bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Jeremiah 9
Jeremiah 9
Lahu Bible Edited © Thailand Bible Society and Bible Society of Myanmar, 2010, 2020.
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 10 →
1
Shu tiˇ pehˍ ve hta‸ gʼa hkanˍ ve ngaˬ ve chaw teˇ hpaˍ awˬ pon tanˇ hkuinˇ tanˇ vanˇ kuˬ hawˬ hpeh‸ tuˬ, ngaˬ ve oˉ kʼoˍ lehˬ iˉ kaˆ nanˬ bawˍ hkʼe hpeh‸ leh, ngaˬ ve mehˆ shiˍ lehˬ iˉ kaˆ gʼuiˬ tuˇ hkʼe hpeh‸ la ve hkʼe kʼo, hkʼaˬ ma da‸ jaˇ tuˬ le.
2
Ngaˬ ve chaw teˇ hpaˍ hta‸ hpaˆ da‸ taˉ leh vuiˇ kuiˬ heh puiˉ hkʼaw lo ngaˬ gʼa ca chehˇ taˍ ve hkʼe kʼo, hkʼaˬ ma da‸ jaˇ tuˬ le. Yawˇ hui lehˬ, ka ti‸ maˇ yeˬ ve chaw hpfuhˆ teˇ hpaˍ hpeh‸ ve yoˬ.
3
Yawˇ hui lehˬ heˍ puiˉ jaˇ ve yoˬ. Mvuhˇmiˬ hkʼaw maˇ hteˇ maˇ cawˇ ve awˬ ceuˬ biˇ taˍ ve yoˬ. Ngaˬ ve chaw teˇ hpaˍ lehˬ, haiˬ ve kanˉ teˇ ceuˬ peuˬ teˇ ceuˬ te chehˇ ve yoˬ. Ngaˬ lehˬ, yawˇ hui ve Gʼuiˬsha hpeh‸ ve hta‸ yawˇ hui maˇ dawˇ, teh‸ Gʼuiˬsha kʼoˆ ve yoˬ.
4
Nawˬ ve awˬ chawˇ awˬ paˆ teˇ hpaˍ hta‸ shaˍ ti‸ te-o. Nawˬ viˉ nawˬ nyi hta‸ ka‸ taˇ yonˍ. Awˬ lawn kʼo, awˬ viˉ awˬ nyi teˇ hpaˍ ka‸ Yaˍkoˆ hkʼa shuˍ heˍ puiˉ leh, awˬ chawˇ awˬ paˆ teˇ hpaˍ htawˇ shu hta‸ awˬ lawn maˇ heˆ heˆ ve ca kʼoˆ puiˉ ve yoˬ.
5
Yawˇ hui lehˬ, a shu yawˇ ve awˬ chawˇ awˬ paˆ hta‸ ya‸ kʼaw sheh ya‸ leh, hteˇ ve cawˇ ve tawˇ hta‸ maˇ yaw. Yawˇ hui heˍ puiˉ jaˇ leh, venˇbaˆ te ve maˇ bvuhˆ puiˉ.
6
Yawˇ hui haiˬ ve kanˉ teˇ ceuˬ peuˬ teˇ ceuˬ te leh, heˍ caˇ chehˇ ve yoˬ. Chaw chi teˇ ceuˬ hta‸ ngaˬ baˬ taˉ peuˬ, teh‸ Gʼuiˬsha kʼoˆ ve yoˬ.
7
Yawˇ hui chi hkʼe te ve pa taw Gʼuiˬsha kʼoˆ ve, Sho hta‸ lawˍ ve hkʼe, chaw chi teˇ hpaˍ hta‸ lawˍ leh lawˇ nyi tuˬ yoˬ. Ngaˬ ve chaw teˇ hpaˍ lehˬ, haiˬ ve kanˉ hta‸ te peuˬ. Yawˇ hui hta‸ ngaˬ hkʼaˬ hkʼe gʼa te tuˬ sheˍ ve le.
8
Yawˇ hui ve ha tehˍ lehˬ, kawˆ tuˬ uiˍ ve hkaˆ ce hkʼe hpeh‸ leh, heˍ puiˉ jaˇ ve yoˬ. Chaw yaˇ teˇ hpaˍ lehˬ, teˇ gʼaˇ hta‸ teˇ gʼaˇ na sha ve tawˇ yaw da‸ chehˇ ve yoˬ. Ya‸ hkʼaˇ, awˬ tehˬ kʼoˆ ve kʼo, yawˇ hui shu hta‸ va htaw chehˇ ve yoˬ.
9
Yawˇ hui chi hkʼe te chehˇ ve pa taw, ngaˬ yawˇ hui hta‸ ciˍ yanˍ piˇ tuˬ ve maˇ heˆ laˇ. Chi hkʼe ve chaw ceuˬ hta‸ ngaˬ kʼaw‸ te hkʼaw‸ piˇ tuˬ ve maˇ heˆ laˇ teh‸ Gʼuiˬsha kʼoˆ ve yoˬ.
