bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Jeremiah 13
Jeremiah 13
Lahu Bible Edited © Thailand Bible Society and Bible Society of Myanmar, 2010, 2020.
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 14 →
1
Gʼuiˬsha ngaˬ hta‸ aˉ po‸ teˇ hkʼoˆ ca vuiˬ deh tcuh laˇ ve yoˬ. Ya‸ hkʼaˇ, aˉ po‸ oˇ ve hta‸ taˇ tsuhˇ, teh‸ yawˇ ngaˬ hta‸ kʼoˆ laˇ ve yoˬ.
2
Hkʼe te leh, ngaˬ kʼai leh aˉ po‸ teˇ hkʼoˆ ca vuiˬ deh ve yoˬ.
3
Oˇ htaˇ, Gʼuiˬsha ngaˬ hta‸ tawˇ teˇ pawˆ kʼaw‸ yaw laˇ leh kʼoˆ ve,
4
Uˉhpaˍraˆ iˉ kaˆ lawˬ lo kʼai leh, nawˬ ve aˉ po‸ hta‸ haˉ kʼoˍ hkʼaw ca faˉ taˍ-o‸, teh‸ kʼoˆ laˇ ve yoˬ.
5
Hkʼe te leh, ngaˬ aˉ po‸ oˇ ve hta‸ Uˉhpaˍraˆ iˉ kaˆ lawˬ paˇ lo ca faˉ taˍ ve yoˬ.
6
Oˇ ve hkʼaw‸ nawˉ maˇ maw maw, Gʼuiˬsha lehˬ, Uˉhpaˍraˆ iˉ kaˆ lawˬ paˇ lo faˉ taˍ ve ngaˬ ve aˉ po‸ hta‸ ca kʼaw‸ yuˬ hkʼaw‸ tuˬ kʼoˆ laˇ ve yoˬ.
7
Aˉ po‸ faˉ taˍ kuiˬ lo ngaˬ kʼai leh ca kʼaw‸ nyi htaˇ, aˉ po‸ oˇ ve luˬ kʼai peuˬ ve hta‸ gʼa mawˬ ve yoˬ.
8
Oˇ htaˇ, Gʼuiˬsha ngaˬ hta‸ tawˇ teˇ pawˆ kʼaw‸ yaw laˇ ve yoˬ.
9
Yawˇ kʼoˆ ve, Chi ve lehˬ, Yuˇda‸ chaw leh Yeˍruˆsaˍlehnˍ venˇ yaˇ hui nyi ma uiˍ ve mvuh ve hta‸ ngaˬ hkʼaˬ hkʼe te ciˍ yanˍ piˇ tuˬ ve awˬ heˆ hpeh‸ ve yoˬ.
10
Haiˬ ve chaw chi teˇ hpaˍ lehˬ, ngaˬ ve tawˇ hta‸ maˇ na yuˬ. Yawˇ hui lehˬ, ponˬ laˬ htaˇ hkʼe haiˬ chehˇ sheˍ leh, awˬ kaˍ awˬ nu ve gʼuiˬsha teˇ hpaˍ hta‸ oˉ kʼoˍ pui chehˇ ve yoˬ. Chi hta‸ pa taw, chaw chi teˇ hpaˍ lehˬ, luˬ kʼai peuˬ ve aˉ po‸ chi ve hkʼa shuˍ hpeh‸ la tuˬ yoˬ.
11
Aˉ po‸ lehˬ, chaw yaˇ hta‸ hkʼa hawehˍ tawˉ taˍ ve hkʼe, Iˉsaˍreˍlaˆ chaw leh Yuˇda‸ chaw teˇ hpaˍ htawˇ, ngaˬ hta‸ hkʼa hawehˍ hpeh‸ chehˇ tuˬ ve hta‸ ngaˬ dawˇ taˍ ve yoˬ. Ngaˬ chi hkʼe te taˍ ve lehˬ, yawˇ hui ngaˬ ve chaw hpeh‸ leh, ngaˬ ve awˬ meh hta‸ chiˇ uiˍ chiˇ mvuh tuˬ awˬ pon hpeh‸ ve yoˬ. Ya‸ hkʼaˇ, yawˇ hui ngaˬ ve tawˇ hta‸ maˇ na yuˬ, teh‸ Gʼuiˬsha kʼoˆ ve yoˬ.
