bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Jeremiah 50
Jeremiah 50
Lahu Bible Edited © Thailand Bible Society and Bible Society of Myanmar, 2010, 2020.
← Chapter 49
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 51 →
1
Baˍbuˍlonˍmvuhˇmiˬ awˬ lawn Gʼuiˬsha ngaˬ hta‸ chi hkʼe kʼoˆ laˇ ve yoˬ.
2
Awˬ lawn chi ve awˬ nu ve chaw ceuˬ teˇ hpaˍ hta‸ hto piˇ-oˆ. Taˇ faˉ taˍ. Baˍbuˍlonˍ venˇ luˬ kʼai peuˬ. Yawˇ hui oˉ kʼoˍ pui chehˇ ve Maˍduˆ gʼuiˬsha htawˇ luˬ kʼai peuˬ.
3
Awˬ na hpawˇ lo chehˇ ve chaw ceuˬ teˇ ceuˬ lehˬ, Baˍbuˍlonˍ mvuhˇmiˬ hta‸ ca bawˆ la leh, mvuhˇmiˬ oˇ ve hta‸ gawˬ cu gawˬ pehˆ hpeh‸ la piˇ tuˬ yoˬ. Chaw yaˇ leh to nuˇ to shaˆ teˇ hpaˍ gʼuiˇ hpaw-e leh, oˇ kaˬ lo chaw teˇ gʼaˇ ka‸ chehˇ tuˬ ve maˇ heˆ, teh‸ Gʼuiˬsha kʼoˆ ve yoˬ.
4
Gʼuiˬsha kʼoˆ ve, Awˬ yanˇ oˇ ve gaˬ la htaˇ, Iˉsaˍreˍlaˆ leh Yuˇda‸ chaw hui hawˬ leh ngaˬ hta‸ ca tuˬ yoˬ.
5
Yawˇ hui lehˬ, Ziˉonˍ lo kʼai ve ya‸ kʼaw hta‸ na leh, oˇ kaˬ lo kʼai tuˬ yoˬ. Yawˇ hui ngaˬ hta‸ co co taiˍ taiˍ yeˬ ve ka ti‸ te leh, ka ti‸ oˇ ve hta‸ teˇ pawˆ ka‸ kʼaw‸ te luˬ tuˬ ve maˇ heˆ.
6
Ngaˬ ve chaw teˇ hpaˍ lehˬ, hkʼaw hkʼoˆ lo mehˉ kʼai taˍ ve yawˬ ehˉ teˇ hpaˍ hkʼe hpeh‸ ve yoˬ. Yawˇ hui lehˬ, yawˬ ehˉ hkʼa shuˍ hkʼaw hkʼoˆ lo caw toˇ chehˇ leh, a shu yawˇ ve yehˬ hta‸ leunˇ kʼai peuˬ.
7
Yawˇ hui hta‸ mawˬ ve chaw teˇ hpaˍ, yawˇ hui hta‸ gʼa‸ bawˆ chehˇ ve yoˬ. Canˇ paˍ teˇ hpaˍ lehˬ, Chaw chi teˇ hpaˍ Gʼuiˬsha hta‸ te ya‸ peuˬ ve pa taw, ngaˬ hui yawˇ hui hta‸ gʼa‸ bawˆ chehˇ ve lehˬ cawˇ ve yoˬ. Yawˇ hui ve awˬ puˍ awˬ pi hui Gʼuiˬsha hta‸ gʼaˇ va ve hkʼe, yawˇ hui htawˇ Gʼuiˬsha hta‸ ceh tiˉ gʼaˇ va cawˇ ve yoˬ, teh‸ kʼoˆ ve yoˬ.
8
Iˉsaˍreˍlaˆ chaw hui-oˬ, Baˍbuˍlonˍ mvuhˇmiˬ hkʼaw hpaw tawˆ-e loˬ. Shu gʼuˇ suhˍ gʼa hpaw tawˆ-e tuˬ coˇ caˇ-oˆ.
