bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Jeremiah 2
Jeremiah 2
Lahu Bible Edited © Thailand Bible Society and Bible Society of Myanmar, 2010, 2020.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 3 →
1
Gʼuiˬsha lehˬ, Yeˍruˆsaˍlehnˍ venˇ hkʼaw chehˇ ve chaw hui hta‸ chi hkʼe ca kʼoˆ piˇ tcuh laˇ ve yoˬ.
2
Nawˬ a sha‸ i chehˇ sheˍ htaˇ, nawˬ hui hkʼaˬ ma ka ti‸ yeˬ puiˉ ve hta‸ maˇ kʼoˆ, ngaˬ hui tanˬ heuˆ da‸ htaˇ nawˬ hui ngaˬ hta‸ hkʼaˬ ma ha‸ ve hta‸ maˇ kʼoˆ, ngaˬ dawˇ nawˇ chehˇ ve yoˬ. Nawˬ hui heh puiˉ hkʼaw lo ngaˬ hkʼaˇ suh gʼa‸ laˬ taˍ ve yoˬ.
3
Iˉsaˍreˍlaˆ chaw hui-oˬ, nawˬ hui lehˬ ngaˬ hta‸ caˉ da‸ ve chaw hpeh‸ ve yoˬ. Nawˬ hui lehˬ, da‸ jaˇ ve ngaˬ ve mawˇ teˇ hpaˍ hpeh‸ ve yoˬ. Nawˬ hui hta‸ ca ya‸ la ve chaw hta‸ ngaˬ ciˍ yanˍ piˇ ve yoˬ, teh‸ Gʼuiˬsha kʼoˆ ve yoˬ.
4
Yaˍkoˆ awˬ ceuˬ awˬ hkʼaˇ Iˉsaˍreˍlaˆ chaw hui-oˬ, Gʼuiˬsha kʼoˆ ve tawˇ hta‸ na sheˍ.
5
Yawˇ kʼoˆ ve, Nawˬ hui ve awˬ puˍ awˬ pi teˇ hpaˍ ngaˬ hta‸ aˬ hto‸ ma nyi cha kuiˬ cawˬ leh, yawˇ hui ngaˬ hta‸ baˬ taˉ ve le. Yawˇ hui lehˬ, te‸ chiˉ tcuhˉ kuiˬ maˇ cawˬ ve shaˉ ho‸ teˇ hpaˍ hta‸ oˉ kʼoˍ pui ve pa taw, yawˇ hui ka‸ te‸ chiˉ tcuhˉ kuiˬ maˇ cawˬ ve chaw hpeh‸ la ve yoˬ.
6
Ngaˬ yawˇ hui hta‸ Eˇjiˇtu‸ mvuhˇmiˬ hkʼaw shiˍ tawˆ la leh, chaw teˇ gʼaˇ ka‸ maˇ chehˇ, maˇ te toˇ ve mvuhˇmiˬ, kawˆ tuˬ cawˬ leh hkʼaw mvuh lawˬ naˉ ve mvuhˇmiˬ hkʼaw lo, yawˇ hui hta‸ shiˍ tawˆ la piˇ taˍ ve htawˇ, yawˇ hui ngaˬ hta‸ maˇ ca.
7
Yawˇ hui ha lehˬ ha kʼa gʼa chehˇ tuˬ, hkuiˇ jaˇ da‸ jaˇ ve mvuhˇmiˬ hkʼaw ngaˬ shiˍ lo‸ la piˇ taˍ ve htawˇ, yawˇ hui ngaˬ piˇ taˍ ve mvuhˇmiˬ hta‸ te luˬ ve yoˬ.
8
Paw hkuˇ teˇ hpaˍ lehˬ, Gʼuiˬsha hkʼaˬ lo chehˇ taˍ ve le, teh‸ maˇ na nyi. Awˬliˇtawˇhkawˇ shiˍ paˍ teˇ hpaˍ ka‸, ngaˬ hta‸ maˇ shiˍ. Mvuhˇmiˬ awˬ hoˉ awˬ naˬ teˇ hpaˍ ngaˬ hta‸ kʼaw‸ hpfuhˆ leh, tcuh kaˍpaˍ teˇ hpaˍ htawˇ Baˍlaˆ gʼuiˬsha ve tawˇ hta‸ na leh te‸ chiˉ tcuhˉ kuiˬ maˇ cawˬ ve shaˉ ho‸ teˇ hpaˍ hta‸ oˉ kʼoˍ pui ve yoˬ, teh‸ Gʼuiˬsha kʼoˆ ve yoˬ.