12
Gʼuiˬsha ngaˬ hta‸ chi hkʼe kʼoˆ laˇ ve yoˬ. Yeˍraˍmiˆ-oˬ, a pehˉ meuˇ gʼuiˬ keu tuˬ ve je‸ mu‸ hkʼu lehˬ, a pehˉ meuˇ gʼuiˬ hkʼa biˇ cawˬ cawˇ ve yoˬ, teh‸ ngaˬ ve chaw teˇ hpaˍ hta‸ ca kʼoˆ piˇ-oˆ. A pehˉ meuˇ gʼuiˬ keu kuiˬ je‸ mu‸ hkʼu lehˬ, a pehˉ meuˇ gʼuiˬ hkʼa biˇ cawˬ cawˇ ve hta‸ ngaˬ hui shiˍ taˍ ve yoˬ, teh‸ yawˇ hui kʼaw‸ yaw hkʼaw‸ laˇ tuˬ yoˬ.
13
Daˍviˆ ve awˬ ceuˬ awˬ hkʼaˇ jawˇmawˇ teˇ hpaˍ, paw hkuˇ, tcuh kaˍ paˍ teˇ hpaˍ hta‸ tanˬ leh, Yeˍruˆsaˍlehnˍ venˇ yaˇ hkʼa peu-eˬ ve hta‸ bvuhˆ suh-e htaˇ hkʼa gaˬ ngaˬ a pehˉ meuˇ gʼuiˬ taw piˇ tuˬ yoˬ, teh‸ yawˇ hui hta‸ kʼoˆ piˇ-oˆ.
14
Oˇ ve hkʼaw‸ nawˉ, je‸ mu‸ hkʼu teˇ maˬ leh teˇ maˬ juˆ da‸ leh hkoˇ-e ve hkʼe, chaw mawˇ yaˇ ehˉ hkʼa peu-eˬ ve hta‸ ngaˬ dawˆ hkoˇ piˇ tuˬ yoˬ. A ciˉ ka‸ ha kʼaˉ piˇ tuˬ ve maˇ heˆ, teh‸ kʼoˆ ve yoˬ.
15
Iˉsaˍreˍlaˆ chaw hui-oˬ, Gʼuiˬsha kʼoˆ taˍ peuˬ. Nyi ma nuˇnuˇ nehˬ nehˬ te leh, Yawˇ ve tawˇ hta‸ na yuˬ-o‸.
16
Naˆ ho‸ jaˇ la leh hkʼaw hkʼoˆ lo nawˬ hui hkui htiˇ maˇ gʼa poˬ paiˍ sheˍ gʼuˇ suhˍ, nawˬ hui dawˇ law chehˇ ve awˬ gʼeuˆ maˇ naˆ ho‸ kʼai sheˍ gʼuˇ suhˍ, nawˬ hui ve Jawˇmawˇ Gʼuiˬsha hta‸ yawˆ yan-o.
17
Nawˬ hui maˇ na yuˬ ve kʼo, nawˬ hui nyi ma uiˍ ve mvuh ve awˬ pon baˬ kuiˬ lo ngaˬ hawˬ tuˬ yoˬ. Ngaˬ gʼaˇ hte‸ hawˬ leh mehˆ gʼuiˬ ya‸ la tuˬ yoˬ. Awˬ lawn kʼo, Gʼuiˬsha ve chaw teˇ hpaˍ shu ve mvuhˇmiˬ lo hpeh kʼai ve hta‸ gʼa hkanˍ peuˬ.
18
Gʼuiˬsha ngaˬ hta‸ kʼoˆ laˇ ve, Kʼaw jaw hkʼoˆ lo mui chehˇ ve jawˇmawˇ leh yawˇ ve awˬ e hta‸ kʼaw jaw hkʼoˆ ya‸ la tuˬ kʼoˆ piˇ-oˆ. Awˬ lawn kʼo, yawˇ hui hkʼawˆ taˍ ve shi uˉ tcuhˍ ce kʼai peuˬ.
