bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Jeremiah 15
Jeremiah 15
Lahu Bible Edited © Thailand Bible Society and Bible Society of Myanmar, 2010, 2020.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 16 →
1
Oˇ htaˇ, Gʼuiˬsha ngaˬ hta‸ chi hkʼe kʼoˆ laˇ ve yoˬ. Moˉseˍ leh Saˍmo-eˍlaˆ choˬ kaˬ lo huˉ taˍ leh, ngaˬ hta‸ lawˬ hkawˉ laˇ chehˇ ve htawˇ, chaw chi teˇ hpaˍ hta‸ ngaˬ a ciˉ ka‸ ha kʼaˉ piˇ tuˬ ve maˇ heˆ. Yawˇ hui hta‸ ngaˬ mehˆ gʼuˇ suhˍ lo tawˆ kʼai tcuh-o.
2
Ngaˬ hui hkʼaˬ lo gʼa kʼai tuˬ le, teh‸ na nyi laˇ ve kʼo chi hkʼe kʼoˆ piˇ-oˆ. Teˇ hpaˍ hpaˍ naˬ beuˬ gaˬ suh-e tuˬ yoˬ. Teˇ hpaˍ hpaˍ ma‸ bawˆ kuiˬ lo gʼa suh-e tuˬ yoˬ. Teˇ hpaˍ hpaˍ meu‸ suh kaˆ suh-e tuˬ yoˬ. Teˇ hpaˍ hpaˍ shu ve mvuhˇmiˬ lo hpeh kʼai ve hta‸ gʼa hkanˍ tuˬ yoˬ. Chi ve lehˬ, yawˇ hui gʼa kʼai tuˬ ve ya‸ kʼaw yoˬ.
3
Yawˇ hui hta‸ awˇ ceuˬ te ciˍ yanˍ piˇ tuˬ ngaˬ dawˇ cheˆ taˍ peuˬ. Yawˇ hui lehˬ, ma‸ bawˆ kuiˬ lo gʼa suh-e tuˬ yoˬ. Yawˇ hui ve awˬ to hta‸ hpuiˇ che‸ tzuh‸ leh ngaˆ htawˆ caˇ tuˬ yoˬ. Cawˬ taˉ ve awˬ mu‸ ku hta‸ haiˬ ve to nuˇ to shaˆ teˇ hpaˍ geu‸ caˇ tuˬ yoˬ.
4
Yuˇda‸ mvuhˇmiˬ hta‸ Heˍsaˍkiˆ ve yaˇ Maˍnaˍseˍ uˉ peunˍ chehˇ htaˇ, Yeˍruˆsaˍlehnˍ venˇ hkʼaw yawˇ te ve kanˉ oˇ ve teˇ hpaˍ hta‸ pa taw, miˬguiˬ chaw yaˇ hkʼa peu-eˬ yawˇ hui hta‸ nyi leh kawˆ jaˇ tuˬ yoˬ.
5
Gʼuiˬsha kʼoˆ ve, Yeˍruˆsaˍlehnˍ venˇ yaˇ teˇ hpaˍ-oˬ, a shu nawˬ hui hta‸ ha kʼaˉ laˇ tuˬ le. A shu nawˬ hui awˬ pon dawˇ haˍ leh hawˬ tuˬ le. Nawˬ hui chehˇ sha chehˇ-aw laˇ, teh‸ a shu kʼoˆ laˇ tuˬ le.
6
Nawˬ hui ngaˬ hta‸ chiˇ baˬ peuˬ. Nawˬ hui ngaˬ hta‸ hpfuhˆ kʼai peuˬ. Chi hta‸ pa taw, ngaˬ ve la‸ sheh che leh nawˬ hui hta‸ ciˍ yanˍ laˇ tuˬ yoˬ. Awˬ lawn kʼo, ngaˬ nawˬ hui hta‸ yeunˇ hkanˍ chehˇ maˇ taˬ-o.
7
Venˇ teˇ maˬ le le awˬ hkʼaw lo, ngaˬ nawˬ hui hta‸ suhˆ hpa‸ hkʼa shuˍ mvuhˇ haw hkʼaw baˬ keu tuˬ yoˬ. Ngaˬ ve chaw teˇ hpaˍ-oˬ, ngaˬ nawˬ hui hta‸ te luˬ te sheˆ laˇ ve yoˬ. Nawˬ hui te chehˇ ve haiˬ ve kanˉ hta‸ maˇ baˬ taˉ ve pa taw, nawˬ hui ve yaˇ teˇ hpaˍ hta‸ ngaˬ tiˇ pehˍ tuˬ yoˬ.