9
Gʼuiˬsha kʼoˆ ve, Chi hta‸ pa taw, ngaˬ ve chaw teˇ hpaˍ hta‸ ngaˬ venˇbaˆ taˍ ve yoˬ. Yawˇ hui ve awˬ hawehˍ teˇ hpaˍ hta‸ htawˇ, ngaˬ venˇbaˆ taˍ tuˬ yoˬ.
10
Mvuhˇ nyi kʼehˬ hpawˇ lo cawˬ ve Kuˇpaˍruˆ conˇ lo maˇ kʼoˆ, mvuhˇ nyi tawˆ hpawˇ lo cawˬ ve Keˍdaˍ mvuhˇmiˬ lo maˇ kʼoˆ, kʼai leh hkʼa deh‸ ca toˇ nyi-o. Awˬ ceuˬ chi hkʼe ve ponˬ laˬ htaˇ teˇ pawˆ pawˆ hpeh‸ la jaw laˇ.
11
Chaw yaˇ lehˬ, yawˇ oˉ kʼoˍ pui chehˇ ve gʼuiˬsha chi, awˬ tehˬ awˬ na ve Gʼuiˬsha maˇ heˆ ve htawˇ, Yawˇ hta‸ baˬ taˉ leh gʼuiˬsha awˬ suhˉ teˇ gʼaˇ hta‸ oˉ kʼoˍ kʼaw‸ pui-aw laˇ. Ya‸ hkʼaˇ, ngaˬ ve chaw teˇ hpaˍ lehˬ, yawˇ hui hta‸ awˬ me‸ awˬ hponˇ cawˬ piˇ lawˬ ve ngaˬ hta‸ baˬ taˉ leh, yawˇ hui hta‸ ga laˇ maˇ puiˉ ve gʼuiˬsha teˇ hpaˍ hta‸ oˉ kʼoˍ kʼaw‸ pui kʼai peuˬ ve yoˬ.
12
Chi hta‸ pa taw, ngaˬ lehˬ mvuhˇ naw ma hta‸ kawˆ piˇ leh hiˆ hiˆ naˇ naˇ hpeh‸ la piˇ lawˬ ve yoˬ.
13
Ngaˬ ve chaw teˇ hpaˍ nyiˇ ceuˬ te ya‸ ve yoˬ. Iˉ kaˆ gʼuiˬ tuˇ hpeh‸ ve ngaˬ Gʼuiˬsha hta‸ yawˇ hui chiˇ baˬ leh, pawnˍ taˍ ve punˇ kʼoˍ hta‸ te chehˇ ve yoˬ, teh‸ Gʼuiˬsha kʼoˆ ve yoˬ.
14
Iˉsaˍreˍlaˆ chaw lehˬ, shu ve awˬ ceˬ te tuˬ paw la taˍ ve maˇ heˆ. Hkʼe te kʼo, aˬ hto‸ ma pa taw canˇ paˍ teˇ hpaˍ yawˇ hui hta‸ gʼa‸ yuˬ chehˇ ve le.
15
Canˇ paˍ teˇ hpaˍ lehˬ, laˇ caˬ shiˉ hkʼe yawˇ hui hta‸ nyi taˍ leh gʼehˇ chehˇ ve yoˬ. Canˇ paˍ teˇ hpaˍ lehˬ, yawˇ hui ve mvuhˇmiˬ hta‸ gawˬ cu gawˬ pehˆ hpeh‸ la piˇ leh, yawˇ hui ve venˇ teˇ hpaˍ htawˇ, luˬ kʼai sheˆ kʼai peuˬ.