19
Yuˇda‸ mvuhˇmiˬ awˬ hawˉ teˇ tawn lo cawˬ ve venˇ teˇ hpaˍ hta‸ shu hoˆ zuhˇ taˍ peuˬ. Chaw teˇ gʼaˇ ka‸ yawˇ hui geh kʼai maˇ gaˬ. Yuˇda‸ chaw hkʼa peu-eˬ hta‸ shu ve mvuhˇmiˬ lo hpeh kʼai peuˬ, teh‸ ngaˬ hta‸ kʼoˆ laˇ ve yoˬ.
20
Yeˍruˆsaˍlehnˍ venˇ-oˬ, nyi loˬ. Nawˬ hui ve canˇ paˍ teˇ hpaˍ lehˬ, awˬ na hpawˇ lo ya‸ la chehˇ ve yoˬ. Nawˬ hta‸ nyi ha‸ shaˉ tcuh taˍ ve nawˬ ve chaw teˇ hpaˍ hkʼaˬ lo le.
21
Nawˬ ve awˬ chawˇ hpeh‸ ve yoˬ, teh‸ nawˬ dawˇ taˍ ve chaw hui nawˬ hta‸ bawˆ gʼaˇ leh uˉ peunˍ laˇ ve kʼo, nawˬ hkʼaˬ hkʼe kʼoˆ tuˬ le. Nawˬ lehˬ, yaˇ paw tuˬ naˬ chehˇ ve yaˇ miˇ hkʼa shuˍ gʼa hkanˍ jaˇ tuˬ yoˬ.
22
Aˬ hto‸ ma pa taw, ngaˬ ve veu‸ kʼaˇ tzuh‸ kʼai leh, shu hkʼa mvuhˇ hkʼa na te laˇ ve hta‸ ngaˬ gʼa hkanˍ ve le, teh‸ nawˬ na nyi gaˇ tuˬ yoˬ. Chi hkʼe hpeh‸ la ve lehˬ, nawˬ venˇbaˆ uiˍ jaˇ ve pa taw yoˬ.
23
Awˬ shaˍ naˆ ve chaw lehˬ, hpu la tuˬ te gʼa-aw laˇ. Laˇ teˇ ceuˬ htawˇ, yawˇ ve awˬ mvuh ga‸-ehˍ ve hta‸ kʼaw‸ pa gʼa-aw laˇ. Oˇ ve hkʼa shuˍ, nawˬ hui haiˬ ve kanˉ hta‸ tiˉ te chehˇ ve chaw lehˬ, da‸ ve kanˉ hta‸ te gʼa-aw laˇ.
24
Suhˆ hpa‸ hta‸ mvuhˇ haw meuˆ baˬ ve hkʼe, Gʼuiˬsha nawˬ hui hta‸ hpaˆ da‸ kʼai piˇ lawˬ ve yoˬ.
25
Chi hkʼe hpeh‸ la tuˬ yoˬ, teh‸ Yawˇ kʼoˆ taˍ peuˬ. Nawˬ hui Yawˇ hta‸ chiˇ baˬ leh, awˬ kaˍ awˬ nu gʼuiˬsha teˇ hpaˍ hta‸ oˉ kʼoˍ pui ve pa taw, Yawˇ nawˬ hui hta‸ chi hkʼe te laˇ tuˬ dawˇ cheˆ taˍ peuˬ.
26
Gʼuiˬsha lehˬ, nawˬ hui ve veu‸ kʼaˇ hta‸ kʼehˆ baˬ leh, nawˬ hui hta‸ ya‸ taw piˇ lawˬ tuˬ yoˬ.
27
Nawˬ hui lehˬ, yawˇ canˇ ve kanˉ hta‸ te chehˇ ve hta‸ Yawˇ gʼa mawˬ peuˬ. Shu miˇ ma hta‸ hkʼawˇ faˍ ve chaw hkʼa shuˍ, hkʼaw hkʼoˆ lo leh miˬ tawˬ kuiˬ lo, nawˬ hui awˬ kaˍ awˬ nu gʼuiˬsha teˇ hpaˍ hta‸ oˉ kʼoˍ ca pui toˇ chehˇ ve hta‸ Yawˇ gʼa mawˬ peuˬ. Yeˍruˆsaˍlehnˍ venˇ yaˇ teˇ hpaˍ-oˬ, nawˬ hui gʼa luˬ gʼa sheˆ tuˬ yoˬ. Nawˬ hui hkʼaˬ htaˆ kʼaw‸ da‸ kehˬ la tuˬ le.
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 14 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52