8
Nawˬ hui ve mvuhˇmiˬ hkʼaw lo, mehˇchawˇma teˇ hpaˍ lehˬ, laˇ tsuhˇ gʼuiˬ pfuhˍ lo ve shehˇ shiˍ a‸ kehˉ maˇ jaˇ tuˬ yoˬ. Nawˬ hui ve yaˇ nehˬ teˇ hpaˍ hta‸ ngaˬ tiˇ pehˍ leh, yawˇ hui ve awˬ e teˇ hpaˍ hta‸ tu‸ hkanˍ piˇ lawˬ tuˬ yoˬ. Ngaˬ yawˇ hui hta‸ la‸ haˉ dawˇ maˇ tawˆ leh kawˆ jaˇ piˇ lawˬ tuˬ yoˬ.
9
Yaˇ suhˍ gʼaˇ hkʼa peu-eˬ suh-e ve awˬ e lehˬ, suh kʼehˆ-e tuˬ yoˬ. Yawˇ ve awˬ gʼeuˆ naˆ ho‸ kʼai leh, awˬ me‸ awˬ hponˇ luˬ kʼai ve hkʼaw nyi ma luˬ jaˇ tuˬ yoˬ. Cawˬ taˉ sheˍ ve chaw teˇ hpaˍ hta‸ tiˇ pehˍ piˇ tuˬ, nawˬ hui ve canˇ paˍ teˇ hpaˍ hta‸ ngaˬ chiˇ a‸ piˇ tuˬ yoˬ, teh‸ Gʼuiˬsha kʼoˆ ve yoˬ.
10
Ngaˬ lehˬ, hkʼaˬ ma hpeh‸ bawˬ tuˬ uiˍ ve chaw hpeh‸ ve le. Aˬ hto‸ ma pa taw, ngaˬ e ngaˬ hta‸ miˬguiˬ hkʼoˆ lo keuˆ la piˇ ve le. Mvuhˇmiˬ chi awˬ hkʼaw lo, ngaˬ lehˬ chaw teˇ gʼaˇ le le hta‸ tawˇ gʼa gʼawˬ da‸ leh, gʼa ya‸ da‸ chehˇ ve yoˬ. Ngaˬ lehˬ chaw teˇ gʼaˇ hta‸ ka‸ hpu maˇ chiˇ piˇ jaw. Shu geh ka‸ maˇ ca chiˇ yehˇ jaw. Ya‸ hkʼaˇ, chaw hkʼa peu-eˬ ngaˬ hta‸ hkeu laˇ chehˇ ve yoˬ.
11
Gʼuiˬsha-oˬ, ngaˬ nawˬ ve kanˉ hta‸ hkʼa deh‸ maˇ te chehˇ ve kʼo, hkeu ve oˇ ve teˇ hpaˍ ngaˬ awˬ hkʼoˆ gaˬ la piˇ-oˆ. Ngaˬ ve canˇ paˍ teˇ hpaˍ, tu‸ hkanˍ dawˇ haˍ chehˇ htaˇ, yawˇ hui awˬ pon ngaˬ nawˬ hta‸ maˇ lawˬ hkawˉ ve kʼo ka‸, hkeu ve oˇ ve teˇ hpaˍ ngaˬ awˬ hkʼoˆ lo gaˬ la piˇ-oˆ.
12
(Awˬ na hpawˇ lo laˬ ve kuiˇ hkaw‸ da‸ taˍ ve sho hta‸, chaw teˇ gʼaˇ ka‸ awˉ hteh maˇ gʼa.)
13
Gʼuiˬsha ngaˬ hta‸ kʼoˆ laˇ ve, Ngaˬ ve chaw teˇ hpaˍ te ya‸ taˍ ve venˇbaˆ hta‸ ciˍ yanˍ piˇ tuˬ, canˇ paˍ teˇ hpaˍ hta‸ ngaˬ yawˇ hui geh peu laˇ tuˬ yoˬ. Yawˇ hui lehˬ, ngaˬ ve chaw teˇ hpaˍ ve hpu shi mawˇ jeˬ hta‸ yuˬ kʼai tuˬ yoˬ.
14
Ngaˬ lehˬ, yawˇ hui hta‸ yawˇ hui maˇ shiˍ jaw ve mvuhˇmiˬ lo shu ve awˬ ceˬ te tcuh tuˬ yoˬ. Awˬ lawn kʼo, ngaˬ ve nyi ma zuhˆ ve teˇ ceuˬ lehˬ, aˬ miˍ hkʼe hpeh‸ leh co co taiˍ taiˍ to‸ chehˇ tuˬ ve yoˬ, teh‸ kʼoˆ ve yoˬ.
