bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Jeremiah 36
Jeremiah 36
Lahu Bible Edited © Thailand Bible Society and Bible Society of Myanmar, 2010, 2020.
← Chapter 35
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 37 →
1
Yuˇda‸ mvuhˇmiˬ hta‸ Yawˇsiˆ ve yaˇ Yawˇyaˍkenˍ uˉ peunˍ chehˇ ve awˇ hkʼaw‸ teˇ hkʼaw‸ gaˬ htaˇ, Gʼuiˬsha ngaˬ hta‸ chi hkʼe kʼoˆ laˇ ve yoˬ.
2
Iˉsaˍreˍlaˆ leh Yuˇda‸ chaw hui awˬ lawn ngaˬ nawˬ hta‸ kʼoˆ piˇ taˍ ve tawˇ hkʼa peu-eˬ, li‸ daw teˇ maˬ awˬ hkʼaw lo hkʼa deh‸ bvuh‸ keu taˍ-o‸. Yawˇsiˆ jawˇmawˇ te chehˇ htaˇ, ngaˬ nawˬ hta‸ tawˇ tanˬ yaw piˇ ve teˇ nyi hta‸ te leh, ya‸ nyi hkʼa gaˬ, ngaˬ nawˬ hta‸ hkʼa kʼoˆ laˇ taˍ ve tawˇ hkʼa peu-eˬ bvuh‸ keu taˍ-o‸.
3
Ngaˬ Yuˇda‸ chaw hui hta‸ ciˍ yanˍ piˇ tuˬ kʼoˆ taˍ ve tawˇ teˇ hpaˍ hta‸ yawˇ hui gʼa kaˇ ve teˇ yanˇ, yawˇ hui venˇbaˆ dawˇ hpfuhˆ tuˬ naˍ maˇ shiˍ. Yawˇ hui oˇ hkʼe venˇbaˆ dawˇ hpfuhˆ ve kʼo, ngaˬ yawˇ hui ve venˇbaˆ hta‸ hpehˇ piˇ tuˬ yoˬ, teh‸ ngaˬ hta‸ kʼoˆ laˇ ve yoˬ.
4
Hkʼe te leh, ngaˬ lehˬ Neˍriˆ ve yaˇ Baˍruˆ hta‸ kuˬ yuˬ leh, Gʼuiˬsha ngaˬ hta‸ hkʼa kʼoˆ laˇ ve tawˇ hkʼa peu-eˬ yawˇ hta‸ bvuh‸ keu tcuh ve yoˬ. Baˍruˆ lehˬ, Gʼuiˬsha ve tawˇ oˇ ve hkʼa peu-eˬ hta‸ li‸ daw teˇ maˬ awˬ hkʼaw lo bvuh‸ keu taˍ ve yoˬ.
5
Oˇ hkʼe te peuˬ hkʼaw‸ nawˉ, Baˍruˆ hta‸ ngaˬ chi hkʼe kʼoˆ piˇ ve yoˬ. Shu ngaˬ hta‸ bon yehˬ lo kʼai tuˬ, a hkaw-anˬ maˇ pe‸ laˇ-o.
6
Awˬ hkʼaw‸ nawˉ teˇ pawˆ chaw yaˇ teˇ hpaˍ caˇ tuˬ ce ve awˬ yanˇ gaˬ htaˇ, ngaˬ nawˬ hta‸ oˇ kaˬ lo kʼai piˇ lawˬ gaˇ ve yoˬ. Li‸ daw chi hta‸ yuˬ veu leh, oˇ kaˬ lo chehˇ taˍ ve chaw teˇ hpaˍ hta‸ awˬ hkawˇ bvuhˬ chaweh gʼaw maˍ piˇ-oˆ.
7
Nawˬ oˇ hkʼe te ve kʼo, yawˇ hui Gʼuiˬsha geh bon lawˬ leh, a shu yawˇ ve venˇbaˆ dawˇ hpfuhˆ tuˬ naˍ, maˇ shiˍ. Awˬ lawn kʼo, Gʼuiˬsha lehˬ, nyi ma zuhˆ jaˇ ve awˬ hkʼaw lo chaw chi teˇ hpaˍ hta‸ ciˍ yanˍ piˇ tuˬ kʼoˆ taˍ peuˬ, teh‸ Baˍruˆ hta‸ kʼoˆ piˇ ve yoˬ.
