Numbers 29

Luganda (BIBU1) (BIBULIYA ENTUKUVU)

← Chapter 28 Jump to: Chapter 30 →

1“ ‘Ku lunaku olusooka mu mwezi ogwomusanvu mukolanga olukuŋŋaana olutukuvu; temulukolerangako mulimu gwonna muzito. Lunaku lwammwe lwa kufuuwa ŋŋombe.

2Muweerezanga ekitambiro ekyokye, akawoowo akasanyusa Omukama, eky'ente ennume ento emu, endiga ennume emu, n'obuliga obulume musanvu obw'omwaka ogumu, byonna nga tebiriiko kamogo.

3Muweererezangako ekitone eky'obuwunga eky'obuwunga obukuŋŋunte obulungi omutabuddwa omuzigo, ku buli nte nnume kugenderako ebyekkumi bisatu ebya efa; ku buli ndiga ennume ebyekkumi bibiri ebya efa,

4ne ku buli kaliga, ku buli omusanvu, ekyekkumi kimu ekya efa.

5Muweererezangako embuzi ennume ey'ekitambiro olw'ekibi, eddaabirize ku lwammwe.

6Mubiweerezanga okwongereza ku bitambiro ebyokye ebya buli mwezi n'ebyo ebya buli lunaku awamu n'ebitone eky'obuwunga n'eky'okuyiwa ng'etteeka bwe ligamba ku byo. Bye bitone ebiwongere Omukama n'omuliro, akawoowo akasanyusa.

7“ ‘Ku lunaku olw'ekkumi olw'omwezi ogwo ogwomusanvu, mukolanga olukuŋŋaana olutukuvu, era musiibanga; temukolerangako mulimu gwonna.

8Muweerezanga Omukama akawoowo akasanyusa, ekitambiro ekyokye eky'ente ennume ento emu, endiga ennume emu, n'obuliga obulume musanvu obw'omwaka ogumu, byonna nga tebiriiko kamogo.

9Muweererezangako obuwunga obukuŋŋunte obulungi omutabuddwa omuzigo ng'ekitone eky'obuwunga: ku buli nte ennume ebyekkumi bisatu ebya efa; ku buli ndiga nnume ebyekkumi bibiri ebya efa,

10ne ku buli kaliga, ku buli omusanvu, ekyekkumi kimu ekya efa.

11Muweererezangako embuzi ennume ey'ekitambiro olw'ekibi. Bino byongereza ku kitambiro olw'okuddaabiriza ate ne ku kitambiro ekyokye ekya bulijjo, ko n'ekitone kyakyo eky'obuwunga era n'ekitone kyabyo eky'okuyiwa.

12“ ‘Era olunaku olw'ekkumi n'ettaano olw'omwezi ogwomusanvu, mukolanga olukuŋŋaana olutukuvu; temukolerangako mulimu gwonna muzito. Mukuzanga embaga ku lw'Omukama okumala ennaku musanvu.

13Muweerezanga ekitambiro ekiwonge n'omuliro, akawoowo akasanyusa Omukama, ekitambiro ekyokye eky'ente ennume ento kkumi na ssatu, endiga ennume bbiri, n'obuliga obulume obw'omwaka ogumu kkumi na buna, byonna nga tebiriiko kamogo.

14Muweererezangako n'obuwunga obukuŋŋunte obulungi omutabuddwa omuzigo ng'ekitone eky'obuwunga: ku buli nte ennume, ku ziri ekkumi n'essatu, ebyekkumi bisatu ebya efa; ku buli ndiga ennume, ku ziri ebbiri, ebyekkumi bibiri ebya efa,

15ne ku buli kaliga ku buli ekkumi n'obuna, ekyekkumi kimu ekya efa.

16Oweererezangako embuzi ennume emu ey'ekitambiro olw'ekibi. Bino byongereza ku kitambiro ekyokye ekya bulijjo, ko n'ekitone kyakyo eky'obuwunga era n'ekitone kyakyo eky'okuyiwa.

17“ ‘Ku lunaku olwokubiri, muweerezanga ente ennume kkumi na bbiri, endiga ennume bbiri, n'obuliga obulume kkumi na buna obw'omwaka ogumu, byonna nga tebiriiko kamogo.

18Oweererezangako ekitone eky'obuwunga n'eky'okuyiwa, ng'ebipimo bigererwa ku muwendo gw'ebisolo obungi ng'etteeka bwe ligamba.

19Oweererezangako embuzi ennume emu ey'ekitambiro olw'ekibi ng'oyongereza ku kitambiro ekyokye ekya bulijjo, ko n'ekitone kyakyo eky'obuwunga era n'ekitone kyakyo eky'okuyiwa.

20“ ‘Ku lunaku olwokusatu muweerezanga ente ennume kkumi n'emu, endiga ennume bbiri, n'obuliga obulume kkumi na buna obw'omwaka ogumu, byonna nga tebiriiko kamogo.