9
Ngaˬ lehˬ, awˬ na hpawˇ lo chehˇ taˍ ve chaw teˇ moˍ hta‸ nawˍ tu piˇ leh, yawˇ hui Baˍbuˍlonˍ mvuhˇmiˬ hta‸ ca bawˆ la tuˬ yoˬ. Yawˇ hui mvuhˇmiˬ chi hta‸ caw hoˆ taˍ leh bawˆ yuˬ tuˬ yoˬ. Yawˇ hui lehˬ, cheuˬ jaˇ ve shaˍ bawˆ paˍ hpeh‸ leh, hkaˆ bawˆ puiˉ jaˇ ve yoˬ.
10
Baˍbuˍlonˍ mvuhˇmiˬ lehˬ, shu hiˉ yuˬ lu yuˬ ve hta‸ gʼa hkanˍ leh, yawˇ hui ve mawˇ hkʼa peu-eˬ hta‸ shu yuˬ kʼai tuˬ yoˬ, teh‸ Gʼuiˬsha kʼoˆ ve yoˬ.
11
Gʼuiˬsha kʼoˆ ve, Baˍbuˍlonˍ chaw hui-oˬ, nawˬ hui lehˬ ngaˬ ve chaw teˇ hpaˍ hta‸ te luˬ te sheˆ piˇ peuˬ ve yoˬ. Nawˬ hui lehˬ, kuˬ chehˇ ve iˉ mvuhˇ leh caˬ naˆ chehˇ ve nuˇ hkʼa shuˍ, ha lehˬ chehˇ taˍ ve yoˬ.
12
Ya‸ hkʼaˇ, nawˬ hui ve venˇ lonˉ lehˬ, nyiˉ ya‸ ve hta‸ gʼa hkanˍ leh awˬ me‸ awˬ hponˇ luˬ kʼai tuˬ yoˬ. Baˍbuˍlonˍ mvuhˇmiˬ lehˬ, shu hkʼe taw awˬ me‸ awˬ hponˇ maˇ cawˬ ve mvuhˇmiˬ kʼaw‸ hpeh‸ la tuˬ yoˬ. Mvuhˇmiˬ oˇ ve goˇ kʼai leh, shehˇ de kʼaw‸ hpeh‸ la tuˬ yoˬ.
13
Ngaˬ nyi ma zuhˆ ve pa taw, Baˍbuˍlonˍ venˇ hkʼaw chaw teˇ gʼaˇ ka‸ kʼaw‸ chehˇ tuˬ ve maˇ heˆ. Venˇ oˇ ve luˬ kʼai leh, oˇ kaˬ lo hpanˍ kʼai ve chaw teˇ hpaˍ anˇ leh kawˆ jaˇ tuˬ yoˬ.
14
Hkaˆ pfuhˇ taˍ ve chaw hui-oˬ, Baˍbuˍlonˍ venˇ hta‸ caw hoˆ taˍ leh, venˇ oˇ ve awˬ hkʼaw lo nawˬ hui ve hkaˆ bawˆ keu-o. Awˬ lawn kʼo, chaw chi teˇ hpaˍ ngaˬ hta‸ te ya‸ jaˇ peuˬ.
15
Venˇ hta‸ hkʼa caw zuhˇ ma‸ bawˆ tuˬ kuˬ chehˇ-oˆ. Nyi loˬ. Yawˇ hui la‸ caˉ ya‸ la chehˇ taˍ peuˬ. Lanˇ venˇ teˇ hpaˍ ka‸ paiˍ peuˬ. Ngaˬ lehˬ, Baˍbuˍlonˍ chaw hui hta‸ kʼaw‸ te hkʼaw‸ piˇ chehˇ ve yoˬ. Nawˬ hui htawˇ, yawˇ hui hta‸ kʼaw‸ te hkʼaw‸ piˇ-oˆ. Yawˇ hui shu hta‸ te piˇ ve hkʼe, yawˇ hui hta‸ oˇ hkʼe kʼaw‸ te hkʼaw‸ piˇ-oˆ.
