bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Jeremiah 10
Jeremiah 10
Lahu Bible Edited © Thailand Bible Society and Bible Society of Myanmar, 2010, 2020.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 11 →
1
Iˉsaˍreˍlaˆ chaw hui-oˬ, Gʼuiˬsha nawˬ hui hta‸ kʼoˆ laˇ ve tawˇ hta‸ na sheˍ.
2
Yawˇ kʼoˆ ve, Lawˇ kiˍ yaˇ hui te ve hkʼe nawˬ hui taˇ te. Mvuhˇnaw ma lo awˬ heˆ teˇ ceuˬ ceuˬ hta‸ gʼa mawˬ ve pa taw, nawˬ hui nyi ma sho‸ sha‸ ve taˇ cawˬ piˇ. Shu kawˆ ve ka‸ nawˬ hui taˇ kawˆ.
3
Chaw oˇ ve teˇ hpaˍ oˉ kʼoˍ pui chehˇ ve shaˉ ho‸ lehˬ, te‸ chiˉ tcuhˉ kuiˬ maˇ cawˬ. Heh puiˉ hkʼaw lo suhˆ cehˬ teˇ cehˬ htu baˬ leh, la‸shaˉmaˉ hkʼa deh‸ kʼaw‸ gu htawˆ peuˬ hkʼaw‸ nawˉ,
4
hpu leh shi yuˬ oˍ taˍ ve yoˬ. Shaˉ ho‸ oˇ ve maˇ gʼa paiˍ tuˬ, sho cuˇ dawˆ keu taˍ ve yoˬ.
5
Chi hkʼe ve shaˉ ho‸ teˇ hpaˍ lehˬ, ngaˆ kawˆ tuˬ heh hkʼaw lo shu choˆ taˍ ve chaw awˬ ho‸ awˬ han hkʼe ceh hpeh‸ ve yoˬ. Yawˇ hui tawˇ maˇ yaw puiˉ. Ya‸ kʼaw ka‸ maˇ juˇ puiˉ ve pa taw, shu gʼa chiˇ toˇ ve yoˬ. Yawˇ hui hta‸ taˇ kawˆ. Awˬ lawn kʼo, yawˇ hui nawˬ hui hta‸ naˬ tuˬ te‸ chiˉ te laˇ maˇ gʼa. Nawˬ hui hta‸ awˬ bon htawˇ te laˇ maˇ gʼa, teh‸ Gʼuiˬsha kʼoˆ ve yoˬ.
6
Gʼuiˬsha-oˬ, nawˬ hkʼe ve chaw teˇ gʼaˇ ka‸ maˇ cawˬ. Nawˬ lehˬ kanˇ paˆ uiˍ jaˇ ve yoˬ. Nawˬ ve awˬ meh htawˇ uiˍ jaˇ mvuh jaˇ leh, awˬ me‸ awˬ hponˇ uiˍ jaˇ ve yoˬ.
7
Chaw ceuˬ hkʼa peu-eˬ ve Gʼuiˬsha-oˬ, nawˬ hta‸ maˇ yawˆ yan ve a shu teˇ gʼaˇ cawˬ le. Nawˬ lehˬ yawˆ yan keunˍ ve Gʼuiˬsha hpeh‸ ve yoˬ. Cuˇ yiˍ cawˬ ve chaw leh jawˇmawˇ teˇ hpaˍ awˬ hkʼaw lo, nawˬ hta‸ shuˍ ve chaw teˇ gʼaˇ ka‸ maˇ cawˬ.
8
Yawˇ hui hkʼa peu-eˬ, cuˇ yiˍ maˇ cawˬ leh maˇ dawˇ nyi puiˉ ve chaw hpeh‸ ve yoˬ. Suhˆ yuˬ te taˍ ve shaˉ ho‸ geh lo, yawˇ hui aˬ hto‸ ma henˇ yuˬ gʼa tuˬ le.
9
Yawˇ hui ve shaˉ ho‸ teˇ hpaˍ lehˬ, Saˍpenˍ mvuhˇmiˬ lo laˬ ve hpu leh, Uˉhaˍzaˆ mvuhˇmiˬ lo laˬ ve shi yuˬ oˍ taˍ ve yoˬ. Chi hkʼa peu-eˬ hta‸ chaw yaˇ te taˍ ve yoˬ. Yawˇ hui lehˬ, chaw yaˇ te taˍ ve nyi naˆ meuˉ lehˍ ve hpa leh nawˉ lehˍ ve hpa veu‸ deh taˍ ve yoˬ.