8
Hkʼe te leh, Baˍruˆ lehˬ ngaˬ kʼoˆ piˇ taˍ ve hkʼe, bon yehˬ lo kʼai leh li‸ oˇ ve ca gʼaw maˍ piˇ ve yoˬ.
9
Yuˇda‸ mvuhˇmiˬ hta‸ Yawˇyaˍkenˍ uˉ peunˍ chehˇ ve ngaˇ hkʼaw‸ teˇ hkʼaw‸, ha pa kʼawˇ maˬ teˇ maˬ htaˇ chaw yaˇ teˇ hpaˍ lehˬ caˇ tuˬ ce leh pawehˇ te tuˬ Yeˍruˆsaˍlehnˍ venˇ lo hpawnˬ laˬ ve yoˬ.
10
Chaw oˇ ve teˇ hpaˍ caˇ tuˬ ce chehˇ htaˇ, Baˍruˆ lehˬ Shaˍhpanˍ ve yaˇ, ceˇ leˇ lonˉ Geˍmaˍriˆ ve bawehˇ hkʼaw chehˇ taˍ leh, li‸ oˇ ve hta‸ gʼaw maˍ piˇ ve yoˬ. Bawehˇ oˇ ve lehˬ, bon yehˬ hkʼaw lo‸-e ve yehˬmiˉhpe‸ paˇ lo cawˬ ve yoˬ.
11
Shaˍhpanˍ ve awˬ hawehˍ, Geˍmaˍriˆ ve yaˇ, Miˆhkaˍyaˆ lehˬ, Baˍruˆ gʼaw chehˇ ve Gʼuiˬsha ve tawˇ hta‸ gʼa kaˇ ve yoˬ.
12
Hkʼe te leh, yawˇ hawˉ yehˬ lo kʼai leh, a ma‸ lonˉ teˇ hpaˍ jehˬ da‸ chehˇ ve ceˇ leˇ lonˉ ve bawehˇ hkʼaw lo‸-e ve yoˬ. Ceˇ leˇ lonˉ Eˇliˆshaˍmaˍ, Shaˍmaˍ yaˆ ve yaˇ Daˍlaˍyaˆ, Aˍhkaˍbawˇ ve yaˇ Eˇlaˍnaˍtanˍ, Shaˍhpanˍ ve yaˇ Geˍmaˍriˆ, Haˍnaˍniˆ ve yaˇ Zeˍdaˍkiˆ leh awˬ nu ve a ma‸ lonˉ teˇ hpaˍ oˇ kaˬ lo chehˇ taˍ ve yoˬ.
13
Miˆhkaˍyaˆ lehˬ, yawˇ gʼa kaˇ taˉ ve Gʼuiˬsha ve tawˇ oˇ ve hkʼa peu-eˬ yawˇ hui hta‸ kʼoˆ maˍ piˇ ve yoˬ.
14
Oˇ htaˇ, a ma‸ lonˉ oˇ ve teˇ hpaˍ lehˬ, Kuˇshiˆ, Sheˍlaˍmiˆ, Naˍtaˍniˆ hui ve awˬ ceuˬ awˬ hkʼaˇ, Yeˍhuˇdiˆ hta‸ Baˍruˆ geh kʼai tcuh leh li‸ oˇ ve hta‸ ca yuˬ tcuh ve yoˬ. Hkʼe te leh, Baˍruˆ li‸ oˇ ve yawˇ hui geh yuˬ laˬ ve yoˬ.
15
Oˇ htaˇ, a ma‸ lonˉ oˇ ve teˇ hpaˍ lehˬ, Mui taˍ leh li‸ oˇ ve ngaˬ hui hta‸ gʼaw maˍ laˇ-oˆ, teh‸ Baˍruˆ hta‸ kʼoˆ piˇ ve yoˬ. Hkʼe te leh, Baˍruˆ yawˇ hui hta‸ gʼaw maˍ piˇ ve yoˬ.
