bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Jeremiah 29
Jeremiah 29
Lahu Bible Edited © Thailand Bible Society and Bible Society of Myanmar, 2010, 2020.
← Chapter 28
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 30 →
1
Baˍbuˍlonˍ mvuhˇmiˬ lo jawˇmawˇ Neˍbuˍhkaˍneˍzaˍ shiˍ kʼai taˍ ve paw hkuˇ, tcuh kaˍ paˍ leh Yuˇda‸ chaw awˬ hoˉ awˬ naˬ teˇ hpaˍ hta‸ ngaˬ li‸ teˇ kʼoˆ bvuh‸ feu piˇ ve yoˬ.
2
Jawˇmawˇ Hkawˇniˆ, yawˇ ve awˬ e, yawˇ ve ma‸ poˍ lonˉ teˇ hpaˍ, Yuˇda‸ chaw awˬ hoˉ awˬ naˬ teˇ hpaˍ leh puiˉ jaˇ cheuˬ jaˇ ve la‸shaˉmaˉ teˇ hpaˍ hta‸ shu mvuhˇmiˬ lo hpeh kʼai peuˬ hkʼaw‸ nawˉ, ngaˬ li‸ chi hta‸ bvuh‸ ve yoˬ.
3
Li‸ chi ve hta‸ jawˇmawˇ Zeˍdaˍkiˆ, Baˍbuˍlonˍ jawˇmawˇ Neˍbuˍhkaˍneˍzaˍ geh kʼai peuˬ ve Shaˍhpanˍ ve yaˇ Eˇlaˍsaˍ leh Hiˇlaˍhkiˆ ve yaˇ Geˍmaˍriˆ hui hta‸ feu piˇ ve yoˬ. Li‸ oˇ ve hkʼaw chi hkʼe bvuh‸ taˍ ve yoˬ.
4
Baˍbuˍlonˍ mvuhˇmiˬ lo jawˇmawˇ Neˍbuˍhkaˍneˍzaˍ hpeh kʼai ve hta‸ gʼa hkanˍ ve chaw hui hta‸ Gʼuiˬsha chi hkʼe kʼoˆ ve yoˬ.
5
A shu yawˇ ve chehˇ kuiˬ yehˬ hta‸ hkʼa deh‸ te leh chehˇ taˍ-o‸. Hko htawˇ hkʼa deh‸ te caˇ-oˆ.
6
Awˬ hpawˇ awˬ miˇ heuˆ da‸ leh yaˇ cawˬ la piˇ-oˆ. Yaˇ oˇ ve teˇ hpaˍ htawˇ kʼaw‸ heuˆ da‸ leh, yaˇ maˇ maˇ kʼaw‸ cawˬ la piˇ-oˆ. Nawˬ hui gʼa maˇ la piˇ ve yoˬ.
7
Nawˬ hui chehˇ taˍ ve, venˇ teˇ hpaˍ uiˍ la da‸ la tuˬ coˇ caˇ te-o. Yawˇ hui awˬ pon ngaˬ geh bon lawˬ-o‸. Yawˇ hui uiˍ la da‸ la ve kʼo, nawˬ hui htawˇ uiˍ la da‸ la tuˬ yoˬ.
8
Ngaˬ Iˉsaˍreˍlaˆ ve Gʼuiˬsha nawˬ hui hta‸ chi hkʼe shaˍ ti‸ pe‸ laˇ ve yoˬ. Nawˬ hui geh chehˇ taˍ ve tcuh kaˍ paˍ, maˇ heˆ kʼo faˍ te puiˉ ve chaw hui heˍ yuˬ beˬ yuˬ ve hta‸ maˇ gʼa na tuˬ shaˍ ti‸ te-o. Yawˇ hui zuh‸ maˆ hkawˇ yaw laˇ ve hta‸ taˇ na.
9
Yawˇ hui lehˬ ngaˬ ve awˬ meh hkʼaw nawˬ hui hta‸ heˍ laˇ chehˇ ve yoˬ. Ngaˬ yawˇ hui hta‸ peu laˇ taˍ ve maˇ heˆ.
10
Gʼuiˬsha kʼoˆ ve, Nawˬ hui Baˍbuˍlonˍ venˇ hkʼaw chehˇ ve 70 hkʼaw‸ biˇ peuˬ hkʼaw‸ nawˉ, ngaˬ nawˬ hui hta‸ ha kʼaˉ laˇ leh, aˉ hkʼaw lo kʼaw‸ shiˍ kʼo‸-e laˇ tuˬ yoˬ.
11
Nawˬ hui awˬ pon, ngaˬ kanˉ hkʼaˇ hkʼaˬ hkʼe gu chehˇ ve hta‸ ngaˬ teˇ gʼaˇ tiˉ shiˍ ve yoˬ. Kanˉ hkʼaˇ oˇ ve lehˬ, nawˬ hui uiˍ la da‸ la tuˬ ve kanˉ hkʼaˇ hpeh‸ ve yoˬ.
