Numbers 7 — Luganda (BIBU1) (BIBULIYA ENTUKUVU)

1Musa bwe yamaliriza Ekisulo n'akiyimirizaawo, yakisiiga omuzigo n'akitukuza n'ebyamu byonna. Yasiiga omuzigo n'atukuza omwaliiro n'ebigukozesebwako byonna.

2Ku olwo abakulu mu Yisirayeli, abakulu b'ennyumba za bajjajjaabwe n'emitwe gy'ebika by'abaali babaliddwa, baaleeta ebitone.

3Baatonera Omukama ebigaali mukaaga ebizimbiddwa, ko ente ezibisika kkumi na bbiri. Abakulu babiri baaleeta ekigaali kimu, ate buli omu yaleeta ente emu emu. Bano baabireeta mu maaso g'Ekisulo.

4Omukama n'agamba Musa nti:

5“Bikkirize obibaggyeko, bikole ku mulimu gw'omu Weema ey'Ensisinkano; bikwase Abaleevi ng'ogerera ku mirimu gyabwe kye gibeetaagisa.”

6Musa n'akwata ebigaali n'ente n'abiwa Abaleevi;

7ebigaali bibiri n'ente nnya yabiwa Abagerusoni ng'agerera ku mirimu gyabwe kye gibeetaagisa.

8Ebigaali ebirala ebina n'ente omunaana n'abiwa aba Merari ng'agerera ku mirimu gyabwe kye gibeetaagisa. Bano baali bakulirwa Yitamari mutabani wa Aroni kabona.

9Aba Kewati teyabawa bigaali na nte kubanga ebitukuvu bye baalinako obuvunaanyizibwa baali ba kubyetikkanga ku bibegabega byabwe.

10Abakulembeze baaleeta ebitone byabwe ku lw'okutukuza omwaliiro, ku lunaku lwe gwasiigibwa omuzigo, ne babireeta mu maaso g'omwaliiro.

11Omukama yali agambye Musa nti: “Abakulembeze baleete buli omu ku lunaku lwawufu ekitone olw'okutukuza omwaliiro.”

12Eyaleeta ekitone kye ku lunaku olusooka yali Nakusoni mutabani wa Amminadabu, ow'omu kika kya Yuda, yaleeta ekitone kye.

13Ekitone kye kyalimu essowaani eya ffeeza ezitowa sekeli kikumi mu asatu, n'ekibya ekya ffeeza eky'okukozesa mu kumansira ekizitowa sekeli nsanvu, ku byombi ng'ogerera ku sekeli ey'omu Kitukuvu; byombi nga bijjudde obuwunga obukuŋŋunte obulungi obutabuddwamu omuzigo, olw'ekitone eky'obuwunga,

14ekijiiko ekya zaabu ekisena obubaani ekizitowa sekeli kkumi, nga kijjudde obubaani,

15ente ennume ento, endiga ennume emu, n'akaliga akalume kamu akawezezza omwaka, ku lw'ekitambiro ekyokye;

16embuzi ennume emu olw'ekitambiro olw'ekibi;

17ente ennume bbiri, endiga ennume ttaano, embuzi ennume ttaano, n'obuliga obulume butaano obuwezezza omwaka, olw'ekitambiro eky'okussa ekimu. Ebyo bye byali mu kitone kya Nakusoni mutabani w'Amminadabu kye yaleeta.

18Ku lunaku olwokubiri Netaneli mutabani wa Zuwari, omukulu w'ekika kya Yissakari, yaleeta ekitone kye.

19Ekitone kye kyalimu essowaani eya ffeeza ezitowa sekeli kikumi mu asatu, n'ekibya ekya ffeeza eky'okukozesa mu kumansira ekizitowa sekeli nsanvu, ku byombi ng'ogerera ku sekeli ey'omu Kitukuvu; byombi nga bijjudde obuwunga obukuŋŋunte obulungi obutabuddwamu omuzigo, olw'ekitone eky'obuwunga,

20ekijiiko ekya zaabu ekisena obubaani ekizitowa sekeli kkumi, nga kijjudde obubaani,

21ente ennume ento, endiga ennume emu, n'akaliga akalume kamu akawezezza omwaka, ku lw'ekitambiro ekyokye;

22embuzi ennume emu olw'ekitambiro olw'ekibi;

23ente ennume bbiri, endiga ennume ttaano, embuzi ennume ttaano, n'obuliga obulume butaano obuwezezza omwaka, olw'ekitambiro eky'okussa ekimu. Ebyo bye byali mu kitone kya Netaneli mutabani wa Zuwari kye yaleeta.

24Ku lunaku olwokusatu Eliyabu mutabani wa Keloni, omukulu w'abazzukulu ba Zebuluni, yaleeta ekitone kye.