15
Oˇ htaˇ, ngaˬ Gʼuiˬsha hta‸ kʼoˆ piˇ ve, Gʼuiˬsha-oˬ, nawˬ shiˍ taˍ ve yoˬ. Ngaˬ hta‸ dawˇ nawˇ leh a ciˉ ga laˇ-oˆ. Ngaˬ hta‸ fawˉ mehˍ laˇ chehˇ ve chaw hta‸ a ciˉ kʼaw‸ te hkʼaw‸ piˇ-oˆ. Yawˇ hui ngaˬ hta‸ tiˇ pehˍ tuˬ ca chehˇ ve hta‸ nawˬ a ciˉ taˇ yeunˇ hkanˍ chehˇ-oˆ. Nawˬ ve tawˇ hta‸ yaw ve pa taw, yawˇ hui ngaˬ hta‸ hkʼa mvuhˇ hkʼa na te laˇ chehˇ ve hta‸ nawˬ a ciˉ dawˇ nawˇ laˇ-oˆ.
16
Nawˬ ngaˬ hta‸ tawˇ yaw laˇ leh, ngaˬ lehˬ nawˬ ve tawˇ teˇ hkawˇ le le hta‸ hkʼa deh‸ na chehˇ ve yoˬ. Kanˇ paˆ uiˍ ve Gʼuiˬsha-oˬ, ngaˬ lehˬ nawˬ ve chaw hpeh‸ ve yoˬ. Chi hta‸ pa taw, nawˬ ve tawˇ lehˬ ngaˬ ve nyi ma hta‸ ha lehˬ dawˇ sha tuˬ piˇ laˇ chehˇ ve yoˬ.
17
Ngaˬ lehˬ, shu geh daˬ hkʼo te leh awˬ yanˇ hta‸ hkʼe leˇ te shonˇ chehˇ ve maˇ heˆ. Nawˬ ve tawˇ hta‸ na yuˬ ve hkʼaw ngaˬ ta‸ iˉ gawˬ lehˍ chehˇ taˍ leh, nyi ma hkʼaw lo beu‸ jaˇ chehˇ ve yoˬ.
18
Aˬ hto‸ ma pa taw, ngaˬ gʼa tu‸ gʼa hkanˍ chehˇ ve le. Aˬ hto‸ ma pa taw, ngaˬ ve naˬ kuiˬ teˇ hpaˍ maˇ na-e la puiˉ ve le. Mvuhˇ goˇ yanˇ htaˇ fiˍ kʼai ve iˉ kaˆ lawˬ hkʼa shuˍ, nawˬ ngaˬ hta‸ nyi ma luˬ tuˬ te laˇ chehˇ ve laˇ, teh‸ ngaˬ Gʼuiˬsha hta‸ kʼoˆ piˇ ve yoˬ.
19
Gʼuiˬsha ngaˬ hta‸ chi hkʼe kʼaw‸ yaw hkʼaw‸ laˇ ve yoˬ. Nawˬ ngaˬ geh kʼaw‸ hpfuhˆ kʼaw‸ la ve kʼo, ngaˬ nawˬ hta‸ kʼaw‸ ha‸ yuˬ leh, ngaˬ ve awˬ ceˬ gʼa kʼaw‸ te tuˬ yoˬ. Nawˬ lehˬ, daˬ hkʼo ca te toˇ chehˇ ve a‸ kehˉ, ngaˬ ve tawˇ hta‸ yaw chehˇ ve pa taw, nawˬ lehˬ ngaˬ ve tcuh kaˍ paˍ gʼa kʼaw‸ caˉ te tuˬ yoˬ. Chaw yaˇ teˇ hpaˍ nawˬ geh kʼaw‸ la tuˬ yoˬ. Nawˬ yawˇ hui geh kʼai tuˬ maˇ loˍ.
20
Chaw chi teˇ hpaˍ gʼuˇ suhˍ lo, ngaˬ lehˬ nawˬ hta‸ kuiˇ yuˬ te taˍ ve gʼo‸ pa hkʼa shuˍ hpeh‸ la piˇ tuˬ yoˬ. Yawˇ hui nawˬ hta‸ ca bawˆ la tuˬ yoˬ. Ya‸ hkʼaˇ, nawˬ hta‸ bawˆ gʼaˇ tuˬ ve maˇ heˆ. Ngaˬ nawˬ hta‸ ha‸ shaˉ taˍ leh, nawˬ hta‸ ponˬ laˇ tuˬ yoˬ.
21
Haiˬ ve chaw teˇ hpaˍ ve la‸ sheh hkʼaw lo, ngaˬ nawˬ hta‸ htaiˍ hkʼaw‸ laˇ tuˬ yoˬ, teh‸ Gʼuiˬsha kʼoˆ ve yoˬ.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52