bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Jeremiah 4
Jeremiah 4
Lahu Bible Edited © Thailand Bible Society and Bible Society of Myanmar, 2010, 2020.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 5 →
1
Gʼuiˬsha kʼoˆ ve, Iˉsaˍreˍlaˆ chaw teˇ hpaˍ-oˬ, nawˬ hui ngaˬ geh kʼaw‸ la gaˇ ve kʼo kʼaw‸ la-o. Ngaˬ canˇ ve shaˉ ho‸ teˇ hpaˍ hta‸ yuˬ baˬ leh, ngaˬ hta‸ ka ti‸ yeˬ chehˇ-oˆ.
2
Oˇ hkʼe te ve kʼo, nawˬ hui ngaˬ ve awˬ meh hta‸ cuˇ leh hkanˍ ve lehˬ cawˇ ve yoˬ. Awˬ nu ve chaw ceuˬ hkʼa peu-eˬ htawˇ, ngaˬ geh laˬ leh ngaˬ hta‸ chiˇ mvuh tuˬ yoˬ, teh‸ kʼoˆ ve yoˬ.
3
Yeˍruˆsaˍlehnˍ leh Yuˇda‸ chaw hui hta‸Gʼuiˬsha chi hkʼe kʼoˆ piˇ ve yoˬ. Maˇ mehˇ sheˍ ve nawˬ hui ve ti mi hta‸ mehˇ-oˆ. Aˉ chuˇ buiˇ kaˍ lo nawˬ hui ve awˬ yawˇ hta‸ taˇ ca sheˍ keu.
4
Yeˍruˆsaˍlehnˍ leh Yuˇda‸ chaw hui-oˬ, nawˬ hui ngaˬ hta‸ te taˍ ve ka ti‸ hta‸ hkʼa deh‸ ha‸ shaˉ taˍ leh, nawˬ hui ve awˬ to ngaˬ hta‸ chiˇ a‸ laˇ-oˆ. Oˇ hkʼe maˇ te ve kʼo, ngaˬ nyi ma zuhˆ ve teˇ ceuˬ lehˬ, aˬ miˍ hkʼa shuˍ to‸ tawˆ la tuˬ yoˬ. Nawˬ hui haiˬ ve kanˉ hta‸ te peuˬ ve pa taw, aˬ miˍ oˇ ve to‸ la chehˇ leh, chaw teˇ gʼaˇ ka‸ shiˉ pehˍ gʼa tuˬ ve maˇ heˆ, teh‸ Gʼuiˬsha kʼoˆ ve yoˬ.
5
Mvuhˇmiˬ hkʼaˬ ti chi ti lo behˬ heh ma meuˆ leh gʼaˇ hte‸ kuˬ chehˇ-oˆ. Ta‸ yehˬ hkʼaw lo gʼuiˇ lo‸-e tuˬ, Yuˇda‸ leh Yeˍruˆsaˍlehnˍ venˇ yaˇ hui hta‸ hto piˇ-oˆ.
6
Ziˉonˍ venˇ lo gʼaˇ hte‸ gʼuiˇ lo‸-e loˬ. Taˇ te guiˇ chehˇ. Awˬ lawn kʼo, Gʼuiˬsha lehˬ awˬ na hpawˇ lo cawˬ ve kawˆ tuˬ dawˇ haˍ tuˬ awˬ ceuˬ leh luˬ ve sheˆ ve awˬ ceuˬ hta‸ yuˬ veu laˇ chehˇ taˍ ve yoˬ.
7
Laˇ caˬ shiˉ lehˬ, yawˇ ve va‸ taˍ kuiˬ lo tawˆ la chehˇ ve hkʼe, mvuhˇmiˬ teˇ hpaˍ hta‸ te luˬ shehˍ hpaˇ teˇ gʼaˇ tawˆ la chehˇ taˍ peuˬ. Yawˇ lehˬ, Yuˇda‸ mvuhˇmiˬ hta‸ te luˬ tuˬ, tawˆ la chehˇ taˍ peuˬ. Yuˇda‸ ve venˇ teˇ hpaˍ luˬ kʼai sheˆ kʼai leh, chaw teˇ gʼaˇ ka‸ kʼaw‸ chehˇ tuˬ ve maˇ heˆ.