16
Mvuhˇmiˬ oˇ ve hkʼaw lo caˬ ti tuˬ leh caˬ gʼeu‸ tuˬ a hkaw-anˬ taˇ piˇ. Oˇ kaˬ lo ca chehˇ taˍ ve chaw teˇ hpaˍ kawˆ jaˇ leh, a shu yawˇ ve mvuhˇmiˬ lo kʼaw‸ kʼo‸-e tuˬ yoˬ, teh‸ Gʼuiˬsha kʼoˆ ve yoˬ.
17
Gʼuiˬsha kʼoˆ ve, Iˉsaˍreˍlaˆ chaw hui lehˬ, laˇ caˬ shiˉ gʼa‸ yuˬ leh hpaw toˇ chehˇ ve yawˬ ehˉ hkʼe hpeh‸ ve yoˬ. Awˉ lawˉ peuˇ yawˇ hui hta‸ Aˍsuˇriˆ jawˇmawˇ ca bawˆ la ve yoˬ. Oˇ ve hkʼaw‸ nawˉ, Baˍbuˍlonˍ jawˇmawˇ Neˍbuˍhkaˍneˍzaˍ yawˇ hui ve awˬ mu‸ ku hta‸ ca geu‸ hko‸ la ve yoˬ.
18
Yawˇ chi hkʼe te ve pa taw, Aˍsuˇriˆ jawˇmawˇ hta‸ ngaˬ ciˍ yanˍ piˇ ve hkʼe, jawˇmawˇ Neˍbuˍhkaˍneˍzaˍ hta‸ htawˇ ngaˬ ciˍ yanˍ piˇ tuˬ yoˬ.
19
Ngaˬ lehˬ, Iˉsaˍreˍlaˆ chaw hui hta‸ yawˇ hui ve mvuhˇmiˬ lo kʼaw‸ shiˍ kʼo‸-e piˇ tuˬ yoˬ. Yawˇ hui lehˬ, Kaˍmeˍlaˆ hkʼaw leh, Baˍshanˍ mvuhˇmiˬ hkʼaw tawˆ ve awˬ shiˍ awˬ nu teˇ hpaˍ leh, Eˇhpaˍrenˍ leh Giˇlaˆ mvuhˇmiˬ hkʼaw tawˆ ve awˬ shiˍ awˬ nu teˇ hpaˍ hta‸ gʼa kʼaw‸ caˇ tuˬ yoˬ.
20
Awˬ yanˇ oˇ ve gaˬ la htaˇ, Iˉsaˍreˍlaˆ leh Yuˇda‸ mvuhˇmiˬ hkʼaw venˇbaˆ hta‸ kʼaw‸ ca mawˬ tuˬ ve maˇ heˆ. Awˬ lawn kʼo, ngaˬ ponˬ piˇ taˍ ve chaw oˇ ve teˇ hpaˍ ve venˇbaˆ hta‸ ngaˬ hpehˇ piˇ peuˬ ve pa taw yoˬ, teh‸ Gʼuiˬsha kʼoˆ ve yoˬ.
21
Gʼuiˬsha kʼoˆ ve, Meˍraˍtenˍ leh Peˍkoˆ venˇ yaˇ teˇ hpaˍ hta‸ ca bawˆ leh, yawˇ hui hkʼa peu-eˬ hta‸ te luˬ te sheˆ piˇ-oˆ. Ngaˬ kʼoˆ ve hkʼe hkʼa deh‸ na yuˬ leh te-o.
22
Mvuhˇmiˬ hkʼaw lo ma‸ bawˆ ve awˬ hkawˇ bvuhˬ tawˆ la leh, luˬ ve sheˆ ve awˬ ceuˬ gaˬ la ve yoˬ.
23
Baˍbuˍlonˍ chaw hui lehˬ, mvuhˇmiˬ teˇ hpaˍ hta‸ dawˆ hkoˇ piˇ peuˬ. Chi beu‸ hta tu oˇ ve hkoˇ kʼai peuˬ. Mvuhˇmiˬ oˇ ve chi hkʼe hpeh‸ kʼai peuˬ ve hta‸ gʼa mawˬ ve chaw hkʼa peu-eˬ anˇ leh kawˆ jaˇ ve yoˬ.