10
Ya‸ hkʼaˇ Gʼuiˬsha-oˬ, nawˬ lehˬ awˬ tehˬ awˬ na te‸ chehˇ ve Gʼuiˬsha hpeh‸ leh, co co taiˍ taiˍ Jawˇmawˇ hpeh‸ ve yoˬ. Nawˬ nyi ma zuhˆ ve teˇ yanˇ, miˬ hiˆ la ve yoˬ. Nawˬ nyi ma zuhˆ ve hta‸ chaw yaˇ teˇ hpaˍ hkanˍ maˇ gʼa.
11
(Miˬguiˬ leh mvuhˇ naw ma hta‸ maˇ te hpanˍ ve gʼuiˬsha teˇ hpaˍ lehˬ, te luˬ te sheˆ ve hta‸ gʼa hkanˍ tuˬ yoˬ. Yawˇ hui hta‸ miˬguiˬ hkʼoˆ teˇ kaˬ ka‸ kʼaw‸ ca mawˬ tuˬ ve maˇ heˆ, teh‸ lawˇ kiˍ yaˇ hui hta‸ kʼoˆ piˇ-oˆ.)
12
Gʼuiˬsha lehˬ, Yawˇ ve kanˇ paˆ hta‸ cuˇ leh, miˬguiˬ mvuhˇ naw ma hta‸ kʼaw‸ te hpanˍ taˍ ve yoˬ.
13
Yawˇ ve tawˇ hta‸ pa taw, mvuhˇ naw ma hkʼoˆ lo cawˬ ve iˉ kaˆ awˬ hkawˇ bvuhˬ la ve yoˬ. Miˬguiˬ hkʼoˆ cawˬ ve moˬ hta‸ Yawˇ taˆ la piˇ leh, mvuhˇ yeˬ hkʼaw mvuhˇ tiˉ po-e‸ ba piˇ lawˬ ve yoˬ. Mvuhˇ haw hta‸ htawˇ meuˆ la piˇ lawˬ ve yoˬ.
14
Awˬ ceuˬ chi teˇ hpaˍ, chaw yaˇ hta‸ anˇ leh ka kehn piˇ lawˬ ve yoˬ. Shaˉ ho‸ hta‸ te shehˍ hpaˇ teˇ hpaˍ gʼa ya‸ taw ve yoˬ. Awˬ lawn kʼo, yawˇ hui te taˍ ve shaˉ ho‸ lehˬ, awˬ tehˬ awˬ na ve Gʼuiˬsha maˇ heˆ. A sha‸ ka‸ maˇ cawˬ.
15
Yawˇ hui lehˬ, te‸ chiˉ tcuhˉ kuiˬ maˇ cawˬ ve pa taw, gʼawˆ baˬ cawˇ ve yoˬ. Gʼuiˬsha suhˉ jehˬ ve awˬ yanˇ gaˬ la htaˇ, yawˇ hui lehˬ te luˬ te sheˆ ve hta‸ gʼa hkanˍ tuˬ yoˬ.
16
Yaˍkoˆ ve Gʼuiˬsha lehˬ, yawˇ hui hkʼe maˇ heˆ. Yawˇ lehˬ, awˬ ceuˬ hkʼa peu-eˬ ve hta‸ te hpanˍ taˍ leh, Iˉsaˍreˍlaˆ chaw hui hta‸ Yawˇ ve chaw hpeh‸ la tuˬ leuˆ yuˬ taˍ ve yoˬ. Yawˇ ve awˬ meh lehˬ, Kanˇ paˆ uiˍ ve Gʼuiˬsha, hpeh‸ ve yoˬ.
17
Yeˍruˆsaˍlehnˍ venˇ yaˇ teˇ hpaˍ-oˬ, nawˬ hui hta‸ shu caw hoˆ taˍ peuˬ. Chi hta‸ pa taw, nawˬ hui ve mawˇ hta‸ hkʼa deh‸ gu taˍ-o‸.
18
Gʼuiˬsha lehˬ, nawˬ hui hta‸mvuhˇmiˬ chi ve hkʼaw gʼa‸ tawˆ laˇ tuˬ yoˬ. Nawˬ hui teˇ gʼaˇ ka‸ maˇ cawˬ taˉ htaˇ hkʼa gaˬ, Yawˇ nawˬ hui hta‸ te luˬ laˇ tuˬ yoˬ. Gʼuiˬsha chi hkʼe kʼoˆ taˍ ve yoˬ.