8
Yuˇda‸ chaw hui hta‸ Gʼuiˬsha nyi ma zuhˆ ve maˇ mehˉ kʼai sheˍ ve pa taw, meh htuˉ pui hpa hta‸ veu‸ deh leh, paˆ hawˬ kehˇ hawˬ chehˇ-oˆ.
9
Gʼuiˬsha kʼoˆ ve, Awˬ yanˇ oˇ ve gaˬ la htaˇ, jawˇmawˇ leh ma‸ poˍ lonˉ teˇ hpaˍ gʼaˇ nuˇ kʼai tuˬ yoˬ. Paw hkuˇ leh tcuh kaˍ paˍ teˇ hpaˍ htawˇ, anˇ jaˇ tuˬ yoˬ, teh‸ kʼoˆ ve yoˬ.
10
Oˇ htaˇ ngaˬ kʼoˆ ve, Jawˇmawˇ Gʼuiˬsha-oˬ, nawˬ lehˬ Yeˍruˆsaˍlehnˍ venˇ yaˇ teˇ hpaˍ hta‸ chiˇ baˬ peuˬ. Gawˬ lehˍ ve awˬ yanˇ cawˬ la tuˬ yoˬ, teh‸ nawˬ kʼoˆ taˍ peuˬ ve yoˬ. Ya‸ hkʼaˇ, chi beu‸ yawˇ hui ve kʼawˍ peˍ hta‸ aˉ hte‸ yuˬ mawˍ taˍ peuˬ, teh‸ kʼoˆ piˇ ve yoˬ.
11
Yeˍruˆsaˍlehnˍ venˇ yaˇ hui hta‸ chi hkʼe kʼoˆ piˇ tuˬ awˬ yanˇ gaˬ la chehˇ ve yoˬ. Gʼuiˬsha ve chaw hui chehˇ taˍ kuiˬ lo chiˆ jaˇ ve mvuhˇ haw lonˉ meuˆ la chehˇ ve yoˬ. Mvuhˇ haw oˇ ve lehˬ, va‸ hpuiˇ shaˆ hta‸ meuˆ baˬ piˇ ve mvuhˇ haw hkʼe ceh maˇ heˆ.
12
Ngaˬ peu laˇ ve mvuhˇ haw lonˉ oˇ ve lehˬ, hehnˇ jaˇ tuˬ yoˬ. Ngaˬ lehˬ ngaˬ ve chaw hui hta‸ chi hkʼe ciˍ yanˍ piˇ chehˇ ve yoˬ.
13
Nyi loˬ. Canˇ paˍ teˇ hpaˍ lehˬ, moˬ hkʼa shuˍ laˬ chehˇ ve yoˬ. Yawˇ hui ve iˉ mvuhˇ lawˬ teˇ hpaˍ lehˬ, mvuhˇ haw aˉ caw law hkʼe hpeh‸ leh, yawˇ hui ve iˉ mvuhˇ teˇ hpaˍ htawˇ, aˉ ceˬ a‸ kehˉ gehˬ jaˇ ve yoˬ. Ngaˬ hui gʼa luˬ gʼa sheˆ tuˬ yoˬ.
14
Yeˍruˆsaˍlehnˍ venˇ-oˬ, nawˬ gʼa ponˬ tuˬ nawˬ ve nyi ma hkʼaw cawˬ ve cha‸ chiˆ ve awˬ ceuˬ hta‸ tsuhˇ baˬ-o‸. Maˇ da‸ ve dawˇ hkʼaˇ teˇ hpaˍ hta‸ nawˬ hkʼaˬ maw maw dawˇ nyi chehˇ tuˬ sheˍ ve le.
15
Danˍ chaw hui ve mvuhˇmiˬ leh, Eˇhpaˍrenˍ hkʼaw hkʼoˆ lo, maˇ da‸ ve awˬ lawn sha tanˇ bvuhˬ tawˆ la chehˇ ve yoˬ.
