukama y'agamba, balinoonya ensobi ya Yisirayeli, naye teribaawo, n'ekibi kya Yuda, nakyo tekirizuuka, kubanga bakaawonawo be ndiba ntalizza ndibasaasira.
21
“Lumba ensi y'e Meratayimu, n'abasula e Pekodi; wondera, tta, obasaanyizeewo ddala, Omukama y'agamba; byonna bikole nga bwe nkulagidde.
22
Eddoboozi ly'olutalo liri mu nsi, okuzikiriza okunene!
23
Emenyese etya, n'esesegguka ennyondo y'ensi yonna? Babiloni afuuse atya ekintu eky'entiisa?
24
Nakutega omutego, Babiloni, ne gukukwasa nga tonnagumanya. Wasangibwa n'okwatibwa, kubanga wasoomooza Omukama.
25
Omukama yaggulawo etterekero lye, n'aggyayo ebyokulwanyisa by'obusungu bwe. Kubanga Omukama Katonda w'Amagye, alinayo eky'okukola mu nsi y'Abakaludeya.
26
Mumulumbe okuva mu buli nsonda, mwabye amawanika ge; mumutuume ntuumu ng'ez'eŋŋano, mumusaanyeewo obutamulekerawo basigalawo.
27
Ente ze zonna ennume ento muzitte; ziserengete mu bbaagiro. Zirabye! Olunaku luzikeeredde: olunaku lwe ziribonerezebwa lutuuse.”
28
Wulira: Abadduse ne bakaawonawo okuva mu nsi y'e Babiloni balangirira mu Siyoni, okuwoolera eggwanga olw'Omukama Katonda waffe ng'awoolera eggwanga olw'Ekiggwa kye.
29
“Kungira Babiloni abalasi b'obusaale, na bonna abamanyi okuweta omusaale. Mumuzingize, temuleka n'omu kutoloka; Mumusasule olw'ebikolwa bye; mumukole nga ye bwe yakola. Kubanga yeekuliza ku Mukama, Omutuukirivu wa Yisirayeli.
30
Abavubuka baamu baligwa mu nguudo zaakyo, n'abatabaazi baakyo bonna balibakomya ku olwo,” Omukama w'Amagye y'agamba.
31
“Ggwe omwekuza, nkuli bukiika,” Omukama Katonda w'Amagye y'agamba. “Olunaku lukukeereredde, obudde obw'okubonerezebwa kwo.
32
Omwekuza alisirittuka n'agwa, tewaliba amusitulawo. Mu bibuga bye nzija kukoleezaamu omuliro, gusenkenye byonna ebyetooloddewo.
33
Omukama w'Amagye kino ky'agamba: Abantu ba Yisirayeli banyigirizibwa, n'abantu ba Yuda nabo bwe batyo. Bonna abaabawamba babanywezezza, bagaanye okubata.
34
Naye nno Omununuzi waabwe wa maanyi, Omukama w'Amagye lye linnya lye. Aliwolereza ensonga zaabwe n'amaanyi, ensi agiwe obuweerero, naye bo abali mu Babiloni abatabangule.
35
“Ekitala kiri ku Bakaludeya, Omukama y'agamba, kiri ku basula mu Babiloni, ne ku bakungu n'abagezi be.
36
Ekitala kiri ku balaguzi be, bafuuke basiru; ekitala kiri ku batabaazi be, bajjule entiisa!
37
Ekitala kiri ku mbalaasi ze n'ebigaali bye, ne ku bagwira mu ggye lye, bafuuke bakazi! Ekitala kiri ku mawanika ge, ganyagululwe!
38
Ekyeya ku mazzi ge, gakalire! Kubanga eno ensi ya bifaananyi bya balubaale, ebifaananyi bya balubaale babigwiriddeko eddalu.
39
Emisambwa n'emisege bye binaabeerangayo, ne maaya gye zinaasulanga; tekiriddayo kusengwamu nnaku zonna.
40
Nga Katonda bwe yazikiriza Sodoma ne Gomorra n'emiriraano gyabyo, Omukama y'ayogera, teriba muntu asulamu, teriba n'omu asengamu.
41
“Abantu baabo bava emambuka, eggwanga eddene ne bakabaka abangi, bakungiddwa okuva ku nkingi z'ensi.
42
Babagalidde emisaale n'obujogolo; bakambwe, tebalina kisa. Okuwuuma kwabwe kuli ng'okuyira kw'ennyanja. Beebagadde ku mbalaasi, bajja ng'eggye eritaze okulwanyisa ggwe, muwala wa Babiloni.
43
Kabaka w'e Babiloni amawulire gaabwe gamutuuse, emikono ne gimulagaya, ennaku n'emukwata, okulumwa ng'okw'omukazi azaala.
44
“Ng'empologoma efubutuka mu bisaka by'oku Yorudani okulaga mu ddundiro eddungi, bwe ndibagobawo mu kabanga bubanga. Ani mulondobe gwe ndissaawo ku lwa kino? Ani kale annenkana? Ani alimpawaabira? Era musumba ki asobola okuŋŋumira?
45
Kale nno muwulire Omukama ky'ateeserezza Babiloni, ne by'alowooleza ensi y'Abakaludeya: ebijuujulu mu ggana balibiwalaawala; amalundiro gaabwe aligazikiririza ddala olw'okubeera bo.
46
Ensi erikankana bwe baliwulira nga Babiloni awambiddwa, Eddoboozi ly'omulanga gwe liriwulirwa mu mawanga.”
← Chapter 49
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 51 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52