21Oweererezangako ekitone eky'obuwunga n'eky'okuyiwa, ng'ebipimo bigererwa ku muwendo gw'ebisolo obungi ng'etteeka bwe ligamba.

22Oweererezangako embuzi ennume emu ey'ekitambiro olw'ekibi ng'oyongereza ku kitambiro ekyokye ekya bulijjo, ko n'ekitone kyakyo eky'obuwunga era n'ekitone kyakyo eky'okuyiwa.

23“ ‘Ku lunaku olwokuna, muweerezanga ente ennume kkumi, endiga ennume bbiri, n'obuliga obulume kkumi na buna obw'omwaka ogumu, byonna nga tebiriiko kamogo.

24Oweererezangako ekitone eky'obuwunga n'eky'okuyiwa, ng'ebipimo bigererwa ku muwendo gw'ebisolo obungi ng'etteeka bwe ligamba.

25Oweererezangako embuzi ennume emu ey'ekitambiro olw'ekibi ng'oyongereza ku kitambiro ekyokye ekya bulijjo, ko n'ekitone kyakyo eky'obuwunga era n'ekitone kyakyo eky'okuyiwa.

26“ ‘Ku lunaku olwookutaano muweerezanga ente ennume mwenda, endiga ennume bbiri, n'obuliga obulume kkumi na buna obw'omwaka ogumu, byonna nga tebiriiko kamogo.

27Oweererezangako ekitone eky'obuwunga n'eky'okuyiwa, ng'ebipimo bigererwa ku bungi bw'ensolo ng'etteeka bwe ligamba.

28Oweererezangako embuzi ennume emu ey'ekitambiro olw'ekibi ng'oyongereza ku kitambiro ekyokye ekya bulijjo, ko n'ekitone kyakyo eky'obuwunga era n'ekitone kyakyo eky'okuyiwa.

29“ ‘Ku lunaku olwomukaaga muweerezanga ente ennume munaana, endiga ennume bbiri, n'obuliga obulume kkumi na buna obw'omwaka ogumu, byonna nga tebiriiko kamogo.

30Oweererezangako ekitone eky'obuwunga n'eky'okuyiwa, ng'ebipimo bigererwa ku muwendo gw'ebisolo obungi ng'etteeka bwe ligamba.

31Oweererezangako embuzi ennume emu ey'ekitambiro olw'ekibi ng'oyongereza ku kitambiro ekyokye ekya bulijjo, ko n'ekitone kyakyo eky'obuwunga era n'ekitone kyakyo eky'okuyiwa.

32“ ‘Ku lunaku olwomusanvu muweerezanga ente ennume musanvu, endiga ennume bbiri, n'obuliga obulume kkumi na buna obw'omwaka ogumu, byonna nga tebiriiko kamogo.

33Oweererezangako ekitone eky'obuwunga n'eky'okuyiwa, ng'ebipimo bigererwa ku muwendo gw'ebisolo obungi ng'etteeka bwe ligamba ku bwo.

34Oweererezangako embuzi ennume emu ey'ekitambiro olw'ekibi ng'oyongereza ku kitambiro ekyokye ekya bulijjo, ko n'ekitone kyakyo eky'obuwunga era n'ekitone kyakyo eky'okuyiwa.

35“ ‘Ku lunaku olwomunaana mukolanga olukuŋŋaana olw'ekitiibwa; temukolerangako mulimu gwonna muzito.

36Muweerezanga Omukama ekitambiro ekiwonge n'omuliro, akawoowo akasanyusa, ekitambiro ekyokye eky'ente ennume emu, n'endiga ennume emu, n'obuliga obulume musanvu obw'omwaka ogumu, byonna nga tebiriiko kamogo.

37Ku buli nte nnume, ku buli ndiga nnume, ne ku buli kaliga akalume, muweererezangako ekitone eky'obuwunga n'ekitone eky'okuyiwa, ng'ebipimo bigererwa ku muwendo gw'ebisolo obungi ng'etteeka bwe ligamba.

38Oweererezangako embuzi ennume ey'ekitambiro olw'ekibi, ng'oyongereza ku kitambiro ekyokye ekya bulijjo, ko n'ekitone kyakyo eky'obuwunga era n'ekitone kyakyo eky'okuyiwa.

39“ ‘Ebyo mubiweerezanga Omukama ku mbaga zammwe eziragiddwa, kwe kugamba, ebitambiro byammwe ebyokye, ebitone eby'obuwunga, ebitone eby'okuyiwa, n'ebitambiro eby'okussa ekimu, nga mugatta ku bweyamo bwammwe n'ebitambiro byammwe ebyeyagalire.’ ”

← Chapter 28 Jump to: Chapter 30 →