16
Vuiˇ jaˇ ve mvuhˇmiˬ hkʼaw chehˇ ve canˇ paˍ teˇ hpaˍ laˬ chehˇ ve yoˬ, teh‸ chaw ceuˬ teˇ hpaˍ leh Yeˍruˆsaˍlehnˍ venˇ hta‸ kʼoˆ piˇ-oˆ. Canˇ paˍ oˇ ve teˇ hpaˍ lehˬ, Yuˇda‸ ve venˇ teˇ hpaˍ hta‸ venˇbaˆ taˍ leh kuˬ tuˬ yoˬ.
17
Chaw teˇ gʼaˇ yawˇ ve hko hta‸ shaw chehˇ ve hkʼe, yawˇ hui Yeˍruˆsaˍlehnˍ venˇ hta‸ caw hoˆ taˍ tuˬ yoˬ. Awˬ lawn kʼo, yawˇ hui ngaˬ hta‸ baˬ taˉ peuˬ, teh‸ Gʼuiˬsha kʼoˆ ve yoˬ.
18
Yuˇda‸ chaw hui-oˬ, chi hkʼe hpeh‸ la ve lehˬ, nawˬ hui a sha‸ te‸ ve leh nawˬ hui te ve maˇ da‸ ve kanˉ teˇ hpaˍ hta‸ pa taw yoˬ. Nawˬ hui te taˍ ve venˇbaˆ nawˬ hui ve nyi ma shiˍ hta‸ juˆ pawnˍ laˇ chehˇ ve yoˬ.
19
Ngaˬ lehˬ dawˇ haˍ jaˇ leh, ngaˬ ve nyi ma shiˍ htawˇ diˆ vaiˇ jaˇ ve yoˬ. Ngaˬ ta‸ iˉ gawˬ lehˍ chehˇ maˇ hpeh‸. Behˬ heh ma hkawˇ leh, ma‸ bawˆ tuˬ kuˬ chehˇ ve awˬ hkawˇ hta‸ ngaˬ gʼa kaˇ ve yoˬ.
20
Dawˇ haˍ tuˬ awˬ ceuˬ, teˇ ceuˬ peuˬ teˇ ceuˬ gaˬ la chehˇ ve yoˬ. Teˇ mvuhˇmiˬ hkʼa peu-eˬ luˬ kʼai sheˆ kʼai tuˬ yoˬ. Ngaˬ hui ve aˉ po kʼo htawˇ, teˇ cawˬ haˉ luˬ kʼai leh, ko taˍ ve hpa teˇ hpaˍ htawˇ tzuh‸ kʼai ve yoˬ.
21
Ma‸ bawˆ tuˬ kuˬ chehˇ ve awˬ hkawˇ leh, behˬ heh ma meuˆ hkawˇ hta‸ ngaˬ hkʼaˬ maw maw gʼa kaˇ chehˇ tuˬ sheˍ ve le.
22
Gʼuiˬsha kʼoˆ ve, Ngaˬ ve chaw teˇ hpaˍ kʼaˍ jaˇ leh, ngaˬ hta‸ maˇ shiˍ. Yawˇ hui lehˬ, te‸ chiˉ maˇ shiˍ puiˉ ve yaˇ ehˉ hkʼe hpeh‸ ve yoˬ. Yawˇ hui haiˬ ve kanˉ hta‸ te puiˉ jaˇ leh, da‸ ve hta‸ te hkawˇ maˇ shiˍ, teh‸ kʼoˆ ve yoˬ.
23
Oˇ ve hkʼaw‸ nawˉ, ngaˬ miˬguiˬ hkʼoˆ lo chiˇ nyi peu ve yoˬ. Miˬguiˬ lehˬ gawˬ cu gawˬ pehˆ hpeh‸ chehˇ ve yoˬ. Mvuhˇ naw ma hkʼoˆ lo htawˇ, te‸ chiˉ awˬ gʼeuˆ maˇ cawˬ.
24
Hkʼaw pui teˇ hpaˍ hta‸ ngaˬ kʼaw‸ chiˇ nyi ve yoˬ. Yawˇ hui hiˆ hiˆ naˇ naˇ hpeh‸ chehˇ ve yoˬ.