24
Baˍbuˍlonˍ chaw hui-oˬ, nawˬ hui ngaˬ hta‸ ca bawˆ la ve yoˬ. Nawˬ hui maˇ jawˬ ve htawˇ, nawˬ lehˬ ngaˬ htaw taˍ ve va hta‸ yaw peuˬ.
25
Baˍbuˍlonˍ mvuhˇmiˬ hkʼaw ngaˬ kanˉ te tuˬ cawˬ ve pa taw, ngaˬ ve la‸ caˉ teh taˍ kuiˬ hta‸ hpaw leh, nyi ma zuhˆ jaˇ ve hkʼaw la‸ caˉ oˇ ve teˇ hpaˍ hta‸ yuˬ tawˆ taˍ peuˬ.
26
Baˍbuˍlonˍ venˇ hta‸ teˇ hpawˇ le le hoˆ taˍ leh, caˬ ciˇ yehˬ te taˍ kuiˬ lo bawˆ lo‸-e loˬ. Yawˇ hui ve mawˇ jeˬ teˇ hpaˍ hta‸ hiˉ yuˬ leh, venˇ hta‸ te luˬ piˇ-oˆ. Te‸ chiˉ ka‸ taˇ teh taˉ piˇ.
27
Yawˇ hui ve ma‸ yaˇ hkʼa peu-eˬ hta‸ tiˇ pehˍ-o‸. Baˍbuˍlonˍ chaw hui lehˬ, gʼa dawˇ haˍ jaˇ ve yoˬ. Yawˇ hui hta‸ ciˍ yanˍ piˇ tuˬ ve awˬ yanˇ gaˬ la peuˬ, teh‸ Gʼuiˬsha kʼoˆ ve yoˬ.
28
(Baˍbuˍlonˍ mvuhˇmiˬ hkʼaw hpaw tawˆ la leh Yeˍruˆsaˍlehnˍ venˇ hkʼaw ca hpaw chehˇ la ve chaw teˇ hpaˍ lehˬ, Baˍbuˍlonˍ chaw hui Gʼuiˬsha ve bon yehˬ hta‸ te luˬ piˇ ve pa taw, Gʼuiˬsha yawˇ hui hta‸ hkʼaˬ hkʼe kʼaw‸ te hkʼaw‸ piˇ ve awˬ lawn hto maˍ laˇ ve yoˬ.)
29
Hkaˆ taˆ paˍ teˇ hpaˍ, Baˍbuˍlonˍ venˇ hta‸ bawˆ tuˬ kʼoˆ piˇ-oˆ. Hkaˆ bawˆ puiˉ ve chaw teˇ gʼaˇ le le hta‸ tawˆ kʼai tcuh-o. Venˇ hta‸ caw hoˆ taˍ leh, chaw teˇ gʼaˇ hta‸ ka‸ taˇ ponˬ kʼai tcuh piˇ. Yawˇ hui shu hta‸ te piˇ ve hkʼe, yawˇ hui hta‸ oˇ hkʼe kʼaw‸ te hkʼaw‸ piˇ-oˆ. Awˬ lawn kʼo, yawˇ hui lehˬ caˆ muiˬ ve awˬ hkʼaw lo ngaˬ hta‸ te ya‸ jaˇ peuˬ.
30
Chi hta‸ pa taw, yawˇ hui ve yaˇ nehˬ teˇ hpaˍ lehˬ, venˇ hkʼaw lo tiˇ pehˍ ve hta‸ gʼa hkanˍ leh, yawˇ hui ve ma‸ yaˇ teˇ hpaˍ htawˇ te luˬ te sheˆ ve hta‸ gʼa hkanˍ tuˬ yoˬ.
31
Baˍbuˍlonˍ chaw hui-oˬ, nawˬ hui lehˬ caˆ muiˬ puiˉ jaˇ ve yoˬ. Chi hta‸ pa taw, ngaˬ nawˬ hui hta‸ cha‸ naˬ jaˇ ve yoˬ. Ngaˬ nawˬ hui hta‸ ciˍ yanˍ tuˬ ve awˬ yanˇ gaˬ la peuˬ.