19
Yeˍruˆsaˍlehnˍ venˇ yaˇ teˇ hpaˍ kuˬ hawˬ leh kʼoˆ ve, Ngaˬ hui hkʼaˬ ma gʼa hkanˍ jaˇ ve le. Ngaˬ hui ve naˬ kuiˬ teˇ hpaˍ kʼaw‸ na-e la tuˬ ve maˇ heˆ. Awˬ ceuˬ chi hkʼe ve hta‸ ngaˬ hui hkanˍ gʼaˇ tuˬ yoˬ hehˉ, teh‸ dawˇ taˍ ve yoˬ.
20
Ngaˬ hui ve hpa aˉ po kʼo teˇ hpaˍ luˬ kʼai peuˬ. Aˉ caˆ hkeh htawˇ cheˆ kʼai peuˬ. Ngaˬ hui ve yaˇ teˇ hpaˍ tawˆ kʼai peuˬ. Ngaˬ hui ve aˉ po kʼo hta‸ kʼaw‸ te tuˬ ve chaw maˇ cawˬ-o. Hpa yuˬ ko paˍ ka‸ maˇ cawˬ-o, teh‸ kʼoˆ ve yoˬ.
21
Ngaˬ kʼaw‸ yaw hkʼaw‸ leh kʼoˆ piˇ ve, Ngaˬ hui ve awˬ hoˉ awˬ naˬ teˇ hpaˍ lehˬ, kʼaˍ jaˇ ve yoˬ. Gʼuiˬsha ga laˇ tuˬ ve hta‸ yawˇ hui maˇ lawˬ. Chi pa taw yawˇ hui shonˇ kʼai leh ngaˬ hui ve chaw teˇ hpaˍ gʼa hpaˆ da‸ guiˇ da‸ ve yoˬ.
22
Na sheˍ. Awˬ lawn sha tanˇ gaˬ la peuˬ. Awˬ na hpawˇ lo chehˇ ve chaw duiˆ-ehˍ shaˉ-ehˍ te chehˇ ve yoˬ. Yawˇ hui ve ma‸ yaˇ teˇ hpaˍ, Yuˇda‸ ve venˇ teˇ hpaˍ hta‸ gawˬ cu gawˬ pehˆ hpeh‸ la piˇ leh, heh hpuiˇ teˇ hpaˍ ve chehˇ kuiˬ kʼaw‸ hpeh‸ la piˇ tuˬ yoˬ, teh‸ ngaˬ yawˇ hui hta‸ kʼoˆ piˇ ve yoˬ.
23
Gʼuiˬsha-oˬ, awˬ gʼuˇ suhˍ hpawˇ hkʼaˬ hkʼe hpeh‸ la tuˬ ve hta‸ chaw teˇ gʼaˇ ka‸ shiˍ maˇ hpeh‸ ve hta‸ ngaˬ shiˍ taˍ ve yoˬ. Chaw yaˇ lehˬ, a shu yawˇ ve a sha‸ hta‸ ha‸ shaˉ maˇ gʼa.
24
Gʼuiˬsha-oˬ, nawˬ ve chaw teˇ hpaˍ hta‸ a ciˉ kʼaw‸ gu piˇ-oˆ. Ya‸ hkʼaˇ, ngaˬ hui hta‸ hehnˇ chaweh taˇ te laˇ. Nawˬ nyi ma zuhˆ ve teˇ yanˇ, ngaˬ hui hta‸ a ciˉ taˇ ciˍ yanˍ laˇ-oˆ. Oˇ hkʼe te laˇ ve kʼo, ngaˬ hui suh-e peuˬ tuˬ yoˬ.
25
Nawˬ nyi ma zuhˆ ve teˇ ceuˬ, nawˬ hta‸ oˉ kʼoˍ maˇ pui ve chaw leh, nawˬ hta‸ chiˇ baˬ ve chaw hui awˬ hkʼoˆ lo gaˬ la piˇ-oˆ. Yawˇ hui lehˬ, nawˬ ve chaw teˇ hpaˍ hta‸ tiˇ pehˍ piˇ peuˬ. Yawˇ hui ngaˬ hui hta‸ te luˬ te sheˆ laˇ leh, ngaˬ hui ve venˇ teˇ hpaˍ hta‸ htawˇ te luˬ taˉ laˇ ve yoˬ.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 11 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52