25
Chaw teˇ gʼaˇ hta‸ ka‸ ngaˬ maˇ gʼa mawˬ. Ngaˆ teˇ hpaˍ htawˇ poˬ hpaw-e peuˬ ve yoˬ.
26
Hkuiˇ jaˇ da‸ jaˇ ve mvuhˇmiˬ lehˬ, hteunˍ lonˉ kʼaw‸ hpeh‸ la ve yoˬ. Gʼuiˬsha nyi ma zuhˆ jaˇ ve pa taw, venˇ teˇ hpaˍ htawˇ luˬ kʼai peuˬ.
27
Miˬguiˬ hkʼa peu-eˬ gawˬ cu gawˬ pehˆ hpeh‸ kʼai tuˬ yoˬ. Ya‸ hkʼaˇ, hkʼa peu-eˬ ve hta‸ te luˬ piˇ tuˬ ve maˇ heˆ.
28
Chi hta‸ pa taw, miˬguiˬ hkʼanˇ chehˇ leh, mvuhˇ naw ma naˆ ho‸ kʼai tuˬ yoˬ. Chi hkʼe hpeh‸ la tuˬ ngaˬ kʼoˆ taˍ peuˬ leh ngaˬ nyi ma kʼaw‸ pa tuˬ ve maˇ heˆ, teh‸ Gʼuiˬsha kʼoˆ ve yoˬ.
29
Iˉ mvuhˇ ciˇ paˍ leh hkaˆ taˆ paˍ hui laˬ chehˇ ve awˬ hkawˇ hta‸ gʼa kaˇ ve teˇ yanˇ, chaw hkʼa peu-eˬ gʼuiˇ hpaw-e tuˬ yoˬ. Chaw teˇ hpaˍ hpaˍ haˉ hpawˇ hkʼoˆ lo hpaw taˆ-e tuˬ yoˬ. Venˇ hkʼaw lo chaw teˇ gʼaˇ ka‸ chehˇ taˉ tuˬ ve maˇ heˆ.
30
Yeˍruˆsaˍlehnˍ venˇ-oˬ, nawˬ lehˬ gʼa dawˇ haˍ jaˇ tuˬ yoˬ. Aˬ hto‸ ma pa taw nawˬ lehˬ da‸ jaˇ ve veu‸ kʼaˇ hta‸ veu‸ deh taˍ ve le. Aˬ hto‸ ma pa taw hpu hkʼeun shi hkʼeun tcuhˉ taˍ leh, nawˬ ve mehˆ shiˍ hta‸ nyi sha tuˬ naˆ tsuhˇ shehˍ taˍ ve le. Nawˬ lehˬ te‸ chiˉ tcuhˉ kuiˬ maˇ cawˬ ve awˬ hkʼaw lo, nawˬ ve awˬ to hta‸ nyi sha tuˬ awˬ hkiˇ shawˍ taˍ ve yoˬ. Nawˬ ha‸ ve chaw hui nawˬ hta‸ baˬ taˉ peuˬ leh, chi beu‸ nawˬ hta‸ tiˇ pehˍ gaˇ chehˇ ve yoˬ.
31
Yaˇ maˇ paw jaw sheˍ ve yaˇ miˇ teˇ gʼaˇ yaˇ paw tuˬ hkʼanˇ chehˇ ve hkʼe, hkʼanˇ chehˇ ve awˬ hkawˇ hta‸ ngaˬ gʼa kaˇ ve yoˬ. Awˬ hkawˇ oˇ ve lehˬ, Yeˍruˆsaˍlehnˍ venˇ hkʼanˇ chehˇ ve awˬ hkawˇ hpeh‸ ve yoˬ. Yawˇ lehˬ la‸ sheh che taˍ leh, Ngaˬ dawˇ haˍ jaˇ ve yoˬ. Yawˇ hui ngaˬ hta‸ tiˇ pehˍ tuˬ laˬ chehˇ ve yoˬ, teh‸ kʼoˆ ve yoˬ.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52