10
Hkʼaw pui leh kʼaˆ caˇ kuiˬ teˇ hpaˍ awˬ pon ngaˬ kuˬ hawˬ paˆ hawˬ tuˬyoˬ. Awˬ lawn kʼo, oˇ ve teˇ hpaˍ goˇ kʼai peuˬ leh, chaw teˇ gʼaˇ ka‸ oˇ kaˬ lo maˇ kʼaw‸ te toˇ ve yoˬ. Nuˇ hkawˇ maˇ gʼa kaˇ ve awˬ hkʼoˆ, ngaˆ leh haiˬ ve to nuˇ to shaˆ teˇ hpaˍ htawˇ hpaw kʼai peuˬ.
11
Gʼuiˬsha kʼoˆ ve, Ngaˬ lehˬYeˍruˆsaˍlehnˍ venˇ hta‸ te luˬ te sheˆ piˇ leh, heh hpuiˇ teˇ hpaˍ ve chehˇ kuiˬ kʼaw‸ hpeh‸ la piˇ tuˬ yoˬ. Yuˇda‸ ve venˇ teˇ hpaˍ htawˇ, chaw teˇ gʼaˇ ka‸ maˇ chehˇ ve hteunˍ lonˉ hpeh‸ la tuˬ yoˬ.
12
Gʼuiˬsha-oˬ, aˬ hto‸ ma pa taw mvuhˇmiˬ gawˬ cu gawˬ pehˆ hpeh‸ leh, chaw teˇ gʼaˇ ka‸ maˇ kʼaw‸ te toˇ ve le. Chi hta‸ shiˍ hpeh‸ ve cuˇ yiˍ cawˬ paˍ a shu cawˬ le. Shu hta‸ teˇ caˉ kʼaw‸ kʼoˆ maˍ piˇ tuˬ, a shu teˇ gʼaˇ hta‸ nawˬ maˍ piˇ taˍ ve le, teh‸ ngaˬ na nyi ve yoˬ.
13
Gʼuiˬsha kʼaw‸ yaw hkʼaw‸ leh kʼoˆ ve, Chi hkʼe hpeh‸ la ve lehˬ, ngaˬ ve chaw teˇ hpaˍ ngaˬ ve tawˇ hta‸ maˇ na yuˬ ve pa taw yoˬ. Yawˇ hui lehˬ, ngaˬ ve tawˇ hta‸ ponˬ leuˉ leh, ngaˬ te tcuh ve hkʼe maˇ te.
14
Yawˇ hui kʼaˍ jaˇ leh, yawˇ hui ve awˬ puˍ awˬ pi teˇ hpaˍ maˍ piˇ taˍ ve hkʼe, Baˍlaˆ gʼuiˬsha hta‸ oˉ kʼoˍ pui ve yoˬ.
15
Chi hta‸ pa taw, ngaˬ Iˉsaˍreˍlaˆ ve Gʼuiˬsha hkʼaˬ hkʼe te tuˬ ve hta‸ na sheˍ. Ngaˬ lehˬ, ngaˬ ve chaw teˇ hpaˍ hta‸ hkʼaˇ jaˇ ve suhˆ hpa‸ caˍ piˇ leh, awˬ taw‸ ma taw piˇ tuˬ yoˬ.
16
Yawˇ hui maˇ kʼoˆ, yawˇ hui ve awˬ puˍ awˬ pi teˇ hpaˍ maˇ kʼoˆ, teˇ pawˆ ka‸ maˇ kaˇ jaw ve mvuhˇmiˬ hkʼaw lo ngaˬ yawˇ hui hta‸ hpaˆ da‸ guiˇ da‸ kʼai piˇ lawˬ leh, yawˇ hui luˬ kʼai sheˆ kʼai peuˬ htaˇ hkʼa gaˬ, ma‸ moˍ lonˉ teˇ hpaˍ hta‸ ngaˬ yawˇ hui geh peu laˇ tuˬ yoˬ, teh‸ Gʼuiˬsha kʼoˆ ve yoˬ.
17
Kanˇ paˆ uiˍ ve Gʼuiˬsha kʼoˆ ve, Hkʼaˬ hkʼe hpeh‸ la chehˇ ve hta‸ dawˇ nyi-o. Chaw suh-e htaˇ paˆ hawˬ puiˉ ve yaˇ miˇ teˇ hpaˍ hta‸ kuˬ yuˬ-o‸, teh‸ kʼoˆ ve yoˬ.
18
Chaw yaˇ teˇ hpaˍ kʼaw‸ kʼoˆ ve, Yawˇ hui haˆ haˆ laˬ leh, ngaˬ hui ve mehˆ shiˍ hkʼaw lo mehˆ gʼuiˬ hkʼa biˇ tawˆ la htaˇ hkʼa gaˬ, ngaˬ hui hta‸ paˆ hawˬ kehˇ hawˬ maˍ laˇ tuˬ, yawˇ hui hta‸ kʼoˆ piˇ-oˆ, teh‸ kʼoˆ ve yoˬ.