16
Li‸ oˇ ve hta‸ gʼaw peuˬ ve teˇ yanˇ, kawˆ jaˇ ve awˬ hkʼaw lo yawˇ hui teˇ gʼaˇ hta‸ teˇ gʼaˇ nyi da‸ sheˬ leh, Li‸ chi jawˇmawˇ hta‸ gʼa ca yuˬ maˍ piˇ tuˬ yoˬ, teh‸ kʼoˆ ve yoˬ.
17
Peuˬ hkʼaw‸ nawˉ, yawˇ hui Baˍruˆ hta‸ na nyi leh kʼoˆ ve, Tawˇ chi teˇ hpaˍ nawˬ hkʼaˬ lo gʼa ve ngaˬ hui hta‸ a ciˉ hto laˇ-oˆ. Yeˍraˍmiˆ nawˬ hta‸ kʼoˆ maˍ laˇ ve laˇ, teh‸ Baˍruˆ hta‸ na nyi ve yoˬ.
18
Baˍruˆ kʼaw‸ yaw hkʼaw‸ leh kʼoˆ ve, Yeˍraˍmiˆ ngaˬ hta‸ kʼoˆ maˍ laˇ leh ngaˬ bvuh‸ keu taˍ ve yoˬ, teh‸ kʼoˆ piˇ ve yoˬ.
19
Oˇ htaˇ yawˇ hui lehˬ, Yeˍraˍmiˆ nawˬ huiˉ maˬ ca va‸ taˍ-o‸. Nawˬ huiˉ maˬ hkʼaˬ lo ca va‸ taˍ ve chaw teˇ gʼaˇ hta‸ ka‸ taˇ shiˍ tcuh, teh‸ Baˍruˆ hta‸ kʼoˆ piˇ ve yoˬ.
20
A ma‸ lonˉ oˇ ve teˇ hpaˍ lehˬ, li‸ daw oˇ ve hta‸ ceˇ leˇ lonˉ Eˇliˆshaˍmaˍ ve bawehˇ hkʼaw teh taˉ leh, jawˇmawˇ ve hawˉ yehˬ lo kʼai ve yoˬ. Yawˇ hui jawˇmawˇ hta‸ awˬ lawn oˇ ve hkʼa peu-eˬ hto piˇ ve yoˬ.
21
Oˇ htaˇ, jawˇmawˇ lehˬ Yeˍhuˇdiˆ hta‸ li‸ oˇ ve ca yuˬ tcuh ve yoˬ. Yeˍhuˇdiˆ lehˬ, li‸ oˇ ve hta‸ yuˬ veu laˇ leh jawˇmawˇ hta‸ gʼaw maˍ piˇ ve yoˬ.
22
Awˬ yanˇ oˇ ve lehˬ, mvuhˇ kaˆ yanˇ hpeh‸ ve pa taw, jawˇmawˇ lehˬ aˬ miˍ paˇ lo mui chehˇ ve yoˬ.
23
Yeˍhuˇdiˆ li‸ gʼaw chehˇ ve shehˆ awˇ taw hkʼe peuˬ kʼai ve teˇ yanˇ, jawˇmawˇ lehˬ li‸ oˇ ve hta‸ shawˆ cheˆ leh aˬ miˍ hkʼaw baˬ keu ve yoˬ. Hkʼe te leh, li‸ oˇ ve teˇ daw hkʼa peu-eˬ aˬ miˍ to‸ baˬ sheˬ ve yoˬ.
24
Jawˇmawˇ leh oˇ kaˬ lo hkʼa chehˇ taˍ ve chaw teˇ gʼaˇ ka‸ kawˆ leh dawˇ haˍ ve nyi ma maˇ cawˬ.
25
Eˇlaˍnaˍtanˍ, Deˍlaˍyaˆ, leh Geˍmaˍriˆ hui lehˬ, li‸ oˇ ve hta‸ aˬ miˍ maˇ gʼa tuˉ baˬ tuˬ jawˇmawˇ hta‸ lawˬ hkawˉ ve htawˇ yawˇ maˇ na.