16
Nawˇhpaˆ venˇ yaˇ leh Taˍpaˍnehˆ venˇ yaˇ teˇ hpaˍ yawˇ hui ve oˉ kʼoˍ hta‸ dawˆ hkoˇ tuˬ yoˬ.
17
Iˉsaˍreˍlaˆ chaw hui-oˬ, chi hkʼe hpeh‸ la tuˬ, nawˬ hui hkʼaˇ nawˬ hui te ve yoˬ. Ngaˬ nawˬ hui hta‸ sheh kʼai laˇ chehˇ ve htawˇ, nawˬ hui ngaˬ hta‸ chiˇ baˬ peuˬ.
18
Chi beu‸ nawˬ hui aˬ hto‸ ma hta‸ dawˇ law leh Eˇjiˇtu‸ mvuhˇmiˬ lo kʼai ve le. Niˍlaˆ iˉ kaˆ lawˬ hta‸ ca kʼaw‸ dawˬ gaˇ ve laˇ. Aˬ hto‸ ma hta‸ dawˇ law leh, nawˬ hui Aˍsuˇriˆ mvuhˇmiˬ lo kʼai ve le. Uˇhpaˍraˆ iˉ kaˆ lawˬ hta‸ ca dawˬ nyi gaˇ ve laˇ.
19
Nawˬ hui te ya‸ taˍ ve venˇbaˆ nawˬ hui hta‸ kʼaw‸ ciˍ yanˍ laˇ tuˬ yoˬ. Nawˬ hui ngaˬ hta‸ baˬ taˉ ve pa taw, ciˍ yanˍ ve hta‸ gʼa hkanˍ tuˬ yoˬ. Nawˬ hui ngaˬ hta‸ maˇ kawˆ leh, ngaˬ hta‸ baˬ taˉ ve pa taw, ciˍ yanˍ tuˬ oˇ ve hkʼaˬ ma hkʼaˇ jaˇ ve hta‸ nawˬ hui shiˍ la tuˬ yoˬ, teh‸ Gʼuiˬsha kʼoˆ ve yoˬ.
20
Gʼuiˬsha kʼoˆ ve, Iˉsaˍreˍlaˆ chaw hui-oˬ, aˬ sho-eˬ htaˇ nawˬ hui ngaˬ ve tawˇ hta‸ ponˬ leuˉ leh, ngaˬ hta‸ oˉ kʼoˍ maˇ pui. Mvuh jaˇ ve hkʼaw pui teˇ shiˍ le le awˬ hkʼoˆ leh, suhˆ cehˬ teˇ cehˬ le le awˬ hawˉ lo nawˬ hui lehˬ shaˉ ho‸ teˇ hpaˍ hta‸ oˉ kʼoˍ pui chehˇ ve yoˬ.
21
Da‸ jaˇ ve a pehˉ meuˇ te leh da‸ jaˇ ve awˬ yawˇ hkʼa shuˍ, ngaˬ nawˬ hui hta‸ ti taˍ ve yoˬ. Ya‸ hkʼaˇ, chi beu‸ nawˬ hui hkʼaˬ hkʼe hpeh‸ la chehˇ ve hta‸ nyi sheˍ. Nawˬ hui lehˬ, goˇ kʼai peuˬ ve a pehˉ meuˇ te hkʼa shuˍ hpeh‸ la peuˬ.
22
Nawˬ hui kʼaw‸ da‸ la tuˬ, sha pehˍ hkʼaˬ ma yehˇ leh iˉ kaˆ hehˉ ve htawˇ, nawˬ hui ve venˇbaˆ hta‸ ngaˬ mawˬ chehˇ sheˍ ve yoˬ, teh‸ Gʼuiˬsha kʼoˆ ve yoˬ.
23
Ngaˬ hui lehˬ, Baˍlaˆ gʼuiˬsha hta‸ teˇ pawˆ ka‸ oˉ kʼoˍ maˇ pui leh, a shu yawˇ awˬ to hta‸ cha‸ chiˆ tuˬ maˇ te, teh‸ nawˬ hui hkʼaˬ hkʼe kʼoˆ hpeh‸ le. Nawˬ hui lawˬ hkʼo‸ hkʼaw lo hkʼaˬ hkʼe venˇbaˆ te peuˬ ve hta‸ kʼaw‸ nyi sheˍ. Nawˬ hui lehˬ, awˬ shawˍ ca gaˇ jaˇ leh gʼuiˇ toˇ chehˇ ve kaˍlaˍoˆ awˬ hteunˍ hkʼe hpeh‸ ve yoˬ.