19
Ziˉonˍ venˇ hkʼaw lo kuˬ hawˬ chehˇ ve awˬ hkawˇ hta‸ na sheˍ. Ngaˬ hui lehˬ luˬ kuiˬ sheˆ kuiˬ lo gʼa gaˬ peuˬ. Ngaˬ hui lehˬ, ngaˬ hui ve mvuhˇmiˬ hkʼaw gʼa tawˆ-e tuˬ yoˬ. Ngaˬ hui ve yehˬ teˇ hpaˍ htawˇ luˬ kʼai peuˬ, teh‸ kʼoˆ ve yoˬ.
20
Oˇ htaˇ ngaˬ kʼoˆ ve, Yaˇ miˇ teˇ hpaˍ-oˬ, Gʼuiˬsha ve tawˇ hta‸ na sheˍ. Nawˬ hui ve yaˇ miˇ teˇ hpaˍ hta‸ hkʼaˬ hkʼe gʼa te dawˇ haˍ tuˬ awˬ hkʼaˇ maˍ piˇ leh, nawˬ hui ve awˬ chawˇ teˇ hpaˍ hta‸ chaw suh-e htaˇ kʼa muiˬ hkawˇ hkʼaˬ hkʼe gʼa te kʼa tuˬ awˬ hkʼaˇ beˆ maˍ piˇ-oˆ.
21
Suh ve teˇ ceuˬ ngaˬ hui ve yehˬ miˉ ehˉ hkʼaw taˆ la leh, ngaˬ hui ve hawˉ yehˬ hkʼaw lo‸-e ve yoˬ. Yawˇ lehˬ, ya‸ kʼaw hkʼoˆ lo chehˇ taˍ ve yaˇ ehˉ teˇ hpaˍ leh, tcuh hkʼaw lo chehˇ taˍ ve yaˇ nehˬ teˇ hpaˍ hta‸ tiˇ pehˍ ve yoˬ.
22
Suh taˍ ve awˬ to teˇ hpaˍ lehˬ, ti mi hkʼaw hpoˆ taˍ ve nuˇ hkʼehˇ leh shu gʼeu‸ baˬ leh shaw hpoˆ paˍ maˇ cawˬ ve caˬ cehˬ hkʼa shuˍ, hkʼaˬ ti chi ti lo baˬ taˍ ve yoˬ. Gʼuiˬsha ngaˬ hta‸ chi hkʼe ca kʼoˆ piˇ tcuh laˇ ve yoˬ.
23
Gʼuiˬsha kʼoˆ ve, Cuˇ yiˍ cawˬ paˍ teˇ hpaˍ lehˬ, a shu yawˇ ve cuˇ yiˍ hta‸ nyi ma maˇ uiˍ cawˇ. Awˬ gʼaˇ uiˍ ve chaw teˇ hpaˍ htawˇ, a shu yawˇ ve awˬ gʼaˇ awˬ shaˉ hta‸ nyi ma maˇ uiˍ cawˇ. Paw sha ve chaw teˇ hpaˍ ka‸, a shu yawˇ ve mawˇ jeˬ hta‸ nyi ma maˇ uiˍ cawˇ.
24
Chaw teˇ gʼaˇ nyi ma uiˍ gaˇ ve kʼo, ngaˬ hta‸ shiˍ ve teˇ ceuˬ awˬ hkʼaw lo tiˉ nyi ma uiˍ cawˇ ve yoˬ. Awˬ lawn kʼo, ngaˬ ve ha‸ pehnˇ ve teˇ ceuˬ lehˬ, co co taiˍ taiˍ yeˬ chehˇ leh, ngaˬ lehˬ hteˇ ve cawˇ ve kanˉ hta‸ ceh tiˉ te ve yoˬ. Chi hkʼe te tuˬ ngaˬ nyi ma cawˇ ve yoˬ, teh‸ Gʼuiˬsha kʼoˆ ve yoˬ.
25
Gʼuiˬsha kʼoˆ ve, Eˇjiˇtu‸ chaw, Yuˇda‸ chaw, Eˇdonˍ chaw, Aˍmawˇniˆ chaw, Mawˇbaˆ chaw leh uˉ hkeh mvuh yiˬ lehˍ chiˇ baˬ ve chaw hteunˍ teˇ hpaˍ hta‸ ngaˬ ciˍ yanˍ piˇ tuˬ ve awˬ yanˇ gaˬ la chehˇ ve yoˬ.
26
Chaw chi teˇ hpaˍ lehˬ, awˬ guiˬ meuˇ shoˍ taˍ ve yoˬ. Ya‸ hkʼaˇ, nyi ma awˬ hkʼaw lo awˬ guiˬ meuˇ shoˍ taˍ ve maˇ heˆ, teh‸ kʼoˆ ve yoˬ.
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 10 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52