12
Oˇ htaˇ, nawˬ hui ngaˬ hta‸ kuˬ tuˬ yoˬ. Nawˬ hui ngaˬ geh bon lawˬ leh, ngaˬ kʼaw‸ yaw hkʼaw‸ laˇ tuˬ yoˬ.
13
Nyi ma awˬ tawˬ hkʼa gaˬ, nawˬ hui ngaˬ hta‸ ca ve kʼo, ngaˬ hta‸ mawˬ tuˬ yoˬ.
14
Yoˬ, nawˬ hui hta‸ kʼaw‸ shaw hpoˆ leh nawˬ hui ve mvuhˇmiˬ lo kʼaw‸ shiˍ kʼo‸-e laˇ tuˬ yoˬ.
15
Baˍbuˍlonˍ mvuhˇmiˬ hkʼaw Gʼuiˬsha nawˬ hui hta‸ tcuh kaˍ paˍ teˇ hpaˍ peu laˇ chehˇ ve yoˬ, teh‸ nawˬ hui kʼoˆ ve yoˬ.
16
Daˍviˆ ve kʼaw jaw hkʼoˆ mui leh uˉ peunˍ chehˇ ve jawˇmawˇ hta‸ te leh, shu mvuhˇmiˬ lo shiˍ kʼai ve hta‸ maˇ gʼa hkanˍ ve nawˬ hui ve awˬ viˉ awˬ nyi teˇ hpaˍ hta‸ Gʼuiˬsha chi hkʼe kʼoˆ piˇ chehˇ ve yoˬ.
17
Gʼuiˬsha kʼoˆ ve, Ma‸ bawˆ ve, meu‸ ve kaˆ ve leh naˬ beuˬ gaˬ ve chi teˇ hpaˍ, ngaˬ yawˇ hui awˬ hkʼoˆ lo gaˬ la piˇ leh, yawˇ hui hta‸ kuiˇ kʼai peuˬ ve maˉ nawˆ shiˍ hkʼe hpeh‸ la piˇ tuˬ yoˬ.
18
Ngaˬ yawˇ hui hta‸ chi hkʼe te ciˍ yanˍ piˇ chehˇ ve hta‸ gʼa mawˬ ve chaw hkʼa peu-eˬ kawˆ jaˇ tuˬ yoˬ. Ngaˬ yawˇ hui hta‸ hpaˆ da‸ kʼai piˇ lawˬ leh, yawˇ hui hkʼa gaˬ ve chehˇ kuiˬ teˇ kaˬ le le, shu yawˇ hui hta‸ hkeu leh hkʼa mvuhˇ hkʼa na kʼoˆ tuˬ yoˬ.
19
Yawˇ hui lehˬ, ngaˬ peu laˇ taˍ ve tcuh kaˍ paˍ teˇ hpaˍ ve tawˇ hta‸ maˇ na yuˬ ve pa taw, chi hkʼe gʼa hkanˍ tuˬ yoˬ.
20
Baˍbuˍlonˍ mvuhˇmiˬ hkʼaw shu ceˬ te chehˇ ve nawˬ hui hkʼa peu-eˬ, ngaˬ kʼoˆ ve tawˇ hta‸ na yuˬ-o‸, teh‸ Gʼuiˬsha kʼoˆ ve yoˬ.
21
Nawˬ hui hta‸ Gʼuiˬsha ve awˬ meh awˬ hkʼaw lo heˍ laˇ chehˇ ve, Kawˇlaˍyaˆ ve yaˇ Aˍhaˆ leh Maˍseˍyaˆ ve yaˇ Zeˍdaˍkiˆ hui awˬ lawn Iˉsaˍreˍlaˆ ve Gʼuiˬsha chi hkʼe kʼoˆ ve yoˬ. Yawˇ huiˉ maˬ hta‸ Baˍbuˍlonˍ jawˇmawˇ Neˍbuˍ hkaˍneˍzaˍ ve la‸ sheh hkʼaw lo chiˇ a‸ piˇ leh, yawˇ lehˬ yawˇ huiˉ maˬ hta‸ nawˬ hui mehˆ gʼuˇ suhˍ lo tiˇ pehˍ piˇ tuˬ yoˬ.
22
Baˍbuˍlonˍ mvuhˇmiˬ lo shu hpeh kʼai ve hta‸ gʼa hkanˍ ve chaw teˇ hpaˍ lehˬ, teˇ gʼaˇ leh teˇ gʼaˇ hkeu da‸ ve teˇ yanˇ, Nawˬ lehˬ, Baˍbuˍlonˍ jawˇmawˇ aˬ miˍ tuˉ pehˍ ve Zeˍdaˍkiˆ leh Aˍhaˆ hkʼe hpeh‸ la piˇ-oˆ, teh‸ kʼoˆ tuˬ yoˬ.