26
Oˇ ve hkʼaw‸ nawˉ, jawˇmawˇ lehˬ ngaˬ awˬ to leh ngaˬ ve ceˇ leˇ Baˍruˆ hta‸ hpeh yuˬ tuˬ, Yeˍraˍmaˍlaˆ, Aˍzaˍreˍlaˆ ve yaˇ Seˍraˍyaˆ, Aˍbaˍdeˍlaˆ ve yaˇ Sheˍlaˍmiˆ hui hta‸ tawˇ piˇ ve yoˬ. Ya‸ hkʼaˇ, Gʼuiˬsha ngaˬ huiˉ maˬ hta‸ yuˬ taˍ laˇ ve yoˬ.
27
Li‸ daw oˇ ve hta‸ jawˇmawˇ Yawˇyaˍkenˍ aˬ miˍ tuˉ baˬ peuˬ hkʼaw‸ nawˉ,
28
li‸ daw awˬ suhˉ teˇ maˬ kʼaw‸ yuˬ leh, awˬ lawn oˇ ve teˇ hpaˍ hkʼa peu-eˬ kʼaw‸ bvuh‸ keu tuˬ, Gʼuiˬsha ngaˬ hta‸ kʼoˆ laˇ ve yoˬ.
29
Jawˇmawˇ hta‸ chi hkʼe ca kʼoˆ piˇ tuˬ Gʼuiˬsha ngaˬ hta‸ kʼoˆ laˇ ve yoˬ. Nawˬ lehˬ, li‸ daw oˇ ve hta‸ aˬ miˍ tuˉ baˬ peuˬ. Awˬ lawn kʼo, li‸ oˇ ve awˬ hkʼaw lo Baˍbuˍlonˍ jawˇmawˇ venˇ chi hta‸ te luˬ leh, venˇ yaˇ teˇ hpaˍ hta‸ tiˇ pehˍ tuˬ bvuh‸ taˍ ve pa taw, nawˬ aˬ miˍ tuˉ baˬ ve yoˬ.
30
Chi beu‸ jawˇmawˇ Yawˇyaˍkenˍ nawˬ hta‸, ngaˬ Gʼuiˬsha chi hkʼe kʼoˆ laˇ ve yoˬ. Nawˬ ve awˬ ceuˬ awˬ hkʼaˇ teˇ gʼaˇ ka‸, Daˍviˆ ve mvuhˇmiˬ hta‸ gʼa kʼaw‸ uˉ peunˍ tuˬ ve maˇ heˆ. Suh taˍ ve nawˬ ve awˬ to hta‸ shu gʼawˆ baˬ leh, mvuhˇ cha chiˆ ve leh ciˍ gʼuiˬ nehˆ ve hta‸ gʼa hkanˍ tuˬ yoˬ.
31
Nawˬ hui venˇbaˆ te peuˬ ve pa taw, nawˬ leh nawˬ ve awˬ ceuˬ awˬ hkʼaˇ teˇ hpaˍ hta‸ maˇ kʼoˆ, nawˬ ve a ma‸ lonˉ teˇ hpaˍ hta‸ maˇ kʼoˆ, ngaˬ ciˍ yanˍ tuˬ yoˬ. Nawˬ hui leh Yuˇda‸ chaw teˇ hpaˍ ngaˬ shaˍ ti‸ piˇ ve tawˇ hta‸ maˇ na yuˬ. Chi hta‸ pa taw, ngaˬ kʼoˆ taˍ peuˬ ve kawˆ tuˬ dawˇ haˍ tuˬ awˬ ceuˬ, nawˬ hui awˬ hkʼoˆ lo gaˬ la piˇ tuˬ yoˬ, teh‸ Gʼuiˬsha kʼoˆ ve yoˬ.
32
Oˇ ve hkʼaw‸ nawˉ, Baˍruˆ hta‸ ngaˬ awˬ nu ve li‸ teˇ kʼoˆ kʼaw‸ piˇ leh, Gʼuiˬsha kʼoˆ laˇ ve tawˇ hkʼa peu-eˬ bvuh‸ keu tcuh ve yoˬ. Hkʼe te leh, yawˇ lehˬ ponˬ laˬ htaˇ teˇ pawˆ hkʼa shuˍ, ngaˬ kʼoˆ piˇ ve Gʼuiˬsha ve tawˇ hkʼa peu-eˬ hta‸ bvuh‸ keu taˍ ve yoˬ.
← Chapter 35
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 37 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52