25Ekitone kye kyalimu essowaani eya ffeeza ezitowa sekeli kikumi mu asatu, n'ekibya ekya ffeeza eky'okukozesa mu kumansira ekizitowa sekeli nsanvu, ku byombi ng'ogerera ku sekeli ey'omu Kitukuvu; byombi nga bijjudde obuwunga obukuŋŋunte obulungi obutabuddwamu omuzigo, olw'ekitone eky'obuwunga,

26ekijiiko ekya zaabu ekisena obubaani ekizitowa sekeli kkumi, nga kijjudde obubaani,

27ente ennume ento, endiga ennume emu, n'akaliga akalume kamu akawezezza omwaka, ku lw'ekitambiro ekyokye;

28embuzi ennume emu olw'ekitambiro olw'ekibi;

29ente ennume bbiri, endiga ennume ttaano, embuzi ennume ttaano, n'obuliga obulume butaano obuwezezza omwaka, olw'ekitambiro eky'okussa ekimu. Ebyo bye byali mu kitone kya Eliyabu mutabani wa Keloni kye yaleeta.

30Ku lunaku olwokuna Elizuri mutabani wa Sedewuri, omukulu w'abazzukulu ba Rubeni, yaleeta ekitone kye.

31Ekitone kye kyalimu essowaani eya ffeeza ezitowa sekeli kikumi mu asatu, n'ekibya ekya ffeeza eky'okukozesa mu kumansira ekizitowa sekeli nsanvu, ku byombi ng'ogerera ku sekeli ey'omu Kitukuvu; byombi nga bijjudde obuwunga obukuŋŋunte obulungi obutabuddwamu omuzigo, olw'ekitone eky'obuwunga,

32ekijiiko ekya zaabu ekisena obubaani ekizitowa sekeli kkumi, nga kijjudde obubaani,

33ente ennume ento, endiga ennume emu, n'akaliga akalume kamu akawezezza omwaka, ku lw'ekitambiro ekyokye;

34embuzi ennume emu olw'ekitambiro olw'ekibi;

35ente ennume bbiri, endiga ennume ttaano, embuzi ennume ttaano, n'obuliga obulume butaano obuwezezza omwaka, olw'ekitambiro eky'okussa ekimu. Ebyo bye byali mu kitone kya Elizuri mutabani wa Sedewuri kye yaleeta.

36Ku lunaku olwookutaano Selumyeli mutabani wa Zurisaddayi, omukulu w'abazzukulu ba Simewoni, yaleeta ekitone kye.

37Ekitone kye kyalimu essowaani eya ffeeza ezitowa sekeli kikumi mu asatu, n'ekibya ekya ffeeza eky'okukozesa mu kumansira ekizitowa sekeli nsanvu, ku byombi ng'ogerera ku sekeli ey'omu Kitukuvu; byombi nga bijjudde obuwunga obukuŋŋunte obulungi obutabuddwamu omuzigo, olw'ekitone eky'obuwunga,

38ekijiiko ekya zaabu ekisena obubaani ekizitowa sekeli kkumi, nga kijjudde obubaani,

39ente ennume ento, endiga ennume emu, n'akaliga akalume kamu akawezezza omwaka, ku lw'ekitambiro ekyokye;

40embuzi ennume emu olw'ekitambiro olw'ekibi;

41ente ennume bbiri, endiga ennume ttaano, embuzi ennume ttaano, n'obuliga obulume butaano obuwezezza omwaka, olw'ekitambiro eky'okussa ekimu. Ebyo bye byali mu kitone kya Selumyeli mutabani wa Zurisaddayi kye yaleeta.

42Ku lunaku olwomukaaga Eriyaasafu mutabani wa Deweli, omukulu w'abazzukulu ba Gaadi, yaleeta ekitone kye.

43Ekitone kye kyalimu essowaani eya ffeeza ezitowa sekeli kikumi mu asatu, n'ekibya ekya ffeeza eky'okukozesa mu kumansira ekizitowa sekeli nsanvu, ku byombi ng'ogerera ku sekeli ey'omu Kitukuvu; byombi nga bijjudde obuwunga obukuŋŋunte obulungi obutabuddwamu omuzigo, olw'ekitone eky'obuwunga,

44ekijiiko ekya zaabu ekisena obubaani ekizitowa sekeli kkumi, nga kijjudde obubaani,

45ente ennume ento, endiga ennume emu, n'akaliga akalume kamu akawezezza omwaka, ku lw'ekitambiro ekyokye;

46embuzi ennume emu olw'ekitambiro olw'ekibi;

47ente ennume bbiri, endiga ennume ttaano, embuzi ennume ttaano, n'obuliga obulume butaano obuwezezza omwaka, olw'ekitambiro eky'okussa ekimu. Ebyo bye byali mu kitone kya Eriyaasafu mutabani wa Deweli kye yaleeta.