23
Yawˇ huiˉ maˬ oˇ hkʼe gʼa hkanˍ ve lehˬ, haˉ chawˇ haˉ paˆ te leh, Gʼuiˬsha ve awˬ meh hkʼaw nawˬ hui hta‸ heˍ laˇ chehˇ ve pa taw yoˬ. Chi hkʼe te ve hta‸ Gʼuiˬsha nyi ma maˇ cawˇ, teh‸ ngaˬ yawˇ hui hta‸ li‸ bvuh‸ feu piˇ ve yoˬ.
24
Neˍheˍlanˍ venˇ yaˇ Sheˍmaˍyaˆ hta‸ tawˇ ca yaw piˇ tuˬ, Gʼuiˬsha ngaˬ hta‸ kʼoˆ laˇ ve yoˬ.
25
Awˬ lawn kʼo, yawˇ lehˬ Yeˍruˆsaˍlehnˍ venˇ yaˇ teˇ hpaˍ, Maˍseˍyaˆ ve yaˇ paw hkuˇ Zeˍhpaˍniˆ leh awˬ nu ve paw hkuˇ teˇ hpaˍ hta‸ li‸ teˇ kʼoˆ bvuh‸ feu piˇ ve pa taw yoˬ. Li‸ awˬ hkʼaw lo chi hkʼe kʼoˆ taˍ ve yoˬ.
26
Gʼuiˬsha lehˬ, paw hkuˇ Yawˇyaˍdaˆ awˬ tan, nawˬ hta‸ paw hkuˇ te tcuh laˇ taˍ ve yoˬ. Chi hta‸ pa taw, nawˬ lehˬ chi beu‸ bon yehˬ hkʼaw paw hkuˇ lonˉ hpeh‸ la peuˬ. A shu yawˇ awˬ to hta‸ tcuh kaˍ paˍ teh‸ kʼoˆ ve chaw hui hta‸ hpeh yuˬ tuˬ nawˬ ve kanˉ hpeh‸ ve yoˬ.
27
Aˬ hto‸ ma pa taw tcuh kaˍ paˍ hkʼa shuˍ chaw yaˇ teˇ hpaˍ hta‸ tawˇ yaw piˇ chehˇ ve, Aˍnaˍtoˆ venˇ yaˇ Yeˍraˍmiˆ hta‸ nawˬ oˇ hkʼe maˇ te piˇ ve le.
28
Yawˇ hta‸ tawˍ taˍ cawˇ ve yoˬ. Awˬ lawn kʼo, yawˇ lehˬ Baˍbuˍlonˍ mvuhˇmiˬ hkʼaw shu ceˬ te chehˇ taˍ ve chaw hui hta‸ a shu yawˇ ve yehˬ te chehˇ tuˬ maˇ kʼoˆ, hko te caˇ tuˬ maˇ kʼoˆ, tawˇ shanˍ feu piˇ chehˇ ve yoˬ, teh‸ bvuh‸ taˍ ve yoˬ.
29
Paw hkuˇ Zeˍhpaˍniˆ lehˬ, li‸ oˇ ve ngaˬ hta‸ gʼaw maˍ laˇ ve yoˬ.
30
Oˇ htaˇ, Gʼuiˬsha lehˬ Sheˍmaˍyaˆ awˬ lawn Baˍbuˍlonˍ mvuhˇmiˬ hkʼaw shu ceˬ te chehˇ taˍ ve chaw hui hta‸ chi hkʼe tawˇ shanˍ feu tcuh laˇ ve yoˬ.
31
Ngaˬ Gʼuiˬsha lehˬ, Sheˍmaˍyaˆ leh yawˇ ve awˬ yaˇ awˬ duˬ teˇ hpaˍ hta‸ ciˍ yanˍ piˇ tuˬ yoˬ. Ngaˬ yawˇ hta‸ tawˇ maˇ yaw piˇ ve ka‸, yawˇ lehˬ tcuh kaˍ paˍ hkʼa shuˍ nawˬ hui hta‸ tawˇ yaw leh heˍ laˇ chehˇ ve yoˬ.
32
Chi hta‸ pa taw, yawˇ lehˬ ngaˬ ve chaw teˇ hpaˍ hta‸ te piˇ tuˬ ve da‸ ve kanˉ teˇ hpaˍ hta‸ gʼa mawˬ taˉ tuˬ ve maˇ heˆ. Awˬ lawn kʼo, yawˇ lehˬ chaw yaˇ teˇ hpaˍ ngaˬ hta‸ kʼaw‸ hpfuhˆ tuˬ maˍ piˇ peuˬ ve yoˬ, teh‸ Gʼuiˬsha kʼoˆ ve yoˬ.
← Chapter 28
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 30 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52