24
Nawˬ hui lehˬ, awˬ shawˍ ca toˇ chehˇ ve piˉlaˬ awˬ hteunˍ hkʼe hpeh‸ ve yoˬ. Yawˇ awˬ shawˍ gʼa‸ htaˇ, a shu teˇ gʼaˇ meuˇ la tuˬ te gʼa le. Piˉlaˬ awˬ paˍ lehˬ awˬ ma hta‸ gʼa‸ ca tuˬ maˇ loˍ. Awˬ shawˍ chaw yanˇ gaˬ kʼo, awˬ ma hta‸ mawˬ hpeh‸ ve yoˬ.
25
Iˉsaˍreˍlaˆ chaw hui-oˬ, aˬ hto‸ ma te leh nawˬ hui ve hkuiˉ nuˆ tzuh‸ kʼai leh, nawˬ hui ve hkʼaw‸ hkʼaw goˇ kʼai htaˇ hkʼa gaˬ, awˬ kaˍ awˬ nu gʼuiˬsha teˇ hpaˍ hta‸ gʼa‸ ca chehˇ ve le. Ya‸ hkʼaˇ nawˬ hui kʼoˆ ve, Ngaˬ hui lehˬ, awˬ nu ve gʼuiˬsha teˇ hpaˍ hta‸ ha‸ leh, yawˇ hui hkʼaˇ suh kʼai tuˬ yoˬ, teh‸ kʼoˆ ve yoˬ.
26
Gʼuiˬsha kʼoˆ ve, Shu hpeh gʼa ve chaw hkʼawˇ lehˬ, awˬ me‸ awˬ hponˇ luˬ kʼai ve hkʼe, nawˬ hui Iˉsaˍreˍlaˆ chaw teˇ hpaˍ lehˬ, awˬ me‸ awˬ hponˇ luˬ kʼai tuˬ yoˬ. Nawˬ hui ve jawˇmawˇ teˇ hpaˍ, ma‸ poˍ lonˉ teˇ hpaˍ, paw hkuˇ leh tcuh kaˍ paˍ hkʼa peu-eˬ oˇ hkʼe hpeh‸ la tuˬ yoˬ.
27
Suhˆ cehˬ hta‸, Nawˬ lehˬ ngaˬ pa yoˬ, teh‸ kʼoˆ chehˇ ve chaw leh, haˉ hpawˇ hta‸, Nawˬ lehˬ ngaˬ e yoˬ, teh‸ kʼoˆ chehˇ ve chaw hkʼa peu-eˬ, awˬ me‸ awˬ hponˇ luˬ kʼai tuˬ yoˬ. Nawˬ hui ngaˬ hta‸ baˬ taˉ leh ngaˬ geh lo maˇ kʼaw‸ hpfuhˆ kʼaw‸ la ve pa taw, chi hkʼe hpeh‸ la tuˬ yoˬ. Ya‸ hkʼaˇ, nawˬ hui dawˇ haˍ kuiˬ lo gaˬ htaˇ, ngaˬ hta‸ hpoˆ kuˬ chehˇ ve yoˬ.
28
Nawˬ hui te taˍ ve gʼuiˬsha teˇ hpaˍ hkʼaˬ lo kʼai peuˬ le. Nawˬ hui dawˇ haˍ kuiˬ lo gaˬ htaˇ, yawˇ hui ga laˇ piˇ lawˬ-o‸. Yuˇda‸ chaw hui-oˬ, nawˬ hui ve venˇ teˇ hpaˍ maˇ jaˇ ve hkʼe, nawˬ hui ve gʼuiˬsha htawˇ maˇ jaˇ ve yoˬ.
29
Nawˬ hui ngaˬ hta‸ hkʼaˬ hkʼe venˇbaˆ taˍ kuiˬ cawˬ le. Nawˬ hui hkʼa peu-eˬ ngaˬ hta‸ kʼaw‸ hpfuhˆ peuˬ.