32
Nawˬ hui teˇ hpaˍ hkui htiˇ poˬ paiˍ tuˬ yoˬ. Chaw teˇ gʼaˇ ka‸ nawˬ hui hta‸ ga laˇ tuˬ ve maˇ heˆ. Nawˬ hui ve venˇ teˇ hpaˍ hta‸ ngaˬ aˬ miˍ tuˉ baˬ leh, venˇ jaˇ venˇ ji lo cawˬ ve awˬ ceuˬ hkʼa peu-eˬ luˬ kʼai sheˆ kʼai tuˬ yoˬ, teh‸ Gʼuiˬsha kʼoˆ ve yoˬ.
33
Gʼuiˬsha kʼoˆ ve, Iˉsaˍreˍlaˆ leh Yuˇda‸ chaw teˇ hpaˍ lehˬ, fawˉ mehˍ ve hta‸ gʼa hkanˍ ve yoˬ. Yawˇ hui hta‸ hpeh yuˬ ve chaw teˇ hpaˍ lehˬ, yawˇ hui hta‸ hkʼa deh‸ shaw taˍ leh, maˇ hpehˇ piˇ.
34
Ya‸ hkʼaˇ, yawˇ hui hta‸ htaiˍ hkʼaw‸ piˇ shehˍ hpaˇ lehˬ awˬ gʼaˇ uiˍ jaˇ ve yoˬ. Yawˇ ve awˬ meh lehˬ, Kanˇ paˆ uiˍ ve Gʼuiˬsha hpeh‸ ve yoˬ. Yawˇ yawˇ hui hta‸ suhˉ jehˬ piˇ leh, miˬguiˬ hkʼa peu-eˬ hta‸ gawˬ lehˍ cawˬ la piˇ tuˬ yoˬ. Ya‸ hkʼaˇ, Baˍbuˍlonˍ chaw hui awˬ hkʼoˆ lo, dawˇ haˍ tuˬ awˬ ceuˬ gaˬ la piˇ tuˬ yoˬ, teh‸ Gʼuiˬsha kʼoˆ ve yoˬ.
35
Gʼuiˬsha kʼoˆ ve, Suh ve teˇ ceuˬ Baˍbuˍlonˍ chaw, yawˇ hui ve awˬ hoˉ awˬ naˬ leh cuˇ yiˍ cawˬ paˍ teˇ hpaˍ awˬ hkʼoˆ gaˬ la piˇ-oˆ.
36
Suh ve teˇ ceuˬ, heˍ puiˉ ve tcuh kaˍ paˍ teˇ hpaˍ leh, ma‸ yaˇ teˇ hpaˍ awˬ hkʼoˆ gaˬ la piˇ-oˆ. Yawˇ hui kʼaˍ jaˇ leh kawˆ puiˉ jaˇ ve yoˬ.
37
Iˉ mvuhˇ leh iˉ mvuhˇ lawˬ teˇ hpaˍ hta‸ te luˬ piˇ-oˆ. Suh ve teˇ ceuˬ, ngaˍ taˍ ve ma‸ yaˇ teˇ hpaˍ awˬ hkʼoˆ gaˬ la piˇ-oˆ. Yawˇ hui lehˬ gʼaˇ nuˇ jaˇ ve yoˬ. Yawˇ hui ve mawˇ jeˬ teˇ hpaˍ hta‸ te luˬ piˇ-oˆ.
38
Mvuhˇ goˇ miˬ goˇ ve teˇ ceuˬ, mvuhˇmiˬ oˇ ve awˬ hkʼoˆ gaˬ la piˇ leh, iˉ kaˆ lawˬ teˇ hpaˍ hta‸ fiˍ kʼai piˇ-oˆ. Baˍbuˍlonˍ mvuhˇmiˬ hkʼaw shaˉ ho‸ hkʼa biˇ cawˬ leh, chaw yaˇ teˇ hpaˍ lehˬ, shaˉ ho‸ oˇ ve teˇ hpaˍ hta‸ ha‸ jaˇ ve yoˬ.
39
Chi hta‸ pa taw, Baˍbuˍlonˍ mvuhˇmiˬ hkʼaw neˇ teˇ hpaˍ leh maˇ da‸ maˇ kehˬ ve ngaˆ hkʼa biˇ cawˬ tuˬ yoˬ. Oˇ kaˬ lo chaw teˇ gʼaˇ ka‸ kʼaw‸ chehˇ tuˬ ve maˇ heˆ.