48Ku lunaku olwomusanvu Elisama mutabani wa Ammiwudi, omukulu w'abazzukulu ba Efurayimu, yaleeta ekitone kye.

49Ekitone kye kyalimu essowaani eya ffeeza ezitowa sekeli kikumi mu asatu, n'ekibya ekya ffeeza eky'okukozesa mu kumansira ekizitowa sekeli nsanvu, ku byombi ng'ogerera ku sekeli ey'omu Kitukuvu; byombi nga bijjudde obuwunga obukuŋŋunte obulungi obutabuddwamu omuzigo, olw'ekitone eky'obuwunga,

50ekijiiko ekya zaabu ekisena obubaani ekizitowa sekeli kkumi, nga kijjudde obubaani,

51ente ennume ento, endiga ennume emu, n'akaliga akalume kamu akawezezza omwaka, ku lw'ekitambiro ekyokye;

52embuzi ennume emu olw'ekitambiro olw'ekibi;

53ente ennume bbiri, endiga ennume ttaano, embuzi ennume ttaano, n'obuliga obulume butaano obuwezezza omwaka, olw'ekitambiro eky'okussa ekimu. Ebyo bye byali mu kitone kya Elisama mutabani w'Ammiwudi kye yaleeta.

54Ku lunaku olwomunaana Gamalyeli mutabani wa Pedaasuri, omukulu w'abazzukulu ba Manasse, yaleeta ekitone kye.

55Ekitone kye kyalimu essowaani eya ffeeza ezitowa sekeli kikumi mu asatu, n'ekibya ekya ffeeza eky'okukozesa mu kumansira ekizitowa sekeli nsanvu, ku byombi ng'ogerera ku sekeli ey'omu Kitukuvu; byombi nga bijjudde obuwunga obukuŋŋunte obulungi obutabuddwamu omuzigo, olw'ekitone eky'obuwunga,

56ekijiiko ekya zaabu ekisena obubaani ekizitowa sekeli kkumi, nga kijjudde obubaani,

57ente ennume ento, endiga ennume emu, n'akaliga akalume kamu akawezezza omwaka, ku lw'ekitambiro ekyokye;

58embuzi ennume emu olw'ekitambiro olw'ekibi;

59ente ennume bbiri, endiga ennume ttaano, embuzi ennume ttaano, n'obuliga obulume butaano obuwezezza omwaka, olw'ekitambiro eky'okussa ekimu. Ebyo bye byali mu kitone kya Gamalyeli mutabani wa Pedaasuri kye yaleeta.

60Ku lunaku olwomwenda Abidani mutabani wa Gidewoni, omukulu w'abazzukulu ba Benyamiini, yaleeta ekitone kye.

61Ekitone kye kyalimu essowaani eya ffeeza ezitowa sekeli kikumi mu asatu, n'ekibya ekya ffeeza eky'okukozesa mu kumansira ekizitowa sekeli nsanvu, ku byombi ng'ogerera ku sekeli ey'omu Kitukuvu; byombi nga bijjudde obuwunga obukuŋŋunte obulungi obutabuddwamu omuzigo, olw'ekitone eky'obuwunga,

62ekijiiko ekya zaabu ekisena obubaani ekizitowa sekeli kkumi, nga kijjudde obubaani,

63ente ennume ento, endiga ennume emu, n'akaliga akalume kamu akawezezza omwaka, ku lw'ekitambiro ekyokye;

64embuzi ennume emu olw'ekitambiro olw'ekibi;

65ente ennume bbiri, endiga ennume ttaano, embuzi ennume ttaano, n'obuliga obulume butaano obuwezezza omwaka, olw'ekitambiro eky'okussa ekimu. Ebyo bye byali mu kitone kya Abidani mutabani wa Gidewoni kye yaleeta.

66Ku lunaku olw'ekkumi Akiyezeri mutabani wa Ammisaddayi, omukulu w'abazzukulu ba Daani, yaleeta ekitone kye.

67Ekitone kye kyalimu essowaani eya ffeeza ezitowa sekeli kikumi mu asatu, n'ekibya ekya ffeeza eky'okukozesa mu kumansira ekizitowa sekeli nsanvu, ku byombi ng'ogerera ku sekeli ey'omu Kitukuvu; byombi nga bijjudde obuwunga obukuŋŋunte obulungi obutabuddwamu omuzigo, olw'ekitone eky'obuwunga,

68ekijiiko ekya zaabu ekisena obubaani ekizitowa sekeli kkumi, nga kijjudde obubaani,

69ente ennume ento, endiga ennume emu, n'akaliga akalume kamu akawezezza omwaka, ku lw'ekitambiro ekyokye;

70embuzi ennume emu olw'ekitambiro olw'ekibi;

71ente ennume bbiri, endiga ennume ttaano, embuzi ennume ttaano, n'obuliga obulume butaano obuwezezza omwaka, olw'ekitambiro eky'okussa ekimu. Ebyo bye byali mu kitone kya Akiyezeri mutabani w'Ammisaddayi kye yaleeta.