30
Hkʼe te leh, ngaˬ nawˬ hui hta‸ ciˍ yanˍ piˇ ve yoˬ. Ya‸ hkʼaˇ, te‸ chiˉawˬ bon maˇ tawˆ la. Nawˬ hui lehˬ, maˍ piˇ ve hta‸ maˇ na yuˬ. Nyi ma zuhˆ chehˇ ve laˇ caˬ shiˉ hkʼa shuˍ, nawˬ hui lehˬ tcuh kaˍ paˍ teˇ hpaˍ hta‸ tiˇ pehˍ ve yoˬ.
31
Iˉsaˍreˍlaˆ chaw hui-oˬ, ngaˬ kʼoˆ chehˇ ve tawˇ hta‸ hkʼa deh‸ na sheˍ. Ngaˬ lehˬ, nawˬ hui awˬ pon shehˇ de lonˉ leh kawˆ tuˬ uiˍ ve mvuhˇmiˬ hkʼe hpeh‸ ve laˇ. Ngaˬ hui te gaˇ ve hkʼe te kʼai leh, nawˬ geh maˇ kʼaw‸ hpfuhˆ kʼaw‸ la-o, teh‸ kʼoˆ chehˇ ve yoˬ.
32
Yaˇ miˇ haˉ lehˬ, yawˇ ve shi caˆ hta‸ leunˇ hpeh‸-aw laˇ. La‸ kʼawˍ toˆ tuˬ ve yaˇ miˇ htawˇ, yawˇ ve veu‸ kʼaˇ hta‸ leunˇ-aw laˇ. Ya‸ hkʼaˇ, ngaˬ ve chaw teˇ hpaˍ ngaˬ hta‸ laiˉ pawˆ leunˇ kʼai peuˬ.
33
Nawˬ hui ha‸ gʼa tuˬ, hkʼaˬ hkʼe gʼa te tuˬ ve awˬ hkʼaˇ hta‸ nawˬ hui shiˍ jaˇ ve yoˬ. Haiˬ ve yaˇ miˇ teˇ hpaˍ htawˇ, nawˬ hui hta‸ henˇ yuˬ chehˇ ve yoˬ.
34
Nawˬ hui ve veu‸ kʼaˇ lehˬ, haˍ ve gʼawˇ ve chaw, te‸ chiˉ venˇbaˆ maˇ cawˬ ve chaw hui ve awˬ suhˍ ngawˉ taˍ ve yoˬ.
35
Chi hkʼe hpeh‸ chehˇ ve ka‸, Ngaˬ te‸ chiˉ venˇbaˆ maˇ cawˬ. Gʼuiˬsha ngaˬ hta‸ nyi ma zuhˆ tuˬ ve maˇ heˆ, teh‸ nawˬ hui kʼoˆ chehˇ ve yoˬ. Nawˬ hui venˇbaˆ maˇ cawˬ teh‸ kʼoˆ ve pa taw, ngaˬ nawˬ hui hta‸ ciˍ yanˍ laˇ tuˬ yoˬ.
36
Aˬ hto‸ ma pa taw nawˬ hui htawˇhpfuhˆnawˬhpfuhˆ te chehˇ ve le. Aˍsuˇ riˆ chaw nawˬ hui hta‸ nyi ma luˬ tuˬ te laˇ ve hkʼe, Eˇjiˇtu‸ chaw htawˇ nawˬ hui hta‸ oˇ hkʼe te laˇ tuˬ yoˬ.
37
Ya‸ taw jaˇ ve awˬ hkʼaw lo, nawˬ hui Eˇjiˇtu‸ mvuhˇmiˬ hkʼaw gʼa tawˆ kʼai tuˬ yoˬ. Nawˬ hui gʼaˇ va ve chaw hui hta‸ ngaˬ cha‸ naˬ jaˇ ve yoˬ. Yawˇ hui nawˬ hui hta‸ awˬ bon te laˇ gʼa tuˬ ve maˇ heˆ, teh‸ Gʼuiˬsha kʼoˆ ve yoˬ.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52