40
Sawˉdonˍ leh Gawˇmawˇra‸ venˇ hta‸ ngaˬ te piˇ ve hkʼe, Baˍbuˍlonˍ venˇ hta‸ htawˇ ngaˬ oˇ hkʼe te piˇ tuˬ yoˬ. Chaw teˇ gʼaˇ ka‸ oˇ kaˬ lo chehˇ tuˬ ve maˇ heˆ.
41
Awˬ na hpawˇ lo chehˇ ve awˬ gʼaˇ uiˍ ve chaw teˇ ceuˬ laˬ chehˇ taˍ ve yoˬ. Jawˇmawˇ laiˉ gʼaˇ ma‸ bawˆ tuˬ gu chehˇ taˍ ve yoˬ.
42
Yawˇ hui lehˬ a shu yawˇ ve la‸ caˉ pfuhˇ taˍ peuˬ. Yawˇ hui lehˬ, haiˬ jaˇ leh ha kʼaˉ puiˉ ve nyi ma maˇ cawˬ. Yawˇ hui iˉ mvuhˇ ciˇ toˇ ve lehˬ, awˬ hkawˇ bvuhˬ chehˇ ve laˇ tsuhˇ gʼuiˬ hkʼa shuˍ hpeh‸ leh, Baˍbuˍlonˍ mvuhˇmiˬ hta‸ ca bawˆ la tuˬ hkʼa deh‸ gu taˍ peuˬ.
43
Yawˇ hui laˬ chehˇ ve awˬ hkawˇ hta‸ Baˍbuˍlonˍ jawˇmawˇ gʼa kaˇ ve teˇ yanˇ, yawˇ ve la‸ sheh deu lehˍ hpeh‸ sheˬ ve yoˬ. Yawˇ lehˬ, yaˇ paw tuˬ naˬ chehˇ ve yaˇ miˇ hkʼa shuˍ kawˆ jaˇ ve yoˬ.
44
Yawˇdanˍ hteunˍ lonˉ hkʼaw tawˆ la leh kʼaˆ caˇ kuiˬ lo kʼai toˇ ve laˇ caˬ shiˉ hkʼa shuˍ, ngaˬ Gʼuiˬsha tawˆ la leh Baˍbuˍlonˍ chaw hui hta‸ gʼuiˇ hpaw-e piˇ lawˬ tuˬ yoˬ. Oˇ htaˇ, ngaˬ leuˆ yuˬ taˍ ve chaw teˇ gʼaˇ mvuhˇmiˬ hta‸ gʼa kʼaw‸ uˉ peunˍ tuˬ yoˬ. A shu ngaˬ hta‸ tehˆ da‸ hpeh‸ tuˬ le. A shu teˇ gʼaˇ ngaˬ hta‸ tawˍ da‸ haˆ le. Jawˇmawˇ hkʼaˬ ve teˇ gʼaˇ ngaˬ hta‸ tawˍ taˍ gʼa tuˬ le.
45
Baˍbuˍlonˍ chaw chi teˇ hpaˍ hta‸ ngaˬ te piˇ tuˬ ve kanˉ hkʼaˇ hta‸ na taˍ sheˍ. Yawˇ hui ve yaˇ ehˉ teˇ hpaˍ hta‸ shu gʼawˬ tawˆ-e leh, chaw hkʼa peu-eˬ kawˆ jaˇ tuˬ yoˬ.
46
Baˍbuˍlonˍ venˇ luˬ kʼai ve teˇ yanˇ, miˬguiˬ hta‸ hiˆ piˇ gʼa law‸ law‸ ve awˬ hkawˇ bvuhˬ tawˆ la tuˬ yoˬ. Awˬ hkawˇ oˇ ve hta‸ awˬ nu ve chaw ceuˬ teˇ hpaˍ htawˇ gʼa kaˇ tuˬ yoˬ, teh‸ Gʼuiˬsha kʼoˆ ve yoˬ.
← Chapter 49
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 51 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52