72Ku lunaku olw'ekkumi n'olumu Pagyeli mutabani wa Okurani, omukulu w'abazzukulu ba Aseeri, yaleeta ekitone kye.

73Ekitone kye kyalimu essowaani eya ffeeza ezitowa sekeli kikumi mu asatu, n'ekibya ekya ffeeza eky'okukozesa mu kumansira ekizitowa sekeli nsanvu, ku byombi ng'ogerera ku sekeli ey'omu Kitukuvu; byombi nga bijjudde obuwunga obukuŋŋunte obulungi obutabuddwamu omuzigo, olw'ekitone eky'obuwunga,

74ekijiiko ekya zaabu ekisena obubaani ekizitowa sekeli kkumi, nga kijjudde obubaani,

75ente ennume ento, endiga ennume emu, n'akaliga akalume kamu akawezezza omwaka, ku lw'ekitambiro ekyokye;

76embuzi ennume emu olw'ekitambiro olw'ekibi;

77ente ennume bbiri, endiga ennume ttaano, embuzi ennume ttaano, n'obuliga obulume butaano obuwezezza omwaka, olw'ekitambiro eky'okussa ekimu. Ebyo bye byali mu kitone kya Pagyeli mutabani wa Okurani kye yaleeta.

78Ku lunaku olw'ekkumi n'ebbiri Akira mutabani wa Enani, omukulu w'abazzukulu ba Nafutali, yaleeta ekitone kye.

79Ekitone kye kyalimu essowaani eya ffeeza ezitowa sekeli kikumi mu asatu, n'ekibya ekya ffeeza eky'okukozesa mu kumansira ekizitowa sekeli nsanvu, ku byombi ng'ogerera ku sekeli ey'omu Kitukuvu; byombi nga bijjudde obuwunga obukuŋŋunte obulungi obutabuddwamu omuzigo, olw'ekitone eky'obuwunga,

80ekijiiko ekya zaabu ekisena obubaani ekizitowa sekeli kkumi, nga kijjudde obubaani,

81ente ennume ento, endiga ennume emu, n'akaliga akalume kamu akawezezza omwaka, ku lw'ekitambiro ekyokye;

82embuzi ennume emu olw'ekitambiro olw'ekibi;

83ente ennume bbiri, endiga ennume ttaano, embuzi ennume ttaano, n'obuliga obulume butaano obuwezezza omwaka, olw'ekitambiro eky'okussa ekimu. Ebyo bye byali mu kitone kya Akira mutabani wa Enani kye yaleeta.

84Ebyo abakulu mu Yisirayeli bye baaleeta okutukuza omwaliiro ku lunaku lwe gwasiigibwa omuzigo: essowaani eza ffeeza kkumi na bbiri, ebibya ebya ffeeza eby'okukozesa mu kumansira kkumi na bibiri.

85Buli ssowaani yali ezitowa sekeli kikumi mu asatu, ate buli kibya eky'okukozesa mu kumansira nga kizitowa sekeli nsanvu; okukwatira awamu, ebya ffeeza nga bizitowa sekeli enkumi bbiri mu bina, ng'ogerera ku sekeli ey'omu Kitukuvu;

86ebijiiko ebisena obubaani ebya zaabu kkumi na bibiri, ebijjudde obubaani, buli kimu nga kizitowa sekeli kkumi, ng'ogeredde ku sekeli ey'omu Kitukuvu; okukwatira awamu ebijiiko ebya zaabu byazitowa sekeli kikumi mu abiri;

87ebisolo byonna awamu olw'ekitone ekyokye zaali ente ennume kkumi na bbiri, endiga ennume kkumi na bbiri, obuliga obulume obw'omwaka ogumu kkumi na bubiri, wamu n'ekitone kyakyo eky'okuyiwa; embuzi ennume kkumi na bbiri ez'ekitambiro olw'ekibi;

88ebisolo byonna awamu olw'ekitambiro eky'okussa ekimu byali ente ennume amakumi abiri mu nnya, endiga ennume nkaaga, embuzi ennume nkaaga, n'obuliga obulume obw'omwaka ogumu nkaaga. Bino bye bitone ebyaleetebwa okutukuza omwaliiro lwe gwasiigibwa omuzigo.

89Musa bwe yayingira mu Weema y'Endagaano ayogere naye, n'awulira eddoboozi eryogera nga liva wakati wa bakerubi ababiri ku Ntebe y'Obusaasizi eyali ku Sanduuku ey'Endagaano. N'ayogera naye.